ਸੀਐਮ ਰੇਖਾ ਗੁਪਤਾ ਦਾ ਅੱਜ ਅੰਮ੍ਰਿਤਸਰ ਦੌਰਾ, ਭਾਜਪਾ 2027 ਚੋਣਾਂ ਤੋਂ ਪਹਿਲਾਂ ਮੈਦਾਨ ਕਰ ਰਹੀ ਮਜ਼ਬੂਤ?
CM Rekha Gupta Amritsar Visit: ਸੀਐਮ ਰੇਖਾ ਗੁਪਤਾ ਦੇ ਦੌਰੇ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨਾਲ ਪੂਰੀ ਦਿੱਲੀ ਕੈਬਨਿਟ ਪਹਿਲੇ ਰਾਜਾਸਾਂਸੀ ਏਅਰਪੋਰਟ ਪੁਹੰਚੇਗੀ। ਇੱਥੇ ਪ੍ਰਸ਼ਾਸਨਿਕ ਅਧਿਕਾਰੀ ਤੇ ਸਥਾਨਕ ਪ੍ਰਤੀਨਿਧੀ ਉਨ੍ਹਾਂ ਦਾ ਸਵਾਗਤ ਕਰਨਗੇ। ਏਅਪੋਰਟ ਤੋਂ ਕਾਫ਼ਲਾ ਸਿੱਧੇ, ਸ੍ਰੀ ਹਰਿਮੰਦਰ ਸਾਹਿਬ ਵਿਖੇਪਹੁੰਚੇਗਾ। ਮੁੱਖ ਮੰਤਰੀ ਰੇਖਾ ਆਪਣੀ ਕੈਬਨਿਟ ਨਾਲ ਇੱਥੇ ਨਤਮਸਤਕ ਹੋਣਗੇ।
ਦਿੱਲੀ ਦੇ ਮੁੱਖ ਮੰਤਰੀ ਰੇਖਾ ਗੁਪਤਾ ਅੱਜ ਆਪਣੀ ਪੂਰੀ ਕੈਬਨਿਟ ਨਾਲ ਸ੍ਰੀ ਹਰਿਮੰਦਰ ਸਾਹਿਬ, ਅੰਮ੍ਰਿਤਸਰ ਵਿਖੇ ਨਤਮਸਤਕ ਹੋਣਗੇ। ਉਹ ਦਿੱਲੀ ਦੇ ਲਾਲ ਕਿਲ੍ਹਾ ਪਰਿਸਰ ‘ਚ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਵਸ ਦੇ ਮੌਕੇ ‘ਤੇ ਤਿੰਨ ਰੋਜ਼ਾ ਗੁਰਮਤਿ ਸਮਾਗਮ ਦੇ ਸਫ਼ਲ ਆਯੋਜਨ ‘ਤੇ ਸ਼ੁਕਰਾਨਾ ਅਦਾ ਕਰਨ ਲਈ ਅੰਮ੍ਰਿਤਸਰ ਪਹੁੰਚ ਰਹੇ ਹਨ। ਇਸ ਮੌਕੇ ਅੱਜ ਅੰਮ੍ਰਿਤਸਰ ਇੱਕ ਅਹਿਮ ਰਾਜਨੀਤਿਕ ਤੇ ਧਾਰਮਿਕ ਗਤੀਵਿਧੀ ਦਾ ਕੇਂਦਰ ਬਣਨ ਜਾ ਰਿਹਾ ਹੈ।
ਇਸ ਦੌਰੇ ਨੂੰ ਇਸ ਲਈ ਵੀ ਅਹਿਮ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਪੰਜਾਬ ‘ਚ 2027 ‘ਚ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ। ਇਸ ਤੋਂ ਪਹਿਲਾਂ ਭਾਜਪਾ ਦੇ ਵੱਡੇ ਆਗੂ ਪੰਜਾਬ ਦਾ ਦੌਰਾ ਕਰ ਰਹੇ ਹਨ। ਚੋਣਾਂ ਤੋਂ ਪਹਿਲਾਂ ਭਾਜਪਾ ਵੱਲੋਂ ਪੰਜਾਬ ‘ਚ ਮੈਦਾਨ ਮਜ਼ਬੂਤ ਕਰਨ ਦਾ ਪੂਰਾ ਯਤਨ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ ਹਰਿਆਣਾ ਦੇ ਸੀਐਮ ਨਾਇਬ ਸੈਣੀ ਵੀ ਕਈ ਮੌਕਿਆਂ ‘ਤੇ ਪੰਜਾਬ ਦਾ ਦੌਰਾ ਕਰ ਚੁੱਕੇ ਹਨ।
दिल्ली सरकार द्वारा लाल किले पर आयोजित श्री गुरु तेग बहादुर साहिब जी के 350वें शहादत दिवस का तीन दिवसीय कार्यक्रम अपनी दिव्यता और भव्यता के साथ सेवा, श्रद्धा और सांस्कृतिक विरासत का अद्भुत समागम बना।
देशभर से पधारी संगतों, कीर्तन जत्थों और सिख समुदाय के सभी आयोजकों का हृदय से pic.twitter.com/pomLycIxUS — Rekha Gupta (@gupta_rekha) November 26, 2025
ਦਿੱਲੀ ਦੀ ਸੀਐਮ ਦੇ ਦੌਰੇ ਦੀ ਜਾਣਕਾਰੀ
ਸੀਐਮ ਰੇਖਾ ਗੁਪਤਾ ਦੇ ਦੌਰੇ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨਾਲ ਪੂਰੀ ਦਿੱਲੀ ਕੈਬਨਿਟ ਪਹਿਲੇ ਰਾਜਾਸਾਂਸੀ ਏਅਰਪੋਰਟ ਪੁਹੰਚੇਗੀ। ਇੱਥੇ ਪ੍ਰਸ਼ਾਸਨਿਕ ਅਧਿਕਾਰੀ ਤੇ ਸਥਾਨਕ ਪ੍ਰਤੀਨਿਧੀ ਉਨ੍ਹਾਂ ਦਾ ਸਵਾਗਤ ਕਰਨਗੇ। ਏਅਪੋਰਟ ਤੋਂ ਕਾਫ਼ਲਾ ਸਿੱਧੇ, ਸ੍ਰੀ ਹਰਿਮੰਦਰ ਸਾਹਿਬ ਵਿਖੇਪਹੁੰਚੇਗਾ। ਮੁੱਖ ਮੰਤਰੀ ਰੇਖਾ ਆਪਣੀ ਕੈਬਨਿਟ ਨਾਲ ਇੱਥੇ ਨਤਮਸਤਕ ਹੋਣਗੇ।
ਇਹ ਵੀ ਪੜ੍ਹੋ
ਇਸ ਤੋਂ ਬਾਅਦ ਸੀਐਮ ਰੇਖਾ ਦਾ ਅਗਲਾ ਪੜਾਅ ਸ੍ਰੀ ਦੁਰਗਿਆਣਾ ਮੰਦਰ ਹੋਵੇਗਾ। ਇਹ ਮੰਦਰ ਅੰਮ੍ਰਿਤਸਰ ਦੀ ਧਾਰਮਿਕ ਪਹਿਚਾਣ ਨਾਲ ਗਹਿਰਾਈ ਨਾਲ ਜੁੜਿਆ ਹੋਇਆ ਹੈ। ਇੱਥੇ ਮੁੱਖ ਮੰਤਰੀ ਪੂਜਾ-ਅਰਚਨਾ ਕਰਨਗੇ। ਉਹ ਸ਼ਹਿਰ ਦੀ ਧਾਰਮਿਕ ਵਿਭਿੰਨਤਾ ਤੇ ਸੱਭਿਚਾਰਕ ਏਕਤਾ ਨੂੰ ਸਨਮਾਨ ਦੇਣ ਦਾ ਸੰਦੇਸ਼ ਦੇਣਗੇ।
ਦੌਰੇ ਦਾ ਤੀਸਰਾ ਤੇ ਅੰਤਿਮ ਪੜਾਅ ਸ੍ਰੀ ਵਾਲਮੀਕੀ ਤੀਰਥ ਹੋਵੇਗਾ, ਜਿਸ ਨੂੰ ਰਾਮ ਤੀਰਥ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਇਹ ਅਸਥਾਨ ਰਿਸ਼ੀ ਵਾਲਮੀਕੀ ਤੇ ਮਾਤਾ ਸੀਤਾ ਨਾਲ ਜੁੜੇ ਇਤਿਹਾਸਕ ਤੇ ਪੌਰਾਣਿਕ ਮਹੱਤਵ ਦੇ ਕਾਰਨ ਵਿਸ਼ੇਸ਼ ਸ਼ਰਧਾ ਦਾ ਕੇਂਦਰ ਹੈ। ਸਾਰੇ ਧਾਰਮਿਕ ਪ੍ਰੋਗਰਾਮ ਪੂਰੇ ਹੋਣ ਤੋਂ ਬਾਅਦ ਮੁੱਖ ਮੰਤਰੀ ਦਾ ਪ੍ਰਤੀਨਿਧੀ ਮੰਡਲ ਦੋਬਾਰਾ ਰਾਜਾਸਾਂਸੀ ਏਅਪੋਰਟ ਤੋਂ ਦਿੱਲੀ ਲਈ ਰਵਾਨਾ ਹੋਵੇਗਾ।
