CBSE 10ਵੀਂ ਦੀ ਦੂਜੀ ਪ੍ਰੀਖਿਆ ਲਈ ਰਜਿਸਟ੍ਰੇਸ਼ਨ ਸ਼ੁਰੂ, ਹੁਣ ਬੇਸਿਕ ਮੈਥ ਵਾਲੇ ਚੁਣ ਸਕਦੇ ਹਨ ਸਟੈਂਡਰਡ ਵਿਸ਼ਾ; ਇੰਝ ਬਣੇਗਾ ਫਾਇਨਲ ਰਿਜਲਟ
ਦਰੀ ਸੈਕੰਡਰੀ ਸਿੱਖਿਆ ਬੋਰਡ ਨੇ ਅਕਾਦਮਿਕ ਸੈਸ਼ਨ 2026 ਦੀ ਪਹਿਲੀ ਪ੍ਰੀਖਿਆ ਦਾ ਨਤੀਜਾ ਘੋਸ਼ਿਤ ਕਰ ਦਿੱਤਾ ਹੈ, ਜਿਸ ਵਿੱਚ 93.70% ਵਿਦਿਆਰਥੀ ਸਫਲ ਰਹੇ ਹਨ। ਇਸ ਦੇ ਨਾਲ ਹੀ ਬੋਰਡ ਨੇ ਇਤਿਹਾਸ ਵਿੱਚ ਪਹਿਲੀ ਵਾਰ 10ਵੀਂ ਜਮਾਤ ਲਈ 'ਸੈਕੰਡ ਐਗਜ਼ਾਮ' (ਦੂਜੀ ਪ੍ਰੀਖਿਆ) ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
ਦਰੀ ਸੈਕੰਡਰੀ ਸਿੱਖਿਆ ਬੋਰਡ ਨੇ ਅਕਾਦਮਿਕ ਸੈਸ਼ਨ 2026 ਦੀ ਪਹਿਲੀ ਪ੍ਰੀਖਿਆ ਦਾ ਨਤੀਜਾ ਘੋਸ਼ਿਤ ਕਰ ਦਿੱਤਾ ਹੈ, ਜਿਸ ਵਿੱਚ 93.70% ਵਿਦਿਆਰਥੀ ਸਫਲ ਰਹੇ ਹਨ। ਇਸ ਦੇ ਨਾਲ ਹੀ ਬੋਰਡ ਨੇ ਇਤਿਹਾਸ ਵਿੱਚ ਪਹਿਲੀ ਵਾਰ 10ਵੀਂ ਜਮਾਤ ਲਈ ‘ਸੈਕੰਡ ਐਗਜ਼ਾਮ’ (ਦੂਜੀ ਪ੍ਰੀਖਿਆ) ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
ਵਿਦਿਆਰਥੀਆਂ ਦੀ ਸਹੂਲਤ ਲਈ ਬੋਰਡ ਨੇ ਇਸ ਵਾਰ 12ਵੀਂ ਤੋਂ ਪਹਿਲਾਂ 10ਵੀਂ ਦਾ ਨਤੀਜਾ ਜਾਰੀ ਕੀਤਾ ਹੈ ਤਾਂ ਜੋ ਦੂਜੀ ਪ੍ਰੀਖਿਆ ਦੀਆਂ ਤਿਆਰੀਆਂ ਸਮੇਂ ਸਿਰ ਮੁਕੰਮਲ ਹੋ ਸਕਣ। ਇਸ ਵਾਰ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਜਿਨ੍ਹਾਂ ਵਿਦਿਆਰਥੀਆਂ ਨੇ ਪਹਿਲੀ ਪ੍ਰੀਖਿਆ ‘ਗਣਿਤ ਬੇਸਿਕ’ ਨਾਲ ਦਿੱਤੀ ਸੀ, ਉਹ ਹੁਣ ‘ਗਣਿਤ ਸਟੈਂਡਰਡ’ ਦੀ ਪ੍ਰੀਖਿਆ ਦੇ ਸਕਦੇ ਹਨ ਅਤੇ ਇਸੇ ਤਰ੍ਹਾਂ ਸਟੈਂਡਰਡ ਵਾਲੇ ਬੇਸਿਕ ਦੀ ਚੋਣ ਕਰ ਸਕਦੇ ਹਨ।
ਰਜਿਸਟ੍ਰੇਸ਼ਨ ਅਤੇ ਫੀਸਾਂ ਦਾ ਵੇਰਵਾ
ਬੋਰਡ ਨੇ ਦੂਜੀ ਪ੍ਰੀਖਿਆ ਲਈ ਫੀਸਾਂ ਭਰਨ ਦਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਮਾਰਚ ਵਿੱਚ ਸਕੂਲਾਂ ਤੋਂ ਲਈ ਗਈ ‘ਲਿਸਟ ਆਫ਼ ਸਟੂਡੈਂਟਸ’ (LOC) ਦੇ ਆਧਾਰ ‘ਤੇ ਹੁਣ ਫੀਸ ਜਮ੍ਹਾ ਕੀਤੀ ਜਾਵੇਗੀ:
20 ਅਪ੍ਰੈਲ ਤੱਕ: ਬਿਨਾਂ ਕਿਸੇ ਲੇਟ ਫੀਸ ਦੇ LOC ਅਤੇ ਪ੍ਰੀਖਿਆ ਫੀਸ ਜਮ੍ਹਾ ਕਰਵਾਈ ਜਾ ਸਕਦੀ ਹੈ।
21 ਅਤੇ 22 ਅਪ੍ਰੈਲ: ਵਿਦਿਆਰਥੀ ਲੇਟ ਫੀਸ ਦੇ ਨਾਲ ਅਪਲਾਈ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ
ਪ੍ਰੀਖਿਆ ਫੀਸ: ਭਾਰਤੀ ਵਿਦਿਆਰਥੀਆਂ ਨੂੰ ਪ੍ਰਤੀ ਵਿਸ਼ਾ 320 ਰੁਪਏ ਅਦਾ ਕਰਨੇ ਹੋਣਗੇ। ਜੇਕਰ ਕੋਈ ਵਿਦਿਆਰਥੀ ਤਿੰਨ ਵਿਸ਼ਿਆਂ ਦੀ ਪ੍ਰੀਖਿਆ ਦਿੰਦਾ ਹੈ, ਤਾਂ ਉਸ ਨੂੰ ਕੁੱਲ 960 ਰੁਪਏ ਫੀਸ ਦੇਣੀ ਪਵੇਗੀ। ਸਕੂਲ ਇਸ ਦੌਰਾਨ LOC ਵਿੱਚ ਨਵੇਂ ਨਾਮ ਜੋੜ ਸਕਦੇ ਹਨ ਜਾਂ ਪੁਰਾਣੇ ਹਟਾ ਸਕਦੇ ਹਨ।
ਕੌਣ ਦੇ ਸਕਦਾ ਹੈ ਦੂਜੀ ਪ੍ਰੀਖਿਆ?
ਸੀਬੀਐਸਈ ਨੇ ਵਿਦਿਆਰਥੀਆਂ ਅਤੇ ਮਾਪਿਆਂ ਦੀ ਉਲਝਣ ਦੂਰ ਕਰਦਿਆਂ ਯੋਗਤਾ ਦੀਆਂ ਸ਼ਰਤਾਂ ਸਪੱਸ਼ਟ ਕੀਤੀਆਂ ਹਨ:
3 ਵਿਸ਼ਿਆਂ ਦੀ ਚੋਣ: ਪਹਿਲੀ ਪ੍ਰੀਖਿਆ ਵਿੱਚ ਬੈਠਣ ਵਾਲੇ ਵਿਦਿਆਰਥੀ ਵੱਧ ਤੋਂ ਵੱਧ ਤਿੰਨ ਵਿਸ਼ਿਆਂ (ਵਿਗਿਆਨ, ਗਣਿਤ, ਸਮਾਜਿਕ ਵਿਗਿਆਨ ਅਤੇ ਭਾਸ਼ਾ) ਵਿੱਚ ਦੂਜੀ ਪ੍ਰੀਖਿਆ ਦੇ ਸਕਦੇ ਹਨ।
ਅੰਕਾਂ ਵਿੱਚ ਸੁਧਾਰ: ਜੇਕਰ ਕੋਈ ਵਿਦਿਆਰਥੀ ਆਪਣੇ ਪਹਿਲੇ ਨਤੀਜੇ ਤੋਂ ਸੰਤੁਸ਼ਟ ਨਹੀਂ ਹੈ, ਤਾਂ ਉਹ ਆਪਣੇ ਨੰਬਰ ਵਧਾਉਣ ਲਈ ਅਪਲਾਈ ਕਰ ਸਕਦਾ ਹੈ।
ਕੰਪਾਰਟਮੈਂਟ: ਜਿਨ੍ਹਾਂ ਵਿਦਿਆਰਥੀਆਂ ਦੇ ਇੱਕ ਜਾਂ ਦੋ ਵਿਸ਼ਿਆਂ ਵਿੱਚ 33% ਤੋਂ ਘੱਟ ਅੰਕ ਹਨ, ਉਹ ਕੰਪਾਰਟਮੈਂਟ ਸ਼੍ਰੇਣੀ ਅਧੀਨ ਪ੍ਰੀਖਿਆ ਦੇ ਸਕਦੇ ਹਨ।
ਫੇਲ੍ਹ: ਜੇਕਰ ਕੋਈ ਵਿਦਿਆਰਥੀ ਦੋ ਤੋਂ ਵੱਧ ਵਿਸ਼ਿਆਂ ਵਿੱਚ ਫੇਲ੍ਹ ਹੁੰਦਾ ਹੈ, ਤਾਂ ਉਹ ਇਸ ਦੂਜੀ ਪ੍ਰੀਖਿਆ ਲਈ ਯੋਗ ਨਹੀਂ ਹੋਵੇਗਾ ਅਤੇ ਉਸਨੂੰ ਅਗਲੇ ਸਾਲ ਮੁੱਖ ਪ੍ਰੀਖਿਆ ਵਿੱਚ ਬੈਠਣਾ ਪਵੇਗਾ।
ਵੈਕਲਪਿਕ ਮੌਕਾ: ਇਹ ਪ੍ਰੀਖਿਆ ਲਾਜ਼ਮੀ ਨਹੀਂ ਹੈ, ਸਗੋਂ ਵਿਦਿਆਰਥੀਆਂ ਲਈ ਇੱਕ ਸੁਨਹਿਰੀ ਵਿਕਲਪ ਹੈ।
ਮਹੱਤਵਪੂਰਨ ਤਾਰੀਖਾਂ ਅਤੇ ‘ਬੈਸਟ-ਆਫ਼-ਟੂ’ ਨਿਯਮ
ਸੀਬੀਐਸਈ ਦੀਆਂ ਦੂਜੀਆਂ ਬੋਰਡ ਪ੍ਰੀਖਿਆਵਾਂ 15 ਮਈ ਤੋਂ 1 ਜੂਨ 2026 ਦੇ ਵਿਚਕਾਰ ਕਰਵਾਈਆਂ ਜਾਣਗੀਆਂ। ਬੋਰਡ ਜਲਦੀ ਹੀ ਵਿਸਤ੍ਰਿਤ ਟਾਈਮ-ਟੇਬਲ ਜਾਰੀ ਕਰੇਗਾ। ਸਭ ਤੋਂ ਅਹਿਮ ਗੱਲ ਇਹ ਹੈ ਕਿ ਫਾਈਨਲ ਮਾਰਕਸ਼ੀਟ ਤਿਆਰ ਕਰਦੇ ਸਮੇਂ ਬੋਰਡ ‘ਬੈਸਟ-ਆਫ਼-ਟੂ’ ਨਿਯਮ ਅਪਣਾਏਗਾ। ਇਸਦਾ ਮਤਲਬ ਹੈ ਕਿ ਵਿਦਿਆਰਥੀ ਦੀ ਪਹਿਲੀ ਅਤੇ ਦੂਜੀ ਪ੍ਰੀਖਿਆ ਦੇ ਅੰਕਾਂ ਦੀ ਤੁਲਨਾ ਕੀਤੀ ਜਾਵੇਗੀ ਅਤੇ ਜਿਸ ਪ੍ਰੀਖਿਆ ਵਿੱਚ ਜ਼ਿਆਦਾ ਅੰਕ ਹੋਣਗੇ, ਉਹੀ ਫਾਈਨਲ ਮਾਰਕਸ਼ੀਟ ਵਿੱਚ ਦਰਜ ਕੀਤੇ ਜਾਣਗੇ। ਇਸ ਕਦਮ ਨਾਲ ਵਿਦਿਆਰਥੀਆਂ ਦਾ ਮਾਨਸਿਕ ਬੋਝ ਘਟੇਗਾ ਅਤੇ ਉਹ ਬਿਨਾਂ ਕਿਸੇ ਡਰ ਦੇ ਆਪਣੀ ਕਾਰਗੁਜ਼ਾਰੀ ਸੁਧਾਰ ਸਕਣਗੇ।
