‘ਬਲੈਕ ਟੈਕਸੀ’.., ਮੁਸੀਬਤ ‘ਚ ਫਸੇ ਹਰਭਜਨ ਸਿੰਘ, ਜੋਫਰਾ ਆਰਚਰ ‘ਤੇ ਕੀਤੀ ਨਸਲੀ ਟਿੱਪਣੀ, ਮਚਿਆ ਹੰਗਾਮਾ
Harbhajan Singh Black Taxi Viral Video: ਕੁਮੈਂਟੇਟਰ ਅਤੇ ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ ਆਈਪੀਐਲ 2025 ਵਿੱਚ ਵਿਵਾਦਾਂ ਵਿੱਚ ਘਿਰੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਰਾਜਸਥਾਨ ਰਾਇਲਜ਼ ਦੇ ਮੈਚ ਦੌਰਾਨ ਜੋਫਰਾ ਆਰਚਰ 'ਤੇ ਟਿੱਪਣੀ ਕੀਤੀ ਸੀ। ਜਿਸ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਜ਼ਿਆਦਾ ਚਰਚਾ ਹੋ ਰਹੀ ਹੈ। ਆਰਚਰ ਨੂੰ ਲੰਡਨ ਦੀ ਕਾਲੀ ਟੈਕਸੀ ਕਹਿਣ 'ਤੇ ਵਿਵਾਦ ਖੜ੍ਹਾ ਹੋ ਗਿਆ ਹੈ।
ਸਾਬਕਾ ਭਾਰਤੀ ਦਿੱਗਜ ਹਰਭਜਨ ਸਿੰਘ ਮੁਸੀਬਤ ਵਿੱਚ ਫਸ ਗਏ ਹਨ। ਕੁਮੈਂਟਰੀ ਦੌਰਾਨ ਭੱਜੀ ਨੇ ਜੋਫਰਾ ਆਰਚਰ ਬਾਰੇ ਕੁਝ ਅਜਿਹੀਆਂ ਗੱਲਾਂ ਕਹੀਆਂ ਜਿਨ੍ਹਾਂ ਨੇ ਪ੍ਰਸ਼ੰਸਕਾਂ ਵਿੱਚ ਹਲਚਲ ਮਚਾ ਦਿੱਤੀ। ਦਰਅਸਲ, ਆਈਪੀਐਲ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਰਾਜਸਥਾਨ ਰਾਇਲਜ਼ (SRH ਬਨਾਮ RR) ਵਿਚਕਾਰ ਖੇਡੇ ਗਏ ਮੈਚ ਦੌਰਾਨ ਕੁਮੈਂਟਰੀ ਕਰਦੇ ਸਮੇਂ, ਸਾਬਕਾ ਸਪਿਨਰ ਨੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਨੂੰ ਨਿਸ਼ਾਨਾ ਬਣਾਇਆ ਅਤੇ ਉਨ੍ਹਾਂ ਨੂੰ ‘ਕਾਲੀ ਟੈਕਸੀ’ ਕਿਹਾ, ਜਿਸ ਤੋਂ ਬਾਅਦ ਪ੍ਰਸ਼ੰਸਕ ਭੱਜੀ ‘ਤੇ ਆਪਣਾ ਗੁੱਸਾ ਕੱਢ ਰਹੇ ਹਨ। ਭੱਜੀ ਵੱਲੋਂ ਕਹੇ ਗਏ ਇਸ ਸ਼ਬਦ ਨੇ ਸੋਸ਼ਲ ਮੀਡੀਆ ‘ਤੇ ਹਲਚਲ ਮਚਾ ਦਿੱਤੀ ਹੈ। ਕੁਮੈਂਟਰੀ ਦੌਰਾਨ ਭੱਜੀ ਨੂੰ ਇਹ ਕਹਿੰਦੇ ਸੁਣਿਆ ਗਿਆ, “ਲੰਡਨ ਵਿੱਚ ਕਾਲੀ ਟੈਕਸੀ ਦਾ ਮੀਟਰ ਤੇਜ਼ ਚੱਲਦਾ ਹੈ, ਅਤੇ ਇੱਥੇ ਆਰਚਰ ਸਾਹਿਬ ਦਾ ਮੀਟਰ ਵੀ ਤੇਜ਼ ਚੱਲਦਾ ਹੈ।”
Former Indian cricketer #HarbhajanSingh sparked controversy on Sunday after making a racially insensitive comment, comparing England fast bowler #JofraArcher to a ‘black taxi.’
His remark came during the commentary for the #IPL2025 match between Rajasthan Royals (#RR) and pic.twitter.com/iHEIhuRKpA — News9 (@News9Tweets) March 24, 2025
ਸੋਸ਼ਲ ਮੀਡੀਆ ‘ਤੇ ਕਈ ਪ੍ਰਸ਼ੰਸਕ ਇਸ ਮਾਮਲੇ ਵਿੱਚ ਹਰਭਜਨ ਸਿੰਘ ਦੀ ਆਲੋਚਨਾ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਮੁਆਫੀ ਮੰਗਣ ਦੀ ਅਪੀਲ ਕਰ ਰਹੇ ਹਨ। ਹਾਲਾਂਕਿ, ਟਰਬੇਨੇਟਰ ਨੇ ਅਜੇ ਤੱਕ ਇਸ ਸਬੰਧ ਵਿੱਚ ਕੋਈ ਸਪੱਸ਼ਟੀਕਰਨ ਜਾਂ ਮੁਆਫ਼ੀ ਨਹੀਂ ਮੰਗੀ ਹੈ।[AUDIO] 🔊 “London main Jo wohi ha na Kaali taxi ” @harbhajan_singh https://t.co/yObPCiRt4a pic.twitter.com/C43kMpPZ3K
— Hanan (@MalikSahaab_001) March 23, 2025
ਇਹ ਵੀ ਪੜ੍ਹੋ- ਬਲੱਡ ਪ੍ਰੈਸ਼ਰ ਮਸ਼ੀਨ ਨਾਲ ਸ਼ਖਸ ਨੇ ਕੀਤਾ ਕੁਝ ਅਜਿਹਾ, VIDEO ਦੇਖ ਲੋਕਾਂ ਨੇ ਕੀਤਾ ਟ੍ਰੋਲ
ਦੂਜੇ ਪਾਸੇ, ਹੈਦਰਾਬਾਦ ਨੇ ਇਸ ਮੈਚ ਵਿੱਚ ਸ਼ਾਨਦਾਰ ਖੇਡਿਆ ਅਤੇ ਜਿੱਤ ਪ੍ਰਾਪਤ ਕੀਤੀ। ਈਸ਼ਾਨ ਕਿਸ਼ਨ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਲਈ ਧਮਾਕੇਦਾਰ ਬੱਲੇਬਾਜ਼ੀ ਕੀਤੀ ਅਤੇ ਸਿਰਫ਼ 45 ਗੇਂਦਾਂ ਵਿੱਚ ਸੈਂਕੜਾ ਲਗਾਉਣ ਵਿੱਚ ਕਾਮਯਾਬ ਰਹੇ। ਈਸ਼ਾਨ ਨੇ 47 ਗੇਂਦਾਂ ‘ਤੇ 106 ਦੌੜਾਂ ਦੀ ਪਾਰੀ ਖੇਡੀ। ਈਸ਼ਾਨ ਆਪਣੀ ਤੂਫਾਨੀ ਪਾਰੀ ਵਿੱਚ 11 ਚੌਕੇ ਅਤੇ 6 ਛੱਕੇ ਲਗਾਉਣ ਵਿੱਚ ਸਫਲ ਰਿਹਾ। ਹੈਦਰਾਬਾਦ ਨੇ ਇਹ ਮੈਚ 44 ਦੌੜਾਂ ਨਾਲ ਜਿੱਤਿਆ। ਕਿਸ਼ਨ ਨੂੰ ਉਨ੍ਹਾਂ ਦੀ ਤੂਫਾਨੀ ਪਾਰੀ ਲਈ ਪਲੇਅਰ ਆਫ਼ ਦ ਮੈਚ ਦਾ ਖਿਤਾਬ ਦਿੱਤਾ ਗਿਆ।
ਇਹ ਵੀ ਪੜ੍ਹੋ
