Ratan Tata: ਕਿਸ-ਕਿਸ ਨੂੰ ਮਿਲੇਗੀ ਰਤਨ ਟਾਟਾ ਦੀ 10,000 ਕਰੋੜ ਦੀ ਦੌਲਤ , ਰਸੋਈਏ ਨੇ ਕੀਤਾ ਖੁਲਾਸਾ!
Ratan Tata Will: ਰਤਨ ਟਾਟਾ ਨੇ ਪਾਲਤੂ ਕੁੱਤੇ ਟੀਟੀ ਦੀ ਦੇਖਭਾਲ ਦੀ ਜ਼ਿੰਮੇਵਾਰੀ ਆਪਣੇ ਰਸੋਈਏ ਰਾਜਨ ਸ਼ਾਅ ਨੂੰ ਦਿੱਤੀ ਹੈ। ਵਸੀਅਤ ਵਿਚ ਉਸ ਦੇ ਬਟਲਰ ਸੁਬਈਆ ਲਈ ਵੀ ਵਿਵਸਥਾਵਾਂ ਸ਼ਾਮਲ ਹਨ, ਜੋ ਤਿੰਨ ਦਹਾਕਿਆਂ ਤੋਂ ਰਤਨ ਟਾਟਾ ਨਾਲ ਜੁੜੇ ਹੋਏ ਸਨ। ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਰਤਨ ਟਾਟਾ ਨੇ ਆਪਣੇ ਵਿਦੇਸ਼ੀ ਦੌਰਿਆਂ ਦੌਰਾਨ ਸ਼ਾਅ ਅਤੇ ਸੁਬਈਆ ਲਈ ਡਿਜ਼ਾਈਨਰ ਕੱਪੜੇ ਵੀ ਖਰੀਦੇ ਸਨ।
ਦੇਸ਼ ਦੇ ਸਭ ਤੋਂ ਵੱਡੇ ਉਦਯੋਗਿਕ ਘਰਾਣੇ ਟਾਟਾ ਗਰੁੱਪ ਦੀ ਕਈ ਸਾਲਾਂ ਤੱਕ ਅਗਵਾਈ ਕਰਨ ਵਾਲੇ ਰਤਨ ਟਾਟਾ ਦਾ ਬੀਤੀ 9 ਤਾਰੀਕ ਨੂੰ ਦੇਹਾਂਤ ਹੋ ਗਿਆ। ਉਨ੍ਹਾਂ ਨੇ ਆਪਣੇ ਪਿੱਛੇ ਲਗਭਗ 10,000 ਕਰੋੜ ਰੁਪਏ ਦੀ ਜਾਇਦਾਦ ਛੱਡੀ ਹੈ। ਉਨ੍ਹਾਂ ਨੇ ਆਪਣੀ ਇੱਛਾ ਨੂੰ ਲਾਗੂ ਕਰਵਾਉਣ ਦੀ ਜ਼ਿੰਮੇਵਾਰੀ ਚਾਰ ਲੋਕਾਂ ਨੂੰ ਦਿੱਤੀ ਹੈ। ਆਪਣੀ ਵਸੀਅਤ ਵਿੱਚ ਉਨ੍ਹਾਂ ਨੇ ਆਪਣੇ ਜਰਮਨ ਸ਼ੈਫਰਡ ਕੁੱਤੇ Tito ਦੀ ‘ਬੇਅੰਤ’ ਦੇਖਭਾਲ ਨੂੰ ਯਕੀਨੀ ਬਣਾਉਣ ਲਈ ਪ੍ਰਬੰਧ ਕੀਤੇ ਹਨ। ਭਾਰਤ ਵਿੱਚ ਸ਼ਾਇਦ ਇਹ ਪਹਿਲੀ ਵਾਰ ਹੈ ਕਿ ਕਿਸੇ ਉਦਯੋਗਪਤੀ ਨੇ ਆਪਣੀ ਵਸੀਅਤ ਵਿੱਚ ਅਜਿਹੀ ਵਿਵਸਥਾ ਕੀਤੀ ਹੈ। ਪੱਛਮੀ ਦੇਸ਼ਾਂ ਵਿੱਚ ਪਾਲਤੂ ਜਾਨਵਰਾਂ ਲਈ ਜਾਇਦਾਦ ਛੱਡਣਾ ਅਸਧਾਰਨ ਨਹੀਂ ਹੈ, ਪਰ ਭਾਰਤ ਵਿੱਚ ਅਜਿਹਾ ਬਹੁਤ ਘੱਟ ਹੁੰਦਾ ਹੈ।
ਰਤਨ ਟਾਟਾ ਨੇ ਆਪਣੀ ਜਾਇਦਾਦ ਚ ਆਪਣੇ ਫਾਊਂਡੇਸ਼ਨ, ਭਰਾ ਜਿੰਮੀ ਟਾਟਾ, ਸੌਤੇਲੀ ਭੈਣਾਂ ਸ਼ਿਰੀਨ ਅਤੇ ਡਾਇਨਾ ਜੀਜੀਭੋਏ, ਹਾਊਸ ਸਟਾਫ ਅਤੇ ਹੋਰਾਂ ਨੂੰ ਵੀ ਆਪਣੀ ਜਾਇਦਾਦ ਵਿੱਚ ਹਿੱਸੇਦਾਰ ਬਣਾਇਆ ਹੈ। ਟਾਟਾ ਦੀ ਜਾਇਦਾਦ ‘ਚ ਅਲੀਬਾਗ ‘ਚ 2,000 ਵਰਗ ਫੁੱਟ ਦਾ ਬੰਗਲਾ, ਮੁੰਬਈ ਦੇ ਜੁਹੂ ‘ਚ ਦੋ ਮੰਜ਼ਿਲਾ ਘਰ, 350 ਕਰੋੜ ਰੁਪਏ ਦੀ ਐੱਫਡੀ ਅਤੇ ਟਾਟਾ ਗਰੁੱਪ ਦੀ ਹੋਲਡਿੰਗ ਕੰਪਨੀ ਟਾਟਾ ਸੰਨਜ਼ ‘ਚ 0.83 ਫੀਸਦੀ ਹਿੱਸੇਦਾਰੀ ਸ਼ਾਮਲ ਹੈ। ਟੀਟੋ ਨੂੰ ਰਤਨ ਟਾਟਾ ਨੇ ਪੰਜ-ਛੇ ਸਾਲ ਪਹਿਲਾਂ ਗੋਦ ਲਿਆ ਸੀ।
6 ਸਾਲ ਪਹਿਲਾਂ ਗੋਦ ਲਿਆ ਗਿਆ ਸੀ ਟੀਟੋ ਨੂੰ
ਰਤਨ ਟਾਟਾ ਦੀ ਜਾਇਦਾਦ ਦਾ ਇੱਕ ਹਿੱਸਾ ਉਨ੍ਹਾਂ ਦੇ ਜਰਮਨ ਸ਼ੈਫਰਡ ਕੁੱਤੇ ‘ਟੀਟੋ’ ਲਈ ਰੱਖਿਆ ਗਿਆ ਹੈ। ਇਸ ਨਾਲ ਜਦੋਂ ਤੱਕ ‘ਟੀਟੋ’ ਜ਼ਿੰਦਾ ਹੈ, ਉਸ ਦੀ ਬੇਅੰਤ ਦੇਖਭਾਲ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਕਰੀਬ 6 ਸਾਲ ਪਹਿਲਾਂ ਇਸ ਕੁੱਤੇ ਨੂੰ ਗੋਦ ਲਿਆ ਸੀ। ਇਸਦਾ ਨਾਮ ਉਨ੍ਹਾਂ ਦੇ ਪੁਰਾਣੇ ਕੁੱਤੇ, ਟੀਟੋ ਦੇ ਨਾਮ ਤੇ ਰੱਖਿਆ ਗਿਆ ਸੀ, ਜਿਸਨੇ ਉਸੇ ਸਮੇਂ ਆਖਰੀ ਸਾਹ ਲਿਆ ਸੀ।
ਭਾਰਤ ਵਿੱਚ, ਕਿਸੇ ਦੀ ਜਾਇਦਾਦ ਨੂੰ ਆਪਣੇ ਪਾਲਤੂ ਜਾਨਵਰਾਂ ਦੇ ਨਾਮ ‘ਤੇ ਰੱਖਣਾ ਇੱਕ ਨਵਾਂ ਵਰਤਾਰਾ ਹੋ ਸਕਦਾ ਹੈ। ਪਰ ਵਿਦੇਸ਼ਾਂ ਵਿੱਚ ਇਸ ਤਰ੍ਹਾਂ ਦੀ ਪਰੰਪਰਾ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਹੈ।
ਰਤਨ ਟਾਟਾ ਦੀ ਵਸੀਅਤ ਵਿੱਚ, ਰਾਜਨ ਸ਼ਾਅ ਲਈ ਵੀ ਜਾਇਦਾਦ ਦਾ ਪ੍ਰਬੰਧ ਕੀਤਾ ਗਿਆ ਹੈ, ਜੋ ਲੰਬੇ ਸਮੇਂ ਤੱਕ ਉਨ੍ਹਾਂ ਲਈ ਰਸੋਈਏ ਵਜੋਂ ਕੰਮ ਕਰਦੇ ਸਨ ਅਤੇ ਸੁਬਇਆ, ਜੋ ਲਗਭਗ 30 ਸਾਲਾਂ ਤੱਕ ਉਨ੍ਹਾਂ ਦੇ ਬਟਲਰ ਵਜੋਂ ਕੰਮ ਕਰਦੇ ਸਨ। ਰਤਨ ਟਾਟਾ ਦਾ ਆਪਣੇ ਘਰੇਲੂ ਸਟਾਫ ਨਾਲ ਇੰਨਾ ਡੂੰਘਾ ਰਿਸ਼ਤਾ ਸੀ ਕਿ ਵਿਦੇਸ਼ ਯਾਤਰਾ ਤੋਂ ਪਰਤਣ ਸਮੇਂ ਉਹ ਅਕਸਰ ਉਨ੍ਹਾਂ ਲਈ ਡਿਜ਼ਾਈਨਰ ਕੱਪੜੇ ਲੈ ਕੇ ਆਉਂਦੇ ਸਨ, ਰਤਨ ਟਾਟਾ ਨੇ ਆਪਣੇ ਘਰ ਦੇ ਸਾਰੇ ਨੌਕਰਾਂ ਦੇ ਚੰਗੇ ਭਵਿੱਖ ਲਈ ਆਪਣੀ ਵਸੀਅਤ ਵਿਚ ਪ੍ਰਬੰਧ ਕੀਤੇ ਹਨ।
ਇਹ ਵੀ ਪੜ੍ਹੋ
ਸ਼ਾਂਤਨੂ ਨਾਇਡੂ ਦਾ ਲੋਨ ਕੀਤਾ ਮੁਆਫ਼
ਰਤਨ ਟਾਟਾ ਦੇ ਲੰਬੇ ਸਮੇਂ ਤੋਂ ਸਹਿਯੋਗੀ ਰਹੇ ਸ਼ਾਂਤਨੂ ਨਾਇਡੂ ਨੂੰ ਵੀ ਉਨ੍ਹਾਂ ਦੀ ਵਸੀਅਤ ਵਿਚ ਥਾਂ ਮਿਲੀ ਹੈ। ਸ਼ਾਂਤਨੂ ਨਾਇਡੂ ਦੇ ਸਟਾਰਟਅੱਪ Goodfellows ਵਿੱਚ ਰਤਨ ਟਾਟਾ ਦੀ ਹਿੱਸੇਦਾਰੀ ਹੁਣ ਖਤਮ ਹੋ ਗਈ ਹੈ। ਇੰਨਾ ਹੀ ਨਹੀਂ ਸ਼ਾਂਤਨੂ ਨਾਇਡੂ ਨੂੰ ਵਿਦੇਸ਼ ‘ਚ ਪੜ੍ਹਾਈ ਲਈ ਦਿੱਤਾ ਗਿਆ ਕਰਜ਼ਾ ਵੀ ਮੁਆਫ ਕਰ ਦਿੱਤਾ ਗਿਆ ਹੈ।
ਇਸ ਤੋਂ ਇਲਾਵਾ ਰਤਨ ਟਾਟਾ ਦੀ ਜ਼ਿਆਦਾਤਰ ਜਾਇਦਾਦ ਟਾਟਾ ਸੰਨਜ਼ ਅਤੇ ਟਾਟਾ ਗਰੁੱਪ ਦੀਆਂ ਵੱਖ-ਵੱਖ ਕੰਪਨੀਆਂ ‘ਚ ਉਨ੍ਹਾਂ ਦੀ ਹਿੱਸੇਦਾਰੀ ਹੈ। ਇਸ ਨੂੰ ਹੁਣ ਰਤਨ ਟਾਟਾ ਐਂਡੋਮੈਂਟ ਫਾਊਂਡੇਸ਼ਨ (RTEF) ਨੂੰ ਟਰਾਂਸਫਰ ਕੀਤਾ ਜਾਵੇਗਾ। ਇਹ ਫਾਊਂਡੇਸ਼ਨ ਗੈਰ-ਲਾਭਕਾਰੀ ਕੰਮਾਂ ਲਈ ਫੰਡ ਮੁਹੱਈਆ ਕਰਵਾਏਗੀ। ਇੰਨਾ ਹੀ ਨਹੀਂ, ਰਤਨ ਟਾਟਾ ਦੁਆਰਾ ਆਪਣੀ ਨਿੱਜੀ ਸਮਰੱਥਾ ਵਿੱਚ ਸਟਾਰਟਅੱਪਸ ਵਿੱਚ ਕੀਤੇ ਨਿਵੇਸ਼ ਨੂੰ ਖਤਮ ਕਰ ਦਿੱਤਾ ਜਾਵੇਗਾ ਅਤੇ ਪੈਸਾ ਇਸ ਫਾਉਂਡੇਸ਼ਨ ਵਿੱਚ ਟਰਾਂਸਫਰ ਕੀਤਾ ਜਾਵੇਗਾ।
