Shocking Video: ਪਤੀ ਜਾਂ ਜਲਾਦ? ਪਤਨੀ ‘ਤੇ 11 ਸਕਿੰਟਾਂ ‘ਚ 19 ਵਾਰ ਚਾਕੂ ਨਾਲ ਹਮਲਾ
husband attacked on wife: ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ 'ਚ ਇਕ ਪਤੀ ਨੇ ਆਪਣੀ ਪਤਨੀ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਔਰਤ ਘਰੋਂ ਪਨੀਰ ਖਰੀਦਣ ਲਈ ਨਿਕਲੀ ਸੀ। ਇਸ ਦੌਰਾਨ ਪਤੀ ਨੇ ਪਤਨੀ ਨੂੰ ਪਿੱਛੇ ਤੋਂ ਫੜ ਲਿਆ ਅਤੇ 11 ਸਕਿੰਟਾਂ ਵਿੱਚ 10 ਵਾਰ ਹਮਲਾ ਕੀਤਾ। ਔਰਤ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਈ ਹੈ। ਪੁਲਸ ਨੇ ਦੋਸ਼ੀ ਪਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਯੂਪੀ ਵਿੱਚ ਇੱਕ ਪਤੀ ਨੇ ਬਾਜ਼ਾਰ ਦੇ ਵਿਚਕਾਰ ਆਪਣੀ ਪਤਨੀ ਉੱਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਪਤੀ ਨੇ ਸਬਜ਼ੀ ਦੀ ਦੁਕਾਨ ਦੇ ਸਾਹਮਣੇ ਖੜ੍ਹੀ ਪਤਨੀ ‘ਤੇ 11 ਸਕਿੰਟਾਂ ‘ਚ 19 ਵਾਰ ਚਾਕੂ ਨਾਲ ਹਮਲਾ ਕੀਤਾ। ਮਹਿਲਾ ‘ਤੇ ਹੋਏ ਹਮਲੇ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ। ਮਾਮਲਾ ਡਾਲੀਗੰਜ ਇਲਾਕੇ ਦਾ ਹੈ ਜਿੱਥੇ ਪਰਿਵਾਰਕ ਝਗੜੇ ਕਾਰਨ ਪਤੀ ਨੇ 11 ਸਕਿੰਟਾਂ ‘ਚ 19 ਵਾਰ ਚਾਕੂ ਨਾਲ ਪਤਨੀ ‘ਤੇ ਹਮਲਾ ਕਰ ਦਿੱਤਾ। ਬਾਜ਼ਾਰ ਦੇ ਵਿਚਕਾਰ ਪਤੀ ਲਗਾਤਾਰ ਪਤਨੀ ਤੇ ਹਮਲਾ ਕਰ ਰਿਹਾ ਸੀ ਪਰ ਲੋਕ ਖੜ੍ਹੇ ਹੋ ਕੇ ਤਮਾਸ਼ਾ ਦੇਖ ਰਹੇ ਸਨ। ਇਸ ਦੌਰਾਨ ਇਕ ਵਿਅਕਤੀ ਨੇ ਹਿੰਮਤ ਦਿਖਾਉਂਦੇ ਹੋਏ ਔਰਤ ਨੂੰ ਉਸ ਦੇ ਜਲਾਦ ਪਤੀ ਤੋਂ ਬਚਾਇਆ।
ਇਸ ਘਟਨਾ ਤੋਂ ਬਾਅਦ ਹਮਲਾ ਪਤੀ ਮੌਕੇ ਤੋਂ ਫਰਾਰ ਹੋ ਗਿਆ ਹੈ। ਇਸ ਤੋਂ ਬਾਅਦ ਉਸ ਨੇ ਸ਼ਹਿਰ ਛੱਡਣ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਨੇ ਉਸ ਨੂੰ ਕੈਸਰਬਾਗ ਬੱਸ ਸਟੈਂਡ ਤੋਂ ਗ੍ਰਿਫ਼ਤਾਰ ਕਰ ਲਿਆ।
ਲਗਾਤਾਰ ਕੀਤੇ 19 ਵਾਰ
ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਬਰੌਲੀਆ, ਡਾਲੀਗੰਜ ਦੀ ਰਹਿਣ ਵਾਲੀ ਸੁਮਨ ਨਿਸ਼ਾਦ ਐਤਵਾਰ ਸਵੇਰੇ ਲੰਬੇਸ਼ਵਰ ਪਾਰਕ ਨੇੜੇ ਪਨੀਰ ਖਰੀਦਣ ਗਈ ਸੀ। ਇਸ ਦੌਰਾਨ ਉਸ ਦਾ ਪਤੀ ਬ੍ਰਿਜਮੋਹਨ ਨਿਸ਼ਾਦ ਉਰਫ਼ ਦੁਰਬਲ ਆਪਣੀ ਪਤਨੀ ਨੂੰ ਕਤਲ ਕਰਨ ਦੀ ਨੀਅਤ ਨਾਲ ਉਸ ਦਾ ਪਿੱਛਾ ਕਰ ਰਿਹਾ ਸੀ। ਦਰਬੁਲ ਨੇ ਸੁਮਨ ਨੂੰ ਸਬਜ਼ੀ ਦੇ ਸਟਾਲ ਦੇ ਸਾਹਮਣੇ ਤੋਂ ਫੜ ਲਿਆ ਅਤੇ ਫਿਰ ਚਾਕੂ ਨਾਲ ਲਗਾਤਾਰ 19 ਵਾਰ ਕੀਤੇ। ਹਮਲੇ ਤੋਂ ਬਾਅਦ ਔਰਤ ਜ਼ਮੀਨ ‘ਤੇ ਡਿੱਗ ਗਈ। ਇਸ ਤੋਂ ਬਾਅਦ ਵੀ ਪਤੀ ਵੀ ਮੌਕੇ ਤੋਂ ਫ਼ਰਾਰ ਹੋ ਗਿਆ।
CCTV ਚ ਕੈਦ ਹੋਈ ਵਾਰਦਾਤ
CCTV ਦੀਆਂ ਤਸਵੀਰਾਂ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਉਸਦੇ ਪਤੀ ਨੇ ਔਰਤ ਦੇ ਚਿਹਰੇ, ਗਰਦਨ, ਛਾਤੀ ਅਤੇ ਹੱਥਾਂ ‘ਤੇ ਚਾਕੂ ਨਾਲ ਕਈ ਵਾਰ ਵਾਰ ਕੀਤੇ ਹਨ। ਡਾਲੀਗੰਜ ‘ਚ ਸੜਕ ‘ਤੇ ਇਕ ਔਰਤ ‘ਤੇ ਸ਼ਰੇਆਮ ਹਮਲਾ ਕੀਤਾ ਜਾ ਰਿਹਾ ਸੀ ਤੇ ਲੋਕ ਤਮਾਸ਼ਬੀਨ ਬਣ ਕੇ ਖੜ੍ਹੇ ਸਨ। ਉਦੋਂ ਇੱਕ ਵਿਅਕਤੀ ਉੱਥੇ ਪਹੁੰਚਿਆ ਅਤੇ ਪਤੀ ਨੂੰ ਅਜਿਹਾ ਕਰਨ ਤੋਂ ਰੋਕਿਆ। ਘਟਨਾ ਤੋਂ ਬਾਅਦ ਵੀ ਉੱਥੇ ਮੌਜੂਦ ਕਿਸੇ ਨੇ ਉਸ ਦੀ ਮਦਦ ਨਹੀਂ ਕੀਤੀ। ਲੋਕ ਉਸ ਨੂੰ ਦੂਰ ਜਾਣ ਲਈ ਕਹਿ ਰਹੇ ਸਨ। ਮਹਿਲਾ ‘ਤੇ ਹੋਏ ਹਮਲੇ ਦੀ ਤਸਵੀਰ ਸੀਸੀਟੀਵੀ ‘ਚ ਕੈਦ ਹੋ ਗਈ ਹੈ।
ਪੁਲਿਸ ਅੜਿੱਕੇ ਚੜ੍ਹਿਆ ਮੁਲਜ਼ਮ
ਘਟਨਾ ਤੋਂ ਬਾਅਦ ਖੂਨ ਨਾਲ ਲੱਥਪੱਥ ਸੁਮਨ ਨੇ ਹਸਨਗੰਜ ਥਾਣੇ ‘ਚ ਆਪਣੇ ਪਤੀ ਦੀ ਸ਼ਿਕਾਇਤ ਕੀਤੀ। ਇਸ ਮਾਮਲੇ ‘ਚ ਥਾਣਾ ਹਸਨਗੰਜ ਦੇ ਇੰਸਪੈਕਟਰ ਬ੍ਰਿਜੇਸ਼ ਸਿੰਘ ਨੇ ਦੱਸਿਆ ਕਿ ਸੁਮਨ ਪੁੱਤਰ ਰਾਹੁਲ ਨਿਸ਼ਾਦ ਦੀ ਸ਼ਿਕਾਇਤ ‘ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਜਾਂਚ ‘ਚ ਜੁਟੀ ਪੁਲਿਸ ਦੀ ਟੀਮ ਨੇ ਬ੍ਰਿਜਮੋਹਨ ਨੂੰ ਕੈਸਰਬਾਗ ਬੱਸ ਸਟੈਂਡ ਤੋਂ ਗ੍ਰਿਫਤਾਰ ਕੀਤਾ ਹੈ। ਅਤੇ ਅੱਗੇ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
