IPL 2025 ਦੀ ਕਦੋਂ ਹੋਵੇਗੀ ਸ਼ੁਰੂਆਤ? ਚੇਅਰਮੈਨ ਅਰੁਣ ਧੂਮਲ ਨੇ Confirm ਕਰ ਦਿੱਤੀ ਡੇਟ, ਇਸ ਸੀਜ਼ਨ ਵਿੱਚ ਨਹੀਂ ਹੋਵੇਗਾ ਕੋਈ ਬਦਲਾਅ

IPL 2025 ਕਦੋਂ ਹੋਵੇਗਾ ਸ਼ੁਰੂ? ਡੇਟ Confirm

IPL 2025: ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਸਾਲ 2025 ਉਤਸ਼ਾਹ ਨਾਲ ਭਰਿਆ ਹੋਣ ਵਾਲਾ ਹੈ। ਪ੍ਰਸ਼ੰਸਕਾਂ ਨੂੰ ਪਹਿਲਾਂ ਫਰਵਰੀ ਵਿੱਚ ਚੈਂਪੀਅਨਜ਼ ਟਰਾਫੀ ਦਾ ਐਕਸ਼ਨ ਦੇਖਣ ਨੂੰ ਮਿਲੇਗਾ ਅਤੇ ਉਸ ਤੋਂ ਬਾਅਦ ਆਈਪੀਐਲ ਦਾ ਰੋਮਾਂਚ ਜਾਰੀ ਰਹੇਗਾ। ਚੈਂਪੀਅਨਜ਼ ਟਰਾਫੀ ਦੇ ਮੈਚਾਂ ਦੀਆਂ ਤਰੀਕਾਂ ਤਾਂ ਸਾਹਮਣੇ ਆ ਗਈਆਂ ਹਨ, ਜਦੋਂ ਕਿ ਫੈਨਸ ਨੂੰ ਇਸ ਸਾਲ ਦੇ ਆਈਪੀਐਲ ਦੇ ਸ਼ਡਿਊਲ ਦੀ ਉਡੀਕ ਹੈ।

ਪਿਛਲੇ ਸਾਲ ਨਵੰਬਰ ਵਿੱਚ ਹੋਈ ਮੈਗਾ ਨਿਲਾਮੀ ਤੋਂ ਬਾਅਦ, ਹਰ ਕੋਈ ਆਪਣੀਆਂ ਮਨਪਸੰਦ ਟੀਮਾਂ ਨੂੰ ਨਵੇਂ ਅਵਤਾਰ ਵਿੱਚ ਦੇਖਣਾ ਚਾਹੁੰਦਾ ਹੈ ਅਤੇ ਉਮੀਦ ਕਰਦੇ ਹਾਂ ਕਿ ਉਨ੍ਹਾਂ ਦੀ ਟੀਮ ਖਿਤਾਬ ਜਿੱਤੇ। ਉੱਧਰ, ਆਈਪੀਐਲ ਦੀ ਸ਼ੁਰੂਆਤ ਨੂੰ ਲੈ ਕੇ ਵੱਡੀ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਆਈਪੀਐਲ-2025 ਦੀ ਸ਼ੁਰੂਆਤ 21 ਮਾਰਚ ਤੋਂ ਹੋਵੇਗੀ।

ਸਾਹਮਣੇ ਆਈ ਇਹ ਵੱਡੀ ਜਾਣਕਾਰੀ

ਇਸ ਬਾਰੇ ਹੋਰ ਜਾਣਕਾਰੀ ਦਿੰਦੇ ਹੋਏ ਆਈਪੀਐਲ ਦੇ ਚੇਅਰਮੈਨ ਅਰੁਣ ਧੂਮਲ ਨੇ ਦੱਸਿਆ, ‘ਆਈਪੀਐਲ ਦਾ ਇਹ ਸੀਜ਼ਨ 21 ਮਾਰਚ ਤੋਂ ਸ਼ੁਰੂ ਹੋਵੇਗਾ।’ ਛੱਤੀਸਗੜ੍ਹ ਦੇ ਬਿਲਾਸਪੁਰ ਵਿੱਚ ਸੰਸਦ ਖੇਡ ਮਹਾਕੁੰਭ ਦੇ ਤੀਜੇ ਸੀਜ਼ਨ ਦੇ ਲਾਂਚ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਅਰੁਣ ਧੂਮਲ ਨੇ ਕਿਹਾ ਕਿ ਆਈਪੀਐਲ 2025 ਵਿੱਚ ਕੋਈ ਨਵਾਂ ਇੰਨੋਵੇਸ਼ਨ ਨਹੀਂ ਹੋਵੇਗਾ। ਹਾਲਾਂਕਿ, ਉਨ੍ਹਾਂ ਨੇ ਕਿਹਾ ਕਿ ਇਹ ਸੀਜ਼ਨ ਪਿਛਲੀ ਵਾਰ ਨਾਲੋਂ ਬਹੁਤ ਵਧੀਆ ਹੋਵੇਗਾ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਆਈਪੀਐਲ ਦਾ ਅਗਲਾ ਸੀਜ਼ਨ 21 ਮਾਰਚ ਤੋਂ ਸ਼ੁਰੂ ਹੋਵੇਗਾ ਅਤੇ ਇਸ ਤੋਂ ਕੁਝ ਦਿਨਾਂ ਬਾਅਦ ਸ਼ਡਿਊਲ ਜਾਰੀ ਕੀਤਾ ਜਾਵੇਗਾ। ਇਸ ਵਾਰ ਨਿਯਮਾਂ ਵਿੱਚ ਕੋਈ ਵੱਡਾ ਬਦਲਾਅ ਨਹੀਂ ਹੋਵੇਗਾ।

ਇਸ ਸਾਲ ਹੋਵੇਗਾ 18ਵਾਂ ਸੀਜ਼ਨ

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਟੀ-20 ਟੂਰਨਾਮੈਂਟ ਦਾ 18ਵਾਂ ਸੀਜ਼ਨ ਹੋਵੇਗਾ। 18ਵੇਂ ਸੀਜ਼ਨ ਤੋਂ ਪਹਿਲਾਂ ਪਿਛਲੇ ਸਾਲ ਦੁਬਈ ਵਿੱਚ ਇੱਕ ਮੈਗਾ ਨਿਲਾਮੀ ਹੋਈ ਸੀ। ਇਸ ਮੈਗਾ ਨਿਲਾਮੀ ਵਿੱਚ, ਰਿਸ਼ਭ ਪੰਤ ਆਈਪੀਐਲ ਨਿਲਾਮੀ ਦੇ ਇਤਿਹਾਸ ਵਿੱਚ ਹੁਣ ਤੱਕ ਦਾ ਸਭ ਤੋਂ ਮਹਿੰਗੇ ਖਿਡਾਰੀ ਬਣੇ ਸਨ। ਲਖਨਊ ਸੁਪਰ ਜਾਇੰਟਸ ਨੇ ਉਨ੍ਹਾਂ ਨੂੰ 27 ਕਰੋੜ ਰੁਪਏ ਦੀ ਵੱਡੀ ਰਕਮ ਵਿੱਚ ਸਾਈਨ ਕਰਨ ਲਈ ਸਫਲ ਬੋਲੀ ਲਗਾਈ ਸੀ।