NEET UG 2023: ਜਲੰਧਰ ਦੀ ਆਸ਼ਿਕਾ ਨੇ ਚੌਥਾ ਅਤੇ ਮਲੇਰਕੋਟਲਾ ਦੀ ਪ੍ਰਾਂਜਲ ਨੇ NEET UG ‘ਚ ਹਾਸਿਲ ਕੀਤਾ 11ਵਾਂ ਸਥਾਨ

NEET UG Result 2023: ਦੇਸ਼ ਦੇ ਚੋਟੀ ਦੇ ਮੈਡੀਕਲ ਕਾਲਜਾਂ ਵਿੱਚ ਦਾਖਲੇ ਲਈ ਲਈ ਗਈ NEET UG ਪ੍ਰੀਖਿਆ ਦਾ ਨਤੀਜਾ ਜਾਰੀ ਕਰ ਦਿੱਤਾ ਗਿਆ ਹੈ। ਪੰਜਾਬ ਦੀਆਂ ਦੋ ਕੁੜੀਆਂ ਨੇ ਟਾਪ-50 ਵਿੱਚ ਥਾਂ ਬਣਾਈ ਹੈ। NEET UG 2023 ਦੀ ਪ੍ਰੀਖਿਆ ਵਿੱਚ ਮਲੇਰਕੋਟਲਾ ਦੀ ਰਹਿਣ ਵਾਲੀ ਪ੍ਰਾਂਜਲ ਅਗਰਵਾਲ ਨੇ ਟਾਪ-50 ਚੋਂ ਚੌਥਾ ਸਥਾਨ ਹਾਸਿਲ ਕੀਤਾ ਹੈ। ਉੱਧਰ, ਜਲੰਧਰ ਦੀ ਆਸ਼ਿਕਾ ਅਗਰਵਾਲ ਨੇ ਵਿੱਚ 11ਵਾਂ ਰੈਂਕ ਹਾਸਲ ਕੀਤਾ ਹੈ। ਆਸ਼ਿਕਾ ਅਗਰਵਾਲ ਦੀ ਗੱਲ ਕਰੀਏ ਤਾਂਆਕਾਸ਼ Byjus ਦੀ ਜਲੰਧਰ ਬ੍ਰਾਂਚ ਦੀ ਵਿਦਿਆਰਥਣ ਹੈ, ਜਿੱਥੇ ਉਨ੍ਹਾਂ ਨੇ ਇੱਕ ਵੀ ਕਲਾਸ ਜਾਂ ਇਮਤਿਹਾਨ ਨਹੀਂ ਛੱਡਿਆ। ਆਪਣੇ ਟੀਚਿਆਂ ਨੂੰ ਪ੍ਰਾਪਤ ਕਰਨ ਲਈ ਆਪਣੇ ਅਧਿਆਪਕਾਂ ਅਤੇ ਮਾਪਿਆਂ ਦੀਆਂ ਹਦਾਇਤਾਂ ਦੀ ਪਾਲਣਾ ਕੀਤੀ। ਉਨ੍ਹਾਂ ਨੇ NEET ਦੀ ਤਿਆਰੀ ਸਬੰਧੀ ਸੁਝਾਅ ਵੀ ਦਿੱਤੇ ਹਨ। ਨਾਲ ਹੀ ਆਪਣੀ ਮਿਹਨਤ ਬਾਰੇ ਵੀ ਦੱਸਿਆ।

ਰਹਿ ਚੁੱਕੀ ਹੈ ਬਾਸਕਟਬਾਲ ਖਿਡਾਰੀ

ਆਸ਼ਿਕਾ ਬਾਸਕਟਬਾਲ ਖਿਡਾਰਨ ਰਹਿ ਚੁੱਕੀ ਹੈ। ਉਨ੍ਹਾਂ ਨੇ NEET ਪ੍ਰੀਖਿਆ ਦੀ ਪੜ੍ਹਾਈ ਅਤੇ ਤਿਆਰੀ ਕਰਨ ਲਈ ਆਪਣੀ ਖੇਡ ਛੱਡ ਦਿੱਤੀ। ਆਸ਼ਿਕਾ ਨੇ NEET UG 2023 ਵਿੱਚ 720 ਵਿੱਚੋਂ 715 ਅੰਕ ਪ੍ਰਾਪਤ ਕੀਤੇ ਹਨ। ਉਹ ਪੰਜਾਬ ‘ਚ ਦੂਜੇ ਨੰਬਰ ‘ਤੇ ਆਈ ਹੈ। ਆਸ਼ਿਕਾ ਨੇ ਕਿਹਾ ਕਿ ਮੇਰੇ ਮਾਤਾ-ਪਿਤਾ ਨੇ ਕਦੇ ਵੀ ਮੇਰੇ ‘ਤੇ ਚੰਗੇ ਅੰਕ ਲੈਣ ਦਾ ਦਬਾਅ ਨਹੀਂ ਪਾਇਆ। ਆਸ਼ਿਕਾ ਦੀ ਮਾਂ ਅਧਿਆਪਕਾ ਹੈ ਅਤੇ ਪਿਤਾ ਸੀਏ ਹਨ। ਉਹ ਆਪਣੇ ਪਰਿਵਾਰ ਦੀ ਪਹਿਲੀ ਡਾਕਟਰ ਹੋਵੇਗੀ। ਆਸ਼ਿਕਾ ਚੌਥੀ ਜਮਾਤ ਤੋਂ ਬਾਸਕਟਬਾਲ ਖੇਡਦੀ ਆ ਰਹੀ ਹੈ। ਉਸਨੇ ਡਾਕਟਰ ਬਣਨ ਲਈ ਖੇਡ ਵੀ ਛੱਡ ਦਿੱਤੀ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ,ਲੇਟੇਸਟ ਵੇੱਬ ਸਟੋਰੀ,NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ