2027 ਚੋਣਾਂ ਲਈ ਸ਼੍ਰੋਮਣੀ ਅਕਾਲੀ ਦਲ (ਪੁਨਰ ਸੁਰਜੀਤ) ਨੇ ਖਿੱਚੀ ਤਿਆਰੀ, 32 ਹਲਕਿਆਂ ਲਈ ਕੋ-ਆਰਡੀਨੇਟਰ ਨਿਯੁਕਤ
ਪਾਰਟੀ ਵੱਲੋਂ ਆਉਣ ਵਾਲੇ ਦਿਨਾਂ 'ਚ ਹਲਕਾ ਪੱਧਰ 'ਤੇ ਵੱਖ-ਵੱਖ ਪ੍ਰੋਗਰਾਮ ਕਰਵਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਰਾਹੀਂ ਪਾਰਟੀ ਵਰਕਰਾਂ ਨੂੰ ਸਰਗਰਮ ਕਰਨ, ਲੋਕਾਂ ਤੱਕ ਪਾਰਟੀ ਦੀਆਂ ਨੀਤੀਆਂ ਪਹੁੰਚਾਉਣ ਤੇ ਸੰਗਠਨ ਨੂੰ ਜ਼ਮੀਨੀ ਪੱਧਰ 'ਤੇ ਮਜ਼ਬੂਤ ਕਰਨ 'ਤੇ ਧਿਆਨ ਦਿੱਤਾ ਜਾਵੇਗਾ।
ਪੰਜਾਬ ਵਿਧਾਨ ਸਭਾ ਚੋਣਾਂ 2027 ਨੂੰ ਲੈ ਕੇ ਸਿਆਸੀ ਪਾਰਟੀਆਂ ਨੇ ਆਪਣੀਆਂ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਹਨ। ਇਸੇ ਸਿਲਸਿਲੇ ‘ਚ ਸ਼੍ਰੋਮਣੀ ਅਕਾਲੀ ਦਲ (ਪੁਨਰ ਸੁਰਜੀਤ) ਨੇ 32 ਵਿਧਾਨ ਸਭਾ ਹਲਕਿਆਂ ਲਈ ਕੋ-ਆਰਡੀਨੇਟਰਾਂ ਦੀ ਪਹਿਲੀ ਸੂਚੀ ਜਾਰੀ ਕੀਤੀ ਹੈ। ਪਾਰਟੀ ਨੇ ਸੂਬੇ ਦੇ ਸਾਰੇ 117 ਵਿਧਾਨ ਸਭਾ ਹਲਕਿਆਂ ‘ਚ ਕੋ-ਆਰਡੀਨੇਟਰ ਨਿਯੁਕਤ ਕਰਨ ਦੀ ਯੋਜਨਾ ਬਣਾਈ ਹੈ। ਪਾਰਟੀ ਪ੍ਰਧਾਨ ਗਿਆਨੀ ਹਰਪ੍ਰੀਤ ਸਿੰਘ ਨੇ ਸਿਆਸੀ ਮਾਮਲਿਆਂ ਬਾਰੇ ਕਮੇਟੀ ਤੇ ਕੋਰ ਕਮੇਟੀ ਦੇ ਮੈਂਬਰਾਂ ਨਾਲ ਸਲਾਹ-ਮਸ਼ਵਰੇ ਤੋਂ ਬਾਅਦ ਪਹਿਲੀ ਸੂਚੀ ਜਾਰੀ ਕੀਤੀ।
ਤਜਰਬੇਕਾਰਾਂ ਦੇ ਨਾਲ ਨੌਜਵਾਨਾਂ ਆਗੂਆਂ ਨੂੰ ਵੀ ਮੌਕਾ
ਪਾਰਟੀ ਪ੍ਰਧਾਨ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਕੋ-ਆਰਡੀਨੇਟਰਾਂ ਦੀ ਚੋਣ ਕਰਦੇ ਸਮੇਂ ਸੀਨੀਅਰ ਤੇ ਤਜਰਬੇਕਾਰ ਆਗੂਆਂ ਦੇ ਨਾਲ ਨੌਜਵਾਨਾਂ ਨੂੰ ਵੀ ਨੁਮਾਇੰਦਗੀ ਦਿੱਤੀ ਗਈ ਹੈ। ਉਨ੍ਹਾਂ ਮੁਤਾਬਕ ਨਵੀਂ ਟੀਮ ‘ਚ ਤਜਰਬੇ ਤੇ ਨੌਜਵਾਨ ਜੋਸ਼ ਦਾ ਮੇਲ ਰੱਖਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਉਨ੍ਹਾਂ ਨਵ-ਨਿਯੁਕਤ ਕੋ-ਆਰਡੀਨੇਟਰਾਂ ਨੂੰ ਵਧਾਈ ਦਿੱਤੀ ਤੇ ਇਸ ਦੇ ਨਾਲ ਸੰਦੇਸ਼ ਦਿੱਤਾ ਕਿ ਉਹ ਆਪਣੇ-ਆਪਣੇ ਹਲਕਿਆਂ ‘ਚ ਪਾਰਟੀ ਦੀਆਂ ਗਤੀਵਿਧੀਆਂ ਨੂੰ ਤੇਜ਼ ਕਰਨ ਤੇ ਵਰਕਰਾਂ ਨਾਲ ਤਾਲਮੇਲ ਬਿਹਤਰ ਬਣਾਉਣ।
ਵਰਕਰਾਂ ਨੂੰ ਐਕਟਿਵ ਕਰਨ ਦੀ ਤਿਆਰੀ
ਪਾਰਟੀ ਵੱਲੋਂ ਆਉਣ ਵਾਲੇ ਦਿਨਾਂ ‘ਚ ਹਲਕਾ ਪੱਧਰ ‘ਤੇ ਵੱਖ-ਵੱਖ ਪ੍ਰੋਗਰਾਮ ਕਰਵਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਰਾਹੀਂ ਪਾਰਟੀ ਵਰਕਰਾਂ ਨੂੰ ਸਰਗਰਮ ਕਰਨ, ਲੋਕਾਂ ਤੱਕ ਪਾਰਟੀ ਦੀਆਂ ਨੀਤੀਆਂ ਪਹੁੰਚਾਉਣ ਤੇ ਸੰਗਠਨ ਨੂੰ ਜ਼ਮੀਨੀ ਪੱਧਰ ‘ਤੇ ਮਜ਼ਬੂਤ ਕਰਨ ‘ਤੇ ਧਿਆਨ ਦਿੱਤਾ ਜਾਵੇਗਾ। ਪਾਰਟੀ ਦਾ ਕਹਿਣਾ ਹੈ ਕਿ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਆਗੂਆਂ ਤੇ ਵਰਕਰਾਂ ਦੀ ਭੂਮਿਕਾ ਅਹਿਮ ਹੈ। 32 ਹਲਕਿਆਂ ਲਈ ਪਹਿਲੀ ਸੂਚੀ ਤੋਂ ਬਾਅਦ ਬਾਕੀ ਹਲਕਿਆਂ ‘ਚ ਵੀ ਕੋ-ਆਰਡੀਨੇਟਰਾਂ ਦੀ ਨਿਯੁਕਤੀ ਕੀਤੀ ਜਾਵੇਗੀ
ਇਹ ਵੀ ਪੜ੍ਹੋ
32 ਵਿਧਾਨ ਸਭਾ ਹਲਕਿਆਂ ਲਈ ਕੋ-ਆਰਡੀਨੇਟਰਾਂ ਦੀ ਪਹਿਲੀ ਸੂਚੀ
- ਪੱਟੀ – ਆਦੇਸ਼ ਪ੍ਰਤਾਪ ਸਿੰਘ ਕੈਰੋਂ
- ਡੇਰਾ ਬਾਬਾ ਨਾਨਕ- ਸੁੱਚਾ ਸਿੰਘ ਛੋਟੇਪੁਰ
- ਭੁੱਲਥ – ਬੀਬੀ ਜਗੀਰ ਕੌਰ
- ਅਜਨਾਲਾ – ਡਾ. ਰਤਨ ਸਿੰਘ ਅਜਨਾਲਾ
- ਨਕੋਦਰ – ਗੁਰਪ੍ਰਤਾਪ ਸਿੰਘ ਵਡਾਲਾ
- ਲਹਿਰਾਗਾਗਾ – ਪਰਮਿੰਦਰ ਸਿੰਘ ਢੀਂਡਸਾ
- ਸਾਹਨੇਵਾਲ – ਸੰਤਾ ਸਿੰਘ ਉਮੈਦਪੁਰੀ
- ਸੁਨਾਮ – ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ
- ਫਿਲੌਰ – ਸਰਵਣ ਸਿੰਘ ਫਿਲੌਰ
- ਬਰਨਾਲਾ – ਗਗਨਜੀਤ ਸਿੰਘ ਬਰਨਾਲਾ
- ਸੰਗਰੂਰ – ਪ੍ਰਕਾਸ਼ ਚੰਦ ਗਰਗ
- ਸਨੌਰ – ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ
- ਬੱਸੀ ਪਠਾਣਾਂ – ਸਾਬਕਾ ਜਸਟਿਸ ਨਿਰਮਲ ਸਿੰਘ
- ਅਟਾਰੀ – ਅਜੈਪਾਲ ਸਿੰਘ ਮੀਰਾਂਕੋਟ
- ਬਾਬਾ ਬਕਾਲਾ – ਰਣਜੀਤ ਸਿੰਘ ਛੱਜਲਵੱਡੀ
- ਜ਼ੀਰਾ -ਕਰਨੈਲ ਸਿੰਘ ਪੀਰਮੁਹੰਮਦ
- ਆਦਮਪੁਰ – ਜਰਨੈਲ ਸਿੰਘ ਗੜ੍ਹਦੀਵਾਲ
- ਉੜਮੁੜ ਟਾਂਡਾ – ਮਨਜੀਤ ਸਿੰਘ ਦਸੂਹਾ
- ਬਲਾਚੌਰ – ਅਮਿਤ ਸੇਠੀ ਥੋਪੀਆ
- ਜਲੰਧਰ ਕੈਂਟ – ਬੀਬੀ ਹਰਜੀਤ ਕੌਰ ਤਲਵੰਡੀ
- ਅਮਲੋਹ – ਬਲਤੇਜ ਸਿੰਘ ਮਹਿਦੂਦਾ
- ਨਵਾਂਸ਼ਹਿਰ – ਮਹਿੰਦਰ ਸਿੰਘ ਹੁਸੈਨਪੁਰ
- ਫ਼ਰੀਦਕੋਟ – ਅਮਨਿੰਦਰ ਸਿੰਘ ਬੰਨੀ ਬਰਾੜ
- ਘਨੌਰ – ਭੁਪਿੰਦਰ ਸਿੰਘ ਸੇਖੂਪੁਰ
- ਨਾਭਾ – ਰਵਿੰਦਰ ਸਿੰਘ ਸ਼ਾਹਪੁਰ
- ਸਮਾਣਾ – ਚਰਨਜੀਤ ਸਿੰਘ ਮਾਵੀ
- ਪਟਿਆਲਾ ਦਿਹਾਤੀ – ਰਣਧੀਰ ਸਿੰਘ ਰੱਖੜਾ
- ਡੇਰਾਬੱਸੀ – ਬੀਬੀ ਰਾਜਿੰਦਰ ਕੌਰ
- ਫ਼ਿਰੋਜ਼ਪੁਰ ਦਿਹਾਤੀ – ਡਾ. ਮੋਹਨ ਸਿੰਘ ਲਾਲਕਾ
- ਬਠਿੰਡਾ ਸ਼ਹਿਰੀ – ਸੁਰਜੀਤ ਸਿੰਘ ਬੋਪਾਰਾਏ
- ਸ਼ਾਮ ਚੁਰਾਸੀ – ਮਦਨ ਮੋਹਨ ਸਿੰਘ
- ਬੁਢਲਾਡਾ – ਮਲਕੀਤ ਸਿੰਘ ਸਮਾਉਂ
