ਫਰੀਦਕੋਟ ‘ਚ ਬੇਲਪੱਤਰ ਦੇ ਫਲ ‘ਤੇ ਪ੍ਰਕਟਿਆ ਤ੍ਰਿਸ਼ੂਲ, ਲੋਕਾਂ ਨੇ ਸ਼ਰਧਾ ਨਾਲ ਕੀਤਾ ਨਮਨ
ਪਦਮ ਸ਼੍ਰੀ ਬਾਬਾ ਸੇਵਾ ਸਿੰਘ ਜੀ ਖਡੂਰ ਸਾਹਿਬ ਵਾਲਿਆ ਤੋਂ ਪ੍ਰਸ਼ਾਦ ਦੇ ਰੂਪ ਵਿਚ ਕਰੀਬ 8 ਸਾਲ ਪਹਿਲਾਂ ਪਰਿਵਾਰ ਨੂੰ ਮਿਲਿਆ ਸੀ ਬੇਲੱਪਤਰ ਦਾ ਪੌਦਾ, ਉਸੇ ਪੌਦੇ ਦੇ ਫਲ ਤੇ ਉਕਰਿਆ ਮਿਲਿਆ ਭਗਵਾਨ ਸਿਵ ਦਾ ਪ੍ਰਤੀਕ ਤ੍ਰਿਸ਼ੂਲ।
ਫਰੀਦਕੋਟ। ਸਾਉਣ ਦਾ ਮਹੀਨਾਂ ਚੱਲ ਰਿਹਾ ਜਿਸ ਨੂੰ ਹਿੰਦੀ ਰੀਤੀ ਰਿਵਾਜਾਂ ਅਨੁਸਾਰ ਹਿੰਦੂ ਧਰਮ ਦੇ ਦੇਵੀ ਦੇਵਤਿਆਂ (Goddesses) ਦਾ ਮਹੀਨਾਂ ਮੰਨਿਆ ਜਾਂਦਾ ਹੈ ਇਸ ਮਹੀਨੇ ਹਿੰਦੂ ਧਰਮ ਦੇ ਲਗਭਗ ਹਰੇਕ ਦੇਵੀ ਦੇਵਤਿਆਂ ਦੀ ਪੂਜਾ ਬੜੀ ਸ਼ਰਧਾ ਭਾਵਨਾਂ ਨਾਲ ਕੀਤੀ ਜਾਂਦੀ ਹੈ, ਅਤੇ ਇਸ ਸ਼ਰਧਾ ਭਾਵਨਾਂ ਦੌਰਾਨ ਦੇਸ਼ ਦੇ ਕਿਸੇ ਨਾਂ ਕਿਸੇ ਹਿੱਸੇ ਵਿਚੋਂ ਦੇਵੀ ਦੇਵਤਿਆਂ ਦੇ ਚਲਤਕਾਰ ਦੀਆ ਘਟਨਾਂਵਾਂ ਅਕਸਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ।
ਅਜਿਹਾ ਹੀ ਇਕ ਚਮਤਕਾਰ ਇਹਨੀ ਦਿਨੀ ਫਰੀਦਕੋਟ (Faridkot) ਦੀ ਗੁਰੂ ਨਾਨਕ ਕਲੌਨੀ ਵਿੱਚ ਸਾਹਮਣੇ ਆਇਆ ਜਿਸ ਨੂੰ ਸੁਣਨ ਤੇ ਵਿਸ਼ਵਾਸ਼ ਨਹੀਂ ਹੁੰਦਾ ਜਦ ਬੰਦਾ ਖੁਦ ਆਪਣੀਆਂ ਅੱਖਾਂ ਨਾਲ ਇਸ ਚਮਤਕਾਰ ਨੂੰ ਵੇਖਦਾ ਹੈ ਤਾਂ ਗਦਗਦ ਹੋ ਉਠਦਾ ਹੈ। ਦਰਅਸਲ ਫ਼ਰੀਦਕੋਟ ਦੇ ਇੱਕ ਸਿੱਖ ਪਰਿਵਾਰ ਜੋ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਮੰਨਤਾ ਹੈ। ਇਸ ਪਰਿਵਾਰ ਦੇ ਘਰ ਅਨੋਖਾ ਚਮਤਕਾਰ ਵਾਪਰਿਆ ਹੈ। ਜਾਣਕਾਰੀ ਦਿੰਦੇ ਹੋਰ ਘਰ ਦੇ ਮਾਲਕ ਮੁਖਤਿਆਰ ਸਿੰਘ ਨੇ ਦੱਸਿਆ ਕਿ ਕਰੀਬ 8 ਸਾਲ ਪਹਿਲਾਂ ਪਦਮ ਸ੍ਰੀ ਬਾਬਾ ਸੇਵਾ ਸਿੰਘ ਜੀ ਖਡੂਰ ਸਾਹਿਬ ਵਾਲਿਆਂ ਨੇ ਪ੍ਰਸ਼ਾਦ ਦੇ ਰੂਪ ਵਿਚ ਬੇਲਪੱਤਰ ਦਾ ਇਕ ਪੌਦਾ ਉਹਨਾਂ ਦੀ ਨੂੰਹ ਨੂੰ ਦਿੱਤਾ ਸੀ। ਇਸ ਨੂੰ ਉਹਨਾਂ ਵੱਲੋਂ ਘਰ ਦੀ ਬਗੀਚੀ ਵਿੱਚ ਲਗਾਇਆ ਗਿਆ ਸੀ।


