Cobra Rescue Viral Video: ਨਾ ਹੁੱਕ, ਨਾ ਚਿਮਟਾ… ਸਿਰਫ਼ PVC ਪਾਈਪ ਨਾਲ ਫੜਿਆ ਕੋਬਰਾ, ਵੀਡੀਓ ਦੇਖ ਕੇ ਲੋਕਾਂ ਦੇ ਉੱਡੇ ਹੋਸ਼

ਕੋਬਰਾ ਫੜਨ ਦਾ ਖ਼ਤਰਨਾਕ ਜੁਗਾੜ

ਅਕਸਰ ਤੁਸੀਂ ਦੇਖਿਆ ਹੋਵੇਗਾ ਕਿ ਪ੍ਰੋਫੈਸ਼ਨਲ ਸਨੇਕ ਕੈਚਰ ਹੁੱਕ, ਚਿਮਟੇ ਅਤੇ ਡੱਬੇ ਵਰਗੀਆਂ ਚੀਜ਼ਾਂ ਦੀ ਮਦਦ ਨਾਲ ਸੱਪਾਂ ਨੂੰ ਰੈਸਕਿਊ ਕਰਦੇ ਹਨ। ਪਰ ਇਸ ਵਾਰ ਸਾਹਮਣੇ ਆਈ ਵੀਡੀਓ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। @earth_tracker ਨਾਮ ਦੇ X ਅਕਾਊਂਟ ‘ਤੇ ਇਹ ਵੀਡੀਓ ਸ਼ੇਅਰ ਕੀਤੀ ਗਈ ਹੈ। ਕਲਿੱਪ ਵਿੱਚ ਪਿੱਛੇ ਪਿੰਡ ਵਰਗਾ ਮਾਹੌਲ ਨਜ਼ਰ ਆ ਰਿਹਾ ਹੈ।

ਕੱਚੀਆਂ ਇੱਟਾਂ ਦੀ ਇੱਕ ਕੰਧ ‘ਤੇ ਇੱਕ ਵੱਡਾ ਕੋਬਰਾ ਚੜ੍ਹਿਆ ਹੋਇਆ ਹੈ। ਉਹ ਫਨ ਫੈਲਾਏ ਪੂਰੀ ਤਰ੍ਹਾਂ ਅਲਰਟ ਮੋਡ ਵਿੱਚ ਨਜ਼ਰ ਆ ਰਿਹਾ ਹੈ। ਉਸ ਨੂੰ ਦੇਖ ਕੇ ਕੋਈ ਵੀ ਡਰ ਜਾਵੇ। ਇਸੇ ਦੌਰਾਨ ਹਰੇ ਰੰਗ ਦੀ ਟੀ-ਸ਼ਰਟ, ਜੀਨਸ ਅਤੇ ਟੋਪੀ ਪਾਇਆ ਇੱਕ ਸ਼ਖਸ ਹੱਥ ਵਿੱਚ ਚਿੱਟੇ ਰੰਗ ਦਾ PVC ਪਾਈਪ ਲੈ ਕੇ ਆਉਂਦਾ ਹੈ। ਪਾਈਪ ਦੇ ਅੱਗੇ ਵਾਲੇ ਹਿੱਸੇ ‘ਤੇ L-ਸ਼ੇਪ ਵਾਲੀ ਕੂਹਣੀ ਲੱਗੀ ਹੋਈ ਸੀ।

ਜੁਗਾੜ ਨਾਲ ਅਪਣਾਇਆ ਇਹ ਤਰੀਕਾ

ਬਿਨਾਂ ਕੋਈ ਘਬਰਾਹਟ ਦਿਖਾਏ ਉਹ ਹੌਲੀ-ਹੌਲੀ ਪਾਈਪ ਨੂੰ ਕੋਬਰਾ ਦੇ ਸਿਰ ਦੇ ਨੇੜੇ ਲੈ ਜਾਂਦਾ ਹੈ। ਕੋਬਰਾ ਵੀ ਫੁੰਕਾਰ ਮਾਰ ਰਿਹਾ ਹੁੰਦਾ ਹੈ। ਉਸ ਦੇ ਤੇਜ਼-ਤੇਜ਼ ਸਾਹ ਲੈਣ ਦੀ ਆਵਾਜ਼ ਵੀ ਵੀਡੀਓ ਵਿੱਚ ਸਾਫ਼ ਸੁਣਾਈ ਦੇ ਰਹੀ ਹੈ। ਫਿਰ ਕੁਝ ਹੀ ਸਕਿੰਟਾਂ ਵਿੱਚ ਜੋ ਹੁੰਦਾ ਹੈ, ਉਹ ਦੇਖਣ ਲਾਇਕ ਹੈ। ਕੋਬਰਾ ਦਾ ਸਿਰ ਸਿੱਧਾ ਪਾਈਪ ਦੇ ਅੰਦਰ ਚਲਾ ਜਾਂਦਾ ਹੈ। ਸ਼ਖਸ ਨੇ ਮੌਕੇ ਦਾ ਫਾਇਦਾ ਉਠਾਇਆ ਅਤੇ ਬਹੁਤ ਹੀ ਸਫਾਈ ਨਾਲ ਹੌਲੀ-ਹੌਲੀ ਸੱਪ ਨੂੰ ਉਸੇ ਪਾਈਪ ਦੇ ਅੰਦਰ ਖਿੱਚ ਲਿਆ। ਵੀਡੀਓ ਦੇ ਅਖੀਰ ਵਿੱਚ ਉਹ ਸ਼ਖਸ ਪਾਈਪ ਹੱਥ ਵਿੱਚ ਫੜ ਕੇ ਕੈਮਰੇ ਵੱਲ ਦੇਖਦਾ ਹੈ ਅਤੇ ਪਾਈਪ ਦੇ ਅੰਦਰ ਕੋਬਰਾ ਸਾਫ਼ ਨਜ਼ਰ ਆ ਰਿਹਾ ਹੁੰਦਾ ਹੈ।

ਵੀਡੀਓ ਵਾਇਰਲ ਹੁੰਦੇ ਹੀ ਕਮੈਂਟ ਸੈਕਸ਼ਨ ਵਿੱਚ ਮੀਮਜ਼ ਦੀ ਹੜ ਆ ਗਈ। ਲੋਕਾਂ ਨੇ ਇਸ ਸ਼ਖਸ ਦੀ ਹਿੰਮਤ ਦੀ ਜੰਮ ਕੇ ਤਾਰੀਫ਼ ਕੀਤੀ, ਪਰ ਨਾਲ ਹੀ ਇਸ ਨੂੰ ਬਹੁਤ ਖ਼ਤਰਨਾਕ ਵੀ ਦੱਸਿਆ। ਇੱਕ ਯੂਜ਼ਰ ਨੇ ਮਜ਼ਾਕ ਕਰਦੇ ਹੋਏ ਲਿਖਿਆ, ਪਰਾ ਜੀ, ਜ਼ਰਾ ਫੋਨ ਦੇਖੋ, ਸਵਰਗ ਤੋਂ 10 ਮਿਸਡ ਕਾਲਾਂ ਆਈਆਂ ਹੋਈਆਂ ਹਨ। ਤਾਂ ਦੂਜੇ ਨੇ ਲਿਖਿਆ, ਮੈਨੂੰ ਅੱਜ ਪਤਾ ਲੱਗਿਆ ਕਿ ਸੱਪ ਇੰਨੀ ਤੇਜ਼ ਸਾਹ ਲੈਂਦੇ ਹਨ ਅਤੇ ਇੰਨੀ ਜ਼ੋਰ ਨਾਲ ਗਰਜਦੇ ਹਨ। ਇੱਕ ਹੋਰ ਕਮੈਂਟ ਸਭ ਤੋਂ ਜ਼ਿਆਦਾ ਵਾਇਰਲ ਹੋਇਆ ਕਿ, ਇਹ ਭਾਰੀ-ਭਾਰੀ ਸਾਹਾਂ ਉਸ ਬੰਦੇ ਦੀਆਂ ਹਨ ਜਾਂ ਸੱਪ ਦੀਆਂ?

ਭਾਰਤ ਵਿੱਚ ਕੋਬਰਾ ਸਭ ਤੋਂ ਜ਼ਹਿਰੀਲੇ ਸੱਪਾਂ ਵਿੱਚੋਂ ਇੱਕ ਹੈ। ਇਸ ਦਾ ਇੱਕ ਵਾਰ ਡੰਗ ਮਾਰਨਾ ਵੀ ਜਾਨਲੇਵਾ ਹੋ ਸਕਦਾ ਹੈ। ਇਸ ਲਈ ਮਾਹਰ ਹਮੇਸ਼ਾ ਇਹੀ ਸਲਾਹ ਦਿੰਦੇ ਹਨ ਕਿ ਜੇਕਰ ਘਰ ਜਾਂ ਆਸ-ਪਾਸ ਕਿਤੇ ਸੱਪ ਦਿਖਾਈ ਦੇਵੇ ਤਾਂ ਖੁਦ ਹੀ ਹੀਰੋ ਬਣਨ ਦੀ ਕੋਸ਼ਿਸ਼ ਨਾ ਕਰੋ। ਸਿੱਧਾ ਸਥਾਨਕ ਸਨੇਕ ਰੈਸਕਿਊਅਰ ਟੀਮ ਜਾਂ ਵਣ ਵਿਭਾਗ ਨੂੰ ਫੋਨ ਕਰੋ। ਉਨ੍ਹਾਂ ਕੋਲ ਸਹੀ ਟ੍ਰੇਨਿੰਗ ਦੇ ਨਾਲ-ਨਾਲ ਸੁਰੱਖਿਆ ਲਈ ਢੁਕਵੇਂ ਔਜ਼ਾਰ ਵੀ ਹੁੰਦੇ ਹਨ।

ਇੱਥੇ ਦੇਖੋ ਵੀਡੀਓ

See how easily he catches a full-grown dangerous cobra with just a PVC pipe 🐍🔥 pic.twitter.com/ZpzFKhp54b

— Earth_Wanderer (@earth_tracker) August 21, 2026