ਚੰਡੀਗੜ੍ਹ: 10 ਮਹੀਨਿਆਂ ‘ਚ 7.12 ਲੱਖ ਚਲਾਨ: 17 ਕਰੋੜ ਰੁਪਏ ਜੁਰਮਾਨਾ ਵਸੂਲ, ਹਾਈ-ਟੇਕ CCTV ਕੈਮਰੇ ਵੀ ਨਹੀਂ ਰੋਕ ਸਕੇ ਟ੍ਰੈਫਿਕ ਉਲੰਘਣਾਵਾਂ

ਚੰਡੀਗੜ੍ਹ ਵਿੱਚ ਲਾਈਟ ਪੁਆਇੰਟਾਂ ਅਤੇ ਚੌਰਾਹਿਆਂ ‘ਤੇ ਲਗਾਏ ਗਏ 2,085 ਹਾਈ-ਟੈਕ ਸੀਸੀਟੀਵੀ ਕੈਮਰੇ ਵੀ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਰੋਕਣ ਵਿੱਚ ਅਸਫਲ ਰਹੇ ਹਨ। 1 ਜਨਵਰੀ ਤੋਂ 5 ਨਵੰਬਰ, 2025 ਤੱਕ ਟ੍ਰੈਫਿਕ ਪੁਲਿਸ ਨੇ 712,000 ਚਲਾਨ ਜਾਰੀ ਕੀਤੇ ਅਤੇ ਲਗਭਗ 17 ਕਰੋੜ ਰੁਪਏ ਜੁਰਮਾਨੇ ਦੇ ਰੂਪ ਵਿੱਚ ਵਸੂਲ ਕੀਤੇ।

ਲਾਈਟਜੰਪਿੰਗ ਅਤੇ ਓਵਰਸਪੀਡਿੰਗ ਦੇ ਸਭ ਤੋਂ ਜ਼ਿਆਦਾ ਜੁਰਮਾਨੇ

• ਲਾਲ ਬੱਤੀ ਦੀ ਉਲੰਘਣਾ – 360,251
• ਓਵਰਸਪੀਡਿੰਗ – 79,068
• ਬਿਨਾਂ ਹੈਲਮੇਟ – 15,311
• ਟ੍ਰਿਪਲ ਸਵਾਰੀ – 839
• ਸ਼ਰਾਬ ਪੀ ਕੇ ਗੱਡੀ ਚਲਾਉਣਾ – 3,715
• ਹੋਰ ਟ੍ਰੈਫਿਕ ਉਲੰਘਣਾਵਾਂ – 273,580

ਸੋਸ਼ਲ ਮੀਡੀਆ ਰਾਹੀਂ ਕੀਤੇ ਚਲਾਨ

• ਪੋਸਟਰਾਂ ਦੇ ਆਧਾਰ ‘ਤੇ – 40,000
• ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਐਕਸ ‘ਤੇ ਪ੍ਰਾਪਤ ਹੋਈਆਂ ਸ਼ਿਕਾਇਤਾਂ – 5,952
• ਵਟਸਐਪ – 34,055

ਚੰਡੀਗੜ੍ਹ ਟਰੈਫਿਕ ਨਿਯਮ ਅਤੇ ਵਿਵਸਥਾ ਬਾਰੇ ਜਾਣੋ

ਚੰਡੀਗੜ੍ਹ ਟਰੈਫਿਕ ਨਿਯਮ ਅਤੇ ਵਿਵਸਥਾ ਦੇਸ਼ ਵਿੱਚ ਸਭ ਤੋਂ ਸੁਚੱਜੇ ਅਤੇ ਪ੍ਰਬੰਧਿਤ ਮੰਨੇ ਜਾਂਦੇ ਹਨ। ਚੰਡੀਗੜ੍ਹ ਦਾ ਸ਼ਹਿਰੀ ਢਾਂਚਾ ਟਰੈਫ਼ਿਕ ਨੂੰ ਸੁਚਾਰੂ ਤਰੀਕੇ ਨਾਲ ਚਲਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਇੱਥੇ ਟਰੈਫ਼ਿਕ ਪੁਲਿਸ ਵੱਲੋਂ ਕੜੇ ਨਿਯਮ ਲਾਗੂ ਕੀਤੇ ਗਏ ਹਨ। ਜਿਵੇਂ ਕਿ ਹੈਲਮੈਟ ਅਤੇ ਸੀਟ ਬੈਲਟ ਦੀ ਲਾਜ਼ਮੀ ਵਰਤੋਂ, ਨਸ਼ੇ ਵਿੱਚ ਡ੍ਰਾਈਵ ਕਰਨ ਤੇ ਭਾਰੀ ਚਲਾਨ ਅਤੇ ਓਵਰਸਪੀਡਿੰਗ ਲਈ ਤੁਰੰਤ ਕਾਰਵਾਈ। ਸ਼ਹਿਰ ਦੇ ਮੁੱਖ ਚੌਕਾਂ ਤੇ ਸੀਸੀਟੀਵੀ ਕੈਮਰੇ ਲਗੇ ਹੋਣ ਕਾਰਨ ਟਰੈਫਿਕ ਦੀ ਨਿਗਰਾਨੀ ਹਰ ਵੇਲੇ ਹੁੰਦੀ ਰਹਿੰਦੀ ਹੈ।

ਚੰਡੀਗੜ੍ਹ ਵਿੱਚ ਵੱਖ-ਵੱਖ ਰਸਤੇ ਤੇ ਜ਼ੋਨ ਵਾਇਜ਼ ਗਤੀ ਸੀਮਾਵਾਂ ਨਿਰਧਾਰਤ ਹਨ। ਜਿਸ ਨਾਲ ਹਾਦਸਿਆਂ ਵਿੱਚ ਕਾਫ਼ੀ ਕਮੀ ਆਈ ਹੈ। ਸਾਈਕਲ ਟਰੈਕ ਅਤੇ ਪੈਦਲ ਯਾਤਰੀਆਂ ਲਈ ਵੱਖਰਾ ਪ੍ਰਬੰਧ ਸ਼ਹਿਰ ਨੂੰ ਹੋਰ ਵੀ ਸੁਰੱਖਿਅਤ ਬਣਾਉਂਦਾ ਹੈ। ਟਰੈਫਿਕ ਜਾਮ ਤੋਂ ਬਚਣ ਲਈ ਸੜਕਾਂ ਤੇ ਜਿੱਥੇ ਵੀ ਪਾਰਕਿੰਗ ਮਨਾਹੀ ਹੈ ਅਤੇ ਉਲੰਘਣਾ ਕਰਨ ਵਾਲਿਆਂ ਦੇ ਵਾਹਨ ਤੁਰੰਤ ਟੋਅ ਕੀਤੇ ਜਾਂਦੇ ਹਨ। ਚੰਡੀਗੜ੍ਹ ਟਰੈਫ਼ਿਕ ਪੁਲਿਸ ਸਮੇਂ-ਸਮੇਂ ਤੇ ਜਾਗਰੂਕਤਾ ਮੁਹਿੰਮਾਂ ਵੀ ਚਲਾਉਂਦੀ ਹੈ, ਤਾਂ ਜੋ ਲੋਕਾਂ ਨੂੰ ਸੜਕ ਸੁਰੱਖਿਆ ਦੀ ਮਹੱਤਤਾ ਬਾਰੇ ਜਾਣਕਾਰੀ ਮਿਲੇ।

ਕੁੱਲ ਮਿਲਾ ਕੇ, ਚੰਡੀਗੜ੍ਹ ਦੇ ਟਰੈਫਿਕ ਨਿਯਮ ਅਤੇ ਵਿਵਸਥਾ ਸ਼ਹਿਰ ਦੀ ਤਰੱਕੀ, ਸੁਰੱਖਿਆ ਅਤੇ ਸੁਚੱਜੇ ਪ੍ਰਬੰਧਨ ਦੀ ਪਹਚਾਣ ਹਨ, ਜੋ ਹੋਰ ਸ਼ਹਿਰਾਂ ਲਈ ਵੀ ਇੱਕ ਮਿਸਾਲ ਕਾਇਮ ਕਰਦੇ ਹਨ।

ਇਹ ਵੀ ਪੜ੍ਹੋ

ਚੰਡੀਗੜ੍ਹ ਨਗਰ ਨਿਗਮ 'ਚ ਮੇਅਰ ਦਾ ਕਾਰਜਕਾਲ ਢਾਈ ਸਾਲ ਕਰਨ ਦੀ ਤਿਆਰੀ

ਚੰਡੀਗੜ੍ਹ 'ਚ 'ਨਸ਼ਾ ਭਗਾਓ-ਬੱਲਾ ਘੁੰਮਾਓ' ਗਲੀ ਕ੍ਰਿਕਟ ਟੂਰਨਾਮੈਂਟ ਦੀ ਸ਼ੁਰੂਆਤ

ਚੰਡੀਗੜ੍ਹ ਦੇ ਸਕੂਲਾਂ ਨੂੰ ਮੁੜ ਤੋਂ ਬੰਬ ਨਾਲ ਉਡਾਉਣ ਦੀ ਧਮਕੀ, ਅਲਰਟ 'ਤੇ ਪੁਲਿਸ