ਭਾਰਤ ਵਿੱਚ ਲਾਂਚ ਹੋਇਆ Ray-Ban Meta Gen 2 ਸਮਾਰਟ ਗਲਾਸ, ਹਿੰਦੀ ਚ ਵੀ ਕਰੇਗਾ ਕੰਮ, ਅੱਖਾਂ ਨਾਲ ਕਰ ਸਕੋਗੇ UPI ਪੇਮੈਂਟ
Ray-Ban Meta Gen 2 ਭਾਰਤ ਵਿੱਚ 3K ਵੀਡੀਓ, 2X ਬੈਟਰੀ ਲਾਈਫ, ਅਤੇ ਹਿੰਦੀ Meta AI ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਗਲਾਸੇਸ ਦੀ ਸ਼ੁਰੂਆਤ 39,900 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਕੰਪਨੀ ਜਲਦੀ ਹੀ QR-ਅਧਾਰਤ UPI Lite ਪੇਮੈਂਟ ਫੀਚਰ ਵੀ ਦੇਣ ਵਾਲੀ ਹੈ।
Ray-Ban Meta Gen 2 Launch: ਮੇਟਾ ਅਤੇ ਰੇ-ਬੈਨ ਨੇ ਸਾਂਝੇ ਤੌਰ ‘ਤੇ ਭਾਰਤ ਵਿੱਚ ਆਪਣੇ ਨਵੇਂ ਸਮਾਰਟ ਗਲਾਸ, Ray-Ban Meta Gen 2 AI ਲਾਂਚ ਕੀਤੇ ਹਨ। ਇਸ ਵਿੱਚ 3K Ultra HD ਵੀਡੀਓ, ਦੁਗਣੀ ਬੈਟਰੀ ਲਾਈਫ ਅਤੇ ਅਪਗ੍ਰੇਡੇਡ ਕੀਤੇ Meta AI ਫੀਚਰਸ ਮਿਲਦੇ ਹਨ। ਨਵੀਂ ਪੀੜ੍ਹੀ ਵਿੱਚ ਅਲਟਰਾਵਾਈਡ HDR, 48-ਘੰਟੇ ਦਾ ਪਾਵਰ ਬੈਕਅੱਪ ਕੇਸ, ਅਤੇ ਤੇਜ਼ ਚਾਰਜਿੰਗ ਦੀ ਸਪੋਰਟ ਵੀ ਸ਼ਾਮਲ ਹੈ। ਕੰਪਨੀ ਨੇ ਕਈ ਨਵੇਂ ਸਟਾਈਲਸ, ਲਿਮਿਟੇਡ ਐਡੀਸ਼ਨ ਕਲਰਸ, ਅਤੇ ਹਿੰਦੀ ਇੰਟਰੈਕਸ਼ਨ ਵਰਗੇ ਸਾਨਦਾਰ ਫੀਚਰਸ ਦਿੱਤੇ ਹਨ। ਖਾਸ ਤੌਰ ‘ਤੇ, UPI Lite ਪੇਮੈਂਟ ਸਿੱਧੇ ਗਲਾਸੇਸ ਰਾਹੀਂ ਕੀਤਾ ਜਾ ਸਕੇਗਾ।
ਕਿੰਨੀ ਹੈ ਕੀਮਤ?
ਇਹ ਸਮਾਰਟ ਗਲਾਸ ₹39,900 ਤੋਂ ਸ਼ੁਰੂ ਹੁੰਦੇ ਹਨ ਅਤੇ Ray-Ban India ਸਮੇਤ ਦੇਸ਼ ਭਰ ਵਿੱਚ ਆਪਟੀਕਲ ਰਿਟੇਲਰਸ ‘ਤੇ ਉਪਲਬਧ ਹੋਣਗੇ। Ray-Ban Meta Gen 2 ਨੂੰ Wayfarer, Skyler और Headliner ਵਰਗੇ ਪ੍ਰਸਿੱਧ ਸਟਾਈਲ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਸ ਸਾਲ ਦੇ ਕਲਰ ਆਪਸ਼ਨਸ ਵਿੱਚ Shiny Cosmic Blue, Shiny Mystic Violet ਅਤੇ Shiny Asteroid Grey ਸ਼ਾਮਲ ਹਨ।
Meta AI ਅੱਪਗ੍ਰੇਡ
Meta AI ਹੋਰ ਵੀ ਸਮਾਰਟ ਹੋ ਗਿਆ ਹੈ, “Hey Meta” ਕਮਾਂਡ ਨਾਲ ਤੁਰੰਤ ਜਾਣਕਾਰੀ, ਸੁਝਾਅ ਅਤੇ ਕ੍ਰਿਏਟਿਵ ਪ੍ਰੋਂਪਟ ਮਿਲ ਜਾਂਦੇ ਹਨ। ਇਸ ਵਿੱਚ Conversation Focus ਵੀ ਸ਼ਾਮਲ ਕੀਤੀ ਗਈ ਹੈ, ਜੋ ਸ਼ੋਰ ਵਾਲੇ ਮਾਹੋਲ ਵਿੱਚ ਵੀ ਸਪਸ਼ਟ ਸੁਣਵਾਈ ਨੂੰ ਯਕੀਨੀ ਬਣਾਉਣ ਵਿੱਚ ਮਦਦ ਕਰਦੀ ਹੈ। ਇਸ ਤੋਂ ਇਲਾਵਾ, ਇਨ੍ਹਾਂ ਗਲਾਸੇਸ ਵਿੱਚ ਪੂਰੀ ਹਿੰਦੀ ਇੰਟਰੈਕਸ਼ਨ ਸਪੋਰਟ ਦੀ ਪੇਸ਼ਕਸ਼ ਮਿਲਦੀ ਹੈ।
Celebrity AI Voice ਅਤੇ UPI Lite ਪੇਮੈਂਟ ਫੀਚਰ
ਮੈਟਾ ਏਆਈ ਨੇ ਹਾਲ ਹੀ ਵਿੱਚ Celebrity AI Voice ਪੇਸ਼ ਕੀਤੀ ਹੈ, ਜਿਸ ਨਾਲ ਉਪਭੋਗਤਾਵਾਂ ਨੂੰ ਦੀਪਿਕਾ ਪਾਦੁਕੋਣ ਦੀ ਏਆਈ ਆਵਾਜ਼ ਨਾਲ ਗੱਲਬਾਤ ਕਰਨ ਦੀ ਆਗਿਆ ਮਿਲਦੀ ਹੈ। ਗਲੋਬਲ ਲਾਈਨਅੱਪ ਵਿੱਚ ਕਈ ਹੋਰ ਸੇਲਿਬ੍ਰਿਟੀ ਆਵਾਜ਼ਾਂ ਵੀ ਉਪਲਬਧ ਹਨ। ਜਲਦੀ ਹੀ, Ray-Ban Meta Gen 2 ਤੋਂ ਸਿੱਧੇ UPI Lite ਭੁਗਤਾਨ ਕਰਨਾ ਵੀ ਸੰਭਵ ਹੋਵੇਗਾ। ਉਪਭੋਗਤਾ ਸਿਰਫ਼ QR ਨੂੰ ਦੇਖ ਸਕਦੇ ਹਨ ਅਤੇ ਕਹਿ ਸਕਦੇ ਹਨ, “Hey Meta, scan and pay,” ਅਤੇ ਭੁਗਤਾਨ ਉਹਨਾਂ ਦੇ WhatsApp-ਲਿੰਕਡ ਬੈਂਕ ਖਾਤੇ ਰਾਹੀਂ ਹੋ ਜਾਵੇਗਾ। ਇਹ ਫੀਚਰ ਫੀਚਰ ਲੈਣ-ਦੇਣ ਨੂੰ ਸਰਲ ਅਤੇ ਤੇਜ਼ ਬਣਾਉਣ ਲਈ ਲਿਆਇਆ ਜਾ ਰਿਹਾ ਹੈ।
ਬਿਹਤਰ ਵੀਡੀਓ ਕੈਪਚਰ ਅਤੇ ਲੰਬੀ ਬੈਟਰੀ ਲਾਈਫ
Ray-Ban Meta Gen 2 ਵਿੱਚ 3K Ultra HD ਵੀਡੀਓ ਕੈਪਚਰ ਅਤੇ ਅਲਟਰਾਵਾਈਡ HDR ਸਪੋਰਟ ਮਿਲਦਾ ਹੈ, ਜੋ ਵੀਡੀਓ ਨੂੰ ਸ਼ਾਰਪ ਅਤੇ ਸਟੇਬਲ ਬਣਾਉਂਦੀ ਹੈ। ਕੰਪਨੀ ਨੇ ਬੈਟਰੀ ਲਾਈਫ ਦੁੱਗਣੀ ਹੋਣ ਦਾ ਦਾਅਵਾ ਕੀਤਾ ਹੈ, ਜੋ ਹੁਣ 8 ਘੰਟੇ ਤੱਕ ਚੱਲ ਸਕਦੀ ਹੈ। ਗਲਾਸੇਸ 20 ਮਿੰਟਾਂ ਵਿੱਚ 50% ਤੱਕ ਤੇਜ਼ੀ ਨਾਲ ਚਾਰਜ ਹੋ ਜਾਂਦੇ ਹਨ, ਅਤੇ ਸ਼ਾਮਲ ਚਾਰਜਿੰਗ ਕੇਸ 48 ਘੰਟਿਆਂ ਦਾ ਵਾਧੂ ਬੈਕਅੱਪ ਪ੍ਰਦਾਨ ਕਰਦਾ ਹੈ। ਹਾਈਪਰਲੈਪਸ ਅਤੇ ਸਲੋ-ਮੋਸ਼ਨ ਵਰਗੇ ਨਵੇਂ ਕੈਪਚਰ ਮੋਡ ਵੀ ਜਲਦੀ ਹੀ ਇੱਕ ਸਾਫਟਵੇਅਰ ਅਪਡੇਟ ਰਾਹੀਂ ਉਪਲਬਧ ਹੋਣਗੇ।
