Dhurandhar 2 Collection: 1000 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੁੰਦਿਆਂ ਹੀ ‘ਧੁਰੰਧਰ 2’ ਨੇ ਤੋੜੇ ਇਹ ਰਿਕਾਰਡ , ‘ਬਾਹੂਬਲੀ 2’ ਨੂੰ ਪਾਰ ਕਰਨ ਤੋਂ ਕੁਝ ਕਦਮ ਦੂਰ
Dhurandhar 2 Collection: ਰਣਵੀਰ ਸਿੰਘ ਦੀ 'ਧੁਰੰਧਰ 2' ਨੇ ਬਾਕਸ ਆਫਿਸ 'ਤੇ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਰਿਲੀਜ਼ ਦੇ 18ਵੇਂ ਦਿਨ, ਇਹ ਫਿਲਮ 1000 ਕਰੋੜ ਦਾ ਅੰਕੜਾ ਪਾਰ ਕਰਨ ਵਾਲੀ ਪਹਿਲੀ ਹਿੰਦੀ ਫਿਲਮ ਬਣ ਗਈ ਹੈ। ਤੀਜੇ ਐਤਵਾਰ ਨੂੰ ਆਪਣੀ ਸ਼ਾਨਦਾਰ ਕਮਾਈ ਨਾਲ, ਫਿਲਮ ਨੇ ਆਪਣੇ 18ਵੇਂ ਦਿਨ ਦੇ ਕਲੈਕਸ਼ਨ ਵਿੱਚ 'ਬਾਹੂਬਲੀ 2' ਨੂੰ ਪਿੱਛੇ ਛੱਡ ਦਿੱਤਾ ਹੈ।
Dhurandhar 2 Collection: ‘ਧੁਰੰਧਰ 2’ ਸਿਨੇਮਾਘਰਾਂ ਵਿੱਚ ਵਾਹ-ਵਾਹੀ ਲੁੱਟਾ ਰਹੀ ਹੈ। ਇਸਦੀ ਰਿਲੀਜ਼ ਨੂੰ 18 ਦਿਨ ਹੋ ਗਏ ਹਨ, ਅਤੇ ਜਦੋਂ ਲੋਕਾਂ ਨੂੰ ਲੱਗਣ ਲੱਗਾ ਕਿ ਫਿਲਮ ਦਾ ਕ੍ਰੇਜ਼ ਘੱਟ ਰਿਹਾ ਹੈ, ਤਾਂ ਉਸੇ ਵੇਲ੍ਹੇ ਫਿਲਮ ਨੇ ਨਵਾਂ ਮੁਕਾਮ ਹਾਸਿਲ ਕਰ ਲਿਆ ਹੈ। ਦਰਅਸਲ, ਰਣਵੀਰ ਸਿੰਘ ਦੀ ਫਿਲਮ 1000 ਕਰੋੜ ਕਲੱਬ ਵਿੱਚ ਸ਼ਾਮਲ ਹੋਣ ਵਾਲੀ ਪਹਿਲੀ ਹਿੰਦੀ ਫਿਲਮ ਬਣ ਗਈ ਹੈ। ਇੰਨਾ ਹੀ ਨਹੀਂ, ਇਸ ਫਿਲਮ ਨੇ ‘ਪੁਸ਼ਪਾ 2’ ਅਤੇ ‘ਬਾਹੂਬਲੀ 2’ ਨੂੰ ਪਛਾੜਦੇ ਹੋਏ ਦੋ ਹੋਰ ਰਿਕਾਰਡ ਬਣਾਏ ਹਨ।
ਆਦਿਤਿਆ ਧਰ ਦੁਆਰਾ ਨਿਰਦੇਸ਼ਤ, ‘ਧੁਰੰਧਰ 2’ ਨੂੰ ਜਬਰਦਸਤ ਤਾਰੀਫ ਮਿਲ ਰਹੀ ਹੈ। ਫਿਲਮ ਦੀ ਸ਼ਾਨਦਾਰ ਸਟਾਰ ਕਾਸਟ ਅਤੇ ਕਹਾਣੀ ਨੇ ਲੰਬੇ ਸਮੇਂ ਬਾਅਦ ਰਿਕਾਰਡ ਤੋੜ ਬਾਕਸ ਆਫਿਸ ਕਲੈਕਸ਼ਨ ਕੀਤਾ ਹੈ। ਜਾਸੂਸੀ ਥ੍ਰਿਲਰ ‘ਧੁਰੰਧਰ 2’ ਨੇ ਆਪਣੇ 18ਵੇਂ ਦਿਨ ਦੇ ਕਲੈਕਸ਼ਨ ਨਾਲ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਦਰਅਸਲ, ਰਿਲੀਜ਼ ਦੇ ਤੀਜੇ ਐਤਵਾਰ ਨੂੰ ਆਪਣੀ ਕਮਾਈ ਦੇ ਕਾਰਨ, ਫਿਲਮ ਨੇ ₹1000 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਇਹ ₹1000 ਕਰੋੜ ਦਾ ਕੁਲੈਕਸ਼ਨ ਕਰਨ ਵਾਲੀ ਪਹਿਲੀ ਹਿੰਦੀ ਫਿਲਮ ਹੈ।
ਦੋ ਰਿਕਾਰਡ ਆਪਣੇ ਨਾਂ ਕੀਤੇ
ਇਸ ਮੀਲ ਪੱਥਰ ਦੇ ਨਾਲ ਫਿਲਮ ਨੇ ਦੋ ਰਿਕਾਰਡ ਬਣਾਏ ਹਨ, ਪਹਿਲਾ ₹1000 ਕਰੋੜ ਦਾ ਕੁਲੈਕਸ਼ਨ ਕਰਨ ਵਾਲੀ ਪਹਿਲੀ ਹਿੰਦੀ-ਭਾਸ਼ੀ ਫਿਲਮ ਹੈ। ਦੂਜੇ ਰਿਕਾਰਡ ਦੀ ਗੱਲ ਕਰੀਏ ਤਾਂ, ਇਸ ਫਿਲਮ ਨੇ “ਬਾਹੂਬਲੀ 2” ਨੂੰ ਪਛਾੜ ਦਿੱਤਾ, ਜੋ ਆਪਣੀ 18ਵੇਂ ਦਿਨ ਦੀ ਕਮਾਈ ਦੇ ਮਾਮਲੇ ਵਿੱਚ ਭਾਰਤੀ ਸਿਨੇਮਾ ਵਿੱਚ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਹੈ। ਹਾਲਾਂਕਿ, 18ਵੇਂ ਦਿਨ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਜਿੱਥੇ “ਧੁਰੰਧਰ 2” ਨੇ ₹28.75 ਕਰੋੜ ਕਮਾਏ, “ਬਾਹੂਬਲੀ 2” ਨੇ 18ਵੇਂ ਦਿਨ ਸਿਰਫ਼ ₹14 ਕਰੋੜ ਹੀ ਕਮਾਏ ਸਨ।
ਬਾਹੂਬਲੀ 2 ਦੀ ਕਮਾਈ ਤੋਂ ਕਿੰਨਾ ਪਿੱਛੇ?
ਹਾਲਾਂਕਿ, “ਧੁਰੰਧਰ 2” ਲਾਈਫਟਾਈਮ ਕੁਲੈਕਸ਼ਨ ਦੇ ਮਾਮਲੇ ਵਿੱਚ “ਬਾਹੂਬਲੀ 2” ਤੋਂ ਹਾਲੇ ਵੀ ਪਿੱਛੇ ਹੈ। ਐਸਐਸ ਰਾਜਾਮੌਲੀ ਦੀ “ਬਾਹੂਬਲੀ 2” ਦੀ ਕੁਲੈਕਸ਼ਨ ਦੇਖੀਏ ਤਾਂ ਫਿਲਮ ਨੇ ₹1030 ਕਰੋੜ ਕਮਾਏ ਸਨ। “ਧੁਰੰਧਰ 2” ਨੇ ਹੁਣ ਤੱਕ ਕੁੱਲ ₹1013 ਕਰੋੜ ਕਮਾਏ ਹਨ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ‘ਧੁਰੰਧਰ 2’ ਨੂੰ ‘ਬਾਹੂਬਲੀ 2’ ਨੂੰ ਪਛਾੜਨ ਲਈ ₹17 ਕਰੋੜ ਹੋਰ ਕਮਾਉਣ ਦੀ ਲੋੜ ਹੋਵੇਗੀ, ਜਿਸਨੂੰ ਲੈ ਕੇ ਕਿਹਾ ਜਾ ਰਿਹਾ ਹੈ ਕਿ ਇੱਕ ਦਿਨ ਇਹ ਵੀ ਹੋ ਜਾਵੇਗਾ।
ਤੀਜੇ ਐਤਵਾਰ ਨੂੰ ਚੰਗਾ ਕੁਲੈਕਸ਼ਨ
ਤੀਜੇ ਐਤਵਾਰ ਨੂੰ ਫਿਲਮ ਦੀ ਸ਼ਾਨਦਾਰ ਕਮਾਈ ਨੇ ਇੱਕ ਵਾਰ ਫਿਰ ‘ਧੁਰੰਧਰ 2’ ਨੂੰ ਸੁਰਖੀਆਂ ਵਿੱਚ ਲਿਆਂਦਾ ਹੈ। ਅਜਿਹਾ ਨਹੀਂ ਹੈ ਕਿ ਫਿਲਮ ਦੀ ਚਰਚਾ ਰੁਕ ਗਈ ਸੀ; ਦਰਅਸਲ, ਤੀਜੇ ਹਫਤੇ ਦੇ ਦੌਰਾਨ ਫਿਲਮ ਦੀ ਕਮਾਈ ਘੱਟ ਗਈ, ਪਰ ਫਿਲਮ ਨੇ ਸ਼ੁੱਕਰਵਾਰ ਅਤੇ ਸ਼ਨੀਵਾਰ ਦੇ ਮੁਕਾਬਲੇ ਐਤਵਾਰ ਨੂੰ ਜ਼ਿਆਦਾ ਕਮਾਈ ਕੀਤੀ। ‘ਧੁਰੰਧਰ 2’ ਦੀ ਗੱਲ ਕਰੀਏ ਤਾਂ, ਫਿਲਮ ਵਿੱਚ ਸੰਜੇ ਦੱਤ, ਰਾਕੇਸ਼ ਬੇਦੀ, ਸਾਰਾ ਅਲੀ ਖਾਨ ਅਤੇ ਅਰਜੁਨ ਰਾਮਪਾਲ ਵਰਗੇ ਕਲਾਕਾਰਾਂ ਸਮੇਤ ਪ੍ਰਭਾਵਸ਼ਾਲੀ ਸਟਾਰ ਕਾਸਟ ਹੈ।
ਇਹ ਵੀ ਪੜ੍ਹੋ
