ਬੰਗਾਲ ਵਿੱਚ ਕ੍ਰਿਏਟਿਵ ਟੈਲੇਂਟ ਸਭ ਤੋਂ ਵੱਧ, OTT ਦੀ ਮਦਦ ਨਾਲ ਅਸੀਂ ਫਿਲਮ ਉਦਯੋਗ ਤੇ ਮੁੜ ਰਾਜ ਕਰ ਸਕਦੇ ਹਾਂ ਅਸੀਂ: Tv9 ਨੈੱਟਵਰਕ ਦੇ MD ਅਤੇ CEO ਬਰੁਣ ਦਾਸ
Ghorer Bioscope Award 2024: TV9 ਬੰਗਲਾ ਦੇ ਘੋਰੇਰ ਬਾਇਓਸਕੋਪ ਐਵਾਰਡ ਸ਼ੋਅ ਦੇ ਦੂਜੇ ਐਡੀਸ਼ਨ ਵਿੱਚ ਬੰਗਾਲ ਦੇ ਫਿਲਮ ਅਤੇ ਟੈਲੀਵਿਜ਼ਨ ਕਲਾਕਾਰਾਂ ਨੂੰ ਪੁਰਸਕਾਰ ਦਿੱਤੇ ਗਏ। ਪ੍ਰੋਗਰਾਮ ਵਿੱਚ, ਟੀਵੀ 9 ਨੈਟਵਰਕ ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਨੇ ਬੰਗਾਲ ਦੀ ਰਚਨਾਤਮਕ ਪ੍ਰਤਿਭਾ ਬਾਰੇ ਚਰਚਾ ਕੀਤੀ। ਉਨ੍ਹਾਂ ਕਿਹਾ ਕਿ ਕਦੇ ਬੰਬਈ ਫਿਲਮ ਇੰਡਸਟਰੀ 'ਤੇ ਬੰਗਾਲ ਦਾ ਰਾਜ ਸੀ। ਅਸੀਂ ਉਨ੍ਹਾਂ ਦਿਨਾਂ ਨੂੰ ਦੁਬਾਰਾ ਵਾਪਸ ਲਿਆ ਸਕਦੇ ਹਾਂ।
TV9 ਬੰਗਲਾ ਦੇ ਘੋਰਰ ਬਾਇਓਸਕੋਪ ਅਵਾਰਡ ਸ਼ੋਅ ਦੇ ਦੂਜੇ ਐਡੀਸ਼ਨ ਦੀ ਰੰਗਾਰੰਗ ਸ਼ੁਰੂਆਤ ਹੋਈ। ਇਸ ਮੌਕੇ ਟੀਵੀ9 ਨੈੱਟਵਰਕ ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਨੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਅਤੇ ਐਵਾਰਡ ਸ਼ੋਅ ਬਾਰੇ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਹ ਐਵਾਰਡ ਸ਼ੋਅ ਪੱਛਮੀ ਬੰਗਾਲ ਦੀ ਸੰਸਕ੍ਰਿਤੀ ‘ਤੇ ਬੰਗਾਲੀ ਟੈਲੀਵਿਜ਼ਨ ਸੀਰੀਅਲਸ ਅਤੇ ਓਟੀਟੀ ਕੰਟੈਂਟ ਦੇ ਪ੍ਰਭਾਵ ਨੂੰ ਪਛਾਣਦਾ ਹੈ। ਇਸ ਐਵਾਰਡ ਸ਼ੋਅ ਲਈ ਸਾਰੇ ਫਿਲਮੀ ਸੁਪਰਸਟਾਰ ਅਤੇ ਟੈਲੀਵਿਜ਼ਨ ਕਲਾਕਾਰ ਕੋਲਕਾਤਾ ਦੇ ਇੱਕ ਆਡੀਟੋਰੀਅਮ ਵਿੱਚ ਇਕੱਠੇ ਹੋਏ ਹਨ।
ਇਸ ਤੋਂ ਪਹਿਲਾਂ, ਐਵਾਰਡ ਸ਼ੋਅ ਦੇ ਐਂਕਰਾਂ ਨੇ Tv9 ਨੈੱਟਵਰਕ ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਦੀ ਪਛਾਣ ਕਰਵਾਉਂਦਿਆਂ ਉਨ੍ਹਾਂ ਦੀ ਫਿਲੌਸੌਫੀ if it is to be, then it is up to me ਬਾਰੇ ਗੱਲ ਕੀਤੀ। ਬਰੁਣ ਦਾਸ ਜਦੋਂ ਮੰਚ ‘ਤੇ ਪਹੁੰਚੇ ਤਾਂ ਉਨ੍ਹਾਂ ਕਿਹਾ ਕਿ ‘ਇਹ ਕਿਸੇ ਵਿਅਕਤੀ ਦਾ ਫਲਸਫਾ ਨਹੀਂ ਹੈ, ਕਿਸੇ ਵੀ ਸਫਲਤਾ ਦਾ ਦਰਸ਼ਨ ਹੈ, ਜੋ ਕਿਸੇ ਵੀ ਉਦਯੋਗ, ਦੇਸ਼ ਲਈ ਹੈ।’
ਬਰੁਣ ਦਾਸ ਨੇ ਕਿਹਾ ਕਿ ਸੁਪਰਸਟਾਰ ਅੱਲੂ ਅਰਜੁਨ ਇਸ ਸ਼ੋਅ ਲਈ ਕੋਲਕਾਤਾ ਨਹੀਂ ਆ ਸਕੇ। ਉਨ੍ਹਾਂ ਦੀ ਫਿਲਮ ਪੁਸ਼ਪਾ 2 ਰਿਲੀਜ਼ ਹੋਣ ਵਾਲੀ ਹੈ, ਜਿਸ ਕਾਰਨ ਉਹ ਆਪਣੇ ਵਿਅਸਤ ਸ਼ੈਡਿਊਲ ਕਾਰਨ ਆਖਰੀ ਸਮੇਂ ‘ਤੇ ਇੱਥੇ ਨਹੀਂ ਪਹੁੰਚ ਸਕੇ ਪਰ ਉਨ੍ਹਾਂ ਦੀ ਫਿਲਮ ਪੁਸ਼ਪਾ 2 ਦੀ ਐਡਵਾਂਸ ਬੁਕਿੰਗ 50 ਕਰੋੜ ਰੁਪਏ ਨੂੰ ਪਾਰ ਕਰ ਗਈ ਹੈ, ਪਹਿਲੇ ਹੀ ਦਿਨ ਇਹ ਫਿਲਮ 300 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਕੁਲੈਕਸ਼ਨ ਕਰ ਸਕਦੀ ਹੈ।
ਇਸ ਦੀ ਤੁਲਨਾ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ‘ਬੰਗਾਲੀ ਫਿਲਮ ਇੰਡਸਟਰੀ ਇਕ ਸਾਲ ‘ਚ 100 ਕਰੋੜ ਰੁਪਏ ਕਮਾ ਸਕਦੀ ਹੈ। ਅੱਲੂ ਅਰਜੁਨ ਇੱਕ ਖੇਤਰੀ ਕਲਾਕਾਰ ਹਨ। ਬੰਗਾਲ ਵੀ ਇੱਕ ਖੇਤਰੀ ਫਿਲਮ ਉਦਯੋਗ ਹੈ। ਅਸੀਂ ਆਪਣੀਆਂ ਕ੍ਰਿਏਟਿਵਿਟੀ ਐਬਿਲਿਟੀ ਦੀ ਸਹੀ ਵਰਤੋਂ ਨਹੀਂ ਕਰ ਰਹੇ ਹਾਂ। ਕੋਲਕਾਤਾ ਵਿੱਚ ਸਾਡੀ ਕ੍ਰਿਏਟਿਵਿਟੀ ਐਬਿਲਿਟੀ ਭਾਰਤ ਦੇ ਕਈ ਸਥਾਨਾਂ ਨਾਲੋਂ ਵੱਧ ਹੈ।
TV9 ਨੈੱਟਵਰਕ ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਨੇ ਲੇਖਕ ਐਰਿਕ ਵੇਨਰ ਦਾ ਜਿਕਰ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਇੱਕ ਕਿਤਾਬ ‘ਦਿ ਜੀਓਗ੍ਰਾਫੀ ਆਫ਼ ਜੀਨੀਅਸ’ ਲਿਖੀ ਹੈ। ਇਸ ਕਿਤਾਬ ਵਿੱਚ ਉਨ੍ਹਾਂਨੇ ਦੁਨੀਆ ਵਿੱਚ ਸਭ ਤੋਂ ਵੱਧ ਰਚਨਾਤਮਕ ਸਥਾਨਾਂ ਦੀ ਖੋਜ ਕੀਤੀ ਹੈ। ਉਨ੍ਹਾਂ ਦੀ ਸੂਚੀ ‘ਚ ਵੇਨਿਸ, ਫਲੋਰੈਂਸ ਦੇ ਨਾਲ-ਨਾਲ ਕੋਲਕਾਤਾ ਵੀ ਹੈ। ਰਬਿੰਦਰਨਾਥ ਟੈਗੋਰ ਪਰਿਵਾਰ ਬਾਰੇ ਕੁਝ ਗਲਤ ਸੂਚਨਾਵਾਂ ਹਨ, ਪਰ ਕੁੱਲ ਮਿਲਾ ਕੇ ਇਹ ਕਿਤਾਬ ਸੱਚਮੁੱਚ ਬਹੁਤ ਵਧੀਆ ਅਤੇ ਭਰੋਸੇਮੰਦ ਹੈ। ਮੈਂ ਉਨ੍ਹਾਂ ਨਾਲ ਸਹਿਮਤ ਹਾਂ ਕਿ ਕੋਲਕਾਤਾ ਸੱਚਮੁੱਚ ਇੱਕ ਰਚਨਾਤਮਕ ਸ਼ਹਿਰ ਹੈ।
ਇਹ ਵੀ ਪੜ੍ਹੋ
ਸਤਿਆਜੀਤ ਰਾਏ, ਰਿਤਵਿਕ ਅਤੇ ਮ੍ਰਿਣਾਲ ਸੇਨ ਦਾ ਨਾਂ ਲੈਂਦੇ ਹੋਏ, ਟੀਵੀ 9 ਨੈੱਟਵਰਕ ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਨੇ ਕਿਹਾ, ‘ਇਕ ਸਮੇਂ ‘ਤੇ ਅਸੀਂ (ਬੰਗਾਲੀ) ਬੰਬੇ ਫਿਲਮ ਇੰਡਸਟਰੀ ‘ਤੇ ਰਾਜ ਕਰਦੇ ਸੀ। ਭਾਰਤ ਦੇ ਤਿੰਨ ਮਹਾਨ ਨਿਰਦੇਸ਼ਕ ਸੱਤਿਆਜੀਤ ਰਾਏ, ਰਿਤਵਿਕ ਘਟਕ ਅਤੇ ਮ੍ਰਿਣਾਲ ਸੇਨ ਬੰਗਾਲੀ ਸਨ। ਕੀ ਅਸੀਂ ਉਹ ਦਿਨ ਵਾਪਸ ਨਹੀਂ ਲਿਆ ਸਕਦੇ?
ਬੰਗਾਲੀ ਟੈਲੀਵਿਜ਼ਨ ਦੇ 50 ਸਾਲ ਪੂਰੇ ਹੋਣ ‘ਤੇ ਬਰੁਣ ਦਾਸ ਨੇ ਕਿਹਾ ਕਿ ‘ਬੰਗਾਲੀ ਟੈਲੀਵਿਜ਼ਨ 50 ਸਾਲ ਦਾ ਹੋ ਗਿਆ ਹੈ। ਇਸ ਸਾਲ ਰਿਤਵਿਕ ਘਟਕ ਦੀ 100ਵੀਂ ਜਯੰਤੀ ਹੈ। ਅਸੀਂ 2023 ਵਿੱਚ ਮ੍ਰਿਣਾਲ ਸੇਨ ਦੀ 100ਵੀਂ ਜਯੰਤੀ ਮਨਾਈ ਸੀ। ਇਹ ਸਹੀ ਸਮਾਂ ਹੈ। ਅਸੀਂ ਹੁਣੇ ਤੋਂ ਹੀ ਆਪਣੀ ਸਫ਼ਰ ਸ਼ੁਰੂ ਕਰ ਸਕਦੇ ਹਾਂ।
OTT ਅਤੇ AI ਦਾ ਜਿਕਰ ਕਰਦਿਆਂ ਬਰੁਣ ਦਾਸ ਕਹਿੰਦੇ ਹਨ ਕਿ ‘OTT ਹੁਣ ਬੰਗਾਲੀ ਫਿਲਮ ਇੰਡਸਟਰੀ ਦੀ ਮਦਦ ਕਰ ਸਕਦਾ ਹੈ। ਇਸ ਨਾਲ ਡਿਸਟ੍ਰੀਬਿਊਟਰਸ ਦੀ ਮਹੱਤਤਾ ਖਤਮ ਕਰ ਦਿੰਦਾ ਹੈ। ਹੁਣ ਔਡਿਅੰਸ ਹੀ ਕਿੰਗ ਹਨ। ਉਹ ਕਿਤੇ ਵੀ ਕੁਝ ਵੀ ਦੇਖ ਸਕਦੇ ਹਨ। ਕੋਰੀਅਨ ਥ੍ਰਿਲਰ ਵੈੱਬ ਸੀਰੀਜ਼ ਸਕੁਇਡ ਗੇਮ ਦਾ ਜ਼ਿਕਰ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਇਹ ਵੈੱਬ ਸੀਰੀਜ਼ ਜ਼ਬਰਦਸਤ ਪ੍ਰਭਾਵ ਪੈਦਾ ਕਰਦੀ ਹੈ। ਉਹ ਇਹ ਵੀ ਕਹਿੰਦਾ ਹੈ ਕਿ AI ਇੱਕ ਅਣਜਾਣ ਰਾਖਸ਼ ਹੈ, ਪਰ ਇਨਸਾਨ ਆਪਣੀ ਕ੍ਰਿਏਟਿਵਿਟੀ ਨਾਲ ਇਸਦਾ ਮੁਕਾਬਲਾ ਕਰ ਸਕਦੇ ਹਨ।
ਬੈਂਗਲੁਰੂ ਵਿੱਚ ਆਈਟੀ ਬੈਕ ਆਫਿਸ ਦੇ ਆਇਡਿਆ ਦਾ ਜਿਕਰ ਕਰਦੇ ਹੋਏ, ਟੀਵੀ 9 ਦੇ ਐਮਡੀ ਅਤੇ ਸੀਈਓ ਬਰੁਣ ਦਾਸ ਨੇ ਕਿਹਾ, ਬੈਂਗਲੁਰੂ ਨੇ ਆਈਟੀ ਬੈਕ ਆਫਿਸ ਵਿੱਚ ਸ਼ਾਨਦਾਰ ਪ੍ਰਾਪਤੀਆਂ ਕੀਤੀਆਂ ਹਨ ਅਤੇ ਭਾਰਤ ਦੀ ਸਿਲੀਕਾਨ ਵੈਲੀ ਬਣ ਗਿਆ ਹੈ। ਫਿਰ ਬੰਗਾਲ ਅਜਿਹਾ ਕਿਉਂ ਨਹੀਂ ਕਰ ਸਕਦਾ? ਇੱਥੇ ਬਹੁਤ ਕ੍ਰਿਏਟਿਵਿਟੀ ਹੈ। ਇੱਥੇ ਕ੍ਰਿਏਟਿਵਿਟੀ ਟੈਲੇਂਟ ਸਭ ਤੋਂ ਜਿਆਦਾ ਹੈ। ਕੋਲਕਾਤਾ ਨਾ ਸਿਰਫ ਕਿਫਾਇਤੀ ਹੈ, ਬਲਕਿ ਕੁਆਲਿਟੀ ਦੇ ਲਿਹਾਜ਼ ਨਾਲ ਵੀ ਇਹ ਬਾਕੀ ਭਾਰਤ ਨਾਲੋਂ ਬਿਹਤਰ ਹੈ। ਇਹ ਚੰਗੀ ਗੱਲ ਹੈ ਕਿ ਸਾਡੇ ਕੋਲ ਕ੍ਰਿਏਟਿਵਿਟ ਟੈਲੇਂਟ ਹੈ। ਮੇਰਾ ਮੰਨਣਾ ਹੈ ਕਿ ਬੰਗਾਲੀ ਫਿਲਮ ਇੰਡਸਟਰੀ ਦੇ ਪੁਨਰਜਾਗਰਣ ਦੀ ਸੰਭਾਵਨਾ ਹੈ।
