ਪਹਿਲਗਾਮ ਹਮਲੇ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਧਾਰੀ ਚੁੱਪੀ, 8 ਦਿਨਾਂ ਤੋਂ ਬੱਸ ਕਰ ਰਹੇ ਇਹ ਕੰਮ
Amitabh Bachchan on Pahalgam Attack: ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਨੂੰ 8 ਦਿਨ ਬੀਤ ਗਏ ਹਨ। ਇਨ੍ਹਾਂ 8 ਦਿਨਾਂ ਵਿੱਚ, ਬਹੁਤ ਸਾਰੇ ਸਿਤਾਰਿਆਂ ਨੇ ਇਸ ਘਟਨਾ ਦੀ ਨਿੰਦਾ ਕੀਤੀ ਅਤੇ ਗੁੱਸਾ ਜ਼ਾਹਰ ਕੀਤਾ। ਪਰ ਹਮਲੇ ਤੋਂ ਬਾਅਦ ਹੀ ਅਮਿਤਾਭ ਬੱਚਨ ਨੇ ਚੁੱਪੀ ਧਾਰੀ ਹੋਈ ਹੈ। ਜਿਸ ਤਰ੍ਹਾਂ ਉਹ X ਤੇ ਰਿਐਕਟ ਕਰ ਰਹੇ ਹਨ, ਉਸ ਤੋਂ ਸਪੱਸ਼ਟ ਹੈ ਕਿ ਉਨ੍ਹਾਂ ਨੂੰ ਇਸ ਘਟਨਾ ਤੋਂ ਬਹੁਤ ਸਦਮਾ ਲੱਗਿਆ ਹੈ।
22 ਅਪ੍ਰੈਲ ਨੂੰ ਅੱਤਵਾਦੀਆਂ ਨੇ ਜੰਮੂ-ਕਸ਼ਮੀਰ ਦੇ ਅਨੰਤਨਾਗ ਜ਼ਿਲ੍ਹੇ ਦੇ ਪਹਿਲਗਾਮ ਹਿੱਲ ਸਟੇਸ਼ਨ ‘ਤੇ ਸੈਲਾਨੀਆਂ ਨੂੰ ਨਿਸ਼ਾਨਾ ਬਣਾਇਆ। ਇਸ ਕਾਇਰਤਾਪੂਰਨ ਹਮਲੇ ਵਿੱਚ 26 ਨਿਰਦੋਸ਼ ਲੋਕ ਮਾਰੇ ਗਏ। ਇਸ ਹਮਲੇ ਤੋਂ ਬਾਅਦ ਪੂਰਾ ਦੇਸ਼ ਗੁੱਸੇ ਵਿੱਚ ਹੈ ਅਤੇ ਬਦਲਾ ਲੈਣ ਦੀ ਮੰਗ ਕਰ ਰਿਹਾ ਹੈ। ਹਮਲੇ ਤੋਂ ਬਾਅਦ, ਲੋਕ ਲਗਾਤਾਰ ਵੱਖ-ਵੱਖ ਮਾਧਿਅਮਾਂ ਰਾਹੀਂ ਆਪਣੀਆਂ ਭਾਵਨਾਵਾਂ ਜ਼ਾਹਰ ਕਰ ਰਹੇ ਹਨ। ਇਸ ਹਮਲੇ ‘ਤੇ ਕਈ ਫਿਲਮੀ ਸਿਤਾਰਿਆਂ ਨੇ ਵੀ ਪ੍ਰਤੀਕਿਰਿਆ ਦਿੱਤੀ, ਪਰ ਸਦੀ ਦੇ ਸੁਪਰਸਟਾਰ ਅਮਿਤਾਭ ਬੱਚਨ ਉਦੋਂ ਤੋਂ ਹੀ ਚੁੱਪ ਹਨ।
ਇਹ ਅੱਤਵਾਦੀ ਹਮਲਾ ਪਿਛਲੇ ਹਫ਼ਤੇ ਮੰਗਲਵਾਰ, 22 ਅਪ੍ਰੈਲ ਨੂੰ ਕੀਤਾ ਗਿਆ ਸੀ। ਉਦੋਂ ਤੋਂ, ਅਮਿਤਾਭ ਬੱਚਨ ਨੇ ਆਪਣੇ ਐਕਸ (ਪਹਿਲਾਂ ਦੇ ਟਵਿੱਟਰ) ਅਕਾਊਂਟ ‘ਤੇ ਬਹੁਤ ਸਾਰੀਆਂ ਪੋਸਟਾਂ ਕੀਤੀਆਂ ਹਨ, ਪਰ ਉਨ੍ਹਾਂ ਦੀਆਂ ਸਾਰੀਆਂ ਪੋਸਟਾਂ ਵਿੱਚ, ਸਿਰਫ ਪੋਸਟ ਦਾ ਨੰਬਰ ਹੀ ਲਿਖਿਆ ਹੈ, ਅਮਿਤਾਭ ਬੱਚਨ ਕੁਝ ਨਹੀਂ ਲਿਖ ਰਹੇ ਹਨ। ਸਿਰਫ਼ ਪਹਿਲਗਾਮ ਹਮਲੇ ‘ਤੇ ਹੀ ਨਹੀਂ, ਉਨ੍ਹਾਂ ਨੇ ਕਿਸੇ ਹੋਰ ਮੁੱਦੇ ‘ਤੇ ਵੀ ਕੁਝ ਨਹੀਂ ਕਿਹਾ। ਚੁੱਪੀ ਧਾਰੀ ਹੋਈ ਹੈ।
ਸਦਮੇ ਵਿੱਚ ਅਮਿਤਾਭ ਬੱਚਨ?
ਅਮਿਤਾਭ ਬੱਚਨ ਸੋਸ਼ਲ ਮੀਡੀਆ ‘ਤੇ ਬਹੁਤ ਸਰਗਰਮ ਰਹਿੰਦੇ ਹਨ। ਉਹ ਰੋਜ਼ ਐਕਸ ‘ਤੇ ਬਹੁਤ ਸਾਰੀਆਂ ਪੋਸਟਾਂ ਸ਼ੇਅਰ ਕਰਦੇ ਹਨ। ਕੁਝ ਦਿਨ ਪਹਿਲਾਂ ਦੀ ਹੀ ਗੱਲ ਹੈ ਉਹ ਆਪਣੇ ਫਾਲੋਅਰਜ਼ ਬਾਰੇ ਚਿੰਤਤ ਦਿਖਾਈ ਦੇ ਰਹੇ ਸਨ। ਪਰ ਅੱਤਵਾਦੀ ਹਮਲੇ ਤੋਂ ਬਾਅਦ, ਇੰਝ ਲੱਗ ਰਿਹਾ ਹੈ ਜਿਵੇਂ ਉਹ ਸਦਮੇ ਵਿੱਚ ਚਲੇ ਗਏ ਹਨ। ਉਹ ਕੁਝ ਵੀ ਨਹੀਂ ਕਹਿ ਰਹੇ ਹਨ। ਬਿਨਾਂ ਸ਼ਬਦਾਂ ਦੇ ਪੋਸਟਾਂ ਪਾਈ ਜਾ ਰਹੇ ਹਨ।
22 ਅਪ੍ਰੈਲ ਦੇ ਬਾਅਦ ਤੋਂ ਬਿੱਗ ਬੀ ਨੇ ਧਾਰੀ ਚੁੱਪੀ
ਹਮਲੇ ਤੋਂ ਪਹਿਲਾਂ 22 ਅਪ੍ਰੈਲ ਨੂੰ ਦੇਰ ਰਾਤ, ਅਮਿਤਾਭ ਬੱਚਨ ਨੇ X ‘ਤੇ ਲਿਖਿਆ ਸੀ, “T 5355 ਚੁੱਪ ਰਹਿਣ ਵਾਲੇ ਐਕਸ ਕ੍ਰੋਮੋਸੋਮ… ਦਿਮਾਗ ਦਾ ਫੈਸਲਾ ਕਰਦਾ ਹੈ।” (ਇਹ ਬਿੱਗ ਬੀ ਦਾ 5355ਵਾਂ ਟਵੀਟ ਸੀ)। ਉਸੇ ਦਿਨ ਦੁਪਹਿਰ ਵੇਲੇ ਪਹਿਲਗਾਮ ਵਿੱਚ ਹਮਲਾ ਹੋਇਆ ਅਤੇ ਬਹੁਤ ਸਾਰੇ ਲੋਕਾਂ ਦੀ ਜਾਨ ਚਲੀ ਗਈ। ਇਸ ਹਮਲੇ ਨਾਲ ਪੂਰਾ ਦੇਸ਼ ਹੈਰਾਨ ਰਹਿ ਗਿਆ। ਉਦੋਂ ਤੋਂ ਲੋਕ ਗੁੱਸੇ ਨਾਲ ਗੁੱਸੇ ਨਾਲ ਉਬਲੇ ਹੋਏ ਹਨ ਅਤੇ ਅਮਿਤਾਭ ਬੱਚਨ ਚੁੱਪ ਹੋ ਗਏ ਹਨ।
ਅਮਿਤਾਭ ਬੱਚਨ ਦੇ ਐਕਸ ਅਕਾਊਂਟ ਦਾ ਸਕ੍ਰੀਨਸ਼ੌਟ
ਬਿੱਗ ਬੀ ਨੇ 23 ਅਪ੍ਰੈਲ, 24 ਅਪ੍ਰੈਲ, 25 ਅਪ੍ਰੈਲ, 26 ਅਪ੍ਰੈਲ, 27 ਅਪ੍ਰੈਲ, 28 ਅਪ੍ਰੈਲ (ਦੋ ਪੋਸਟਾਂ), 29 ਅਪ੍ਰੈਲ ਅਤੇ 30 ਅਪ੍ਰੈਲ ਨੂੰ X ‘ਤੇ ਪੋਸਟਾਂ ਸਾਂਝੀਆਂ ਕੀਤੀਆਂ। ਪਰ ਉਨ੍ਹਾਂ ਨੇ ਇਨ੍ਹਾਂ ਪੋਸਟਾਂ ਵਿੱਚ ਕੁਝ ਨਹੀਂ ਲਿਖਿਆ। ਅਮਿਤਾਭ ਬੱਚਨ ਦੇ ਇਨ੍ਹਾਂ ਟਵੀਟਾਂ ਤੋਂ ਇਹ ਸਪੱਸ਼ਟ ਹੈ ਕਿ ਉਹ ਇਸ ਹਮਲੇ ਤੋਂ ਬਹੁਤ ਦੁਖੀ ਹਨ ਅਤੇ ਇਸ ਨੂੰ ਬਿਆਨ ਕਰਨ ਲਈ ਸ਼ਬਦ ਨਹੀਂ ਲੱਭ ਰਹੇ ਹਨ।
ਇਹ ਵੀ ਪੜ੍ਹੋ
