ਭਾਰਤ ਭੁੱਲਿਆ ਨਹੀਂ, ਇਨਸਾਫ਼ ਮਿਲ ਗਿਆ… ਪਹਿਲਗਾਮ ਹਮਲੇ ਦੀ ਬਰਸੀ ਤੋਂ ਪਹਿਲਾਂ ਫੌਜ ਦਾ PAK ਨੂੰ ਸੁਨੇਹਾ
Pahalgam Attack Anniversary: ਪਹਿਲਗਾਮ ਹਮਲੇ ਦੀ ਪਹਿਲੀ ਬਰਸੀ ਤੋਂ ਪਹਿਲਾਂ, ਭਾਰਤੀ ਫੌਜ ਨੇ ਕਿਹਾ ਹੈ ਕਿ ਭਾਰਤ ਭੁੱਲਦਾ ਨਹੀਂ ਹੈ ਅਤੇ ਇਨਸਾਫ਼ ਮਿਲ ਗਿਆ ਹੈ। 22 ਅਪ੍ਰੈਲ ਇੱਕ ਅਜਿਹੀ ਤਾਰੀਖ ਹੈ ਜੋ ਭਾਰਤ ਕਦੇ ਨਹੀਂ ਭੁੱਲੇਗਾ। ਇਸ ਹਮਲੇ ਵਿੱਚ 26 ਮਾਸੂਮ ਜਾਨਾਂ ਗਈਆਂ। ਬੈਸਰਨ ਦੀਆਂ ਸੁੰਦਰ ਘਾਟੀਆਂ ਉਸ ਦਿਨ ਅਚਾਨਕ ਚੀਕਾਂ ਅਤੇ ਬਾਰੂਦ ਦੇ ਧੂੰਏਂ ਨਾਲ ਭਰ ਗਈਆਂ। ਅੱਤਵਾਦੀਆਂ ਦੀਆਂ ਗੋਲੀਆਂ ਸਿਰਫ਼ ਮੌਤ ਵੰਡ ਰਹੀਆਂ ਸਨ।
ਪਹਿਲਗਾਮ ਹਮਲੇ ਦੀ ਕੱਲ੍ਹ ਯਾਨੀ ਬੁੱਧਵਾਰ ਨੂੰ ਪਹਿਲੀ ਬਰਸੀ ਹੈ। 22 ਅਪ੍ਰੈਲ 2025 ਇਹ ਸਿਰਫ ਇੱਕ ਤਾਰੀਖ ਨਹੀਂ, ਸਗੋਂ ਇੱਕ ਚੀਖ ਹੈ, ਜਿਸ ਨੇ ਭਾਰਤ ਦੇ ਦਿਲ ਨੂੰ ਚੀਰ ਕੇ ਰੱਖ ਦਿੱਤਾ ਸੀ। ਇੱਕ ਅਜਿਹਾ ਜ਼ਖ਼ਮ ਜਿਸਨੂੰ ਸਮੇਂ ਦੀ ਕੋਈ ਵੀ ਪੱਟੀ ਕਦੇ ਨਹੀਂ ਭਰ ਸਕੇਗੀ। ਪਹਲਗਾਮ ਦੀਆਂ ਵਾਦੀਆਂ ਵਿੱਚ ਉਸ ਦਿਨ ਸੁਕੂਨ ਨਹੀਂ, ਸਗੋਂ ਮਾਤਮ ਛਾਇਆ ਹੋਇਆ ਸੀ। ਕਾਇਰ ਆਤੰਕੀਆਂ ਦੇ ਉਸ ਹਮਲੇ ਨੇ 26 ਜ਼ਿੰਦਗੀਆਂ ਖਤਮ ਕਰ ਦਿੱਤੀਆਂ। ਕਈ ਘਰਾਂ ਦੇ ਚਿਰਾਗ ਬੁੱਝ ਗਏ।
ਪਹਿਲੀ ਬਰਸੀ ਤੋਂ ਇੱਕ ਦਿਨ ਪਹਿਲਾਂ ਭਾਰਤੀ ਫੌਜ ਨੇ ਟਵੀਟ ਕਰਕੇ ਵੱਡੀ ਗੱਲ ਕਹੀ ਹੈ। ਭਾਰਤੀ ਫੌਜ ਨੇ ਕਿਹਾ, ਜਦੋਂ ਇਨਸਾਨੀਅਤ ਦੀਆਂ ਹੱਦਾਂ ਲੰਘੀਆਂ ਜਾਂਦੀਆਂ ਹਨ, ਤਾਂ ਜਵਾਬ ਫੈਸਲਾਕੁਨ ਹੁੰਦਾ ਹੈ। ਭਾਰਤ ਭੁੱਲਦਾ ਨਹੀਂ ਹੈ ਨਿਆਂ ਮਿਲ ਚੁੱਕਾ ਹੈ। ਭਾਰਤ ਇਕਜੁੱਟ ਹੈ। ਦੱਸ ਦਈਏ ਕਿ ਬੈਸਰਨ ਦੀਆਂ ਖੂਬਸੂਰਤ ਵਾਦੀਆਂ ਉਸ ਦਿਨ ਅਚਾਨਕ ਚੀਖਾਂ ਅਤੇ ਬਾਰੂਦ ਦੇ ਧੂੰਏ ਨਾਲ ਭਰ ਗਈਆਂ ਸਨ। ਅੱਤਵਾਦੀਆਂ ਦੀਆਂ ਗੋਲੀਆਂ ਕਿਸੇ ਧਰਮ ਜਾਂ ਚਿਹਰੇ ਨੂੰ ਨਹੀਂ ਦੇਖ ਰਹੀਆਂ ਸਨ, ਉਹ ਸਿਰਫ ਮੌਤ ਵੰਡ ਰਹੀਆਂ ਸਨ।
When boundaries of humanity are crossed, the response is decisive. Justice is Served. India Stands United.#SindoorAnniversary #JusticeEndures #NationFirst pic.twitter.com/rtgYu9Hg11
— ADG PI – INDIAN ARMY (@adgpi) April 21, 2026
ਚੀਕਾਂ ਅਤੇ ਬਾਰੂਦ ਨਾਲ ਭਰ ਗਈ ਸੀ ਬੈਸਰਨ ਘਾਟੀ
ਜਿਸਨੂੰ ਦੁਨੀਆ ਮਿਨੀ ਸਵਿਟਜ਼ਰਲੈਂਡ ਦੇ ਨਾਮ ਨਾਲ ਜਾਣਦੀ ਹੈ, ਉਸ ਦਿਨ ਉੱਥੇ ਮੌਤ ਦਾ ਖੌਫਨਾਕ ਮੰਜ਼ਰ ਸੀ। ਮੌਤ ਸਾਏ ਵਾਂਗ ਪਿੱਛਾ ਕਰ ਰਹੀ ਸੀ। ਅੱਤਵਾਦੀਆਂ ਨੇ ਸੈਲਾਨੀਆਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ। ਇਸ ਹਮਲੇ ਵਿੱਚ 26 ਮਾਸੂਮ ਲੋਕ ਮਾਰੇ ਗਏ ਸਨ। ਇਸ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ, ਬਹੁਤ ਸਾਰੇ ਪਰਿਵਾਰਾਂ ਨੂੰ ਤਬਾਹ ਕਰ ਦਿੱਤਾ ਸੀ।
ਆਪ੍ਰੇਸ਼ਨ ਸਿੰਦੂਰ ਸ਼ੁਰੂ ਕਰਕੇ ਭਾਰਤ ਨੇ ਦਿੱਤਾ ਜਵਾਬ
ਕੁਝ ਨੇ ਆਪਣੇ ਜੀਵਨ ਸਾਥੀ ਗੁਆ ਦਿੱਤੇ, ਕਿਸੇ ਨੇ ਆਪਣੇ ਚਿਰਾਗ ਨੂੰ ਆਪਣੀ ਅੱਖਾਂ ਦੇ ਸਾਹਮਣੇ ਮਰਦੇ ਦੇਖਿਆ। ਅੱਜ ਵੀ ਉਸ ਮੰਜ਼ਰ ਨੂੰ ਯਾਦ ਕਰਕੇ ਰੂਹ ਕੰਬ ਜਾਂਦੀ ਹੈ। ਹਮਲੇ ਦੇ ਕੁਝ ਦਿਨਾਂ ਬਾਅਦ ਭਾਰਤ ਨੇ ਆਪਰੇਸ਼ਨ ਸਿੰਦੂਰ ਚਲਾਇਆ। ਭਾਰਤ ਨੇ 6-7 ਮਈ ਨੂੰ ਪਾਕਿਸਤਾਨ ਅਤੇ ਪੀਓਕੇ ਵਿੱਚ ਕਈ ਆਤੰਕੀ ਠਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ। ਇਹ ਕਾਰਵਾਈ 22-26 ਅਪ੍ਰੈਲ 2025 ਦੇ ਦਰਮਿਆਨ ਪਹਿਲਗਾਮ ਵਿੱਚ ਹੋਏ ਆਤੰਕੀ ਹਮਲੇ ਦੇ ਜਵਾਬ ਵਿੱਚ ਕੀਤੀ ਗਈ, ਜਿਸ ਵਿੱਚ 26 ਨਾਗਰਿਕਾਂ ਦੀ ਜਾਨ ਗਈ ਸੀ।
ਇਹ ਵੀ ਪੜ੍ਹੋ
ਇਹ ਵੀ ਪੜੋ : ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਤੇ ਬਣੀ Docu Series ਦਾ ਵਿਰੋਧ, ਬੈਨ ਕਰਵਾਉਣ ਲਈ ਵੜਿੰਗ ਪਾਣਗੇ PIL
Szource ਟੀਵੀ9 ਭਾਰਤਵਰਸ਼
