Independence Day 2024: ਸਪੇਸ ਸਟੇਸ਼ਨ ਤੋਂ ਮੀਡੀਆ ਨੂੰ ਗਲੋਬਲ ਬਣਾਉਣ ਤੱਕ, 2047 ਤੱਕ ਇੰਝ ਵਿਕਸਤ ਬਣੇਗਾ ਜਾਵੇਗਾ
PM Modi Speech on Viksit Bharat: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਾਲ ਕਿਲੇ ਤੋਂ ਵਿਕਸਿਤ ਭਾਰਤ 2047 ਦਾ ਜ਼ਿਕਰ ਕੀਤਾ। ਉਨ੍ਹਾਂ ਦੱਸਿਆ ਕਿ ਵਿਕਸਿਤ ਭਾਰਤ 2047 ਬਾਰੇ ਸਰਕਾਰ ਦਾ ਵਿਜ਼ਨ ਕੀ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਕਰੋੜਾਂ ਲੋਕਾਂ ਨੇ ਵਿਕਸਤ ਭਾਰਤ ਨੂੰ ਲੈ ਕੇ ਆਪਣੀ ਰਾਏ ਦਿੱਤੀ ਹੈ, ਜਿਸ ਅਨੁਸਾਰ ਪੀਐਮ ਮੋਦੀ ਨੇ ਵਿਕਸਤ ਭਾਰਤ ਦੀ ਪੂਰੀ ਯੋਜਨਾ ਦੱਸੀ ਹੈ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 78ਵੇਂ ਸੁਤੰਤਰਤਾ ਦਿਵਸ ਮੌਕੇ ਰਾਸ਼ਟਰ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਕਈ ਮੁੱਦਿਆਂ ‘ਤੇ ਚਰਚਾ ਕੀਤੀ। ਆਪਣੇ ਸੰਬੋਧਨ ਵਿੱਚ ਪੀਐਮ ਮੋਦੀ ਨੇ ਵਿਕਸਤ ਭਾਰਤ ਦੈ ਨਾਲ ਰਿਫਾਰਮ ਬਾਰੇ ਵੀ ਚਰਚਾ ਕੀਤੀ। ਪ੍ਰਧਾਨ ਮੰਤਰੀ ਨੇ ਬੈਂਕਿੰਗ ਖੇਤਰ ਅਤੇ ਰੱਖਿਆ ਖੇਤਰ ਵਿੱਚ ਸੁਧਾਰਾਂ ‘ਤੇ ਜ਼ੋਰ ਦਿੱਤਾ। ਪੀਐਮ ਮੋਦੀ ਨੇ ਪਿਛਲੇ ਸਾਲ 15 ਅਗਸਤ ਨੂੰ ਦੇਸ਼ ਨੂੰ 2047 ਤੱਕ ਵਿਕਸਤ ਭਾਰਤ ਬਣਾਉਣ ਦਾ ਟੀਚਾ ਰੱਖਿਆ ਸੀ। ਜਿਸ ਦਾ ਖਾਕਾ ਅਤੇ ਪੂਰੀ ਯੋਜਨਾ ਦਾ ਖੁਲਾਸਾ ਅੱਜ ਆਜ਼ਾਦੀ ਦਿਵਸ ਮੌਕੇ ਲਾਲ ਕਿਲੇ ਤੋਂ ਕੀਤਾ ਗਿਆ। ਪੀਐਮ ਮੋਦੀ ਨੇ ਦੱਸਿਆ ਕਿ ਕਿਵੇਂ ਦੇਸ਼ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣੇਗਾ।
ਇਸ ਨਵੇਂ ਭਾਰਤ ਦੇ ਲਈ 4 ਟ੍ਰਿਲੀਅਨ ਡਾਲਰ ਦੀ ਅਰਥਵਿਵਸਥਾ ਬਣਾਉਣਾ, ਔਰਤਾਂ ਲਈ ਰੁਜ਼ਗਾਰ ਪੈਦਾ ਕਰਨਾ, ਕਿਸਾਨਾਂ ਦੀ ਆਮਦਨ ਨੂੰ ਦੁੱਗਣਾ ਕਰਨਾ ਅਤੇ ਗਰੀਬੀ ਦੂਰ ਕਰਨਾ (ਆਮਦਨ ਗਰੀਬੀ ਅਤੇ ਬਹੁ-ਆਯਾਮੀ ਗਰੀਬੀ ਵਿੱਚ ਉਲਝਣ ਵਿੱਚ ਨਹੀਂ ਹੋਣੀ ਚਾਹੀਦੀ) ਵਰਗ੍ਹੇ ਟੀਚੇ ਸ਼ਾਮਲ ਹਨ। ਆਓ ਤੁਹਾਨੂੰ ਇਹ ਵੀ ਦੱਸਦੇ ਹਾਂ ਕਿ ਭਾਰਤ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਕਿਵੇਂ ਬਣੇਗਾ। ਇਸ ਤੋਂ ਪਹਿਲਾਂ, ਆਓ ਜਾਣਦੇ ਹਾਂ ਕਿ ਭਾਰਤ ਨੂੰ ਵਿਕਸਤ ਭਾਰਤ ਬਣਾਉਣ ਲਈ ਲੋਕਾਂ ਨੇ ਪੀਐਮ ਮੋਦੀ ਨੂੰ ਕੀ ਸੁਝਾਅ ਦਿੱਤੇ
ਕਿਸਾਨਾਂ ਤੋਂ ਲੈ ਕੇ ਮੀਡੀਆ ਤੱਕ ਕਹੀਆਂ ਇਹ ਗੱਲਾਂ
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ਚਾਹੇ ਪਿੰਡਾਂ ਵਿੱਚ ਰਹਿਣ ਵਾਲੇ ਲੋਕ ਹੋਣ ਜਾਂ ਸ਼ਹਿਰਾਂ ਵਿੱਚ ਰਹਿਣ ਵਾਲੇ ਦੇਸ਼ ਵਾਸੀ। ਲੋਕਾਂ ਨੇ ਇਸ ਨੂੰ ਵਿਸ਼ਵ ਦੀ ਹੁਨਰ ਦੀ ਰਾਜਧਾਨੀ ਬਣਾਉਣ ਦਾ ਸੁਝਾਅ ਦਿੱਤਾ। ਭਾਰਤੀ ਯੂਨੀਵਰਸਿਟੀਆਂ ਗਲੋਬਲ ਬਣਨ, ਇਹ ਸੁਝਾਅ ਦਿੱਤਾ। ਕੀ ਸਾਡਾ ਮੀਡੀਆ ਗਲੋਬਲ ਨਹੀਂ ਹੋਣਾ ਚਾਹੀਦਾ? ਸਾਡੇ ਨੌਜਵਾਨਾਂ ਨੂੰ ਵਿਸ਼ਵ ਦਾ ਹੁਨਰਮੰਦ ਲੇਬਰ ਬਣਨਾ ਚਾਹੀਦਾ ਹੈ। ਮੋਟੇ ਅਨਾਜ ਨੂੰ ਦੁਨੀਆ ਦੇ ਸਾਰੇ ਡਾਇਨਿੰਗ ਟੇਬਲਾਂ ‘ਤੇ ਪਹੁੰਚਾਉਣਾ ਹੈ।
ਲੋਕਾਂ ਨੇ ਦਿੱਤੇ ਇਹ ਸੁਝਾਅ
- ਭਾਰਤੀ ਯੂਨੀਵਰਸਿਟੀਆਂ ਗਲੋਬਲ ਬਣਨ
ਪੁਲਾੜ ਵਿੱਚ ਭਾਰਤ ਦਾ ਪੁਲਾੜ ਸਟੇਸ਼ਨ ਬਣੇ
ਭਾਰਤ ਵਿਸ਼ਵ ਦੀ ਸਕਿਲ ਕੈਪਿਟਲ ਬਣੇ
ਭਾਰਤ ਗਲੋਬਲ ਮੈਨੂਫੈਕਚਰਿੰਗ ਹੱਬ ਬਣੇ
ਭਾਰਤ ਦਾ ਮੀਡੀਆ ਗਲੋਬਲ ਬਣੇ
ਭਾਰਤ ਦੇ ਹੁਨਰਮੰਦ ਨੌਜਵਾਨ ਦੁਨੀਆ ਦੀ ਪਹਿਲੀ ਪਸੰਦ ਬਣਨ
ਭਾਰਤ ਜਲਦੀ ਤੋਂ ਜਲਦੀ ਜੀਵਨ ਦੇ ਹਰ ਖੇਤਰ ਵਿੱਚ ਆਤਮ ਨਿਰਭਰ ਬਣੇ
ਸੁਪਰ ਫੂਡ ਨੂੰ ਦੁਨੀਆ ਦੇ ਹਰ ਡਾਈਨਿੰਗ ਟੇਬਲ ‘ਤੇ ਪਹੁੰਚਾਉਣਾ ਹੈ, ਦੁਨੀਆ ਨੂੰ ਪੋਸ਼ਣ ਦੇ ਕੇ ਭਾਰਤ ਦੇ ਛੋਟੇ ਕਿਸਾਨਾਂ ਨੂੰ ਅਮੀਰ ਬਣਾਇਆ ਜਾਵੇ
ਛੋਟੀਆਂ ਇਕਾਈਆਂ ਦੇ ਸ਼ਾਸਨ-ਪ੍ਰਸ਼ਾਸਨ ਵਿੱਚ ਸੁਧਾਰ ਕੀਤਾ ਜਾਵੇ
ਨਿਆਂ ਵਿੱਚ ਦੇਰੀ ਹੋ ਰਹੀ ਹੈ, ਇਹ ਚਿੰਤਾਜਨਕ ਹੈ; ਸਾਡੇ ਦੇਸ਼ ਦੀ ਨਿਆਂ ਪ੍ਰਣਾਲੀ ਨੂੰ ਸੁਧਾਰਨ ਦੀ ਬਹੁਤ ਲੋੜ ਹੈ।
ਵਧਦੀਆਂ ਆਫ਼ਤਾਂ ਦੇ ਵਿਚਕਾਰ ਸ਼ਾਸਨ-ਪ੍ਰਸ਼ਾਸਨ ਲਈ ਮੁਹਿੰਮਾਂ ਚੱਲਣ
ਭਾਰਤ ਦੀਆਂ ਪਰੰਪਰਾਗਤ ਦਵਾਈਆਂ ਅਤੇ ਵੈਲਨੇਸ ਰਬ ਵਜੋਂ ਵਿਕਸਤ ਹੋਣ
ਭਾਰਤ ਨੂੰ ਜਲਦੀ ਤੋਂ ਜਲਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਨਾ ਚਾਹੀਦਾ ਹੈ
ਭਾਰਤ ਦੀ ਤੇਜ਼ੀ ਨਾਲ ਵਧ ਰਹੀ ਆਰਥਿਕਤਾ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਾਲ ਕਿਲੇ ਤੋਂ ਕਿਹਾ ਕਿ ਭਾਰਤ ਤੇਜ਼ੀ ਨਾਲ ਤਰੱਕੀ ਕਰ ਰਿਹਾ ਹੈ, ਨੌਕਰੀ ਦੇ ਮੌਕੇ ਤੇਜ਼ੀ ਨਾਲ ਪੈਦਾ ਹੋ ਰਹੇ ਹਨ, ਪੀਐਮ ਮੋਦੀ ਨੇ ਦਾਅਵਾ ਕੀਤਾ, ‘2075 ਤੱਕ ਅਸੀਂ ਦੁਨੀਆ ਦੀ ਦੂਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣ ਸਕਦੇ ਹਾਂ। ਇਸ ਤੋਂ ਪਹਿਲਾਂ ਪੀਐਮ ਮੋਦੀ ਦੇ ਤੀਜੇ ਕਾਰਜਕਾਲ ਵਿੱਚ ਉਹ ਭਾਰਤ ਨੂੰ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਾਉਣਗੇ। ਇਸ ਦੇ ਲਈ ਤਿੰਨ ਗੁਣਾ ਜ਼ਿਆਦਾ ਮਿਹਨਤ ਕਰਾਂਗੇ। ਭਾਰਤ ਵਿੱਚ ਲੋਕਾਂ ਦੀ ਪ੍ਰਤੀ ਵਿਅਕਤੀ ਆਮਦਨ ਦੁੱਗਣੀ ਹੋ ਗਈ ਹੈ।
ਬੈਂਕ ਮਜ਼ਬੂਤ ਹੁੰਦੇ ਹਨ ਤਾਂ ਅਰਥਵਿਵਸਥਾ ਦੀ ਮਜ਼ਬੂਤੀ ਵਧਦੀ ਹੈ
ਪੀਐਮ ਮੋਦੀ ਨੇ ਕਿਹਾ ਕਿ ਜਦੋਂ ਸੁਧਾਰਾਂ ਦੀ ਗੱਲ ਆਉਂਦੀ ਹੈ ਤਾਂ ਇੱਕ ਲੰਮਾ ਪਰਿਵੇਸ਼ ਹੁੰਦਾ ਹੈ। ਜੇ ਮੈਂ ਚਰਚਾ ਵਿੱਚ ਰੁੱਝਿਆ ਰਿਹਾ ਤਾਂ ਘੰਟਿਆਂ ਬੱਧੀ ਨਿਕਲ ਜਾਣਗੇ। ਜ਼ਰਾ ਬੈਂਕਿੰਗ ਖੇਤਰ ਵਿੱਚ ਸੁਧਾਰਾਂ ਨੂੰ ਹੀ ਦੇਖ ਲਓ। ਜ਼ਰਾ ਸੋਚੋ, ਬੈਂਕਿੰਗ ਖੇਤਰ ਦੀ ਕੀ ਹਾਲਤ ਸੀ। ਨਾ ਵਿਕਾਸ ਹੁੰਦਾ ਸੀ, ਨਾ ਵਿਸਤਾਰ ਹੁੰਦਾ ਸੀ, ਨਾ ਵਿਸ਼ਵਾਸ ਵੱਧਦਾ ਸੀ। ਇੰਨਾ ਹੀ ਨਹੀਂ, ਜਿਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਚੱਲ ਰਹੀਆਂ ਸਨ, ਉਸ ਕਾਰਨ ਸਾਡੇ ਬੈਂਕ ਸੰਕਟ ਵਿੱਚੋਂ ਲੰਘ ਰਹੇ ਸਨ। ਅਸੀਂ ਸੰਕਟ ਨੂੰ ਦੂਰ ਕਰਨ ਲਈ ਬਹੁਤ ਸਾਰੇ ਸੁਧਾਰ ਕੀਤੇ ਅਤੇ ਅੱਜ ਉਨ੍ਹਾਂ ਦੇ ਕਾਰਨ ਸਾਡੇ ਬੈਂਕਾਂ ਨੇ ਨੇ ਦੇਸ਼ ਦੇ ਕੁਝ ਮਜ਼ਬੂਤ ਬੈਂਕਾਂ ਵਿੱਚ ਆਪਣੀ ਜਗ੍ਹਾ ਬਣਾਈ ਹੈ। ਜਦੋਂ ਬੈਂਕ ਮਜ਼ਬੂਤ ਹੁੰਦੇ ਹਨ, ਤਾਂ ਰਸਮੀ ਆਰਥਿਕਤਾ ਦੀ ਤਾਕਤ ਵਧ ਜਾਂਦੀ ਹੈ।
ਇਹ ਵੀ ਪੜ੍ਹੋ
ਬੈਂਕਿੰਗ ਖੇਤਰ ‘ਚ ਸੁਧਾਰਾਂ ਦੀ ਤਾਰੀਫ ਕਰਦੇ ਹੋਏ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਭਾਰਤੀ ਬੈਂਕ ਹੁਣ ਦੁਨੀਆ ਦੇ ਸਭ ਤੋਂ ਮਜ਼ਬੂਤ ਬੈਂਕਾਂ ‘ਚ ਗਿਣੇ ਜਾਂਦੇ ਹਨ। ਸਾਡੇ ਦੁਆਰਾ ਚੁਣਿਆ ਗਿਆ ਸੁਧਾਰ ਦਾ ਮਾਰਗ ਵਿਕਾਸ ਦਾ ਬਲੂਪ੍ਰਿੰਟ ਬਣ ਗਿਆ ਹੈ। ਪਹਿਲਾਂ ਲੋਕ ਸਰਕਾਰ ਨੂੰ ਸਹੂਲਤਾਂ ਲਈ ਅਪੀਲ ਕਰਦੇ ਸਨ, ਹੁਣ ਉਨ੍ਹਾਂ ਨੂੰ ਉਨ੍ਹਾਂ ਦੇ ਘਰ ਸਹੂਲਤਾਂ ਮਿਲਦੀਆਂ ਹਨ। ਦੇਸ਼ ਦੇ ਨੌਜਵਾਨ ਹੌਲੀ-ਹੌਲੀ ਅੱਗੇ ਵਧਣਾ ਨਹੀਂ ਚਾਹੁੰਦੇ, ਇਹ ਸਾਡਾ ਸੁਨਹਿਰੀ ਯੁੱਗ ਹੈ। ਸੁਧਾਰ ਦਾ ਸਾਡਾ ਮਾਰਗ ਅੱਜ ਵਿਕਾਸ ਦਾ ਬਲੂਪ੍ਰਿੰਟ ਬਣਿਆ ਹੋਇਆ ਹੈ।
10 ਕਰੋੜ ਔਰਤਾਂ ਆਤਮਨਿਰਭਰ ਬਣੀਆਂ
ਪੀਐਮ ਮੋਦੀ ਨੇ ਕਿਹਾ ਕਿ ਅੱਜ 10 ਕਰੋੜ ਭੈਣਾਂ ਸਵੈ-ਨਿਰਭਰ ਹੋ ਗਈਆਂ ਹਨ, ਅੱਜ ਅਸੀਂ ਸਪੇਸ ਸੈਕਟਰ ਵਿੱਚ ਬਹੁਤ ਸੁਧਾਰ ਕੀਤੇ ਹਨ। ਅੱਜ ਪ੍ਰਾਈਵੇਟ ਸੈਟੇਲਾਈਟ, ਰਾਕੇਟ ਲਾਂਚ ਹੋ ਰਹੇ ਹਨ। ਅਸੀਂ ਈਜ਼ ਆਫ ਲਿਵਿੰਗ ਅਤੇ ਈਜ਼ ਆਫ ਡੂਇੰਗ ਤੇ ਵੀ ਕੰਮ ਕਰ ਰਹੇ ਹਾਂ। ਪਿਛਲੇ ਦਸ ਸਾਲ ਪਿੰਡ ਵਿੱਚ ਸਕੂਲ ਬਣਾਉਣ ਦੀ ਗੱਲ ਹੋਵੇ, ਹਾਈਵੇ ਦੀ ਗੱਲ ਹੋਵੇ, ਹਸਪਤਾਲ ਹੋਵੇ, ਡਾਕਟਰੀ ਦਾ ਕੰਮ ਹੋਵੇ। ਅਸੀਂ ਇਨ੍ਹਾਂ ਖੇਤਰਾਂ ਵਿੱਚ ਬੇਮਿਸਾਲ ਕੰਮ ਕੀਤਾ ਹੈ।
2047 ਤੱਕ ਵਿਕਸਤ ਭਾਰਤ ਦੀ ਯੋਜਨਾ
ਭਾਰਤ ਨੂੰ 2047 ਤੱਕ ਤੱਕ ਵਿਕਸਿਤ ਭਾਰਤ ਦਾ ਸੁਪਨਾ ਦਿਖਾਉਂਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਕਿ ਜਦੋਂ 40 ਕਰੋੜ ਦੇਸ਼ ਵਾਸੀਆਂ ਨੇ ਦੁਨੀਆ ਦੀ ਮਹਾਂਸ਼ਕਤੀ ਨੂੰ ਉਖਾੜ ਦਿੱਤਾ ਅਤੇ ਗੁਲਾਮੀ ਦੀਆਂ ਜੰਜ਼ੀਰਾਂ ਤੋੜ ਦਿੱਤੀਆਂ। ਸਾਡੇ ਪੁਰਖਿਆਂ ਦਾ ਖੂਨ ਸਾਡੀਆਂ ਰਗਾਂ ਵਿੱਚ ਹੈ। ਅੱਜ ਅਸੀਂ 140 ਕਰੋੜ ਹਾਂ। ਜੇਕਰ 40 ਕਰੋੜ ਲੋਕ ਗੁਲਾਮੀ ਦੀਆਂ ਜੰਜ਼ੀਰਾਂ ਨੂੰ ਤੋੜ ਕੇ ਆਜ਼ਾਦੀ ਦੇ ਸੁਪਨੇ ਨੂੰ ਸਾਕਾਰ ਕਰ ਸਕਦੇ ਹਨ ਤਾਂ 140 ਕਰੋੜ ਦੇਸ਼ਵਾਸੀਆਂ ਦੇ ਦ੍ਰਿੜ ਇਰਾਦੇ ਨਾਲ, ਇੱਕ ਦਿਸ਼ਾ ਅਤੇ ਕਦਮ ਨਾਲ ਕਦਮ ਮਿਲਾ ਕੇ ਹਰ ਚੁਣੌਤੀ ਨੂੰ ਪਾਰ ਕਰਕੇ ਇੱਕ ਖੁਸ਼ਹਾਲ ਭਾਰਤ ਬਣਾ ਸਕਦੇ ਹਾਂ। ਅਸੀਂ 2047 ਤੱਕ ਵਿਕਸਤ ਭਾਰਤ ਦਾ ਟੀਚਾ ਹਾਸਲ ਕਰ ਸਕਦੇ ਹਾਂ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਲਈ ‘ਵਿਕਸਿਤ ਭਾਰਤ-2047’ ਸਿਰਫ਼ ਇੱਕ ਭਾਸ਼ਣ ਨਹੀਂ ਹੈ, ਇਸ ਦੇ ਪਿੱਛੇ ਦੇਸ਼ ਦੇ ਕਰੋੜਾਂ ਲੋਕਾਂ ਤੋਂ ਸੁਝਾਅ ਲਏ ਜਾ ਰਹੇ ਹਨ ਮੇਰੇ ਦੇਸ਼ ਦੇ ਆਮ ਨਾਗਰਿਕਾਂ ਨੇ ‘ਵਿਕਸਿਤ ਭਾਰਤ-2047’ ਲਈ ਅਣਗਿਣਤ ਸੁਝਾਅ ਦਿੱਤੇ ਹਨ। ਸੁਧਾਰ ਦਾ ਸਾਡਾ ਮਾਰਗ ਅੱਜ ਵਿਕਾਸ ਦਾ ਬਲੂਪ੍ਰਿੰਟ ਬਣਿਆ ਹੋਇਆ ਹੈ। ਪੀਐਮ ਮੋਦੀ ਨੇ ਅੱਗੇ ਕਿਹਾ ਕਿ ਸਾਡੇ ਦੇਸ਼ ਵਿੱਚ ਨਿਆਂ ਪ੍ਰਣਾਲੀ ਵਿੱਚ ਸੁਧਾਰ ਦੀ ਲੋੜ ਹੈ। ਸ਼ਾਸਨ ਅਤੇ ਪ੍ਰਸ਼ਾਸਨ ਵਿੱਚ ਸਮਰੱਥਾ ਨਿਰਮਾਣ ਦਾ ਸੁਝਾਅ ਦਿੱਤਾ। ਭਾਰਤ ਦਾ ਪੁਲਾੜ ਸਟੇਸ਼ਨ ਬਣਾਇਆ ਜਾਣਾ ਚਾਹੀਦਾ ਹੈ। ਭਾਰਤ ਨੂੰ ਵੈਲਨੇੱਸ ਹਬ ਵੱਜੋਂ ਬਣਨਾ ਚਾਹੀਦਾ ਹੈ। ਭਾਰਤ ਨੂੰ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਬਣਨਾ ਚਾਹੀਦਾ ਹੈ।
