ਮਿਡਿਲ ਈਸਟ ਤਣਾਅ ਵਿਚਾਲੇ ਵੀ ਨਹੀਂ ਡਗਮਗਾਇਆ ਭਾਰਤ ਦਾ Tech ਸੈਕਟਰ, ਸਰਕਾਰ ਤੇ ਇੰਡਸਟਰੀ ਵਿਚਾਲੇ ਚੱਲ ਰਹੀ ਗੱਲਬਾਤ
West Asia Conflict: ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਕਿਹਾ ਕਿ ਪੱਛਮੀ ਏਸ਼ੀਆ ਵਿੱਚ ਟਕਰਾਅ ਦਾ ਭਾਰਤੀ ਟੈਕ ਉਦਯੋਗ 'ਤੇ ਤੁਰੰਤ ਕੋਈ ਮਾੜਾ ਪ੍ਰਭਾਵ ਨਹੀਂ ਪਿਆ ਹੈ। ਉਦਯੋਗਿਕ ਸੰਸਥਾਵਾਂ ਨੇ ਆਪਰੇਸ਼ਨ ਵਿੱਚ ਕੋਈ ਰੁਕਾਵਟਾਂ ਦੀ ਰਿਪੋਰਟ ਨਹੀਂ ਕੀਤੀ ਹੈ। ਹਾਲਾਂਕਿ ਸੇਮੀਕੰਡਕਟਰਸ ਨਿਰਮਾਣ ਲਈ ਮਹੱਤਵਪੂਰਨ ਗਲੋਬਲ ਹੀਲੀਅਮ ਦੀ ਘਾਟ ਬਾਰੇ ਚਿੰਤਾਵਾਂ ਹਨ, ਭਾਰਤੀ ਚਿੱਪ ਨਿਰਮਾਤਾਵਾਂ ਨੇ ਅਜੇ ਤੱਕ ਕਿਸੇ ਵੀ ਕਮੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਸੋਮਵਾਰ (30 ਮਾਰਚ) ਨੂੰ ਕਿਹਾ ਕਿ ਸਰਕਾਰ ਪੱਛਮੀ ਏਸ਼ੀਆ ਵਿੱਚ ਟਕਰਾਅ ਅਤੇ ਈਕੋਸਿਸਟਮ ‘ਤੇ ਇਸਦੇ ਪ੍ਰਭਾਵ ਬਾਰੇ ਹਾਈ ਟੈਕ ਉਦਯੋਗ ਸੰਗਠਨਾਂ ਨਾਲ ਗੱਲਬਾਤ ਕਰ ਰਹੀ ਹੈ। ਸਰਕਾਰ ਨੇ ਇਹ ਵੀ ਦੱਸਿਆ ਕਿ ਮਿਡਿਲ ਈਸਟ ਵਿੱਚ ਚੱਲ ਰਹੇ ਯੁੱਧ ਕਾਰਨ ਉਦਯੋਗਿਕ ਸੰਸਥਾਵਾਂ ਨੇ ਆਪਣੇ ਆਪਰੇਸ਼ਨਸ ‘ਤੇ ਕੋਈ ਮਾੜੀ ਰਿਪੋਰਟ ਨਹੀਂ ਦੱਸੀ ਹੈ।
ਪੱਛਮੀ ਏਸ਼ੀਆ ਵਿੱਚ ਵਧਦੇ ਤਣਾਅ ਅਤੇ ਉਥਲ-ਪੁਥਲ ਦੇ ਵਿਚਕਾਰ, ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ਦਾ ਬਿਆਨ ਭਾਰਤੀ ਤਕਨੀਕੀ ਜਗਤ ਲਈ ਰਾਹਤ ਲੈ ਕੇ ਆਇਆ ਹੈ। ਜਦੋਂ ਕਿ ਸਪਲਾਈ ਚੇਨ ਨੂੰ ਲੈ ਕੇ ਚਿੰਤਾਵਾਂ ਦੁਨੀਆ ਭਰ ਵਿੱਚ ਵਧ ਰਹੀਆਂ ਹਨ, ਭਾਰਤ ਦਾ ਇਲੈਕਟ੍ਰਾਨਿਕਸ ਅਤੇ ਆਈਟੀ ਖੇਤਰ ਫਿਲਹਾਲ ਸੰਕਟ ਤੋਂ ਸੁਰੱਖਿਅਤ ਲੱਗ ਰਿਹਾ ਹੈ।
ਟੈੱਕ ਇੰਡਸਟਰੀ ਤੇ ਹਾਲੇ ਤੱਕ ਅਸਰ ਨਹੀਂ
ਇਲੈਕਟ੍ਰਾਨਿਕਸ ਅਤੇ IT ਮੰਤਰੀ ਅਸ਼ਵਨੀ ਵੈਸ਼ਨਵ ਦੀ ਇਹ ਟਿੱਪਣੀ ਉਨ੍ਹਾਂ ਰਿਪੋਰਟਾਂ ਦੇ ਵਿਚਕਾਰ ਆਈ ਹੈ ਕਿ ਹੀਲੀਅਮ ਦੀ ਘਾਟ ਨੇ ਗਲੋਬਲ ਤਕਨੀਕੀ ਸਪਲਾਈ ਚੇਨ ਨੂੰ ਪ੍ਰਭਾਵਿਤ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ, ਅਸ਼ਵਨੀ ਵੈਸ਼ਨਵ ਨੇ ਕਿਹਾ, “ਅਸੀਂ ਇੱਥੇ ਹਰ ਉਦਯੋਗ ਸੰਗਠਨ ਨੂੰ ਪੁੱਛਿਆ ਹੈ, ਅਤੇ ਹਰੇਕ ਨੇ ਸਾਨੂੰ ਦੱਸਿਆ ਹੈ ਕਿ ਅਜੇ ਤੱਕ ਕੋਈ ਪ੍ਰਭਾਵ ਨਹੀਂ ਪਿਆ ਹੈ।”
ਤਕਨੀਕੀ ਉਦਯੋਗ ਲਈ ਸਭ ਤੋਂ ਵੱਡੀ ਚਿੰਤਾ ਹੀਲੀਅਮ ਗੈਸ ਦੀ ਘਾਟ ਹੈ। ਹੀਲੀਅਮ ਦੀ ਵਰਤੋਂ ਸੈਮੀਕੰਡਕਟਰ ਚਿਪਸ ਦੇ ਨਿਰਮਾਣ ਵਿੱਚ ਅਤੇ ਐਮਆਰਆਈ ਮਸ਼ੀਨਾਂ ਵਰਗੇ ਹਾਈ ਟੈਕ ਉਪਕਰਣਾਂ ਵਿੱਚ Coolant ਵਜੋਂ ਕੀਤੀ ਜਾਂਦੀ ਹੈ। ਕਿਉਂਕਿ ਪੱਛਮੀ ਏਸ਼ੀਆ ਇਸ ਗੈਸ ਦਾ ਪ੍ਰਮੁੱਖ ਸਰੋਤ ਹੈ, ਇਸ ਲਈ ਜੰਗ ਵਰਗੀ ਸਥਿਤੀ ਵਿਸ਼ਵ ਪੱਧਰ ‘ਤੇ ਇਸਦੀਆਂ ਕੀਮਤਾਂ ਅਤੇ ਉਪਲਬਧਤਾ ਨੂੰ ਪ੍ਰਭਾਵਤ ਕਰ ਸਕਦੀ ਹੈ। ਹਾਲਾਂਕਿ, ਅਸ਼ਵਨੀ ਵੈਸ਼ਨਵ ਨੇ ਸਪੱਸ਼ਟ ਕੀਤਾ ਕਿ ਭਾਰਤੀ ਚਿੱਪ ਨਿਰਮਾਤਾਵਾਂ ਅਤੇ ਕੰਪੋਨੈਂਟ ਸਪਲਾਇਰਾਂ ਨੇ ਅਜੇ ਤੱਕ ਅਜਿਹੀ ਕਿਸੇ ਵੀ ਕਮੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
ਇਸ ਵਿੱਚ ਸੈਮੀਕੰਡਕਟਰ, ਮੋਬਾਈਲ, ਇਲੈਕਟ੍ਰਾਨਿਕਸ ਕੰਪੋਨੈਂਟਸ ਅਤੇ ਹਾਰਡਵੇਅਰ ਸਪੇਸ ਸ਼ਾਮਲ ਹਨ। ਇਹ ਇੱਕ ਬਦਲਦੀ ਸਥਿਤੀ ਹੈ। ਇਸ ਲਈ, ਅਸੀਂ ਇੰਡਸਟਰੀ ਨਾਲ ਗੱਲਬਾਤ ਕਰਨਾ ਜਾਰੀ ਰੱਖਾਂਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਉਦਯੋਗ ਦੇ ਮੈਂਬਰਾਂ ਦਾ ਮੰਨਣਾ ਹੈ ਕਿ ਪੱਛਮੀ ਏਸ਼ੀਆ ਸੰਕਟ ਜ਼ਿਆਦਾ ਦੇਰ ਨਹੀਂ ਚੱਲੇਗਾ।
ਇਹ ਵੀ ਪੜ੍ਹੋ
