India Squad for West Indies Test: ਭਾਰਤੀ ਟੀਮ ਦਾ ਐਲਾਨ, ਜਡੇਜਾ ਬਣੇ ਉਪ ਕਪਤਾਨ, ਇਸ ਵੱਡੇ ਖਿਡਾਰੀ ਦੀ ਵਾਪਸੀ

ਭਾਰਤੀ ਟੀਮ ਦਾ ਐਲਾਨ

India Squad for West Indies Test: ਵੈਸਟਇੰਡੀਜ਼ ਸੀਰੀਜ ਲਈ ਟੀਮ ਇੰਡੀਆ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਸ਼ੁਭਮਨ ਗਿੱਲ ਟੀਮ ਦੀ ਕਪਤਾਨੀ ਕਰਨਗੇ, ਅਤੇ ਰਵਿੰਦਰ ਜਡੇਜਾ ਨੂੰ ਉਪ ਕਪਤਾਨ ਨਿਯੁਕਤ ਕੀਤਾ ਜਾਵੇਗਾ। ਸਰਫਰਾਜ਼ ਖਾਨ ਨੂੰ ਟੀਮ ਵਿੱਚੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਦੇਵਦੱਤ ਪਡਿੱਕਲ ਦੀ ਟੀਮ ਇੰਡੀਆ ਵਿੱਚ ਵਾਪਸੀ ਹੋਈ ਹੈ। ਵੱਡੀ ਖ਼ਬਰ ਇਹ ਹੈ ਕਿ ਕਰੁਣ ਨਾਇਰ, ਅਭਿਮਨਿਊ ਈਸ਼ਵਰਨ, ਆਕਾਸ਼ਦੀਪ, ਸ਼ਾਰਦੁਲ ਠਾਕੁਰ ਅਤੇ ਅੰਸ਼ੁਲ ਕੰਬੋਜ ਨੂੰ ਬਾਹਰ ਦਾ ਰਾਹ ਦਿਖਾ ਦਿੱਤਾ ਗਿਆ ਹੈ। ਕਰੁਣ ਨਾਇਰ ਅਤੇ ਸਾਈ ਸੁਦਰਸ਼ਨ ਇੰਗਲੈਂਡ ਸੀਰੀਜ਼ ਵਿੱਚ ਫੇਲ ਰਹੇ ਸਨ, ਚਾਰ ਟੈਸਟਾਂ ਵਿੱਚ ਸਿਰਫ਼ ਇੱਕ ਅਰਧ ਸੈਂਕੜਾ ਹੀ ਬਣਾ ਸਕੇ ਸਨ।

ਭਾਰਤ-ਵੈਸਟਇੰਡੀਜ਼ ਸੀਰੀਜ਼ ਸ਼ਡਿਊਲ

ਭਾਰਤ ਅਤੇ ਵੈਸਟਇੰਡੀਜ਼ ਵਿਚਕਾਰ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ 2 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ। ਪਹਿਲਾ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਦੂਜਾ ਟੈਸਟ 10 ਅਕਤੂਬਰ ਨੂੰ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਵੈਸਟਇੰਡੀਜ਼ ਦੇ ਕੋਚ ਡੈਰੇਨ ਸੈਮੀ ਨੇ ਸੀਰੀਜ ਸ਼ੁਰੂ ਹੋਣ ਤੋਂ ਪਹਿਲਾਂ ਟੀਮ ਇੰਡੀਆ ਨੂੰ ਇਸ਼ਾਰਿਆਂ ਵਿੱਚ ਚੁਣੌਤੀ ਜਾਰੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਨਿਊਜ਼ੀਲੈਂਡ ਦੀ ਟੀਮ ਭਾਰਤ ਨੂੰ ਘਰੇਲੂ ਮੈਦਾਨ ‘ਤੇ ਹਰਾ ਸਕਦੀ ਹੈ, ਤਾਂ ਉਹ ਵੀ ਅਜਿਹਾ ਹੀ ਕਰ ਸਕਦੇ ਹਨ।

ਵੈਸਟਇੰਡੀਜ਼ ਟੈਸਟ ਟੀਮ

ਕੇਵਰੋਨ ਐਂਡਰਸਨ, ਐਲਿਕ ਅਥਾਨਾਜ਼ੇ, ਜੌਨ ਕੈਂਪਬੈਲ, ਤੇਗਨਾਰਾਇਣ ਚੰਦਰਪਾਲ, ਸ਼ੇ ਹੋਪ, ਟੇਵਿਨ ਇਮਲਾਚ, ਬ੍ਰੈਂਡਨ ਕਿੰਗ, ਰੋਸਟਨ ਚੇਜ਼ (ਕਪਤਾਨ), ਜਸਟਿਨ ਗ੍ਰੀਵਜ਼, ਖਾਰੀ ਪੀਅਰੇ, ਜੌਨ ਵਾਰਿਕਨ, ਅਲਜ਼ਾਰੀ ਜੋਸਫ਼, ਸ਼ੇਮਾਰ ਜੋਸਫ਼, ਐਂਡਰਸਨ ਫਿਲਿਪ ਅਤੇ ਜੈਡਨ ਸੀਲਸ।

ਭਾਰਤ-ਵੈਸਟਇੰਡੀਜ਼ ਟੈਸਟ ਅੰਕੜੇ

ਭਾਰਤ ਅਤੇ ਵੈਸਟਇੰਡੀਜ਼ ਨੇ ਹੁਣ ਤੱਕ 100 ਟੈਸਟ ਮੈਚ ਖੇਡੇ ਹਨ। ਭਾਰਤ ਨੇ 23 ਟੈਸਟ ਜਿੱਤੇ ਹਨ ਅਤੇ ਵੈਸਟਇੰਡੀਜ਼ ਨੇ 30 ਜਿੱਤੇ ਹਨ। ਦੋਵਾਂ ਵਿਚਕਾਰ ਕੁੱਲ 47 ਟੈਸਟ ਮੈਚ ਡਰਾਅ ਹੋਏ ਹਨ। ਭਾਰਤ ਨੇ ਲਗਾਤਾਰ ਨੌਂ ਟੈਸਟ ਸੀਰੀਜ਼ ਵਿੱਚ ਵੈਸਟਇੰਡੀਜ਼ ਨੂੰ ਹਰਾਇਆ ਹੈ। ਵੈਸਟਇੰਡੀਜ਼ ਨੇ ਆਖਰੀ ਵਾਰ 2002 ਵਿੱਚ ਭਾਰਤ ਵਿਰੁੱਧ ਟੈਸਟ ਸੀਰੀਜ਼ ਜਿੱਤੀ ਸੀ। ਵੈਸਟਇੰਡੀਜ਼ ਵਿਰੁੱਧ ਭਾਰਤ ਦੇ ਦਬਦਬੇ ਦਾ ਅੰਦਾਜ਼ਾ ਇਸ ਤੱਥ ਤੋਂ ਲਗਾ ਸਕਦੇ ਹੋ ਕਿ ਟੀਮ ਇੰਡੀਆ ਨੇ ਪਿਛਲੀਆਂ ਪੰਜ ਟੈਸਟ ਸੀਰੀਜ਼ਾਂ ਵਿੱਚੋਂ ਤਿੰਨ ਵਿੱਚ ਵਿੰਡੀਜ਼ ਨੂੰ ਕਲੀਨ ਸਵੀਪ ਕੀਤਾ ਹੈ।