Koffee with Karan 8: ਜੀਸਸ ਨੂੰ ਕਿਉਂ ਮਾਰਿਆ ਸੀ…ਧਰਮ ਨੂੰ ਲੈ ਕੇ ਸਵਾਲ ਪੁੱਛਣ ਲੱਗੇ ਹਨ ਸੈਫ-ਕਰੀਨਾ ਦੇ ਬੇਟੇ ਤੈਮੂਰ
ਪੈਪਰਾਜ਼ੀ ਤੋਂ ਲੈ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਤੱਕ, ਕਰੀਨਾ ਕਪੂਰ ਖਾਨ ਅਤੇ ਸੈਫ ਅਲੀ ਖਾਨ ਦੇ ਬੇਟੇ ਤੈਮੂਰ ਨੇ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ ਹੈ। ਹਰ ਕੋਈ ਇਹ ਜਾਣਨ ਲਈ ਉਤਸੁਕ ਹੈ ਕਿ ਤੈਮੂਰ ਕੀ ਕਰ ਰਹੇ ਹਨ, ਉਨ੍ਹਾਂ ਨੇ ਕਿਹੜੇ ਕੱਪੜੇ ਪਾਏ ਹਨ। ਇਹੀ ਕਾਰਨ ਹੈ ਕਿ ਤੈਮੂਰ ਦਾ ਹਰ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੁੰਦਾ ਹੈ। ਹੁਣ ਸੈਫ ਅਲੀ ਖਾਨ ਨੇ ਤੈਮੂਰ ਅਤੇ ਉਨ੍ਹਾਂ ਦੇ ਸਵਾਲਾਂ 'ਤੇ ਗੱਲਬਾਤ ਕੀਤੀ ਹੈ।
ਇਸ ਸਾਲ ‘ਕੌਫੀ ਵਿਦ ਕਰਨ ਸੀਜ਼ਨ 8′ ਦੇ ‘ਰੈਪਿਡ ਫਾਇਰ’ ਰਾਊਂਡ ‘ਚ ਨਾ ਤਾਂ ਫਾਇਰ ਨਜ਼ਰ ਆਰ ਰਿਹਾ ਹੈ ਅਤੇ ਨਾ ਹੀ ਕੋਈ ਤੜਕਾ। ਕਿਉਂਕਿ ਕਰਨ ਦੇ ਸ਼ੋਅ ‘ਚ ਹਿੱਸਾ ਲੈਣ ਵਾਲੀਆਂ ਮਸ਼ਹੂਰ ਹਸਤੀਆਂ ਹੁਣ ਇਸ ਗੱਲ ਦਾ ਪੂਰਾ ਧਿਆਨ ਰੱਖਦੀਆਂ ਹਨ ਕਿ ਉਨ੍ਹਾਂ ਦੇ ਜਵਾਬ ਪਾਲੀਟਿਕਲੀ ਸਹੀ ਹੋਣ ਅਤੇ ਕੋਈ ਵਿਵਾਦ ਨਾ ਪੈਦਾ ਹੋਵੇ। ਇਹੀ ਕਾਰਨ ਹੈ ਕਿ ਦਰਸ਼ਕਾਂ ਨੇ ਇਸ ਹਿੱਸੇ ਨੂੰ ਬੋਰਿੰਗ ਸਮਝਣਾ ਸ਼ੁਰੂ ਕਰ ਦਿੱਤਾ ਹੈ। ਸੈਫ ਅਲੀ ਖਾਨ ਅਤੇ ਉਨ੍ਹਾਂ ਦੀ ਮਾਂ ਸ਼ਰਮੀਲਾ ਟੈਗੋਰ ਵਿਚਾਲੇ ਹੋਏ ‘ਰੈਪਿਡ ਫਾਇਰ’ ਰਾਊਂਡ ‘ਚ ਦਰਸ਼ਕਾਂ ਨੇ ਸੈਫ ਨਾਲੋਂ ਸ਼ਰਮੀਲਾ ਟੈਗੋਰ ਨੂੰ ਜ਼ਿਆਦਾ ਵੋਟ ਦਿੱਤੇ ਪਰ ਇਸ ਦੌਰਾਨ ਸੈਫ ਅਲੀ ਖਾਨ ਨੇ ਆਪਣੇ ਬੇਟੇ ਤੈਮੂਰ ਨੂੰ ਲੈ ਕੇ ਇਕ ਦਿਲਚਸਪ ਖੁਲਾਸਾ ਕੀਤਾ। ਉਨ੍ਹਾਂ ਕਿਹਾ ਕਿ ਇਨ੍ਹੀਂ ਦਿਨੀਂ ਤੈਮੂਰ ਧਰਮ ਨੂੰ ਲੈ ਕੇ ਕਈ ਸਵਾਲ ਪੁੱਛ ਰਿਹਾ ਹੈ।
ਜਦੋਂ ਕਰਨ ਜੌਹਰ ਨੇ ਸੈਫ ਤੋਂ ਪੁੱਛਿਆ ਕਿ ਤੈਮੂਰ ਨੇ ਤੁਹਾਨੂੰ ਕਿਹੜਾ ਮਜ਼ੇਦਾਰ ਸਵਾਲ ਪੁੱਛਿਆ ਹੈ? ਫਿਰ ਸੈਫ ਨੇ ਕਿਹਾ, ਉਨ੍ਹਾਂ ਨੂੰ ਇੰਨਾ ਜ਼ਿਆਦਾ ਯਾਦ ਨਹੀਂ ਹੈ, ਪਰ ਉਹ ਮੈਨੂੰ ਧਰਮ ਬਾਰੇ ਬਹੁਤ ਸਾਰੇ ਸਵਾਲ ਪੁੱਛ ਰਹੇ ਹਨ। ਮੈਂ ਸੋਚ ਰਿਹਾ ਹਾਂ ਕਿ ਉਨ੍ਹਾਂ ਵੱਲੋਂ ਪੁੱਛੇ ਗਏ ਇਨ੍ਹਾਂ ਸਵਾਲਾਂ ਦੇ ਜਵਾਬ ਕਿਵੇਂ ਦੇਵਾਂ। ਕੁਝ ਦਿਨ ਪਹਿਲਾਂ ਉਹ ਮੈਨੂੰ ਯੀਸੂ ਦੇ ਸਲੀਬ ਬਾਰੇ ਸਵਾਲ ਪੁੱਛ ਰਿਹਾ ਸੀ, ਉਸਨੇ ਇਹ ਵੀ ਪੁੱਛਿਆ ਕਿ ਯੀਸ਼ੂ ਦੀ ਮੌਤ ਕਿਵੇਂ ਹੋਈ? ਉਨ੍ਹਾਂ ਨੂੰ ਕਿਉਂ ਮਾਰਿਆ?”
This week it’s time for a royal brew on the Koffee couch! #HotstarSpecials #KoffeeWithKaran Season 8 Episode 10 streaming from Dec 28th. #KWKS8OnHotstar#SharmilaTagore #SaifAliKhan #KaranJohar @apoorvamehta18 @jahnvio @Dharmatic_ @GoogleIndia @JaquarGroup pic.twitter.com/gNfHZV7ii8 — Disney+ Hotstar (@DisneyPlusHS) December 25, 2023
ਤੈਮੂਰ ਦੇ ਸਵਾਲਾਂ ਤੋਂ ਪਰੇਸ਼ਾਨ ਹਨ ਸੈਫ?
ਸੈਫ ਅਲੀ ਖਾਨ ਨੇ ਅੱਗੇ ਕਿਹਾ ਕਿ ਇਹ ਅਜਿਹੇ ਸਵਾਲ ਹਨ ਜਿਨ੍ਹਾਂ ਦੇ ਤੁਹਾਨੂੰ ਸਹੀ ਜਵਾਬ ਦੇਣੇ ਹੋਣਗੇ ਅਤੇ ਇਸ ਲਈ ਮੈਨੂੰ ਖੁਦ ਇਹ ਜਾਣਕਾਰੀ ਲੈਣੀ ਹੋਵੇਗੀ। ਜਦੋਂ ਕਰਨ ਨੇ ਸੈਫ ਨੂੰ ਕਿਹਾ ਕਿ ਇਹ ਚੰਗਾ ਹੈ ਕਿ ਤੈਮੂਰ ਬੇਬੋ (ਕਰੀਨਾ) ਤੋਂ ਇਹ ਸਵਾਲ ਨਹੀਂ ਪੁੱਛ ਰਿਹਾ, ਮੈਂ ਨਹੀਂ ਚਾਹੁੰਦਾ ਕਿ ਉਹ ਉਸ ਨੂੰ ਗਲਤ ਜਵਾਬ ਦੇਵੇ, ਕਿਉਂਕਿ ਉਹ ਅਜਿਹਾ ਕਰ ਸਕਦੀ ਹੈ। ਕਰਨ ਦੀ ਗੱਲ ਸੁਣਨ ਤੋਂ ਬਾਅਦ ਸੈਫ ਨੇ ਉਨ੍ਹਾਂ ਨੂੰ ਕਿਹਾ ਕਿ ਕਰੀਨਾ ਨੇ ਤੈਮੂਰ ਨੂੰ ਈਸਾਈ ਧਰਮ ਬਾਰੇ ਦੱਸਿਆ ਸੀ ਅਤੇ ਹੁਣ ਮੈਨੂੰ ਜਵਾਬ ਦੇਣੇ ਪੈ ਰਹੇ ਹਨ।
