Vivo X100 ਸੀਰੀਜ਼ ਲਾਂਚ, MediaTek 9300 ਚਿੱਪਸੈੱਟ ਨਾਲ ਆਉਣ ਵਾਲਾ ਪਹਿਲਾ ਫੋਨ, ਜਾਣੋ ਕੀਮਤ
ਵੀਵੋ ਲੇਟੈਸਟ ਸਮਾਰਟਫੋਨ 'ਚ 100X ਜ਼ੂਮ ਫੀਚਰ ਵੀ ਮੌਜੂਦ ਹੈ। ਨਵੀਂ ਸੀਰੀਜ਼ ਦੇ ਤਹਿਤ ਦੋ ਸਮਾਰਟਫੋਨ Vivo X100 ਅਤੇ Vivo X100 Pro ਨੂੰ ਲਾਂਚ ਕੀਤਾ ਗਿਆ ਹੈ। ਮੀਡੀਆਟੈੱਕ ਡਾਇਮੇਂਸ਼ਨ 9300 ਚਿੱਪਸੈੱਟ ਨੂੰ ਸਪੋਰਟ ਕਰਨ ਵਾਲੇ ਇਹ ਦੁਨੀਆ ਦੇ ਪਹਿਲੇ ਫੋਨ ਹਨ। ਇੱਥੇ ਉਹਨਾਂ ਦੀ ਕੀਮਤ ਅਤੇ ਵਿਸ਼ੇਸ਼ਤਾਵਾਂ ਦੇ ਵੇਰਵੇ ਪੜ੍ਹੋ।
ਪ੍ਰਮੁੱਖ ਸਮਾਰਟਫੋਨ ਨਿਰਮਾਤਾ ਕੰਪਨੀ ਵੀਵੋ (Vivo) ਨੇ ਆਖਿਰਕਾਰ ਫਲੈਗਸ਼ਿਪ ਸਮਾਰਟਫੋਨ ਸੀਰੀਜ਼ Vivo X100 ਨੂੰ ਲਾਂਚ ਕਰ ਦਿੱਤਾ ਹੈ। ਵੀਵੋ ਦੇ ਨਵੇਂ ਸਮਾਰਟਫੋਨ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਸੀ। ਨਵੀਨਤਮ ਸੀਰੀਜ਼ ਦੇ ਤਹਿਤ, ਦੋ ਹੈਂਡਸੈੱਟ – Vivo X100 ਅਤੇ Vivo X100 Pro ਲਾਂਚ ਕੀਤੇ ਗਏ ਹਨ। ਇਸ ਸੀਰੀਜ਼ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ ਚਿੱਪਸੈੱਟ ਹੈ। ਮੀਡੀਆਟੈੱਕ ਡਾਇਮੇਂਸ਼ਨ 9300 ਚਿੱਪਸੈੱਟ ਨੂੰ ਸਪੋਰਟ ਕਰਨ ਵਾਲੇ ਇਹ ਦੁਨੀਆ ਦੇ ਪਹਿਲੇ ਫੋਨ ਹਨ। ਆਓ ਇਸ ਦੀ ਕੀਮਤ ਸਮੇਤ ਇਸ ਦੀਆਂ ਵਿਸ਼ੇਸ਼ਤਾਵਾਂ ‘ਤੇ ਇੱਕ ਨਜ਼ਰ ਮਾਰੀਏ।
ਵੀਵੋ ਨੇ ਨਵੀਂ ਸੀਰੀਜ਼ ਨੂੰ ਕਈ ਸ਼ਾਨਦਾਰ ਫੀਚਰਸ ਨਾਲ ਲਾਂਚ ਕੀਤਾ ਗਿਆ ਹੈ। ਇਸ ‘ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ, ਕਈ ਸਟੋਰੇਜ ਆਪਸ਼ਨ ਅਤੇ ਕਲਰ ਵੇਰੀਐਂਟ ਹੋਣਗੇ। Vivo X100 ਅਤੇ Vivo X100 Pro ਵਿੱਚ ਬਹੁਤਾ ਅੰਤਰ ਨਹੀਂ ਹੈ। ਖਾਸ ਤੌਰ ‘ਤੇ ਲੁੱਕ ਅਤੇ ਕਲਰ ਦੇ ਲਿਹਾਜ਼ ਨਾਲ ਇਹ ਸਮਾਰਟਫ਼ੋਨ ਇੱਕ ਜਹੇ ਦਿਖਦੇ ਹਨ। ਇਨ੍ਹਾਂ ‘ਚ ਬਲੈਕ, ਆਰੇਂਜ, ਬਲੂ ਅਤੇ ਵਾਈਟ ਕਲਰ ਆਪਸ਼ਨ ਉਪਲੱਬਧ ਹੋਣਗੇ। ਆਓ ਉਨ੍ਹਾਂ ਦੀਆਂ ਵਿਸ਼ੇਸ਼ਤਾਵਾਂ ਨੂੰ ਵੇਖੀਏ.
Vivo X100 ਸੀਰੀਜ਼
ਡਿਸਪਲੇ: ਦੋਵੇਂ ਸਮਾਰਟਫੋਨ 6.78 ਇੰਚ 120Hz LTPO AMOLED ਡਿਸਪਲੇ ਨਾਲ ਆਉਂਦੇ ਹਨ। ਇਨ੍ਹਾਂ ‘ਚ 2800x1260p ਰੈਜ਼ੋਲਿਊਸ਼ਨ, 3,000 ਨਿਟਸ ਪੀਕ ਬ੍ਰਾਈਟਨੈੱਸ ਵਰਗੇ ਫੀਚਰ ਹੋਣਗੇ।
ਪ੍ਰੋਸੈਸਰ: ਪਰਫਾਰਮੈਂਸ ਦੇ ਲਿਹਾਜ਼ ਨਾਲ ਇਹ ਫੋਨ ਬਹੁਤ ਵਧੀਆ ਹੋਣ ਵਾਲਾ ਹੈ। ਦੋਵਾਂ ਮਾਡਲਾਂ ‘ਚ MediaTek Dimension 9300 ਚਿਪਸੈੱਟ ਦਾ ਸੁਪੋਰਟ ਹੋਵੇਗਾ। ਇਹ ਸਮਾਰਟਫੋਨ ਐਂਡ੍ਰਾਇਡ 14 ਆਧਾਰਿਤ OriginOS 4 OS ‘ਤੇ ਚੱਲਦੇ ਹਨ।
ਕੈਮਰਾ: Vivo X100 ਵਿੱਚ 50MP+50MP+64MP ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ। ਦੂਜੇ ਪਾਸੇ, Vivo X100 Pro ਵਿੱਚ 50MP 1-ਇੰਚ ਮੇਨ ਕੈਮਰਾ, 50MP 4.3X ਪੈਰੀਸਕੋਪ ਟੈਲੀਫੋਟੋ ਅਤੇ 50M ਅਲਟਰਾਵਾਈਡ ਕੈਮਰਾ ਹੋਵੇਗਾ। ਇਹ ਦੋਵੇਂ ਫੋਨ 100X ਡਿਜੀਟਲ ਜ਼ੂਮ ਨੂੰ ਸਪੋਰਟ ਕਰਦੇ ਹਨ। ਇਨ੍ਹਾਂ ‘ਚ 32MP ਸੈਲਫੀ ਕੈਮਰਾ ਵੀ ਹੋਵੇਗਾ।
ਇਹ ਵੀ ਪੜ੍ਹੋ
ਬੈਟਰੀ: Vivo X100 ਵਿੱਚ 5,000mAh ਦੀ ਬੈਟਰੀ ਹੋਵੇਗੀ, ਜਦੋਂ ਕਿ X100 Pro ਵਿੱਚ 5,400mAh ਦੀ ਬੈਟਰੀ ਹੋਵੇਗੀ। Vivo X100 120W ਵਾਇਰਡ ਫਾਸਟ ਚਾਰਜਿੰਗ ਦੇ ਨਾਲ ਆਉਂਦਾ ਹੈ ਅਤੇ Vivo X100 Pro 100W ਵਾਇਰਡ ਚਾਰਜਿੰਗ ਤੋਂ ਇਲਾਵਾ 50W ਫਾਸਟ ਵਾਇਰਲੈੱਸ ਚਾਰਜਿੰਗ ਦੇ ਨਾਲ ਆਉਂਦਾ ਹੈ।
ਕੀਮਤ: ਫਿਲਹਾਲ ਇਹ ਸਮਾਰਟਫੋਨ ਚੀਨੀ ਬਾਜ਼ਾਰ ‘ਚ ਲਾਂਚ ਕੀਤੇ ਗਏ ਹਨ। Vivo X100 (12GB/256GB) ਦੀ ਕੀਮਤ 3,999 ਯੂਆਨ (ਲਗਭਗ 45,675 ਰੁਪਏ) ਹੈ। ਜਦਕਿ, Vivo X100 Pro (12GB/256GB) ਦੀ ਕੀਮਤ 4,999 ਯੂਆਨ (ਲਗਭਗ 57,097 ਰੁਪਏ) ਹੈ।
Vivo ਵਿੱਚ Vivo X100 (16GB/1TB LPDDR5T) ਦੇ ਸਭ ਤੋਂ ਮਹਿੰਗੇ ਵੇਰੀਐਂਟ ਦੀ ਕੀਮਤ Vivo X100 Pro ਦੇ ਟਾਪ ਮਾਡਲ (16GB/1TB) ਦੀ ਕੀਮਤ 5,999 ਯੂਆਨ, ਲਗਭਗ 69,594 ਰੁਪਏ ਹੈ। ਇਹ ਦੋਵੇਂ ਸਮਾਰਟਫੋਨ ਅਗਲੇ ਸਾਲ ਭਾਰਤੀ ਬਾਜ਼ਾਰ ‘ਚ ਲਾਂਚ ਕੀਤੇ ਜਾ ਸਕਦੇ ਹਨ।
