Keralam Assembly Election 2026: ਕੇਰਲਮ ਚੋਣਾਂ ‘ਚ 85% ਸਟ੍ਰਾਈਕ ਰੇਟ… ਕਾਂਗਰਸ ਗਠਜੋੜ ਦੀ ਵਾਪਸੀ ‘ਚ ਅਸਲੀ ਧੁਰੰਦਰ ਨਿਕਲੀ ਮੁਸਲਿਮ ਲੀਗ

ਕਾਂਗਰਸ ਦੀ ਅਗਵਾਈ ਵਾਲੇ ਯੂਡੀਐਫ ਗੱਠਜੋੜ ਨੇ ਕੇਰਲ ਵਿਧਾਨ ਸਭਾ ਚੋਣਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਇਸ ਜਿੱਤ ਵਿੱਚ ਮੁਸਲਿਮ ਲੀਗ ਅਸਲ ਪਾਵਰਹਾਊਸ ਵਜੋਂ ਉਭਰੀ ਹੈ। ਮੁਸਲਿਮ ਲੀਗ ਨੇ 27 ਸੀਟਾਂ ‘ਤੇ ਚੋਣ ਲੜੀ, ਜਿਨ੍ਹਾਂ ਵਿੱਚ ਕਾਸਰਗੋਡ ਤੋਂ ਕਲਾਤਰਾ ਮਾਹਿਨ, ਕੋਡੁਵਾਲੀ ਤੋਂ ਪੀ.ਕੇ. ਫਿਰੋਜ਼, ਤਿਰੂਵੰਬਾਡੀ ਤੋਂ ਸੀ.ਕੇ. ਕਾਸਿਮ, ਕੋਝੀਕੋਡ ਦੱਖਣ ਤੋਂ ਫੈਜ਼ਲ ਬਾਬੂ, ਕੁੰਨਮੰਗਲਮ ਤੋਂ ਐਮ.ਏ. ਰਜ਼ਾਕ ਮਾਸਟਰ ਅਤੇ ਮੰਨਾਰੱਕੜ ਤੋਂ ਐਨ. ਸ਼ਮਸੁਦੀਨ ਸ਼ਾਮਲ ਹਨ। ਇਹ 17 ਸੀਟਾਂ ‘ਤੇ ਵੱਡੇ ਫਰਕ ਨਾਲ ਅੱਗੇ ਹੈ, ਇਸ ਤਰ੍ਹਾਂ ਕੁੱਲ 22 ਸੀਟਾਂ ਹਾਸਲ ਕੀਤੀਆਂ ਹਨ।

ਐਂਟੀ ਇੰਕਨਬੈਂਸੀ ਦਾ ਫਾਈਦਾ ਚੁੱਕਿਆ

ਗੱਠਜੋੜ ਦੀ ਜਿੱਤ ‘ਤੇ ਟਿੱਪਣੀ ਕਰਦੇ ਹੋਏ, ਕਾਂਗਰਸ ਦੇ ਜਨਰਲ ਸਕੱਤਰ (ਸੰਗਠਨ) ਕੇ. ਸੀ. ਵੇਣੂਗੋਪਾਲ ਨੇ ਕਿਹਾ, “ਜਨਤਾ ਵਿੱਚ ਸਰਕਾਰ ਖਿਲਾਫ ਸੱਤਾ ਵਿਰੋਧੀ ਲਹਿਰ ਸੀ। ਅਸੀਂ ਇਸ ਸੱਤਾ ਵਿਰੋਧੀ ਲਹਿਰ ਦਾ ਫਾਇਦਾ ਉਠਾਇਆ। ਰਾਜ ਦੇ ਲੋਕ ਰਾਹੁਲ ਗਾਂਧੀ, ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਅਤੇ ਪ੍ਰਿਯੰਕਾ ਗਾਂਧੀ ‘ਤੇ ਭਰੋਸਾ ਕਰਦੇ ਹਨ। ਐਲਡੀਐਫ ਸਰਕਾਰ ਬਹੁਤ ਭ੍ਰਿਸ਼ਟ ਸੀ।”

#WATCH | दिल्ली: कांग्रेस नेता सचिन पायलट ने चुनाव परिणामों पर कहा, “मुझे लगता है कि अभी के संकेत ये हैं कि कांग्रेस-UDF केरल में एक सुनिश्चित और ऐतिहासिक जीत की ओर बढ़ रही है। गिनती के कुछ राउंड बाकी हैं लेकिन मुझे अब भी विश्वास है कि हमें ज़बरदस्त बहुमत मिलेगा… केरल के लोगों pic.twitter.com/YJVRc8oldx — ANI_HindiNews (@AHindinews) May 4, 2026

ਸਾਨੂੰ ਭਾਰੀ ਬਹੁਮਤ ਮਿਲੇਗਾ

ਕਾਂਗਰਸ ਨੇਤਾ ਸਚਿਨ ਪਾਇਲਟ ਨੇ ਕਿਹਾ, “ਕਾਂਗਰਸ-ਯੂਡੀਐਫ ਕੇਰਲ ਵਿੱਚ ਇੱਕ ਪੱਕੀ ਅਤੇ ਇਤਿਹਾਸਕ ਜਿੱਤ ਵੱਲ ਵਧ ਰਹੀ ਹੈ। ਗਿਣਤੀ ਦੇ ਕੁਝ ਹੀ ਦੌਰ ਬਾਕੀ ਹਨ। ਮੈਨੂੰ ਵਿਸ਼ਵਾਸ ਹੈ ਕਿ ਅਸੀਂ ਭਾਰੀ ਜਿੱਤ ਪ੍ਰਾਪਤ ਕਰਾਂਗੇ। ਕੇਰਲ ਦੇ ਲੋਕਾਂ, ਸਾਡੇ ਵਰਕਰਾਂ ਅਤੇ ਨੇਤਾਵਾਂ ਨੇ ਇਹ ਲੜਾਈ ਇਕੱਠੇ ਲੜੀ ਅਤੇ ਭਾਜਪਾ, ਰਾਜਨੀਤਿਕ ਖੇਡਾਂ ਖੇਡ ਰਹੀ ਸੀ। ਯੂਡੀਐਫ ਨੂੰ ਸੱਤਾ ਵਿੱਚ ਆਉਣ ਤੋਂ ਰੋਕਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਅਸਿੱਧੇ ਤੌਰ ‘ਤੇ, ਭਾਜਪਾ ਐਲਡੀਐਫ ਦੀ ਮਦਦ ਕਰ ਰਹੀ ਸੀ, ਜੋ ਅਸਫਲ ਰਹੀ ਹੈ।”