Viral: 4,000 ਮੀਟਰ ਦੀ ਉਚਾਈ ‘ਤੇ ਉੱਗਦਾ ਹੈ ਇਹ ਇਨਸਾਨ ਤੋਂ ਵੀ ਲੰਬਾ ਫੁੱਲ, ਕਹਿਲਾਉਂਦਾ ਹੈ ‘ਹਿਮਾਲੀਅਨ ਹੀਰਾ’ ਵੇਖੋ ਵੀਡੀਓ
Shocking Video: ਜਾਣੋ ਹਿਮਾਲਿਆ ਦੀ 4,000 ਮੀਟਰ ਦੀ ਉਚਾਈ 'ਤੇ ਪਾਏ ਜਾਣ ਵਾਲੇ 'ਡਾਇਮੰਡ ਫਲਾਵਰ' (ਕੇਂਜੋ) ਬਾਰੇ। ਜੋ 7 ਤੋਂ 15 ਸਾਲਾਂ ਵਿੱਚ ਇੱਕ ਵਾਰ ਖਿੜਦਾ ਹੈ ਅਤੇ ਇਨਸਾਨਾਂ ਤੋਂ ਵੀ ਲੰਬਾ ਹੁੰਦਾ ਹੈ। ਨਹੀਂ ਯਕੀਨ ਆਉਂਦਾ ਤਾਂ ਇਹ ਵਾਇਰਲ ਵੀਡੀਓ ਦੇਖ ਲਵੋ।
Image Credit source: Instagram/@bishallimbu763
Himalayan Diamond Flower Kenjo: ਕੁਦਰਤ ਸਾਨੂੰ ਕਦੋਂ ਅਤੇ ਕਿੱਥੇ ਹੈਰਾਨ ਕਰ ਦੇਵੇਗੀ, ਕਿਹਾ ਨਹੀਂ ਜਾ ਸਕਦਾ। ਹਿਮਾਲਿਆ ਦੀਆਂ ਵਾਦੀਆਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨਾਲ ਹਰ ਕੋਈ ਹੈਰਾਨ ਰਹਿ ਗਿਆ ਹੈ। ਵੀਡੀਓ ਵਿੱਚ ਇੱਕ ਦੁਰਲੱਭ ਫੁੱਲ ਨਜਰ ਆ ਰਿਹਾ ਹੈ ਜੋ ਆਪਣੀ ਲੰਬਾਈ ਅਤੇ ਵਿਲੱਖਣ ਦਿੱਖ ਕਾਰਨ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਆਓ ਜਾਣਦੇ ਹਾਂ ਇਸ ‘ਡਾਇਮੰਡ ਫਲਾਵਰ’ ਦੇ ਪਿੱਛੇ ਦੀ ਪੂਰੀ ਕਹਾਣੀ।
ਕੀ ਹੈ ਇਹ ‘ਡਾਇਮੰਡ ਫਲਾਵਰ’ ?
ਇਸ ਵਿਲੱਖਣ ਪੌਦੇ ਨੂੰ ਸੋਸ਼ਲ ਮੀਡੀਆ ‘ਤੇ ‘ਡਾਇਮੰਡ ਫਲਾਵਰ’ (Diamond Flower) ਕਿਹਾ ਜਾ ਰਿਹਾ ਹੈ। ਹਾਲਾਂਕਿ, ਵਿਗਿਆਨਕ ਅਤੇ ਸਥਾਨਕ ਭਾਸ਼ਾ ਵਿੱਚ, ਇਸਨੂੰ ਪਦਮਚਾਲ (Rheum Nobile) ਜਾਂ ਕੇਂਜੋ (Kenjo) ਵਜੋਂ ਜਾਣਿਆ ਜਾਂਦਾ ਹੈ। ਇਸਦੀ ਚਮਕਦਾਰ ਅਤੇ ਵਿਲੱਖਣ ਦਿੱਖ ਕਰਕੇ ਲੋਕ ਇਸਨੂੰ ਪਿਆਰ ਨਾਲ “ਹਿਮਾਲੀਅਨ ਹੀਰਾ” ਕਹਿੰਦੇ ਹਨ।
7 ਸਾਲਾਂ ਵਿੱਚ ਸਿਰਫ਼ ਇੱਕ ਵਾਰ ਖਿੜਦਾ ਹੈ!
ਇਸ ਪੌਦੇ ਦਾ ਸਭ ਤੋਂ ਹੈਰਾਨੀਜਨਕ ਪਹਿਲੂ ਇਸਦਾ ਜੀਵਨ ਚੱਕਰ ਹੈ। ਜਦੋਂ ਕਿ ਆਮ ਫੁੱਲ ਹਰ ਸਾਲ ਖਿੜਦੇ ਹਨ, ਇਹ ਪੌਦਾ ਆਪਣੇ ਪੂਰੇ ਜੀਵਨ ਕਾਲ ਵਿੱਚ ਸਿਰਫ਼ ਇੱਕ ਵਾਰ ਹੀ ਖਿੜਦਾ ਹੈ। ਇੱਕ ਫੁੱਲ ਨੂੰ ਖਿੜਨ ਲਈ 7 ਤੋਂ 15 ਸਾਲ ਤੱਕ ਦਾ ਸਮਾਂ ਲੱਗਦਾ ਹੈ। ਇਹੀ ਕਾਰਨ ਹੈ ਕਿ ਹਰ ਕੋਈ ਇਸਨੂੰ ਦੇਖਣਾ ਹਰ ਕਿਸੇ ਦੇ ਨਸੀਬ ਵਿੱਚ ਨਹੀਂ ਹੁੰਦਾ ਅਤੇ ਜਿਵੇਂ ਹੀ ਇਹ ਪੂਰੀ ਤਰ੍ਹਾਂ ਖਿੜਦਾ ਹੈ, ਇਸਦਾ ਜੀਵਨ ਚੱਕਰ ਵੀ ਪੂਰਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ।
ਇਨਸਾਨਾਂ ਨਾਲੋਂ ਵੀ ਲੰਬਾ ਹੁੰਦਾ ਹੈ ਇਹ ਫੁੱਲ
ਰਿਪੋਰਟਾਂ ਦੇ ਅਨੁਸਾਰ, ਇਸ ਪੌਦੇ ਦੀ ਲੰਬਾਈ 3.2 ਫੁੱਟ ਤੋਂ 6.5 ਫੁੱਟ ਤੱਕ ਹੁੰਦੀ, ਮਤਲਬ ਇਹ ਕਿਸੇ ਲੰਬੇ-ਤਗੜੇ ਬਾਲਗ ਇਨਸਾਨ ਨਾਲੋਂ ਵੀ ਉੱਚੇ ਹੋ ਸਕਦੇ ਹਨ। ਵਾਇਰਲ ਵੀਡੀਓ ਵਿੱਚ ਸਪੱਸ਼ਟ ਤੌਰ ‘ਤੇ ਨਜਰ ਆ ਰਿਹਾ ਹੈ ਕਿ ਇਹ ਪੌਦਾ ਪਹਾੜੀ ਰਸਤਿਆਂ ਦੇ ਵਿਚਕਾਰ ਇਨਸਾਨਾਂ ਵਿਚਕਾਰ ਖੜ੍ਹਾ ਹੈ।
4,000 ਮੀਟਰ ਦੀ ਉਚਾਈ ‘ਤੇ ਮਿਲਦਾ ਹੈ ਇਹ ਫੁੱਲ
ਇਹ ਦੁਰਲੱਭ ਪੌਦਾ ਆਮ ਖੇਤਰਾਂ ਵਿੱਚ ਨਹੀਂ ਉੱਗਦਾ। ਇਹ ਹਿਮਾਲਿਆ ਦੇ ਠੰਡੇ ਅਤੇ ਪਥਰੀਲੇ ਖੇਤਰਾਂ ਵਿੱਚ, ਸਮੁੰਦਰ ਤਲ ਤੋਂ ਲਗਭਗ 4,000 ਮੀਟਰ (13,000 ਫੁੱਟ) ਜਾਂ ਇਸ ਤੋਂ ਵੱਧ ਦੀ ਉਚਾਈ ‘ਤੇ ਪਾਇਆ ਜਾਂਦਾ ਹੈ। ਇੰਨੀ ਜ਼ਿਆਦਾ ਠੰਡ ਅਤੇ ਆਕਸੀਜਨ ਦੀ ਘਾਟ ਦੇ ਬਾਵਜੂਦ, ਇਸਦਾ ਇਸ ਤਰ੍ਹਾਂ ਖਿੜਨਾ ਸੱਚਮੁੱਚ ਕੁਦਰਤ ਦਾ ਚਮਤਕਾਰ ਹੈ।
ਇਹ ਵੀ ਪੜ੍ਹੋ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਵਧੀ ਚਿੰਤਾ
ਵਾਇਰਲ ਵੀਡੀਓ ਵਿੱਚ, ਕੁਝ ਲੋਕ ਇਸ ਵਿਲੱਖਣ ਫੁੱਲ ਨੂੰ ਛੂਹਦੇ ਅਤੇ ਤੋੜਦੇ ਦਿਖਾਈ ਦੇ ਰਹੇ ਹਨ, ਜਿਸ ਨੇ ਸੋਸ਼ਲ ਮੀਡੀਆ ਯੂਜਰਸ ਨੂੰ ਨਾਰਾਜ਼ ਕਰ ਦਿੱਤਾ ਹੈ। ਲੋਕ ਕਹਿ ਰਹੇ ਹਨ ਕਿ ਅਜਿਹੀ ਦੁਰਲੱਭ ਅਤੇ ਕੀਮਤੀ ਕੁਦਰਤੀ ਸੁੰਦਰਤਾ ਨੂੰ ਨੁਕਸਾਨ ਨਹੀਂ ਪਹੁੰਚਾਉਣਾ ਚਾਹੀਦਾ।