ਜਦੋਂ ਸ਼ਹਿਨਸ਼ਾਹ ਨਾਲ ਮਿਲੇ ਸੁਪਰਸਟਾਰ… ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ ਦੀ ਫਿਲਮ ਦਾ ਵੱਡਾ ਅਪਡੇਟ

ਬਾਲੀਵੁੱਡ ਨਿਊਜ। ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ ਦੋਵੇਂ ਭਾਰਤੀ ਸਿਨੇਮਾ ਦੇ ਦੋ ਦਿੱਗਜ ਅਦਾਕਾਰ ਹਨ। ਦੋਵਾਂ ਨੇ ਸੈਂਕੜੇ ਫਿਲਮਾਂ ‘ਚ ਕੰਮ ਕੀਤਾ ਹੈ ਅਤੇ ਜਦੋਂ ਵੀ ਦੋਵੇਂ ਪਰਦੇ ‘ਤੇ ਆਉਂਦੇ ਹਨ ਤਾਂ ਪ੍ਰਸ਼ੰਸਕ ਉਨ੍ਹਾਂ ਨੂੰ ਕਾਫੀ ਪਸੰਦ ਕਰਦੇ ਹਨ। ਹੁਣ ਇਹ ਦੋਵੇਂ ਕਲਾਕਾਰ 33 ਸਾਲ ਬਾਅਦ ਕਿਸੇ ਫਿਲਮ ਵਿੱਚ ਇਕੱਠੇ ਕੰਮ ਕਰ ਰਹੇ ਹਨ। ਦੋਵੇਂ ਥਲਾਈਵਰ 170 ਨਾਮ ਦੀ ਫਿਲਮ ‘ਚ ਨਜ਼ਰ ਆਉਣ ਵਾਲੇ ਹਨ।

ਕੁਝ ਸਮਾਂ ਪਹਿਲਾਂ ਐਕਸ (ਪਹਿਲਾਂ ਟਵਿੱਟਰ) ‘ਤੇ ਅਮਿਤਾਭ ਬੱਚਨ (Amitabh Bachchan) ਨਾਲ ਤਸਵੀਰ ਸ਼ੇਅਰ ਕਰਦੇ ਹੋਏ ਰਜਨੀਕਾਂਤ ਨੇ ਕਿਹਾ ਸੀ ਕਿ ਉਹ ਸਾਲਾਂ ਬਾਅਦ ਫਿਰ ਤੋਂ ਬਿੱਗ ਬੀ ਨਾਲ ਕੰਮ ਕਰਕੇ ਬਹੁਤ ਖੁਸ਼ ਹਨ। ਹੁਣ ਦੋਵਾਂ ਦੀ ਫਿਲਮ ਨੂੰ ਲੈ ਕੇ ਇਕ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ।

ਕੀ ਜਾਣਕਾਰੀ ਸਾਹਮਣੇ ਆਈ?

ਲਾਇਕਾ ਪ੍ਰੋਡਕਸ਼ਨ ਨੇ ਇੰਸਟਾਗ੍ਰਾਮ ‘ਤੇ ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ (Rajinikanth) ਦੀ ਤਸਵੀਰ ਸ਼ੇਅਰ ਕੀਤੀ ਹੈ। ਬਿੱਗ ਬੀ ਫੋਨ ਦੀ ਵਰਤੋਂ ਕਰਦੇ ਨਜ਼ਰ ਆ ਰਹੇ ਹਨ ਅਤੇ ਰਜਨੀਕਾਂਤ ਆਪਣੇ ਮੋਢੇ ‘ਤੇ ਹੱਥ ਰੱਖ ਕੇ ਫੋਨ ਵੱਲ ਦੇਖਦੇ ਹੋਏ ਦਿਖਾਈ ਦੇ ਰਹੇ ਹਨ। ਦੋਵਾਂ ਦੀ ਇਹ ਤਸਵੀਰ ਬੇਹੱਦ ਖੂਬਸੂਰਤ ਹੈ ਜੋ ਹੁਣ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ ਅਤੇ ਪ੍ਰਸ਼ੰਸਕ ਇਸ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।

When Superstar and Shahenshah met on the sets of #Thalaivar170 🤩

Reunion on screens after 33 years! 🤗 #Thalaivar170 is gonna be double dose of legends! 💥 @rajinikanth @SrBachchan Done with MUMBAI Schedule 📍📽️✨@tjgnan @LycaProductions #Subaskaran @gkmtamilkumaran pic.twitter.com/LfyV3rP2JI — Lyca Productions (@LycaProductions) October 29, 2023

ਮੁੰਬਈ ਸ਼ੈਡਿਊਲ ਦੀ ਸ਼ੂਟਿੰਗ ਪੂਰੀ

ਫੋਟੋ ਸ਼ੇਅਰ ਕਰਦੇ ਹੋਏ ਦੱਸਿਆ ਗਿਆ ਕਿ ਮੁੰਬਈ (Mumbai) ਸ਼ੈਡਿਊਲ ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ। ਪ੍ਰੋਡਕਸ਼ਨ ਹਾਊਸ ਨੇ ਲਿਖਿਆ, ”ਜਦੋਂ ਸੁਪਰਸਟਾਰ ਸ਼ਹਿਨਸ਼ਾਹ ਨੂੰ ਥਲਾਈਵਰ 170 ਦੇ ਸੈੱਟ ‘ਤੇ ਮਿਲੇ ਸਨ। 33 ਸਾਲਾਂ ਬਾਅਦ ਮੁੜ ਮਿਲਾਪ। ਇਸ ਫਿਲਮ ‘ਚ ਵੈਟਰਨ ਦੀ ਡਬਲ ਡੋਜ਼ ਹੋਵੇਗੀ।” ਖਬਰਾਂ ਦੀ ਮੰਨੀਏ ਤਾਂ ਕਿਹਾ ਜਾ ਰਿਹਾ ਹੈ ਕਿ ਇਹ ਫਿਲਮ ਅਗਲੇ ਸਾਲ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ

ਦਿਲਜੀਤ ਦਾ ਦਿੱਲੀ ਕੰਸਰਟ ਨਹੀਂ ਹੋਵੇਗਾ ਕੈਂਸਲ, ਦਿੱਲੀ ਪੁਲਿਸ ਨੇ ਦਿੱਤੀ ਇਜਾਜ਼ਤ

ਅਮਿਤਾਭ ਬੱਚਨ ਦਾ ਬੰਗਲਾ-ਦਿਲਜੀਤ ਦਾ ਕੰਸਰਟ ਨਿਸ਼ਾਨੇ 'ਤੇ, ਮਿਲੀ ਬੰਬ ਦੀ ਧਮਕੀ,

ਮੂਸੇਵਾਲਾ ਦੇ ਛੋਟੇ ਭਰਾ ਲਈ Z+ ਸੁਰੱਖਿਆ ਦੀ ਮੰਗ, ਅਮਿਤ ਸ਼ਾਹ ਨੂੰ ਲਿਖਿਆ ਪੱਤਰ

ਇਸ ਫਿਲਮ ‘ਚ ਆਖਰੀ ਵਾਰ ਦੇਖਿਆ ਗਿਆ

ਤੁਹਾਨੂੰ ਦੱਸ ਦੇਈਏ ਕਿ ਦੋਵੇਂ ਆਖਰੀ ਵਾਰ ਫਿਲਮ ‘ਹਮ’ ‘ਚ ਇਕੱਠੇ ਨਜ਼ਰ ਆਏ ਸਨ। ਇਹ ਫਿਲਮ ਸਾਲ 1991 ਵਿੱਚ ਰਿਲੀਜ਼ ਹੋਈ ਸੀ। ਇਸ ਦਾ ਨਿਰਦੇਸ਼ਨ ਮੁਕੁਲ ਐਸ ਆਨੰਦ ਨੇ ਕੀਤਾ ਸੀ। ਇਸ ਫਿਲਮ ‘ਚ ਬਿੱਗ ਬੀ ਅਤੇ ਰਜਨੀਕਾਂਤ ਦੇ ਨਾਲ ਗੋਵਿੰਦਾ ਵੀ ਨਜ਼ਰ ਆਏ ਸਨ। ਕਿਹਾ ਜਾਂਦਾ ਹੈ ਕਿ ਫਿਲਮ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਅਤੇ ਇਸ ਨੇ ਬਾਕਸ ਆਫਿਸ ‘ਤੇ 9.25 ਕਰੋੜ ਰੁਪਏ ਦੀ ਕਮਾਈ ਕੀਤੀ।