ਵਿਧਾਇਕ ਰਮਨ ਅਰੋੜਾ ਅਤੇ ਏਸੀਪੀ ਨੇ ਸਬੂਤ ਖੁਰਦ-ਬੁਰਦ ਕਰਕੇ SHO ਦੀ ਕੀਤੀ ਮਦਦ, ਢਿੱਲੋਂ ਬ੍ਰਦਰਜ਼ ਨੂੰ ਲੈ ਕੇ ਮਜੀਠੀਆ ਵੱਲੋਂ ਪ੍ਰੈੱਸ ਕਾਨਫਰੰਸ
ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਢਿੱਲੋਂ ਬ੍ਰਦਰਜ਼ ਦੇ ਪਰਿਵਾਰਕ ਮੈਂਬਰਾਂ ਨਾਲ ਜਲੰਧਰ ਪ੍ਰੈੱਸ ਕਲੱਬ 'ਚ ਪ੍ਰੈੱਸ ਕਾਨਫਰੰਸ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਕੈਬਨਿਟ ਮੰਤਰੀ ਅਮਨ ਅਰੋੜਾ, 'ਆਪ' ਵਿਧਾਇਕ ਰਮਨ ਅਰੋੜਾ ਅਤੇ ਪੁਲਿਸ ਵਿਭਾਗ ਦੇ ਏ.ਸੀ.ਪੀ ਨਿਰਮਲ ਸਿੰਘ ਬਾਰੇ ਨਵੇਂ ਖੁਲਾਸੇ ਕੀਤੇ।
ਜਸਲੰਧ। ਜਲੰਧਰ ਗ੍ਰੀਨ ਪਾਰਕ ਦੇ ਵਸਨੀਕ ਢਿੱਲੋਂ ਭਰਾਵਾਂ ਨੇ ਥਾਣਾ 1 ‘ਚ ਤਾਇਨਾਤ ਸਾਬਕਾ ਇੰਚਾਰਜ ਨਵਦੀਪ ਸਿੰਘ ਅਤੇ ਹੋਰ ਪੁਲਿਸ ਮੁਲਾਜ਼ਮਾਂ ਤੋਂ ਪ੍ਰੇਸ਼ਾਨ ਹੋ ਕੇ ਗੋਇੰਦਵਾਲ ਸਾਹਿਬ (Goindwal Sahib) ਦੀ ਨਦੀ ‘ਚ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ ਸੀ। ਅੱਜ ਇੱਕ ਵਾਰ ਫਿਰ ਇਸ ਮਾਮਲੇ ਵਿੱਚ ਮਜੀਠੀਆ ਵੱਲੋਂ ਪ੍ਰੈੱਸ ਕਾਨਫਰੰਸ ਕਰਕੇ ਵੱਡੇ ਖੁਲਾਸੇ ਕੀਤੇ। ਮਜੀਠੀਆ ਨੇ ਕਿਹਾ ਕਿ ਐੱਸਐੱਚਓ ਨਵਦੀਪ ਸਿੰਘ ਨੂੰ ਜਾਂ ਤਾਂ ਥਾਣਾ ਰਾਮਾਮੰਡੀ, ਥਾਣਾ 8 ਜਾਂ ਥਾਣਾ 1 ਵਿੱਚ ਤਾਇਨਾਤ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਨਵਦੀਪ ਨੂੰ ਪਹਿਲਾਂ ਵੀ ਬਰਖਾਸਤ ਕੀਤਾ ਗਿਆ ਸੀ। ਮਜੀਠੀਆ ਦਾ ਕਹਿਣਾ ਹੈ ਕਿ ਉਹ ਆਸਟ੍ਰੇਲੀਆ (Australia) ਗਿਆ ਸੀ ਅਤੇ ਉੱਥੇ ਡਿਪੋਰਟ ਕਰ ਦਿੱਤਾ ਗਿਆ ਸੀ। ਅਕਾਲੀ ਆਗੂ ਦਾ ਕਹਿਣਾ ਹੈ ਕਿ ਇਲਾਕੇ ਦੇ ਵਿਧਾਇਕ ਨਾਲ ਉਸਦੀ ਮਿਲੀਭੁਗਤ ਸੀ ਜਿਸ ਕਾਰਨ ਵਿਧਾਇਕ ਐੱਸਐੱਚਓ ਖਿਲਾਫ ਨਹੀਂ ਬੋਲਦੇ ਸਨ।ਜਿਸ ਕਾਰਨ ਉਹ ਵੱਡੇ ਥਾਣਿਆਂ ਵਿੱਚ ਤਾਇਨਾਤ ਰਿਹਾ।
ਚੋਰੀ ਦੇ ਮਾਮਲੇ ‘ਚ ਵੀ ਨਹੀਂ ਹੋਈ ਐੱਸਐੱਚਓ ਖਿਲਾਫ ਕਾਰਵਾਈ
ਬ੍ਰਿਟਿਸ਼ ਕੋਲੰਬੀਆ ਦੇ ਇਕ ਸਕੂਲ ‘ਚੋਂ 35 ਲੱਖ ਰੁਪਏ ਦੀ ਚੋਰੀ ਹੋਈ ਹੈ। ਇਸ ਦਾ ਦੋਸ਼ ਲਗਾਉਂਦੇ ਹੋਏ ਬਿਕਰਮ ਮਜੀਠੀਆ (Bikram Majithia) ਨੇ ਕਿਹਾ ਕਿ 8 ਲੱਖ ਰੁਪਏ ਦੀ ਵਸੂਲੀ ਕੀਤੀ ਜਾਂਦੀ ਹੈ ਅਤੇ ਬਾਕੀ ਰਕਮ ਖੁਰਦਬੁਰਦ ਕੀਤੀ ਜਾਂਦੀ ਹੈ। ਇਸ ਮਾਮਲੇ ਵਿੱਚ ਏਐੱਸਆਈ ਤੇ ਕਾਰਵਾਈ ਹੁੰਦੀ ਹੈ ਪਰ ਨਵਦੀਪ ਜੋ ਐਸ.ਐਚ.ਓ ਸੀ, ਖਿਲਾਫ ਕੋਈ ਕਾਰਵਾਈ ਨਹੀਂ ਕੀਤੀ ਗਈ।
‘ਵਿਧਾਇਕ ਦੀ ਮੁਲਜ਼ਮ ਐੱਸਐੱਚਓ ਨਾਲ ਫੋਟੋ ਕੀਤੀ ਸਾਂਝੀ’
ਉਨ੍ਹਾਂ ਦੱਸਿਆ ਕਿ ਨਵਦੀਪ ਸਿੰਘ ਨੂੰ 15 ਦਿਨਾਂ ਲਈ ਕਤਾਰ ਵਿੱਚ ਭੇਜਿਆ ਗਿਆ ਸੀ। ਪਰ ਅੱਜ ਤੱਕ ਇਸ ਸਬੰਧੀ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਇਸ ਦੌਰਾਨ ਉਸ ਨੇ ਸ਼ਰਾਬ ਤਸਕਰ ਸੋਨੂੰ ਟੈਂਕਰ ਦੇ ਮਾਮਲੇ ਨਾਲ ਸਬੰਧ ਹੋਣ ਦੇ ਵੀ ਦੋਸ਼ ਲਾਏ ਹਨ। ਮਜੀਠੀਆ ਨੇ ਕਈ ਮੰਤਰੀ ਨਾਲ ਨਵਦੀਪ ਸਿੰਘ ਦੀਆਂ ਤਸਵੀਰਾਂ ਜਾਰੀ ਕਰਕੇ ਖੁਲਾਸੇ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਉਕਤ ਨੇਤਾ ਅਤੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਤਸਵੀਰਾਂ ‘ਚ ਉਨ੍ਹਾਂ ਨਾਲ ਆਪਣਾ ਜਨਮ ਦਿਨ ਇਸ ਲਈ ਮਨਾ ਰਹੇ ਹਨ ਕਿਉਂਕਿ ਉਹ ਨਵਦੀਪ ਹੋ ਹਿੱਸਾ ਲੈਂਦੇ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸੀਐੱਮ ਮਾਨ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਕਿਹਾ ਕਿ ਮਾਨ ਸਾਹਿਬ ਨੇ ਪਟਵਾਰੀਆਂ ‘ਤੇ ਐਸਮਾ ਕਾਨੂੰਨ ਥੋਪ ਦਿੱਤਾ ਹੈ। ਨਵਦੀਪ ਦੀ ਜਾਂਚ ਲਈ ਕੋਈ ਕਮੇਟੀ ਨਹੀਂ ਬਣਾਈ ਗਈ।
ਐੱਸਐੱਚਓ ਕੋਲ ਹੈ ਦੋ ਕਰੋੜ ਦਾ ਮਕਾਨ-ਮਜੀਠੀਆ
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸੂਰਿਆ ਐਨਕਲੇਵ ਵਿੱਚ ਬਣੇ ਨਵਦੀਪ ਸਿੰਘ ਦੇ ਘਰ ਬਾਰੇ ਵੀ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਨਵਦੀਪ ਦਾ ਸੂਰਿਆ ਐਨਕਲੇਵ ਵਿੱਚ ਕਰੀਬ 2 ਕਰੋੜ ਰੁਪਏ ਦੀ ਲਾਗਤ ਵਾਲਾ ਮਕਾਨ ਹੈ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਨਵਦੀਪ ਨੂੰ ਫੜਿਆ ਨਹੀਂ ਜਾ ਰਿਹਾ ਕਿਉਂਕਿ ਆਗੂ ਉਨ੍ਹਾਂ ਦੇ ਨਾਲ ਹਨ। ਇਸ ਦੌਰਾਨ ਉਸ ਨੇ ਏਸੀਪੀ ਨਿਰਮਲ ਸਿੰਘ ਤੇ ਵੀ ਗੰਭੀਰ ਦੋਸ਼ ਲਾਏ ਹਨ। ਮਜੀਠੀਆ ਨੇ ਦੱਸਿਆ ਕਿ ਨਵਦੀਪ ਦੇ ਤਬਾਦਲੇ ਦੇ ਮਾਮਲੇ ਵਿੱਚ ਏ.ਸੀ.ਪੀ ਵੀ ਸ਼ਾਮਿਲ ਰਿਹਾ ਹੈ। ਮਜੀਠੀਆ ਨੇ ਏਸੀਪੀ ਦੇ ਨਵਦੀਪ ਨਾਲ ਸਬੰਧਾਂ ਨੂੰ ਲੈ ਕੇ ਕਈ ਨਿਸ਼ਾਨੇ ਸਾਧੇ ਹਨ। ਉਨਵਦੀਪ ਨੂੰ ਫਰਾਰ ਹੋਏ 25 ਦਿਨ ਹੋ ਚੁੱਕੇ ਹਨ।