Commonwealth Games 2026 Medal Tally: ਮੀਰਾਬਾਈ ਚਾਨੂ ਦੇ ਗੋਲਡ ਮੈਡਲ ਨਾਲ ਭਾਰਤ ਦੀ ਵੱਡੀ ਛਾਲ, ਮੈਡਲ ਸੂਚੀ ਵਿੱਚ ਹਾਸਲ ਕੀਤਾ ਇਹ ਸਥਾਨ

ਮੈਡਲ ਟੈਲੀ 'ਚ ਭਾਰਤ

Commonwealth Games 2026 Medals Tally List: ਕਾਮਨਵੈਲਥ ਖੇਡਾਂ 2026 ਦੇ ਚੌਥੇ ਦਿਨ ਭਾਰਤ ਨੇ ਆਪਣਾ ਪਹਿਲਾ ਸੋਨ ਤਮਗਾ ਜਿੱਤਿਆ। ਉਮੀਦਾਂ ਮੁਤਾਬਕ ਇਹ ਸੋਨ ਤਮਗਾ ਭਾਰਤ ਦੀ ਸਟਾਰ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਆਪਣੇ ਨਾਮ ਕੀਤਾ। ਉਨ੍ਹਾਂ ਦੀ ਇਸ ਜਿੱਤ ਦਾ ਅਸਰ ਤਮਗਾ ਸੂਚੀ ਵਿੱਚ ਭਾਰਤ ਦੀ ਰੈਂਕਿੰਗ ‘ਤੇ ਵੀ ਪਿਆ। ਸਿਰਫ਼ ਸੋਨ ਤਮਗਾ ਹੀ ਨਹੀਂ, ਸਗੋਂ ਚੌਥੇ ਦਿਨ ਭਾਰਤ ਵੱਲੋਂ ਜਿੱਤੇ ਗਏ 2 ਚਾਂਦੀ ਦੇ ਤਮਗਿਆਂ ਨੇ ਵੀ ਅਹਿਮ ਭੂਮਿਕਾ ਨਿਭਾਈ। ਇਨ੍ਹਾਂ ਸ਼ਾਨਦਾਰ ਪ੍ਰਦਰਸ਼ਨਾਂ ਦੀ ਬਦੌਲਤ 74 ਦੇਸ਼ਾਂ ਦੀ ਭਾਗੀਦਾਰੀ ਵਾਲੀਆਂ ਕਾਮਨਵੈਲਥ ਖੇਡਾਂ 2026 ਦੀ ਤਮਗਾ ਸੂਚੀ ਵਿੱਚ ਭਾਰਤ 8ਵੇਂ ਸਥਾਨ ‘ਤੇ ਪਹੁੰਚ ਗਿਆ।

ਭਾਰਤ ਨੇ ਪੈਰਾ ਪਾਵਰਲਿਫਟਿੰਗ ਵਿੱਚ ਜਿੱਤਿਆ ਪਹਿਲਾ ਮੈਡਲ

ਗਲਾਸਗੋ ਵਿੱਚ ਹੋ ਰਹੀਆਂ ਕਾਮਨਵੈਲਥ ਖੇਡਾਂ 2026 ਦੇ ਪਹਿਲੇ ਤਿੰਨ ਦਿਨਾਂ ਵਿੱਚ ਭਾਰਤ ਨੇ ਸਿਰਫ਼ ਇੱਕ ਹੀ ਤਮਗਾ ਜਿੱਤਿਆ ਸੀ। ਇਹ ਤਮਗਾ ਭਾਰਤ ਦੇ ਝੰਡੂ ਕੁਮਾਰ ਨੇ ਪੈਰਾ ਪਾਵਰਲਿਫਟਿੰਗ ਵਿੱਚ ਕਾਂਸੀ ਦੇ ਰੂਪ ਵਿੱਚ ਦਿਵਾਇਆ। ਉਨ੍ਹਾਂ ਨੇ ਪੁਰਸ਼ਾਂ ਦੇ ਹੈਵੀਵੇਟ ਵਰਗ ਵਿੱਚ ਇਹ ਕਾਮਯਾਬੀ ਹਾਸਲ ਕੀਤੀ। ਇਸ ਇੱਕ ਮੈਡਲ ਨਾਲ ਭਾਰਤ ਪਹਿਲੇ ਤਿੰਨ ਦਿਨਾਂ ਤੱਕ ਮੈਡਲ ਸੂਚੀ ਵਿੱਚ 9ਵੇਂ ਸਥਾਨ ‘ਤੇ ਰਿਹਾ। ਹਾਲਾਂਕਿ, ਚੌਥੇ ਦਿਨ ਭਾਰਤ ਨੇ ਵੇਟਲਿਫਟਿੰਗ ਵਿੱਚ ਲਗਾਤਾਰ ਇੱਕ ਸੋਨ ਅਤੇ ਦੋ ਚਾਂਦੀ ਸਮੇਤ ਕੁੱਲ 3 ਮੈਡਲ ਜਿੱਤ ਕੇ ਸ਼ਾਨਦਾਰ ਵਾਪਸੀ ਕੀਤੀ।

ਵੇਟਲਿਫਟਿੰਗ ਵਿੱਚ 1 ਸੋਨ ਸਮੇਤ ਜਿੱਤੇ 3 ਮੈਡਲ

ਭਾਰਤ ਲਈ ਪੁਰਸ਼ਾਂ ਦੇ 60 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਵੇਟਲਿਫਟਰ ਰਿਸ਼ੀਕਾਂਤਾ ਸਿੰਘ ਨੇ ਚਾਂਦੀ ਦਾ ਤਮਗਾ ਜਿੱਤਿਆ। ਇਸ ਤੋਂ ਬਾਅਦ ਮਹਿਲਾਵਾਂ ਦੇ 48 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਸਟਾਰ ਵੇਟਲਿਫਟਰ ਮੀਰਾਬਾਈ ਚਾਨੂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ 23ਵੀਆਂ ਰਾਸ਼ਟਰਮੰਡਲ ਖੇਡਾਂ ਵਿੱਚ ਭਾਰਤ ਨੂੰ ਪਹਿਲਾ ਸੋਨ ਮੈਡਲ ਦਿਵਾਇਆ। ਇਸ ਤੋਂ ਇਲਾਵਾ ਪੁਰਸ਼ਾਂ ਦੇ 65 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਭਾਰਤੀ ਵੇਟਲਿਫਟਰ ਐਮ. ਰਾਜਾ ਨੇ ਚਾਂਦੀ ਦਾ ਮੈਡਲ ਆਪਣੇ ਨਾਮ ਕੀਤਾ।

1 ਗੋਲਡ, 2 ਚਾਂਦੀ, 1 ਕਾਂਸੀ… ਮੈਡਲ ਸੂਚੀ ਵਿੱਚ ਭਾਰਤ 8ਵੇਂ ਸਥਾਨ ‘ਤੇ

ਰਾਸ਼ਟਰਮੰਡਲ ਖੇਡਾਂ 2026 ਵਿੱਚ ਭਾਰਤ ਹੁਣ ਤੱਕ ਕੁੱਲ 4 ਮੈਡਲ ਜਿੱਤ ਚੁੱਕਿਆ ਹੈ। ਇਨ੍ਹਾਂ ਵਿੱਚ 1 ਗੋਲਡ, 2 ਚਾਂਦੀ ਅਤੇ 1 ਕਾਂਸੀ ਦਾ ਮੈਡਲ ਸ਼ਾਮਲ ਹੈ। ਇਨ੍ਹਾਂ ਚਾਰ ਮੈਡਲਾਂ ਦੀ ਬਦੌਲਤ ਭਾਰਤ ਨੇ ਮੈਡਲ ਸੂਚੀ ਵਿੱਚ ਇੱਕ ਸਥਾਨ ਦੀ ਛਾਲ ਮਾਰਦੇ ਹੋਏ 8ਵਾਂ ਸਥਾਨ ਹਾਸਲ ਕਰ ਲਿਆ ਹੈ।

CWG 2026 DAY 4 ਤੋਂ ਬਾਅਦ ਮੈਡਲ ਸੂਚੀ ਦੀਆਂ ਟਾਪ-10 ਟੀਮਾਂ