ਭਾਰਤ ਪਹੁੰਚੇ ਸੁੰਦਰ ਪਿਚਾਈ ਨੇ PM ਮੋਦੀ ਨਾਲ ਕੀਤੀ ਮੁਲਾਕਾਤ, ਜਾਣੋ ਭਾਰਤ ਲਈ ਕੀ ਹੈ ਪਲਾਨ
Sundar Pichai Meets PM Modi: ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਭਾਰਤ ਪਹੁੰਚ ਗਏ ਹਨ। ਭਾਰਤ ਪਹੁੰਚਣ ਤੋਂ ਤੁਰੰਤ ਬਾਅਦ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) 'ਤੇ ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਲਿਖਿਆ ਕਿ 'AI Impact Summit' ਵਿੱਚ ਵਾਪਸ ਆ ਕੇ ਬਹੁਤ ਚੰਗਾ ਲੱਗ ਰਿਹਾ ਹੈ ਅਤੇ ਹਮੇਸ਼ਾ ਦੀ ਤਰ੍ਹਾਂ ਇੱਥੇ ਬਹੁਤ ਨਿੱਘਾ ਸਵਾਗਤ ਮਿਲਿਆ ਹੈ। ਪਿਚਾਈ 20 ਫਰਵਰੀ ਨੂੰ ਇਸ ਸਮਿਟ ਵਿੱਚ ਆਪਣਾ ਮੁੱਖ ਭਾਸ਼ਣ ਦੇਣਗੇ।
ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਭਾਰਤ ਪਹੁੰਚ ਗਏ ਹਨ। ਭਾਰਤ ਪਹੁੰਚਣ ਤੋਂ ਤੁਰੰਤ ਬਾਅਦ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ (X) ‘ਤੇ ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਲਿਖਿਆ ਕਿ ‘AI Impact Summit’ ਵਿੱਚ ਵਾਪਸ ਆ ਕੇ ਬਹੁਤ ਚੰਗਾ ਲੱਗ ਰਿਹਾ ਹੈ ਅਤੇ ਹਮੇਸ਼ਾ ਦੀ ਤਰ੍ਹਾਂ ਇੱਥੇ ਬਹੁਤ ਨਿੱਘਾ ਸਵਾਗਤ ਮਿਲਿਆ ਹੈ। ਪਿਚਾਈ 20 ਫਰਵਰੀ ਨੂੰ ਇਸ ਸਮਿਟ ਵਿੱਚ ਆਪਣਾ ਮੁੱਖ ਭਾਸ਼ਣ ਦੇਣਗੇ।
ਇਸ ਸਮਿਟ ਨੇ ਸ਼ੁਰੂਆਤ ਵਿੱਚ ਹੀ ਇੱਕ ਵੱਡੀ ਪ੍ਰਾਪਤੀ ਹਾਸਲ ਕਰਦੇ ਹੋਏ ‘ਗਿਨੀਜ਼ ਵਰਲਡ ਰਿਕਾਰਡ’ ਵਿੱਚ ਆਪਣਾ ਨਾਂ ਦਰਜ ਕਰਵਾ ਲਿਆ ਹੈ। ਸਿਰਫ਼ 24 ਘੰਟਿਆਂ ਦੇ ਅੰਦਰ, ਜ਼ਿੰਮੇਵਾਰ AI (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਦੀ ਵਰਤੋਂ ਲਈ 2,50,946 ਵਿਦਿਆਰਥੀਆਂ ਨੇ ਆਪਣੀ ਵਚਨਬੱਧਤਾ ਪ੍ਰਗਟਾਈ ਹੈ, ਜਦਕਿ ਇਸ ਦਾ ਟੀਚਾ ਸਿਰਫ਼ 5,000 ਦਾ ਰੱਖਿਆ ਗਿਆ ਸੀ। ਕੇਂਦਰੀ ਆਈਟੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਇਸ ਸਫਲਤਾ ‘ਤੇ ਕਿਹਾ ਕਿ ਇਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵਿਜ਼ਨ ਦਾ ਨਤੀਜਾ ਹੈ, ਜਿਸ ਤਹਿਤ ਸਕੂਲਾਂ ਅਤੇ ਕਾਲਜਾਂ ਨਾਲ ਸੰਪਰਕ ਕਰਕੇ AI ਦੀ ਸਹੀ ਵਰਤੋਂ ਪ੍ਰਤੀ ਜਾਗਰੂਕਤਾ ਵਧਾਈ ਗਈ ਹੈ।
ਭਾਰਤ ਮੰਡਪਮ ਵਿੱਚ ਗਲੋਬਲ ਲੀਡਰਾਂ ਦਾ ਇਕੱਠ
‘India AI Impact Summit 2026’ ਦਾ ਆਯੋਜਨ ਨਵੀਂ ਦਿੱਲੀ ਦੇ ਸ਼ਾਨਦਾਰ ‘ਭਾਰਤ ਮੰਡਪਮ’ ਵਿੱਚ ਕੀਤਾ ਜਾ ਰਿਹਾ ਹੈ। ਇਸ ਮੈਗਾ ਸਮਿਟ ਵਿੱਚ 110 ਤੋਂ ਵੱਧ ਦੇਸ਼ਾਂ, 30 ਅੰਤਰਰਾਸ਼ਟਰੀ ਸੰਸਥਾਵਾਂ ਅਤੇ ਕਈ ਦੇਸ਼ਾਂ ਦੇ ਮੁਖੀ ਤੇ ਮੰਤਰੀ ਹਿੱਸਾ ਲੈ ਰਹੇ ਹਨ। ਇਸ ਨੂੰ ‘ਗਲੋਬਲ ਸਾਊਥ’ ਵਿੱਚ ਆਯੋਜਿਤ ਹੋਣ ਵਾਲਾ ਆਪਣੀ ਕਿਸਮ ਦਾ ਪਹਿਲਾ ਅਤੇ ਸਭ ਤੋਂ ਵੱਡਾ AI ਸਮਿਟ ਮੰਨਿਆ ਜਾ ਰਿਹਾ ਹੈ।
ਇਸ ਸੰਮੇਲਨ ਦਾ ਮੁੱਖ ਫੋਕਸ AI ਗਵਰਨੈਂਸ, ਸੁਰੱਖਿਆ ਅਤੇ ਸਾਂਝੇ ਵਿਕਾਸ ‘ਤੇ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ‘ਸਰਵਜਨ ਹਿਤਾਏ, ਸਰਵਜਨ ਸੁਖਾਏ’ ਦੀ ਥੀਮ ਦੇ ਤਹਿਤ AI ਨੂੰ ਮਨੁੱਖਤਾ ਦੇ ਭਲੇ ਲਈ ਵਰਤਣ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ AI ਇੱਕ ਸੱਭਿਅਤਾਗਤ ਤਬਦੀਲੀ ਦਾ ਦੌਰ ਹੈ, ਜੋ ਇਨਸਾਨੀ ਸਮਰੱਥਾਵਾਂ ਨੂੰ ਨਵੀਂਆਂ ਉਚਾਈਆਂ ‘ਤੇ ਲੈ ਜਾ ਸਕਦਾ ਹੈ, ਬਸ ਇਸ ਨੂੰ ਸਹੀ ਦਿਸ਼ਾ ਵਿੱਚ ਗਾਈਡ ਕਰਨਾ ਜ਼ਰੂਰੀ ਹੈ।
#WATCH | #IndiaAIImpactSummit2026 | Prime Minister Narendra Modi meets Google CEO Sundar Pichai in Delhi.
(Source: DD News) pic.twitter.com/JNjMaOa0ux — ANI (@ANI) February 18, 2026ਇਹ ਵੀ ਪੜ੍ਹੋ
ਗੂਗਲ ਭਾਰਤ ਵਿੱਚ ਬਣਾਏਗਾ ‘ਸਬ-ਸੀ ਕੇਬਲ’ ਗੇਟਵੇ
ਸਮਿਟ ਦੌਰਾਨ ਗੂਗਲ ਨੇ ਇੱਕ ਵੱਡਾ ਐਲਾਨ ਕਰਦਿਆਂ ਕਿਹਾ ਕਿ ਉਹ ਭਾਰਤ ਵਿੱਚ ‘ਸਬ-ਸੀ’ ਕੇਬਲ ਦਾ ਨਿਰਮਾਣ ਕਰੇਗੀ। ਇਹ ਐਲਾਨ ਗੂਗਲ ਦੇ ਉਸ ਵਾਅਦੇ ਤੋਂ ਬਾਅਦ ਆਇਆ ਹੈ ਜਿਸ ਵਿੱਚ ਉਨ੍ਹਾਂ ਨੇ ਅਮਰੀਕਾ ਤੋਂ ਬਾਹਰ ਆਪਣਾ ਸਭ ਤੋਂ ਵੱਡਾ AI ਇਨਫਰਾਸਟ੍ਰਕਚਰ ਹੱਬ ਬਣਾਉਣ ਲਈ ਅਗਲੇ ਪੰਜ ਸਾਲਾਂ ਵਿੱਚ 15 ਬਿਲੀਅਨ ਡਾਲਰ ਖਰਚਣ ਦੀ ਗੱਲ ਕਹੀ ਸੀ। ਇਹ ਹੱਬ ਆਂਧਰਾ ਪ੍ਰਦੇਸ਼ ਦੇ ਬੰਦਰਗਾਹ ਸ਼ਹਿਰ ਵਿਸ਼ਾਖਾਪਟਨਮ ਵਿੱਚ ਸਥਾਪਿਤ ਕੀਤਾ ਜਾ ਰਿਹਾ ਹੈ। ਗੂਗਲ ਨੇ ਦੱਸਿਆ ਕਿ ਇਹ ਪਹਿਲਕਦਮੀ ‘ਅਮਰੀਕਾ-ਇੰਡੀਆ ਕਨੈਕਟ’ ਪ੍ਰੋਜੈਕਟ ਦਾ ਹਿੱਸਾ ਹੈ, ਜੋ ਵਿਸ਼ਾਖਾਪਟਨਮ ਵਿੱਚ ਇੱਕ ਨਵਾਂ ਅੰਤਰਰਾਸ਼ਟਰੀ ‘ਸਬ-ਸੀ ਗੇਟਵੇ’ ਤਿਆਰ ਕਰੇਗਾ।
ਕੀ ਹੁੰਦੀ ਹੈ ਸਬ-ਸੀ ਕੇਬਲ?
ਸਬ-ਸੀ ਕੇਬਲ (Subsea Cable) ਜਾਂ ਪਨਡੁੱਬੀ ਸੰਚਾਰ ਕੇਬਲ, ਸਮੁੰਦਰ ਦੇ ਹੇਠਾਂ ਵਿਛਾਈਆਂ ਜਾਣ ਵਾਲੀਆਂ ਆਪਟੀਕਲ ਫਾਈਬਰ ਕੇਬਲਾਂ ਹੁੰਦੀਆਂ ਹਨ। ਦੁਨੀਆ ਭਰ ਵਿੱਚ ਇੰਟਰਨੈੱਟ, ਟੈਲੀਫੋਨ ਅਤੇ ਡੇਟਾ ਸੰਚਾਰ ਦਾ 99% ਤੋਂ ਵੱਧ ਹਿੱਸਾ ਇਹਨਾਂ ਕੇਬਲਾਂ ਰਾਹੀਂ ਹੀ ਇੱਕ ਦੇਸ਼ ਤੋਂ ਦੂਜੇ ਦੇਸ਼ ਤੱਕ ਪਹੁੰਚਦਾ ਹੈ। ਇਹ ਕੇਬਲਾਂ ਰੋਸ਼ਨੀ ਦੀ ਰਫ਼ਤਾਰ ਨਾਲ ਡੇਟਾ ਭੇਜਦੀਆਂ ਹਨ। ਵਰਤਮਾਨ ਵਿੱਚ ਲਗਭਗ 400 ਤੋਂ ਵੱਧ ਅਜਿਹੀਆਂ ਕੇਬਲਾਂ ਪੂਰੇ ਗਲੋਬਲ ਨੈੱਟਵਰਕ ਨੂੰ ਆਪਸ ਵਿੱਚ ਜੋੜਦੀਆਂ ਹਨ।
