OMG: 12 ਫੁੱਟ ਲੰਬੇ ਕਿੰਗ ਕੋਬਰਾ ਨੂੰ ਦੇਖ ਕੇ ਪਰਿਵਾਰ ਵਾਲਿਆਂ ਦੇ ਉੱਡ ਗਏ ਹੋਸ਼, ਹੈਰਾਨ ਕਰ ਦੇਵੇਗੀ VIDEO
OMG: 12 ਫੁੱਟ ਲੰਬੇ ਕਿੰਗ ਕੋਬਰਾ ਨੂੰ ਦੇਖਣ ਦੀ ਇਹ ਘਟਨਾ ਕਰਨਾਟਕ ਦੇ ਅਗੁਮਬੇ 'ਚ ਵਾਪਰੀ ਹੈ। ਅਗੁੰਬੇ ਰੇਨਫੋਰੈਸਟ ਰਿਸਰਚ ਸੈਂਟਰ (ਏਆਰਆਰਐਸ) ਦੇ ਫੀਲਡ ਡਾਇਰੈਕਟਰ ਅਜੇ ਗਿਰੀ ਨੇ ਇੰਸਟਾਗ੍ਰਾਮ 'ਤੇ ਸੱਪ ਦੇ ਬਚਾਅ ਦਾ ਵੀਡੀਓ ਸਾਂਝਾ ਕੀਤਾ ਹੈ। ਕਿੰਗ ਕੋਬਰਾ ਦਾ ਭਿਆਨਕ ਰੂਪ ਦੇਖ ਕੇ ਲੋਕ ਡਰ ਗਏ ਹਨ।
ਕਲਪਨਾ ਕਰੋ ਕਿ ਤੁਸੀਂ ਆਪਣੇ ਘਰ ਦੇ ਬਗੀਚੇ ਵਿੱਚ ਸੈਰ ਕਰ ਰਹੇ ਹੋ, ਅਤੇ ਅਚਾਨਕ ਤੁਹਾਨੂੰ ਇੱਕ 12 ਫੁੱਟ ਲੰਬਾ ਕੋਬਰਾ ਇੱਕ ਦਰੱਖਤ ਉੱਤੇ ਫੈਲਿਆ ਹੋਇਆ ਦਿਖਾਈ ਦਿੰਦਾ ਹੈ, ਤੁਸੀਂ ਕੀ ਕਰੋਗੇ? ਜ਼ਾਹਿਰ ਹੈ, ਇਸ ਨੂੰ ਦੇਖ ਕੇ ਹੀ ਤੁਹਾਡੀ ਰੂੰਹ ਕੰਬ ਜਾਵੇਗੀ। ਕੁਝ ਅਜਿਹਾ ਹੀ ਹਾਲ ਹੀ ਕਰਨਾਟਕ ਦੇ ਅਗੁਮਬੇ ‘ਚ ਇਕ ਪਰਿਵਾਰ ਨਾਲ ਹੋਇਆ, ਜਦੋਂ ਝਾੜੀਆਂ ‘ਚ ਇਕ ਵਿਸ਼ਾਲ ਕਿੰਗ ਕੋਬਰਾ ਨੂੰ ਲੁਕਿਆ ਦੇਖ ਕੇ ਪਰਿਵਾਰ ਦੇ ਮੈਂਬਰਾਂ ਨੂੰ ਸੱਪ ਸੁੰਘ ਗਿਆ। ਉਨ੍ਹਾਂ ਨੇ ਤੁਰੰਤ ਜੰਗਲਾਤ ਵਿਭਾਗ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਸੱਪ ਨੂੰ ਫੜ ਲਿਆ ਗਿਆ। ਇਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਹੈ, ਜਿਸ ‘ਚ ਕਿੰਗ ਕੋਬਰਾ ਦਾ ਭਿਆਨਕ ਰੂਪ ਦੇਖ ਕੇ ਲੋਕ ਡਰ ਗਏ ਹਨ।
ਇਸ ਵੀਡੀਓ ਨੂੰ ਅਗੁੰਬੇ ਰੇਨਫੋਰੈਸਟ ਰਿਸਰਚ ਸੈਂਟਰ (ARRS) ਦੇ ਫੀਲਡ ਡਾਇਰੈਕਟਰ ਅਜੇ ਗਿਰੀ ਨੇ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਇਹ ਘਟਨਾ ਇਕ ਰਿਹਾਇਸ਼ੀ ਇਲਾਕੇ ‘ਚ ਵਾਪਰੀ ਜਦੋਂ ਜੰਗਲਾਤ ਅਧਿਕਾਰੀਆਂ ਨੂੰ ਫੋਨ ਆਇਆ ਕਿ ਇਕ ਘਰ ਦੇ ਬਾਹਰ ਝਾੜੀਆਂ ‘ਚ ਇਕ ਵੱਡਾ ਕੋਬਰਾ ਫਸਿਆ ਹੋਇਆ ਹੈ। ਸੱਪ ਨੂੰ ਬਚਾਉਣ ਤੋਂ ਬਾਅਦ ਸੁਰੱਖਿਅਤ ਜੰਗਲੀ ਖੇਤਰ ਵਿੱਚ ਛੱਡ ਦਿੱਤਾ ਗਿਆ।
View this post on Instagram
ਵੀਡੀਓ ਵਿੱਚ ਕੋਬਰਾ ਜਿੰਨਾ ਡਰਾਉਣਾ ਨਜ਼ਰ ਆ ਰਿਹਾ ਹੈ, ਕਲਪਨਾ ਕਰੋ ਕਿ ਉਸ ਘਰ ਦੇ ਲੋਕਾਂ ਨਾਲ ਕੀ ਬੀਤੀ ਹੋਵੇਗੀ ਜਿਨ੍ਹਾਂ ਨੇ ਇਸਨੂੰ ਪਹਿਲੀ ਵਾਰ ਦੇਖਿਆ ਹੋਵੇਗਾ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਸੱਪ ਕਿੰਨਾ ਲੰਬਾ ਅਤੇ ਮੋਟਾ ਹੈ। ਇਸ ਦੇ ਨਾਲ ਹੀ ਚਿਹਰੇ ‘ਤੇ ਗੁੱਸਾ ਸਾਫ ਦਿਖਾਈ ਦੇ ਰਿਹਾ ਹੈ। ਸੱਪ ਨੂੰ ਬਚਾਉਣ ਲਈ ਜੰਗਲਾਤ ਵਿਭਾਗ ਦੀ ਟੀਮ ਨੇ ਬੜੀ ਸਾਵਧਾਨੀ ਨਾਲ ਇਸ ਨੂੰ ਝਾੜੀਆਂ ਵਿੱਚੋਂ ਕੱਢਿਆ ਅਤੇ ਫਿਰ ਜੰਗਲ ਵਿੱਚ ਛੱਡ ਦਿੱਤਾ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- ਕਾਂ ਦੀ ਕਾਂ-ਕਾਂ ਤੋਂ ਤੰਗ ਆ ਕੇ ਸ਼ਖਸ ਨੇ ਰੱਸੀ ਨਾਲ ਬੰਨ੍ਹਿਆ, ਤਾਂ ਬਚਾਉਣ ਲਈ ਆਈ ਕਾਂਵਾਂ ਦੀ ਫੌਜ
ਅਜੇ ਗਿਰੀ ਨੇ ਦੱਸਿਆ ਕਿ ਇਸ ਕਿੰਗ ਕੋਬਰਾ ਨੂੰ ਪਹਿਲਾਂ ਇਲਾਕੇ ਦੀ ਇੱਕ ਮੁੱਖ ਸੜਕ ਪਾਰ ਕਰਦੇ ਦੇਖਿਆ ਗਿਆ ਅਤੇ ਬਾਅਦ ਵਿੱਚ ਇੱਕ ਘਰ ਦੇ ਅਹਾਤੇ ਵਿੱਚ ਝਾੜੀਆਂ ਵਿੱਚ ਲੁਕ ਗਿਆ। ਮੌਕੇ ਤੋਂ ਸ਼ੇਅਰ ਕੀਤੀ ਵੀਡੀਓ ਵਿੱਚ, ਇੱਕ ਵਿਸ਼ਾਲ ਅਤੇ ਮੋਟੇ ਕਿੰਗ ਕੋਬਰਾ ਨੂੰ ਦਰੱਖਤ ਦੀ ਟਾਹਣੀ ‘ਤੇ ਆਪਣੀ ਹੁੱਡ ਫੈਲਾ ਕੇ ਬੈਠਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਸੱਪ ਸੜਕ ‘ਤੇ ਰੇਂਗਦੇ ਸਮੇਂ ਲੋਕਾਂ ਦੀ ਮੌਜੂਦਗੀ ਤੋਂ ਪ੍ਰੇਸ਼ਾਨ ਹੋ ਗਿਆ ਹੋਣਾ।
