ਛੱਤ ‘ਤੇ ਖੇਡ ਰਹੇ ਬੱਚੇ ਨੇ ਹਾਈ ਵੋਲਟੇਜ ਤਾਰਾਂ ‘ਤੇ ਪਾਈ ਕੁੰਡੀ, ਕਰੰਟ ਲੱਗਣ ਨਾਲ ਮੌਤ, 10 ਘਰਾਂ ਦੇ ਮੀਟਰ ਵੀ ਸੜੇ

ਲੁਧਿਆਣਾ। ਲੁਧਿਆਣਾ ਦੇ ਨਿਉ ਸ਼ਿਵਪੂਰੀ ਇਲਾਕੇ ਚ ਅੱਠ ਸਾਲਾਂ ਬੱਚੇ ਦੀ ਹਾਈ ਵੋਲਟੇਜ ਤਾਰਾਂ ਦੀ ਚਪੇਟ ਵਿਚ ਆਉਣ ਨਾਲ ਮੌਤ ਹੋ ਗਈ ਹੈ। ਤਾਰਾਂ ਵਿੱਚ ਅੱਗ ਲੱਗਣ ਦੀ ਵਜ੍ਹਾ ਦੇ ਨਾਲ ਧਮਾਕਾ ਵੀ ਹੋਇਆ ਹੈ। ਅਤੇ ਧੂਆਂ ਨਿਕਲਣ ਲੱਗਿਆ ਜਿਸ ਤੋਂ ਬਾਅਦ ਪਿਤਾ ਨੇ ਰੌਲਾ ਪਾਇਆ ਤੇ ਆਲੇ ਦੁਆਲੇ ਦੇ ਲੋਕ ਇਕੱਠੇ ਹੋ ਗਏ। ਓਧਰ ਮੌਕੇ ਤੇ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਪਹੁੰਚ ਕੇ ਅੱਗ ਤੇ ਕਾਬੂ ਪਾਇਆ। ਬੱਚੇ ਦਾ ਸਰੀਰ ਸੱਠ ਫ਼ੀਸਦ ਤਕ ਜਲ ਚੁੱਕਾ ਸੀ। ਜਿਸ ਤੋਂ ਬਾਅਦ ਪਰਿਵਾਰਕ ਮੈਂਬਰ ਉਸ ਬੱਚੇ ਨੂੰ ਨਜਦੀਕੀ ਹਸਪਤਾਲ ਵਿੱਚ ਲੈ ਕੇ ਗਏ। ਜਿੱਥੇ ਡਾਕਟਰਾਂ ਨੇ ਬੱਚੇ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਬੱਚੇ ਦੀ ਪਹਿਚਾਣ ਕ੍ਰਿਸ਼ਨ ਦੇ ਰੂਪ ਵਿੱਚ ਹੋਈ ਹੈ।ਉਧਰ ਪਰਿਵਾਰਿਕ ਮੈਂਬਰਾਂ ਨੇ ਗੱਲਬਾਤ ਕਰਦਿਆਂ ਕਿਹਾ ਬੱਚਾ ਪਤੰਗ ਉਡਾ ਰਿਹਾ ਸੀ। ਕੀ ਉਸ ਦੀ ਪਤੰਗ ਦੀ ਡੋਰ ਹਾਈ ਟੈਨਸ਼ਨ ਤਾਰਾ ਤੇ ਜਾ ਪਈ। ਜਿਸ ਤੋਂ ਬਾਅਦ ਯੱਕਦਮ ਧਮਾਕਾ ਹੋਇਆ। ਅਤੇ ਇਲਾਕੇ ਦੇ ਵਿਚ ਲੱਗੇ ਮੀਟਰਾਂ ਦੇ ਵਿੱਚੋਂ ਧੂਆਂ ਨਿਕਲਣ ਲੱਗਿਆ। ਇਸ ਨਾਲ ਕਈ ਮੀਟਰ ਵੀ ਸੜ ਗਏ ਅਤੇ ਬੱਚਾ ਵੀ ਇਸ ਨਾਲ ਕਾਫੀ ਝੁਲਸ ਗਿਆ।

ਪਤੰਗ ਉਡਾ ਰਿਹਾ ਸੀ ਬੱਚਾ

ਉਧਰ ਪੁਲਿਸ ਅਧਿਕਾਰੀਆਂ ਨੇ ਗੱਲਬਾਤ ਦੋਰਾਨ ਕਿਹਾ ਕਿ ਕ੍ਰਿਸ਼ਨ ਨਾਮਕ ਬੱਚਾ ਜੋ ਛੱਤ ਤੇ ਪਤੰਗ ਉਡਾ ਰਿਹਾ ਸੀ। ਅਤੇ ਉਸ ਦੀ ਡੋਰ ਦੀ ਕੁੰਡੀ ਬਣ ਹਾਈ ਵੋਲਟੇਜ ਤਾਰਾਂ ਤੇ ਪੈ ਗਈ। ਜਿਸ ਨਾਲ ਬੱਚਾ ਝੁਲਸ ਗਿਆ। ਅਤੇ ਉਸ ਦੀ ਮੌਤ ਹੋ ਗਈ। ਉਹਨਾਂ ਕਿਹਾ ਕਿ ਇਸ ਸਬੰਧੀ ਕਾਰਵਾਈ ਜਾਰੀ ਹੈ। ਪਿਤਾ ਦੇ ਬਿਆਨਾਂ ਦੇ ਆਧਾਰ ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ