WhatsApp ਦੇ ਅੱਗੇ ਨਹੀਂ ਟਿਕੀ Arattai ਐਪ, ਯੂਜ਼ਰ ਨੂੰ ਨਹੀਂ ਆਈ ਰਾਸ, ਡਿੱਗੀ ਰੈਂਕਿੰਗ
Arattai Google Play Store Rating: ਐਪ ਵਿੱਚ ਵੌਇਸ ਅਤੇ ਵੀਡੀਓ ਕਾਲਿੰਗ ਲਈ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਹੈ, ਪਰ ਇਸ ਨੂੰ ਅਜੇ ਤੱਕ ਟੈਕਸਟ ਮੈਸੇਜਿੰਗ ਲਈ ਲਾਗੂ ਨਹੀਂ ਕੀਤਾ ਗਿਆ ਹੈ। ਕੰਪਨੀ ਨੇ ਜਲਦੀ ਹੀ ਮੈਸੇਜਿੰਗ ਲਈ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਜੋੜਨ ਦਾ ਵਾਅਦਾ ਕੀਤਾ ਹੈ, ਪਰ ਇਸ ਦੇ ਬਾਵਜੂਦ, ਐਪ ਦੀ ਰੈਂਕਿੰਗ ਡਿੱਗ ਰਹੀ ਹੈ।
ਕੁਝ ਸਮਾਂ ਪਹਿਲਾਂ ਲਾਂਚ ਕੀਤੀ ਗਈ ਸਵਦੇਸ਼ੀ ਮੈਸੇਜਿੰਗ ਐਪ Arattai ਸ਼ੁਰੂ ਵਿਚ ਲੋਕਾਂ ਦਾ ਧਿਆਨ ਆਪਣੇ ਵਲ ਖਿੱਚਣ ‘ਚ ਕਾਮਯਾਬ ਹੋਈ ਸੀ। ਜਿਸ ਕਾਰਨ ਇਹ ਵਟਸਐਪ ਨੂੰ ਪਛਾੜ ਕੇ ਪਲੇ ਸਟੋਰ ‘ਤੇ ਚੋਟੀ ਦੀ ਰੈਂਕਿੰਗ ਪ੍ਰਾਪਤ ਕਰਨ ਵਿੱਚ ਸਫਲ ਹੋ ਗਈ ਸੀ। ਹੁਣ, ਅਜਿਹਾ ਲਗਦਾ ਹੈ ਕਿ ਐਪ ਦੀ ਪ੍ਰਸਿੱਧੀ ਘੱਟ ਰਹੀ ਹੈ, ਕਿਉਂਕਿ ਇਹ ਗੂਗਲ ਪਲੇ ਸਟੋਰ ਦੀ ਟੌਪ ਫ੍ਰੀ ਕਮਿਊਨੀਕੇਸ਼ਨ ਸ਼੍ਰੇਣੀ ਵਿੱਚ 7ਵੇਂ ਨੰਬਰ ‘ਤੇ ਆ ਗਈ ਹੈ।
ਇਹ ਐਪ ਸ਼ੁਰੂ ਵਿੱਚ ਨਾ ਸਿਰਫ਼ ਗੂਗਲ ਪਲੇ ਸਟੋਰ ‘ਤੇ ਸਗੋਂ ਐਪਲ ਐਪ ਸਟੋਰ ‘ਤੇ ਵੀ ਪਹਿਲੇ ਨੰਬਰ ‘ਤੇ ਪਹੁੰਚ ਗਈ ਸੀ, ਪਰ ਹੁਣ ਐਪਲ ਐਪ ਸਟੋਰ ‘ਤੇ ਛੇਵੇਂ ਨੰਬਰ ‘ਤੇ ਆ ਗਈ ਹੈ। ਇਸ ਦੌਰਾਨ, WhatsApp ਹੁਣ ਗੂਗਲ ਪਲੇ ਸਟੋਰ ‘ਤੇ ਤੀਜੇ ਅਤੇ ਐਪਲ ਐਪ ਸਟੋਰ ‘ਤੇ ਦੂਜੇ ਨੰਬਰ ‘ਤੇ ਹੈ, ਜਿਸ ਤੋਂ ਇਹ ਸਪੱਸ਼ਟ ਹੁੰਦਾ ਹੈ ਕਿ WhatsApp ਨੇ ਆਪਣਾ ਦਬਦਬਾ ਬਣਾਈ ਰੱਖਿਆ ਹੈ। Arattai ਦੇ ਰੋਜ਼ਾਨਾ ਸਾਈਨ-ਅੱਪ ਵਿੱਚ ਵੀ ਤੇਜ਼ੀ ਨਾਲ ਵਾਧਾ ਹੋਇਆ, ਜੋ 3,000 ਤੋਂ ਵੱਧ ਕੇ 350,000 ਦਾ ਆਕੜਾਂ ਪਾਰ ਕਰ ਗਿਆ। ਡਾਊਨਲੋਡ ਦੇ ਮਾਮਲੇ ਵਿੱਚ, ਐਪ ਨੇ ਚੈਟਜੀਪੀਟੀ ਨੂੰ ਵੀ ਪਛਾੜ ਦਿੱਤਾ ਸੀ।
ਐਪ ਦੀ ਰੈਂਕਿੰਗ ਵਿੱਚ ਗਿਰਾਵਟ ਦਾ ਇਹ ਹੈ ਕਾਰਨ
ਸ਼ੁਰੂ ਵਿੱਚ, ਐਪ ਦੇ ਡਾਊਨਲੋਡ ਅਤੇ ਰੋਜ਼ਾਨਾ ਸਾਈਨ-ਅੱਪ ਵਿੱਚ ਵਾਧਾ ਦੇਖਿਆ ਗਿਆ, ਪਰ ਅਚਾਨਕ ਐਪ ਦੀ ਰੈਂਕਿੰਗ ਵਿੱਚ ਗਿਰਾਵਟ ਦਾ ਕਾਰਨ ਕੀ ਹੈ? ਇਹ ਸਵਾਲ ਹਰ ਕਿਸੇ ਦੇ ਦਿਮਾਗ ਵਿੱਚ ਹੈ। ਫਾਈਨੈਂਸ਼ੀਅਲ ਟਾਈਮਜ਼ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਨਵੇਂ ਉਪਭੋਗਤਾ ਟੈਕਸਟ ਸੁਨੇਹਿਆਂ ਲਈ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਮੰਗ ਕਰ ਰਹੇ ਹਨ, ਪਰ ਐਪ ਵਿੱਚ ਫਿਲਹਾਲ ਸੁਵਿਧਾ ਦੀ ਘਾਟ ਹੈ।
Photo- Google Play Store/Apple App Store
ਐਪ ਵਿੱਚ ਵੌਇਸ ਅਤੇ ਵੀਡੀਓ ਕਾਲਿੰਗ ਲਈ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਹੈ, ਪਰ ਇਸ ਨੂੰ ਅਜੇ ਤੱਕ ਟੈਕਸਟ ਮੈਸੇਜਿੰਗ ਲਈ ਲਾਗੂ ਨਹੀਂ ਕੀਤਾ ਗਿਆ ਹੈ। ਕੰਪਨੀ ਨੇ ਜਲਦੀ ਹੀ ਮੈਸੇਜਿੰਗ ਲਈ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਜੋੜਨ ਦਾ ਵਾਅਦਾ ਕੀਤਾ ਹੈ, ਪਰ ਇਸ ਦੇ ਬਾਵਜੂਦ, ਐਪ ਦੀ ਰੈਂਕਿੰਗ ਡਿੱਗ ਰਹੀ ਹੈ।
Arattai ਕਦੋਂ ਲਾਂਚ ਕੀਤੀ ਗਈ ਸੀ?
ਚੇਨਈ ਸਥਿਤ ਜ਼ੋਹੋ ਕਾਰਪੋਰੇਸ਼ਨ ਨੇ ਜਨਵਰੀ 2021 ਵਿੱਚ Arattai ਲਾਂਚ ਕੀਤੀ, ਐਪ ਨੂੰ ਵਿਦੇਸ਼ੀ ਮੈਸੇਜਿੰਗ ਪਲੇਟਫਾਰਮਾਂ ਦੇ ਵਿਕਲਪ ਵਜੋਂ ਪੇਸ਼ ਕੀਤਾ ਗਿਆ ਸੀ। ਇਸ ਵਿੱਚ ਵੌਇਸ ਨੋਟਸ, ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ, ਫਾਈਲ ਸ਼ੇਅਰਿੰਗ ਅਤੇ ਵੀਡੀਓ ਕਾਲਾਂ ਸ਼ਾਮਲ ਹਨ। ਹਾਲਾਂਕਿ ਇਸ ਨੂੰ 2021 ਵਿੱਚ ਲਾਂਚ ਕੀਤਾ ਗਿਆ ਸੀ, ਪਰ ਇਸ ਨੇ ਅਕਤੂਬਰ 2025 ਦੇ ਸ਼ੁਰੂ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਅਮਰੀਕਾ-ਭਾਰਤ ਵਪਾਰਕ ਤਣਾਅ ਦੇ ਵਿਚਕਾਰ ਸਵੈ-ਨਿਰਭਰਤਾ ਦੇ ਸੱਦੇ ਦੇ ਵਿਚਕਾਰ ਪ੍ਰਮੁੱਖਤਾ ਪ੍ਰਾਪਤ ਕੀਤੀ।
