ਹਰਮਨਪ੍ਰੀਤ ਕੌਰ ‘ਤੇ ਹੋਣ ਵਾਲੀ ਹੈ ਵੱਡੀ ਕਾਰਵਾਈ? ਬੀਸੀਸੀਆਈ ਮੁਖੀ ਅਤੇ ਵੀਵੀਐਸ ਲਕਸ਼ਮਣ ਕਰਣਗੇ ਪੁੱਛਗਿੱਛ
ਹਰਮਨਪ੍ਰੀਤ ਕੌਰ ਵੱਲੋਂ ਬੰਗਲਾਦੇਸ਼ ਖਿਲਾਫ ਤੀਜੇ ਵਨਡੇ ਦੌਰਾਨ ਬੱਲੇ ਨਾਲ ਸਟੰਪ 'ਤੇ ਬੈਟ ਸੁੱਟਣ ਤੋਂ ਬਾਅਦ ਆਈਸੀਸੀ ਨੇ ਉਨ੍ਹਾਂ ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾ ਦਿੱਤੀ ਸੀ। ਹੁਣ ਬੀਸੀਸੀਆਈ ਉਸ ਤੋਂ ਪੁੱਛਗਿੱਛ ਕਰਨ ਜਾ ਰਿਹਾ ਹੈ।
ਹਰਮਨਪ੍ਰੀਤ ਕੌਰ (Harmanpreet Kaur) ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਅਤੇ ਮੌਜੂਦਾ ਦੌਰ ਦੀ ਸਭ ਤੋਂ ਵਧੀਆ ਖਿਡਾਰਨਾਂ ਵਿੱਚੋਂ ਇੱਕ ਹੈ। ਉਹ ਅਕਸਰ ਆਪਣੀ ਤੇਜ਼ ਬੱਲੇਬਾਜ਼ੀ ਕਾਰਨ ਸੁਰਖੀਆਂ ‘ਚ ਰਹਿੰਦੀ ਹੈ, ਹਾਲਾਂਕਿ ਅੱਜਕਲ ਉਹ ਆਪਣੀ ਖੇਡ ਦੀ ਬਜਾਏ ਗਲਤ ਕਾਰਨਾਂ ਕਰਕੇ ਸੁਰਖੀਆਂ ‘ਚ ਹੈ। ਹਾਲ ਹੀ ‘ਚ ਹਰਮਨਪ੍ਰੀਤ ‘ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾਈ ਗਈ ਹੈ। ਹਰਮਨਪ੍ਰੀਤ ਕੌਰ ਨੇ ਬੰਗਲਾਦੇਸ਼ ‘ਚ ਅੰਪਾਇਰ ਦੇ ਫੈਸਲੇ ਤੋਂ ਨਾਰਾਜ਼ ਹੋ ਕੇ ਬੱਲੇ ਨਾਲ ਵਿਕਟ ‘ਤੇ ਵਾਰ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ICC ਨੇ ਉਸ ‘ਤੇ ਕਾਰਵਾਈ ਕੀਤੀ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਹਰਮਨਪ੍ਰੀਤ ਦੀਆਂ ਮੁਸ਼ਕਲਾਂ ਇੱਥੇ ਹੀ ਖਤਮ ਨਹੀਂ ਹੋਈਆਂ ਹਨ। ਖਬਰਾਂ ਮੁਤਾਬਕ ਬੀਸੀਸੀਆਈ ਪ੍ਰਧਾਨ ਰੋਜਰ ਬਿੰਨੀ ਅਤੇ ਐਨਸੀਏ ਚੀਫ ਵੀਵੀਐਸ ਲਕਸ਼ਮਣ ਹਰਮਨਪ੍ਰੀਤ ਕੌਰ ਨੂੰ ਮਿਲਣ ਜਾ ਰਹੇ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਹਰਮਨਪ੍ਰੀਤ ਕੌਰ ਦੀ ਇਸ ਹਰਕਤ ਤੋਂ ਨਾਰਾਜ਼ ਹੈ ਅਤੇ ਇਸੇ ਲਈ ਰੋਜਰ ਬਿੰਨੀ ਅਤੇ ਵੀਵੀਐਸ ਲਕਸ਼ਮਣ ਉਸ ਨੂੰ ਮਿਲਣ ਜਾ ਰਹੇ ਹਨ। ਬਿੰਨੀ ਅਤੇ ਲਕਸ਼ਮਣ ਦੋਵੇਂ ਹਰਮਨਪ੍ਰੀਤ ਕੌਰ ਤੋਂ ਬੰਗਲਾਦੇਸ਼ ‘ਚ ਹੋਈ ਘਟਨਾ ‘ਤੇ ਪੁੱਛਗਿੱਛ ਕਰਨਗੇ। ਖ਼ਬਰ ਇਹ ਵੀ ਹੈ ਕਿ ਬੀਸੀਸੀਆਈ ਆਈਸੀਸੀ ਵੱਲੋਂ ਹਰਮਨਪ੍ਰੀਤ ਤੇ ਲਗਾਈ ਗਈ ਦੋ ਮੈਚਾਂ ਦੀ ਪਾਬੰਦੀ ਖ਼ਿਲਾਫ਼ ਅਪੀਲ ਨਹੀਂ ਕਰੇਗਾ। ਸਾਫ਼ ਹੈ ਕਿ ਹਰਮਨਪ੍ਰੀਤ ਕੌਰ ਦੇ ਰਵੱਈਏ ਨੇ ਬੀਸੀਸੀਆਈ ਨੂੰ ਨਿਰਾਸ਼ ਕੀਤਾ ਹੈ।
ਹਰਮਨਪ੍ਰੀਤ ਨੇ ਕੀ ਕੀਤਾ ਸੀ?
ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਹਰਮਨਪ੍ਰੀਤ ਨੇ ਅਸਲ ਵਿੱਚ ਅਜਿਹਾ ਕੀ ਕੀਤਾ ਕਿ ਉਸ ਨੂੰ ਦੋ ਮੈਚਾਂ ਲਈ ਬੈਨ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਬੀਸੀਸੀਆਈ ਪ੍ਰਧਾਨ ਅਤੇ ਐਨਸੀਏ ਚੀਫ ਉਸ ਤੋਂ ਪੁੱਛਗਿੱਛ ਕਰਨ ਜਾ ਰਹੇ ਹਨ? ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਵਨਡੇ ਸੀਰੀਜ਼ ਦਾ ਤੀਜਾ ਅਤੇ ਫੈਸਲਾਕੁੰਨ ਮੈਚ ਮੀਰਪੁਰ ‘ਚ ਚੱਲ ਰਿਹਾ ਸੀ, ਜਿਸ ‘ਚ ਅੰਪਾਇਰ ਨੇ ਹਰਮਨਪ੍ਰੀਤ ਨੂੰ ਐੱਲਬੀਡਬਲਯੂ ਆਊਟ ਕਰ ਦਿੱਤਾ। ਇਸ ਫੈਸਲੇ ਤੋਂ ਹਰਮਨਪ੍ਰੀਤ ਨੂੰ ਅਚਾਨਕ ਗੁੱਸਾ ਆ ਗਿਆ ਅਤੇ ਉਸਨੇ ਆਪਣਾ ਬੱਲਾ ਸਟੰਪ ‘ਤੇ ਮਾਰਿਆ। ਅੰਤ ਵਿੱਚ ਇਹ ਮੈਚ ਟਾਈ ਹੋ ਗਿਆ ਅਤੇ ਟੀਮ ਇੰਡੀਆ ਵਨਡੇ ਸੀਰੀਜ਼ ਨਹੀਂ ਜਿੱਤ ਸਕੀ। ਸੀਰੀਜ਼ 1-1 ਨਾਲ ਡਰਾਅ ਰਹੀ।
ਹਰਮਨਪ੍ਰੀਤ ਇੱਥੇ ਹੀ ਨਹੀਂ ਰੁਕੀ। ਮੈਚ ਤੋਂ ਬਾਅਦ ਦੋਵਾਂ ਟੀਮਾਂ ਨੇ ਟਰਾਫੀ ਨਾਲ ਫੋਟੋ ਸੈਸ਼ਨ ਕਰਵਾਇਆ ਤਾਂ ਉਨ੍ਹਾਂ ਨੇ ਬੰਗਲਾਦੇਸ਼ੀ ਕਪਤਾਨ ਨੂੰ ਇੱਥੇ ਅੰਪਾਇਰ ਨੂੰ ਵੀ ਬੁਲਾਉਣ ਲਈ ਕਿਹਾ। ਦਰਅਸਲ ਹਰਮਨਪ੍ਰੀਤ ਦਾ ਮੰਨਣਾ ਸੀ ਕਿ ਅੰਪਾਇਰਾਂ ਦੇ ਫੈਸਲੇ ਕਾਰਨ ਟੀਮ ਇੰਡੀਆ ਸੀਰੀਜ਼ ਨਹੀਂ ਜਿੱਤ ਸਕੀ।
ਇਹ ਵੀ ਪੜ੍ਹੋ
ਹਰਮਨਪ੍ਰੀਤ ‘ਤੇ ਲੱਗੀ ਹੈ 2 ਮੈਚਾਂ ਦੀ ਪਾਬੰਦੀ
ਹਰਮਨਪ੍ਰੀਤ ਦੀ ਇਸ ਕਾਰਵਾਈ ਤੋਂ ਬਾਅਦ ਉਨ੍ਹਾਂ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਆਈਸੀਸੀ ਨੇ ਉਨ੍ਹਾਂ ‘ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾ ਦਿੱਤੀ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ 75 ਫੀਸਦੀ ਵੀ ਮੈਚ ਫੀਸ ਵੀ ਕੱਟ ਲਈ ਗਈ। ਵੱਡੀ ਗੱਲ ਇਹ ਹੈ ਕਿ ਹਰਮਨ ਏਸ਼ਿਆਈ ਖੇਡਾਂ ਵਿੱਚ ਭਾਰਤੀ ਟੀਮ ਲਈ ਪਹਿਲੇ ਦੋ ਮੈਚ ਨਹੀਂ ਖੇਡ ਸਕਣਗੇ। ਪਰ ਹੁਣ ਦਿਲਚਸਪ ਸਵਾਲ ਇਹ ਹੈ ਕਿ ਬੀਸੀਸੀਆਈ ਹਰਮਨਪ੍ਰੀਤ ਨੂੰ ਸਵਾਲ-ਜਵਾਬ ਕਿਉਂ ਕਰਨਾ ਚਾਹੁੰਦਾ ਹੈ? ਕੀ ਉਨ੍ਹਾਂ ਖਿਲਾਫ ਕੋਈ ਵੱਡੀ ਕਾਰਵਾਈ ਤਾਂ ਨਹੀਂ ਹੋਣ ਵਾਲੀ?
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
