ਯਮਰਾਜ ਨੂੰ ‘ਮਿਸਡ ਕਾਲ’ ਦੇ ਆਇਆ ਇਹ ਬਾਈਕਰ! ਮੀਂਹ ‘ਚ ਪਹਾੜੀ ਮੋੜ ‘ਤੇ ਵਾਪਰਿਆ ਅਜਿਹਾ ਹਾਦਸਾ, ਇੰਟਰਨੈੱਟ ‘ਤੇ ਮਚੀ ਹਲਚਲ

ਮੀਂਹ 'ਚ ਪਹਾੜੀ ਮੋੜ 'ਤੇ ਟਲਿਆ ਵੱਡਾ ਹਾਦਸਾ

Biker Narrow Escape Viral Video: ਪਹਾੜਾਂ ਦੀਆਂ ਖੂਬਸੂਰਤ ਵਾਦੀਆਂ ਵਿੱਚ ਮੀਂਹ ਦੌਰਾਨ ਬਾਈਕ ਚਲਾਉਣਾ ਹਰ ਰਾਈਡਰ ਦਾ ਸੁਪਨਾ ਹੁੰਦਾ ਹੈ। ਪਰ ਥੋੜ੍ਹੀ ਜਿਹੀ ਲਾਪਰਵਾਹੀ ਅਤੇ ਤੇਜ਼ ਰਫ਼ਤਾਰ ਇਸ ਸੁਹਾਣੇ ਸਫ਼ਰ ਨੂੰ ਪਲ ਭਰ ਵਿੱਚ ਡਰਾਉਣੇ ਤਜਰਬੇ ਵਿੱਚ ਬਦਲ ਸਕਦੀ ਹੈ। ਅਜਿਹਾ ਹੀ ਇੱਕ ਰੌਂਗਟੇ ਖੜ੍ਹੇ ਕਰ ਦੇਣ ਵਾਲਾ ਮੰਜ਼ਰ ਪੱਛਮੀ ਬੰਗਾਲ ਦੀਆਂ ਵਾਦੀਆਂ ਵਿੱਚ ਦੇਖਣ ਨੂੰ ਮਿਲਿਆ, ਜਿੱਥੇ ਇੱਕ ਬਾਈਕ ਸਵਾਰ ਖੱਡ ਵਿੱਚ ਡਿੱਗਣ ਤੋਂ ਵਾਲ-ਵਾਲ ਬਚ ਗਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਇਸ ਨੂੰ ਦੇਖ ਕੇ ਲੋਕ ਹੈਰਾਨ ਰਹਿ ਗਏ ਹਨ।

ਕੁਰਸਿਓਂਗ ਵਿਊ ਪੌਇੰਟ ਨੇੜੇ ਵਾਪਰਿਆ ਡਰਾਉਣਾ ਹਾਦਸਾ

ਇਹ ਘਟਨਾ ਸਿਲੀਗੁੜੀ ਅਤੇ ਦਾਰਜਿਲਿੰਗ ਦੇ ਵਿਚਕਾਰ ਸਥਿਤ ਖੂਬਸੂਰਤ ਹਿੱਲ ਸਟੇਸ਼ਨ ਕੁਰਸਿਓਂਗ ਵਿਊ ਪੌਇੰਟ ਨੇੜੇ ਦੀ ਹੈ। ਨੀਲੇ ਰੰਗ ਦਾ ਰੇਨਕੋਟ ਪਾਇਆ ਇੱਕ ਨੌਜਵਾਨ ਮੀਂਹ ਨਾਲ ਭਿੱਜੀ ਅਤੇ ਫਿਸਲਣ ਭਰੀ ਸੜਕ ‘ਤੇ ਕਾਫ਼ੀ ਤੇਜ਼ ਰਫ਼ਤਾਰ ਨਾਲ ਬਾਈਕ ਚਲਾ ਰਿਹਾ ਸੀ। ਪਹਾੜੀ ਸੜਕ ਦੇ ਇੱਕ ਤਿੱਖੇ ਮੋੜ ‘ਤੇ ਜਿਵੇਂ ਹੀ ਉਸ ਨੇ ਬਾਈਕ ਮੋੜਨ ਦੀ ਕੋਸ਼ਿਸ਼ ਕੀਤੀ, ਉਸ ਦਾ ਬਾਈਕ ਤੋਂ ਪੂਰੀ ਤਰ੍ਹਾਂ ਕੰਟਰੋਲ ਖੋ ਬੈਠਿਆ।

ਟੱਕਰ ਤੋਂ ਬਾਅਦ ਹਵਾ ਵਿੱਚ ਉੱਡੇ ਜੁੱਤੇ, ਬਚੀ ਤਾ ਸਿਰਫ ਜਾਨ

ਸੰਤੁਲਨ ਵਿਗੜਦੇ ਹੀ ਬਾਈਕ ਸੜਕ ਕਿਨਾਰੇ ਮੌਜੂਦ ਚੱਟਾਨ ਨਾਲ ਜਾ ਟਕਰਾਈ। ਸੜਕ ਦੇ ਦੂਜੇ ਪਾਸੇ ਸੈਂਕੜੇ ਫੁੱਟ ਡੂੰਘੀ ਖੱਡ ਸੀ। ਟੱਕਰ ਇੰਨੀ ਜ਼ੋਰਦਾਰ ਸੀ ਕਿ ਬਾਈਕ ਸਵਾਰ ਦੇ ਜੁੱਤੇ ਵੀ ਹਵਾ ਵਿੱਚ ਉੱਡ ਕੇ ਦੂਰ ਜਾ ਡਿੱਗੇ। ਖੁਸ਼ਕਿਸਮਤੀ ਨਾਲ ਉਹ ਸੜਕ ‘ਤੇ ਹੀ ਡਿੱਗਿਆ ਅਤੇ ਖੱਡ ਵਿੱਚ ਡਿੱਗਣ ਤੋਂ ਵਾਲ-ਵਾਲ ਬਚ ਗਿਆ। ਹਾਲਾਂਕਿ, ਉਸ ਦੀ ਬਾਈਕ ਬੇਕਾਬੂ ਹੋ ਕੇ ਢਲਾਣ ਵੱਲ ਹੇਠਾਂ ਜਾ ਡਿੱਗੀ।

ਵੀਡੀਓ ਦੇਖ ਕੇ ਨੈਟੀਜ਼ਨਜ਼ ਨੇ ਕੀਤੀਆਂ ਦਿਲਚਸਪ ਟਿੱਪਣੀਆਂ

ਇਹ ਡਰਾਉਣੀ ਵੀਡੀਓ ਜੈਗਾਂਵ ਦੇ ਡਿਜ਼ਿਟਲ ਕ੍ਰੀਏਟਰ ਬੱਪੀ ਬਰਮਨ ਨੇ ਇੰਸਟਾਗ੍ਰਾਮ ‘ਤੇ ਸਾਂਝੀ ਕੀਤੀ ਸੀ। ਵੀਡੀਓ ਵਾਇਰਲ ਹੁੰਦੇ ਹੀ ਕਮੈਂਟਸ ਦੀ ਬਾਰਿਸ਼ ਹੋ ਗਈ। ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਤਾਂ ਯਮਰਾਜ ਦੀ ਮਿਸਡ ਕਾਲ ਸੀ, ਜੋ ਰਿਸੀਵ ਨਹੀਂ ਹੋਈ।” ਦੂਜੇ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਕਿਹਾ, “ਬੰਦੇ ਨੂੰ ਆਪਣੀ ਜਾਨ ਨਾਲੋਂ ਬਾਈਕ ਦੀ ਵੱਧ ਚਿੰਤਾ ਸੀ, ਉੱਠਦੇ ਹੀ ਸਭ ਤੋਂ ਪਹਿਲਾਂ ਬਾਈਕ ਵੱਲ ਦੌੜ ਪਿਆ।” ਕਈ ਲੋਕਾਂ ਨੇ ਇਸ ਘਟਨਾ ਨੂੰ ਲਾਪਰਵਾਹੀ ਦਾ ਨਤੀਜਾ ਦੱਸਦਿਆਂ ਲਿਖਿਆ ਕਿ ਪਹਾੜੀ ਸੜਕਾਂ ‘ਤੇ ਮੋੜਾਂ ਦੌਰਾਨ ਧਿਆਨ ਭਟਕਾਉਣਾ ਅਤੇ ਤੇਜ਼ ਰਫ਼ਤਾਰ ਨਾਲ ਵਾਹਨ ਚਲਾਉਣਾ ਹਾਦਸਿਆਂ ਨੂੰ ਸੱਦਾ ਦੇਣ ਦੇ ਬਰਾਬਰ ਹੈ।

ਇੱਥੇ ਦੇਖੋ ਹਾਦਸੇ ਦੀ ਰੌਂਗਟੇ ਖੜ੍ਹੇ ਕਰ ਦੇਣ ਵਾਲੀ ਵਾਇਰਲ ਵੀਡੀਓ