Viral Video: ਕੁੱਤਿਆਂ ਨੂੰ ਕਾਰ ਦੀ ਛੱਤ ‘ਤੇ ਬਿਠਾਇਆ, ਫਿਰ ਤੇਜ਼ ਰਫਤਾਰ ਨਾਲ ਚਲਾਉਣ ਲੱਗਾ ਕਾਰ, ਵੀਡੀਓ ਦੇਖ ਭੜਕੇ ਲੋਕ
Bengaluru Dogs Video: ਬੇਂਗਲੁਰੂ ਤੋਂ ਇਕ ਬਹੁਤ ਹੀ ਪਰੇਸ਼ਾਨ ਕਰਨ ਵਾਲੀ ਵੀਡੀਓ ਸਾਹਮਣੇ ਆਈ ਹੈ। ਇਕ ਪਾਗਲ ਵਿਅਕਤੀ ਨੇ ਦੋ ਕੁੱਤਿਆਂ ਨੂੰ ਕਾਰ ਦੀ ਛੱਤ 'ਤੇ ਬਿਠਾਇਆ ਅਤੇ ਤੇਜ਼ ਰਫਤਾਰ ਨਾਲ ਕਾਰ ਚਲਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਵੀਡੀਓ ਨੂੰ ਦੇਖ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਗੁੱਸਾ ਭੜਕ ਉੱਠਿਆ ਹੈ। ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਵੀ ਹੋ ਰਹੀ ਹੈ।
ਸੋਸ਼ਲ ਮੀਡੀਆ ‘ਤੇ ਇਕ ਬਹੁਤ ਹੀ ਪਰੇਸ਼ਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਇਕ ਲਾਲ ਰੰਗ ਦੀ ਸਵਿਫਟ ਕਾਰ ਹਾਈਵੇ ‘ਤੇ ਤੇਜ਼ ਰਫਤਾਰ ਨਾਲ ਦੌੜਦੀ ਦਿਖਾਈ ਦੇ ਰਹੀ ਹੈ, ਜਦਕਿ ਕਾਰ ਦੀ ਛੱਤ ‘ਤੇ ਦੋ ਕੁੱਤੇ ਬੈਠੇ ਹਨ ਪਰ ਉਨ੍ਹਾਂ ਨੂੰ ਕਿਸੇ ਵੀ ਪੱਟੇ ਜਾਂ ਰੱਸੀ ਨਾਲ ਨਹੀਂ ਬੰਨ੍ਹਿਆ ਗਿਆ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਕਾਫੀ ਭੜਕ ਗਏ ਹਨ।
ਇਸ ਵੀਡੀਓ ਨੂੰ ਕਰਨਾਟਕ ਪੋਰਟਫੋਲੀਓ ਐਕਸ ਹੈਂਡਲ ਦੁਆਰਾ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਵਿੱਚ ਕਾਰ ਚਾਲਕ ਦੀਆਂ ਲਾਪਰਵਾਹੀ ਵਾਲੀਆਂ ਹਰਕਤਾਂ ਦਿਖਾਈਆਂ ਗਈਆਂ ਹਨ। ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਤਰ੍ਹਾਂ ਦੇ ਖਤਰਨਾਕ ਵਿਵਹਾਰ ਦਾ ਇਹ ਪਹਿਲਾ ਮਾਮਲਾ ਨਹੀਂ ਹੈ। ਵੀਡੀਓ ਦੇ ਨਾਲ ਯੂਜ਼ਰ ਨੇ ਕੈਪਸ਼ਨ ‘ਚ ਲਿਖਿਆ ਹੈ ਕਿ ਇਨ੍ਹਾਂ ਲੋਕਾਂ ਨੂੰ ਪਹਿਲਾਂ ਵੀ ਕਲਿਆਣ ਨਗਰ ‘ਚ ਦੇਖਿਆ ਗਿਆ ਸੀ।
ਵਾਇਰਲ ਹੋ ਰਹੀ ਵੀਡੀਓ ‘ਚ ਕਾਰ ਹਾਈਵੇ ‘ਤੇ ਤੇਜ਼ ਰਫਤਾਰ ਨਾਲ ਚਲਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ, ਜਦਕਿ ਬੇਸਹਾਰਾ ਕੁੱਤੇ ਛੱਤ ‘ਤੇ ਲਟਕ ਰਹੇ ਹਨ। ਅਜਿਹੀ ਲਾਪਰਵਾਹੀ ਨਾ ਸਿਰਫ਼ ਅਣਮਨੁੱਖੀ ਹੈ ਸਗੋਂ ਆਵਾਜਾਈ ਅਤੇ ਪਸ਼ੂ ਸੁਰੱਖਿਆ ਕਾਨੂੰਨਾਂ ਦੀ ਘੋਰ ਉਲੰਘਣਾ ਵੀ ਹੈ।
This is not the first time when these guys were spotted doing such reckless behavior in the city, it was spotted in Kalyan Nagar. Several dogs were seen precariously placed on top of a moving car on the highway, causing immense fear and distress to the animals and alarming the pic.twitter.com/UvZB7qRbjP
— Karnataka Portfolio (@karnatakaportf) December 4, 2024
ਇਹ ਵੀ ਪੜ੍ਹੋ
ਚੱਲਦੀ ਕਾਰ ‘ਤੇ ਖਤਰਨਾਕ ਢੰਗ ਨਾਲ ਬੈਠੇ ਕੁੱਤਿਆਂ ਨੂੰ ਦੇਖਣਾ ਬੇਹੱਦ ਪਰੇਸ਼ਾਨ ਕਰਨ ਵਾਲਾ ਹੈ, ਕਿਉਂਕਿ ਇਹ ਜਾਨਵਰਾਂ ਲਈ ਬਹੁਤ ਵੱਡਾ ਖਤਰਾ ਹੈ। ਇਸ ਦੇ ਨਾਲ ਹੀ ਇਹ ਸੜਕ ‘ਤੇ ਪੈਦਲ ਚੱਲਣ ਵਾਲੇ ਹੋਰ ਲੋਕਾਂ ਲਈ ਵੀ ਖਤਰਾ ਬਣ ਸਕਦਾ ਹੈ। ਇਸ ਵੀਡੀਓ ਦੀ ਨੇਟੀਜ਼ਨਾਂ ਵੱਲੋਂ ਕਾਫੀ ਆਲੋਚਨਾ ਕੀਤੀ ਜਾ ਰਹੀ ਹੈ, ਜਿਸ ‘ਚ ਲੋਕਾਂ ਦਾ ਕਹਿਣਾ ਹੈ ਕਿ ਹੈਵਾਨ ਬਣੇ ਵਿਅਕਤੀ ਖਿਲਾਫ ਤੁਰੰਤ ਕਾਰਵਾਈ ਕੀਤੀ ਜਾਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ- ਅੰਗੂਠੀ ਤਾਂ ਲੈ ਕੇ ਹੀ ਰਹਾਂਗੀ, ਰਸਮ ਨੂੰ ਲੈ ਕੇ ਲਾੜਾ-ਲਾੜੀ ਚ ਛਿੱੜੀ ਜੰਗ, ਦੇਖੋ Video
ਕਾਰ ਚਾਲਕ ਫੜਿਆ ਗਿਆ
ਸੋਸ਼ਲ ਮੀਡੀਆ ‘ਤੇ ਕਾਫੀ ਹੰਗਾਮਾ ਹੋਣ ਤੋਂ ਬਾਅਦ ਬੈਂਗਲੁਰੂ ਪੁਲਿਸ ਵੀ ਐਕਟਿਵ ਹੋ ਗਈ ਅਤੇ ਕਾਰ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ। ਯੂਜ਼ਰ ਨੇ @RCBengaluru ਹੈਂਡਲ ਨਾਲ ਦੋਸ਼ੀ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ਉਹ ਫਿਲਹਾਲ ਬੈਂਗਲੁਰੂ ਪੁਲਿਸ ਦੀ ਹਿਰਾਸਤ ‘ਚ ਹੈ।
