IPL Facts: IPL ਇਤਿਹਾਸ ‘ਚ ਕਦੇ ‘ਜ਼ੀਰੋ’ ‘ਤੇ ਨਹੀਂ ਹੋਇਆ ਆਊਟ, ਫਿਰ ਵੀ ਜਿੱਤੀ ‘ਆਰੇਂਜ ਕੈਪ’; ਜਾਣੋ ਕੌਣ ਹੈ ਇਹ ਧਾਕੜ ਖਿਡਾਰੀ
IPL Facts: ਆਈਪੀਐਲ ਦੇ 19ਵੇਂ ਸੀਜ਼ਨ ਦਾ ਆਗਾਜ਼ 28 ਮਾਰਚ ਤੋਂ ਹੋਣ ਜਾ ਰਿਹਾ ਹੈ। ਇਸ ਵੱਕਾਰੀ ਲੀਗ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਨੂੰ 'ਆਰੇਂਜ ਕੈਪ' ਨਾਲ ਨਿਵਾਜਿਆ ਜਾਂਦਾ ਹੈ, ਜੋ ਪੂਰੇ ਟੂਰਨਾਮੈਂਟ ਵਿੱਚ ਲਗਾਤਾਰ ਫਾਰਮ ਵਿੱਚ ਰਹਿਣ ਅਤੇ ਦੌੜਾਂ ਬਣਾਉਣ ਦੀ ਮਿਸਾਲ ਹੁੰਦੀ ਹੈ।
ਆਈਪੀਐਲ ਦੇ 19ਵੇਂ ਸੀਜ਼ਨ ਦਾ ਆਗਾਜ਼ 28 ਮਾਰਚ ਤੋਂ ਹੋਣ ਜਾ ਰਿਹਾ ਹੈ। ਇਸ ਵੱਕਾਰੀ ਲੀਗ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਨੂੰ ‘ਆਰੇਂਜ ਕੈਪ’ ਨਾਲ ਨਿਵਾਜਿਆ ਜਾਂਦਾ ਹੈ, ਜੋ ਪੂਰੇ ਟੂਰਨਾਮੈਂਟ ਵਿੱਚ ਲਗਾਤਾਰ ਫਾਰਮ ਵਿੱਚ ਰਹਿਣ ਅਤੇ ਦੌੜਾਂ ਬਣਾਉਣ ਦੀ ਮਿਸਾਲ ਹੁੰਦੀ ਹੈ। ਅਜਿਹਾ ਕਰਨਾ ਹਰ ਬੱਲੇਬਾਜ਼ ਦੇ ਵੱਸ ਦੀ ਗੱਲ ਨਹੀਂ ਹੁੰਦੀ, ਕਿਉਂਕਿ ਇੱਕ ਵੀ ਮਾੜਾ ਦਿਨ ਪੂਰੇ ਸੀਜ਼ਨ ਦੀ ਮਿਹਨਤ ‘ਤੇ ਪਾਣੀ ਫੇਰ ਸਕਦਾ ਹੈ।
ਪਰ ਆਈਪੀਐਲ ਇਤਿਹਾਸ ਵਿੱਚ ਇੱਕ ਅਜਿਹਾ ਬੱਲੇਬਾਜ਼ ਹੈ, ਜਿਸ ਨੇ ਅੱਜ ਤੱਕ ਕਦੇ ਵੀ ‘ਡੱਕ’ (0 ‘ਤੇ ਆਊਟ) ਦਾ ਸਾਹਮਣਾ ਨਹੀਂ ਕੀਤਾ ਹੈ। ਉਨ੍ਹਾਂ ਦੀ ਇਕਸਾਰਤਾ ਕਮਾਲ ਦੀ ਹੈ ਅਤੇ ਉਹ ਜ਼ੀਰੋ ‘ਤੇ ਆਊਟ ਹੋਏ ਬਿਨਾਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਵੀ ਹਨ। ਇਸ ਦੇ ਨਾਲ ਹੀ, ਉਨ੍ਹਾਂ ਨੇ ਇੱਕ ਵਾਰ ਆਰੇਂਜ ਕੈਪ ਵੀ ਆਪਣੇ ਨਾਮ ਕੀਤੀ ਹੈ।
0 ‘ਤੇ ਆਊਟ ਹੋਏ ਬਿਨਾਂ ਸਭ ਤੋਂ ਵੱਧ ਦੌੜਾਂ ਦਾ ਰਿਕਾਰਡ
ਇਹ ਸ਼ਾਨਦਾਰ ਰਿਕਾਰਡ ਗੁਜਰਾਤ ਟਾਈਟਨਜ਼ ਦੇ ਨੌਜਵਾਨ ਬੱਲੇਬਾਜ਼ ਸਾਈ ਸੁਦਰਸ਼ਨ ਦੇ ਨਾਮ ਹੈ। 24 ਸਾਲ ਦੇ ਇਸ ਖਿਡਾਰੀ ਨੇ ਆਈਪੀਐਲ ਵਿੱਚ 2022 ਤੋਂ ਲੈ ਕੇ ਹੁਣ ਤੱਕ 40 ਮੈਚ ਖੇਡੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ 49.81 ਦੀ ਸ਼ਾਨਦਾਰ ਔਸਤ ਨਾਲ 1793 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਦਾ ਸਟ੍ਰਾਈਕ ਰੇਟ 145.89 ਦਾ ਰਿਹਾ ਹੈ, ਜਿਸ ਵਿੱਚ 2 ਸੈਂਕੜੇ ਅਤੇ 12 ਅਰਧ ਸੈਂਕੜੇ ਸ਼ਾਮਲ ਹਨ। ਸਭ ਤੋਂ ਹੈਰਾਨੀਜਨਕ ਗੱਲ ਇਹ ਹੈ ਕਿ ਇਨ੍ਹਾਂ ਸਾਰੀਆਂ ਪਾਰੀਆਂ ਵਿੱਚ ਕੋਈ ਵੀ ਗੇਂਦਬਾਜ਼ ਉਨ੍ਹਾਂ ਨੂੰ ਜ਼ੀਰੋ ਦੇ ਸਕੋਰ ‘ਤੇ ਆਊਟ ਨਹੀਂ ਕਰ ਸਕਿਆ ਹੈ।
ਪਿਛਲੇ ਸੀਜ਼ਨ ਵਿੱਚ ਜਿੱਤੀ ਆਰੇਂਜ ਕੈਪ
ਆਈਪੀਐਲ 2025 ਦੇ ਪਿਛਲੇ ਸੀਜ਼ਨ ਵਿੱਚ ਸਾਈ ਸੁਦਰਸ਼ਨ ਨੇ ਬਹੁਤ ਹੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਉਨ੍ਹਾਂ ਨੇ 15 ਮੈਚਾਂ ਵਿੱਚ 759 ਦੌੜਾਂ ਬਣਾਈਆਂ, ਜਿਸ ਵਿੱਚ ਇੱਕ ਸੈਂਕੜਾ ਅਤੇ ਛੇ ਅਰਧ ਸੈਂਕੜੇ ਸ਼ਾਮਲ ਸਨ। ਉਨ੍ਹਾਂ ਦੀ ਔਸਤ 54.21 ਅਤੇ ਸਟ੍ਰਾਈਕ ਰੇਟ 156.17 ਦਾ ਰਿਹਾ। ਇਸ ਦਮਦਾਰ ਪ੍ਰਦਰਸ਼ਨ ਸਦਕਾ ਉਨ੍ਹਾਂ ਨੇ ਆਰੇਂਜ ਕੈਪ ਜਿੱਤੀ ਅਤੇ ਸੀਜ਼ਨ ਦੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਬਣੇ। ਗੁਜਰਾਤ ਟਾਈਟਨਜ਼ ਲਈ ਓਪਨਿੰਗ ਜਾਂ ਟਾਪ ਆਰਡਰ ਵਿੱਚ ਖੇਡਦੇ ਹੋਏ ਉਨ੍ਹਾਂ ਨੇ ਟੀਮ ਨੂੰ ਕਈ ਮੈਚਾਂ ਵਿੱਚ ਮਜ਼ਬੂਤ ਸ਼ੁਰੂਆਤ ਦਿੱਤੀ ਅਤੇ ਮੱਧ ਓਵਰਾਂ ਵਿੱਚ ਦੌੜਾਂ ਦੀ ਗਤੀ ਵਧਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ।
ਰਿੰਕੂ ਸਿੰਘ ਨੇ ਵੀ ਨਹੀਂ ਦੇਖਿਆ ਇਹ ਦਿਨ
ਸਾਈ ਸੁਦਰਸ਼ਨ ਤੋਂ ਇਲਾਵਾ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਰਿੰਕੂ ਸਿੰਘ ਹੀ ਇਕਲੌਤੇ ਅਜਿਹੇ ਬੱਲੇਬਾਜ਼ ਹਨ, ਜਿਨ੍ਹਾਂ ਨੇ 0 ‘ਤੇ ਆਊਟ ਹੋਏ ਬਿਨਾਂ ਆਈਪੀਐਲ ਵਿੱਚ 1000 ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਰਿੰਕੂ ਨੇ ਆਪਣੀ ਫਿਨਿਸ਼ਿੰਗ ਕਾਬਲੀਅਤ ਨਾਲ ਵੱਡਾ ਨਾਮ ਕਮਾਇਆ ਹੈ ਅਤੇ ਉਨ੍ਹਾਂ ਦੀ ਕੰਸੀਸਟੈਂਸੀ ਵੀ ਕਾਬਿਲ-ਏ-ਤਾਰੀਫ਼ ਹੈ। ਰਿੰਕੂ ਸਿੰਘ ਹੁਣ ਤੱਕ ਆਈਪੀਐਲ ਵਿੱਚ 59 ਮੈਚ ਖੇਡ ਚੁੱਕੇ ਹਨ ਅਤੇ ਇਸ ਦੌਰਾਨ ਉਨ੍ਹਾਂ ਨੇ 4 ਅਰਧ ਸੈਂਕੜਿਆਂ ਦੀ ਮਦਦ ਨਾਲ 1099 ਦੌੜਾਂ ਬਣਾਈਆਂ ਹਨ।
ਇਹ ਵੀ ਪੜ੍ਹੋ
