ਹਿਮਾਚਲ ‘ਚ ਪੰਜਾਬ ਰਾਹੀਂ ਪਾਕਿਸਤਾਨ ਤੋਂ ਆ ਰਿਹਾ ਡਰੱਗ, ਕੰਗਨਾ ਰਣੌਤ ਦੇ ਬਿਆਨ ‘ਤੇ ਵਿਵਾਦ

ਹਿਮਾਚਲ ਪ੍ਰਦੇਸ਼ ਦੇ ਮੰਡੀ ਤੋਂ ਲੋਕ ਸਭਾ ਮੈਂਬਰ ਤੇ ਅਦਾਕਾਰਾ ਕੰਗਨਾ ਰਣੌਤ ਦੇ ਇੱਕ ਹੋਰ ਬਿਆਨ ਤੋਂ ਬਾਅਦ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਉਨ੍ਹਾਂ ਨੇ ਹੁਣ ਹਿਮਾਚਲ ਪ੍ਰਦੇਸ਼ ‘ਚ ਡਰੱਗਸ ਦੀ ਵੱਧ ਰਹੀ ਸਥਿਤੀ ‘ਤੇ ਚਿੰਤਾ ਜ਼ਾਹਰ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਡਰੱਗਸ ਪੰਜਾਬ ਰਾਹੀਂ ਪਾਕਿਸਤਾਨ ਤੋਂ ਆ ਰਿਹਾ ਹੈ। ਇਸ ਨਾਲ ਹਿਮਾਚਲ ਪ੍ਰਦੇਸ਼ ਦਾ ਵੀ ਉਹ ਹੀ ਹਾਲ ਹੋ ਸਕਦਾ ਹੈ, ਜਿਵੇਂ ਪੰਜਾਬ ਦੇ ਕੁੱਝ ਪਿੰਡਾਂ ਦਾ ਹੈ, ਜਿੱਥੇ ਹੁਣ ਵਿਧਵਾਵਾਂ ਹੀ ਰਹਿ ਗਈਆਂ ਹਨ।

ਕੰਗਨਾ ਰਣੌਤ ਨੇ ਕਿਹਾ ਕਿ ਡਰੱਗਸ ਦੀ ਸਥਿਤੀ ਇੰਨੀ ਗੰਭੀਰ ਹੈ ਕਿ ਮੈਂ ਤੁਹਾਨੂੰ ਦੱਸਣਾ ਚਾਹੁੰਦੀ ਹਾਂ ਕਿ ਜਲਦੀ ਹੀ ਜੇਕਰ ਇਸ ‘ਤੇ ਕੋਈ ਸਖ਼ਤ ਕਦਮ ਨਹੀਂ ਲਿਆ ਜਾਵੇਗਾ ਤਾਂ ਸਾਡੇ ਜੋ ਜਿਸ ਤਰ੍ਹਾਂ ਪੰਜਾਬ ਦੇ ਕੁੱਝ ਪਿੰਡ ਹੈ, ਜਿੱਥੇ ਸਿਰਫ਼ ਵਿਧਵਾਵਾਂ ਤੇ ਮਹਿਲਾਵਾਂ ਹੀ ਰਹਿੰਦੀਆ ਹਨ। ਅਜਿਹੀ ਸਥਿਤੀ ਸਾਡੇ ਹਿਮਾਚਲ ਦੀ ਹੋ ਜਾਵੇਗੀ। ਹਿਮਾਚਲ ਦੇ ਬੱਚੇ ਹੱਦ ਤੋਂ ਵੱਧ ਭੋਲੇ ਤੇ ਸਿੱਧੇ ਹੁੰਦੇ ਹਨ।

ਪੰਜਾਬ ਦੇ ਰਸਤੇ ਤੋਂ ਤੇ ਪੰਜਾਬ ਤੋਂ ਪਾਕਿਸਤਾਨ ਰਸਤੇ ਤੋਂ ਜੋ ਡਰੱਗ ਆ ਰਿਹਾ ਹੈ ਤੇ ਹਿਮਾਚਲ ‘ਚ ਪਹੁੰਚ ਰਿਹਾ ਹੈ। ਬੱਚਿਆਂ ਨੇ ਮਾਂ-ਪਿਓ ਦੇ ਗਹਿਣੇ ਵੇਚ ਦਿੱਤੇ ਹਨ। ਬੱਚਿਆਂ ਨੇ ਚੋਰੀਆਂ ਕਰਕੇ ਗੱਡੀਆਂ ਵੇਚ ਦਿੱਤੀਆਂ ਹਨ। ਸਾਡੇ ਕੋਲ ਅਜਿਹੇ ਲੋਕ ਆਉਂਦੇ ਹਨ ਜੋ ਰੋਂਦੇ ਹਨ। ਉਹ ਆਪਣੇ ਆਪ ਨੂੰ ਕਮਰਿਆਂ ‘ਚ ਬੰਦ ਕਰ ਲੈਂਦੇ ਹਨ, ਫਰਨੀਚਰ ਨੂੰ ਤੋੜਦੇ ਹਨ ਤੇ ਚਿਕਦੇ ਹਨ ਤੇ ਰੋਂਦੇ ਹਨ। ਇਹ ਇੱਕ ਤਰ੍ਹਾਂ ਮੌਤ ਤੋਂ ਵੀ ਭੈੜੀ ਸਥਿਤੀ ਹੋ ਜਾਂਦੀ ਹੈ। ਇਸ ਨੂੰ ਲੈ ਕੇ ਗਵਰਨਰ ਨੇ ਜੋ ਵੀ ਕਿਹਾ ਹੈ ਉਹ ਸਹੀ ਕਿਹਾ ਹੈ।

ਕੰਗਨਾ ਆਪਣੀ ਪੀੜੀ ਥੱਲੇ ਸੋਟਾ ਮਾਰੇ- ਨੀਲ ਗਰਗ

ਆਮ ਆਦਮੀ ਪਾਰਟੀ ਦੇ ਆਗੂ ਨੀਲ ਗਰਗ ਨੇ ਕੰਗਨਾ ਰਣੌਤ ਨੂੰ ਇਸ ਬਿਆਨ ‘ਤੇ ਘੇਰਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਬਿਆਨ ਤੋਂ ਪਹਿਲਾਂ ਕੰਗਨਾ ਨੂੰ ਆਪਣੀ ਪੀੜੀ ਥੱਲੇ ਸੋਟਾ ਮਾਰਨਾ ਚਾਹੀਦਾ ਹੈ। ਪੰਜਾਬ ‘ਚ ਨਸ਼ੇ ਆਏ ਕਦੋਂ ਸਨ, 2007 ਤੋਂ ਪਹਿਲਾਂ ਕਦੇ ਕਿਸੇ ਨੇ ਚਿੱਟੇ ਦਾ ਨਾਮ ਤੱਕ ਨਹੀਂ ਸੁਣਿਆ ਸੀ। ਡਰੱਗ ਤਸਕਰਾਂ ਨੂੰ ਵਧਾਵਾ ਦੇਣ ਵਾਲੇ ਇਹ ਹਨ। ਰੋਜ਼ਗਾਰ ਦੀ ਬਜਾਏ ਨੌਜਵਾਨਾਂ ਦੇ ਹੱਥਾਂ ‘ਚ ਇਹ ਸਰਿੰਜਾ ਫੜਾਉਂਦੇ ਹਨ। 10 ਸਾਲ ਇਹ ਸਰਕਾਰ ‘ਚ ਰਹੇ ਹਨ। ਕਦੇ ਇਨ੍ਹਾਂ ਨੇ ਇਹ ਕਦਮ ਨਹੀਂ ਚੁੱਕਿਆ ਕਿ ਪੰਜਾਬ ‘ਚੋਂ ਨਸ਼ਾਂ ਖ਼ਤਮ ਕੀਤਾ ਜਾਵੇ।

ਕੰਗਨਾ ਦੇ ਬਿਆਨਾਂ ਨੂੰ ਕੋਈ ਗੰਭੀਰਤਾ ਨਾਲ ਨਹੀਂ ਲੈਂਦਾ- ਕਾਂਗਰਸ ਆਗੂ

ਹਿਮਾਚਲ ਤੋਂ ਕਾਂਗਰਸ ਆਗੂ ਹਰਿ ਕ੍ਰਿਸ਼ਨ ਹਿਮਰਾਲ ਨੇ ਕਿਹਾ ਹੈ ਕਿ ਕੰਗਨਾ ਰਣੌਤ ਦੇ ਬਿਆਨ ਆਉਂਦੇ ਰਹਿੰਦੇ ਹਨ, ਕੋਈ ਵੀ ਉਨ੍ਹਾਂ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦਾ। ਇੱਥੋਂ ਤੱਕ ਕੀ ਭਾਜਪਾ ਦੇ ਕੁੱਝ ਲੋਕ ਵੀ ਉਨ੍ਹਾਂ ਨੂੰ ਹਿਦਾਇਤਾਂ ਦੇ ਚੁੱਕੇ ਹਨ। ਉਨ੍ਹਾਂ ਨੇ ਕਿਹਾ ਨਸ਼ਾ ਇੱਕ ਗੰਭੀਰ ਮੁੱਦਾ ਹੈ ਤੇ ਇਸ ‘ਤੇ ਇਕੱਠੇ ਹੋ ਕੇ ਵਿਚਾਰ ਜ਼ਰੂਰ ਕਰਨ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਹਿਮਾਚਲ ਪ੍ਰਦੇਸ਼ ‘ਚ ਨਸ਼ੇ ਦੀ ਸਥਿਤੀ ਵੱਧ ਨਹੀਂ ਰਹੀ ਹੈ, ਸਗੋਂ ਸਰਕਾਰ ਇਸ ‘ਤੇ ਲਗਾਮ ਲਗਾ ਰਹੀ ਹੈ। ਕੁੱਝ ਘਟਨਾਵਾਂ ਹੁੰਦੀਆਂ ਰਹਿੰਦੀਆਂ ਹਨ, ਭਾਜਪਾ ਸਮੇਂ ਵੀ ਹੋਈਆਂ। ਸਰਕਾਰਾਂ ਇਸ ‘ਤੇ ਕੰਮ ਕਰ ਰਹੀਆਂ ਹਨ।

ਇਹ ਵੀ ਪੜ੍ਹੋ

ਜ਼ਿਲ੍ਹਾ ਪ੍ਰੀਸ਼ਦ 'ਤੇ ਪੰਚਾਇਤ ਸੰਮਤੀ ਚੋਣਾਂ ਲਈ ਤਿਆਰੀਆਂ ਪੂਰੀਆਂ

ਇਸਾਈ ਭਾਈਚਾਰੇ ਦੀ ਚਰਨ ਕੌਰ ਪੁਤਲਾ ਮਾਮਲੇ 'ਚ ਮੁਸੇਵਾਲਾ ਪਰਿਵਾਰ ਨਾਲ ਮੁਲਾਕਾਤ

ਜਲੰਧਰ ਵਿੱਚ ਪਾਬੰਦੀਸ਼ੂਦਾ ਮੱਛੀ ਦੀ ਖੁੱਲ੍ਹੀ ਵਿਕਰੀ, ਸਟਿੰਗ ਆਪਰੇਸ਼ਨ ਵਿੱਚ ਖੁਲਾਸਾ