ਮੋਟਾਪੇ ਤੋਂ ਮਿਲੇਗਾ ਛੁਟਕਾਰਾ, ਰਹੋਗੇ ਚੁਸਤ-ਦਰੁਸਤ, ਅੱਜ ਹੀ ਅਪਣਾਓ FSSAI ਵੱਲੋਂ ਦੱਸੀਆਂ ਇਹ ਖ਼ਾਸ ਆਦਤਾਂ
ਮੋਟਾਪਾ ਇੱਕ ਅਜਿਹੀ ਸਥਿਤੀ ਹੈ ਜਦੋਂ ਤੁਹਾਡਾ ਭਾਰ ਵਧਦੇ-ਵਧਦੇ ਸਰੀਰ ਵਿੱਚ ਚਰਬੀ ਬਹੁਤ ਜ਼ਿਆਦਾ ਮਾਤਰਾ ਵਿੱਚ ਜਮ੍ਹਾ ਹੋ ਜਾਂਦੀ ਹੈ। ਇਸ ਨੂੰ ਘਟਾਉਣਾ ਬੇਹੱਦ ਮੁਸ਼ਕਿਲ ਹੁੰਦਾ ਹੈ ਅਤੇ ਇਹ ਕਈ ਗੰਭੀਰ ਬਿਮਾਰੀਆਂ ਦਾ ਕਾਰਨ ਵੀ ਬਣਦਾ ਹੈ। ਮੋਟਾਪੇ ਕਾਰਨ ਸਰੀਰ ਬੇਡੌਲ ਹੋ ਜਾਂਦਾ ਹੈ, ਇਸ ਲਈ ਭਾਰ ਵਧਦੇ ਹੀ ਇਸ ਵੱਲ ਧਿਆਨ ਦੇਣਾ ਅਤੇ ਸਿਹਤਮੰਦ ਆਦਤਾਂ ਅਪਣਾਉਣਾ ਬਹੁਤ ਜ਼ਰੂਰੀ ਹੈ।
Image Credit source: Getty Images
ਮੋਟਾਪਾ ਇੱਕ ਅਜਿਹੀ ਸਥਿਤੀ ਹੈ ਜਦੋਂ ਤੁਹਾਡਾ ਭਾਰ ਵਧਦੇ-ਵਧਦੇ ਸਰੀਰ ਵਿੱਚ ਚਰਬੀ ਬਹੁਤ ਜ਼ਿਆਦਾ ਮਾਤਰਾ ਵਿੱਚ ਜਮ੍ਹਾ ਹੋ ਜਾਂਦੀ ਹੈ। ਇਸ ਨੂੰ ਘਟਾਉਣਾ ਬੇਹੱਦ ਮੁਸ਼ਕਿਲ ਹੁੰਦਾ ਹੈ ਅਤੇ ਇਹ ਕਈ ਗੰਭੀਰ ਬਿਮਾਰੀਆਂ ਦਾ ਕਾਰਨ ਵੀ ਬਣਦਾ ਹੈ। ਮੋਟਾਪੇ ਕਾਰਨ ਸਰੀਰ ਬੇਡੌਲ ਹੋ ਜਾਂਦਾ ਹੈ, ਇਸ ਲਈ ਭਾਰ ਵਧਦੇ ਹੀ ਇਸ ਵੱਲ ਧਿਆਨ ਦੇਣਾ ਅਤੇ ਸਿਹਤਮੰਦ ਆਦਤਾਂ ਅਪਣਾਉਣਾ ਬਹੁਤ ਜ਼ਰੂਰੀ ਹੈ। ਮੋਟਾਪਾ ਤੁਹਾਡੇ ਸਰੀਰ ਵਿੱਚ ਡਾਇਬੀਟੀਜ਼, ਹਾਈ ਬਲੱਡ ਪ੍ਰੈਸ਼ਰ ਅਤੇ ਫੈਟੀ ਲਿਵਰ ਵਰਗੀਆਂ ‘ਸਾਈਲੈਂਟ ਕਿਲਰ’ ਬਿਮਾਰੀਆਂ ਨੂੰ ਜਨਮ ਦੇ ਸਕਦਾ ਹੈ। ਆਓ ਜਾਣਦੇ ਹਾਂ ਭਾਰਤੀ ਖ਼ੁਰਾਕ ਸੁਰੱਖਿਆ ਅਤੇ ਮਿਆਰ ਅਥਾਰਟੀ ਵੱਲੋਂ ਦੱਸੀਆਂ ਗਈਆਂ ਉਹ ਆਦਤਾਂ, ਜੋ ਤੁਹਾਨੂੰ ਫਿੱਟ ਰੱਖਣ ਵਿੱਚ ਮਦਦਗਾਰ ਸਾਬਤ ਹੋਣਗੀਆਂ।
ਤਲਿਆ ਹੋਇਆ ਅਤੇ ਤੇਲਯੁਕਤ ਭੋਜਨ ਘਟਾਓ
ਜੇਕਰ ਤੁਸੀਂ ਮੋਟਾਪੇ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਆਪਣੀ ਡਾਇਟ ਵਿੱਚੋਂ ਤਲੇ ਹੋਏ ਭੋਜਨ ਨੂੰ ਬਾਹਰ ਕਰੋ। ਜ਼ਿਆਦਾ ਤੇਲ ਵਾਲੀਆਂ ਚੀਜ਼ਾਂ ਨਾ ਸਿਰਫ਼ ਪਾਚਨ ਪ੍ਰਣਾਲੀ ਨੂੰ ਖਰਾਬ ਕਰਦੀਆਂ ਹਨ, ਸਗੋਂ ਸਰੀਰ ਵਿੱਚ ਫੈਟ ਦੀਆਂ ਪਰਤਾਂ ਜਮ੍ਹਾ ਕਰਨ ਲੱਗਦੀਆਂ ਹਨ।
ਪ੍ਰੋਸੈਸਡ ਫੂਡ ਤੋਂ ਬਣਾਓ ਦੂਰੀ
ਅੱਜ-ਕੱਲ੍ਹ ਪ੍ਰੋਸੈਸਡ ਫੂਡ ਜਿਵੇਂ ਕਿ ਫਰੋਜ਼ਨ ਪੀਜ਼ਾ, ਡੱਬਾਬੰਦ ਸਬਜ਼ੀਆਂ, ਰੈਡੀਮੇਡ ਜੂਸ ਅਤੇ ਇੰਸਟੈਂਟ ਨੂਡਲਜ਼ ਖਾਣ ਦਾ ਰੁਝਾਨ ਬਹੁਤ ਵਧ ਗਿਆ ਹੈ। ਇਨ੍ਹਾਂ ਚੀਜ਼ਾਂ ਵਿੱਚ ਪੋਸ਼ਕ ਤੱਤਾਂ ਦੀ ਕਮੀ ਹੁੰਦੀ ਹੈ ਅਤੇ ਸੋਡੀਅਮ, ਖੰਡ ਤੇ ਅਨਹੈਲਦੀ ਫੈਟਸ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ, ਜੋ ਭਾਰ ਵਧਾਉਣ ਵਿੱਚ ਮੁੱਖ ਭੂਮਿਕਾ ਨਿਭਾਉਂਦੇ ਹਨ।
ਸੌਣ ਦੇ ਤਰੀਕੇ ਵਿੱਚ ਕਰੋ ਸੁਧਾਰ
ਚੰਗੀ ਨੀਂਦ ਦਾ ਸਿੱਧਾ ਸਬੰਧ ਤੁਹਾਡੀ ਫਿਟਨੈਸ ਅਤੇ ਮਾਨਸਿਕ ਸਿਹਤ ਨਾਲ ਹੁੰਦਾ ਹੈ। ਸਿਰਫ਼ 7 ਤੋਂ 8 ਘੰਟੇ ਸੌਣਾ ਹੀ ਕਾਫ਼ੀ ਨਹੀਂ ਹੈ, ਸਗੋਂ ਸਮੇਂ ਸਿਰ ਸੌਣਾ ਅਤੇ ਸਮੇਂ ਸਿਰ ਜਾਗਣਾ ਵੀ ਬੇਹੱਦ ਜ਼ਰੂਰੀ ਹੈ। ਆਪਣੀ ਸਲੀਪ ਸਾਈਕਲ ਨੂੰ ਰੈਗੂਲਰ ਰੱਖਣ ਨਾਲ ਸਰੀਰ ਨੂੰ ਸਿਹਤਮੰਦ ਰੱਖਿਆ ਜਾ ਸਕਦਾ ਹੈ।
ਸਰੀਰ ਨੂੰ ਰੱਖੋ ਹਾਈਡ੍ਰੇਟ
ਫਿੱਟ ਰਹਿਣ ਲਈ ਸਰੀਰ ਵਿੱਚ ਪਾਣੀ ਦੀ ਸਹੀ ਮਾਤਰਾ ਹੋਣੀ ਚਾਹੀਦੀ ਹੈ। ਆਪਣੀ ਖ਼ੁਰਾਕ ਵਿੱਚ ਪਾਣੀ, ਹੈਲਦੀ ਡ੍ਰਿੰਕਸ ਅਤੇ ਪਾਣੀ ਨਾਲ ਭਰਪੂਰ ਫਲ ਤੇ ਸਬਜ਼ੀਆਂ ਸ਼ਾਮਲ ਕਰੋ। ਇਸ ਨਾਲ ਸਰੀਰ ਦੇ ਜ਼ਹਿਰੀਲੇ ਤੱਤ ਬਾਹਰ ਨਿਕਲ ਜਾਂਦੇ ਹਨ, ਮੈਟਾਬੋਲਿਜ਼ਮ ਠੀਕ ਰਹਿੰਦਾ ਹੈ ਅਤੇ ਭਾਰ ਕੰਟਰੋਲ ਵਿੱਚ ਰਹਿੰਦਾ ਹੈ।
ਇਹ ਵੀ ਪੜ੍ਹੋ
ਯੋਗਾ ਅਤੇ ਕਸਰਤ
ਕੈਲੋਰੀ ਬਰਨ ਕਰਨ ਲਈ ਰੋਜ਼ਾਨਾ ਯੋਗਾ ਜਾਂ ਕਸਰਤ ਕਰਨਾ ਬਹੁਤ ਜ਼ਰੂਰੀ ਹੈ। ਇਸ ਨਾਲ ਨਾ ਸਿਰਫ਼ ਮਾਸਪੇਸ਼ੀਆਂ ਅਤੇ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ, ਸਗੋਂ ਇਹ ਤੁਹਾਡੀ ਸਮੁੱਚੀ ਸਿਹਤ ਲਈ ਵੀ ਬਹੁਤ ਫਾਇਦੇਮੰਦ ਆਦਤ ਹੈ।
ਸਰੀਰਕ ਗਤੀਵਿਧੀਆਂ ਵਧਾਓ
ਅੱਜ-ਕੱਲ੍ਹ ਜ਼ਿਆਦਾਤਰ ਲੋਕ ਬੈਠ ਕੇ ਕੰਮ ਕਰਦੇ ਹਨ, ਅਜਿਹੇ ਵਿੱਚ ਸਿਰਫ਼ ਸਵੇਰ ਦੀ ਕਸਰਤ ਕਾਫ਼ੀ ਨਹੀਂ ਹੁੰਦੀ। ਸਾਰਾ ਦਿਨ ਸਰੀਰਕ ਤੌਰ ‘ਤੇ ਸਰਗਰਮ ਰਹਿਣ ਦੀ ਕੋਸ਼ਿਸ਼ ਕਰੋ। ਲਿਫਟ ਦੀ ਬਜਾਏ ਪੌੜੀਆਂ ਦੀ ਵਰਤੋਂ ਕਰੋ ਅਤੇ ਨੇੜੇ-ਤੇੜੇ ਜਾਣ ਲਈ ਗੱਡੀ ਦੀ ਥਾਂ ਪੈਦਲ ਜਾਂ ਸਾਈਕਲ ਦੀ ਵਰਤੋਂ ਕਰਨਾ ਯਕੀਨੀ ਬਣਾਓ।