ਟੋਇਟਾ ਫਾਰਚੂਨਰ ਨੂੰ ਟੱਕਰ ਦਿੰਦੀ ਹੈ ਇਹ SUV, 20 ਲੱਖ ਰੁਪਏ ਘੱਟ ਵਿੱਚ ਮਿਲ ਰਹੀ ਇੱਕਦਮ ਨਵੀਂ ਕਾਰ
Nissan X Trail: ਟੋਇਟਾ ਫਾਰਚੂਨਰ ਦਾ ਮੁਕਾਬਲਾ ਕਰਨ ਵਾਲੀ ਇੱਕ ਸ਼ਾਨਦਾਰ 7-ਸੀਟਰ ਇਸ ਵੇਲੇ ਆਪਣੀ ਅਸਲ ਕੀਮਤ ਨਾਲੋਂ 20 ਲੱਖ ਰੁਪਏ ਤੱਕ ਸਸਤੀ ਮਿਲ ਰਹੀ ਹੈ। ਇਸ ਕਾਰ ਦੇ ਫੀਚਰ ਵੀ ਸ਼ਾਨਦਾਰ ਹਨ ਅਤੇ ਤੁਹਾਨੂੰ ਇਹ ਕਾਰ ਬਿਲਕੁਲ ਨਵੀਂ ਮਿਲੇਗੀ; ਇਸਦਾ ਮਤਲਬ ਹੈ ਕਿ ਇਸਦੀ ਕੋਈ ਰਜਿਸਟ੍ਰੇਸ਼ਨ ਹਿਸਟਰੀ ਵੀ ਨਹੀਂ ਹੈ।
ਦੇਸ਼ ਵਿੱਚ ਬਹੁਤ ਘੱਟ ਕਾਰਾਂ ਹਨ ਜੋ ਟੋਇਟਾ ਫਾਰਚੂਨਰ ਦੀ ਸ਼ਾਨ ਦਾ ਮੁਕਾਬਲਾ ਕਰ ਸਕਦੀਆਂ ਹਨ। ਹੁਣ ਇਨ੍ਹਾਂ ਵਿੱਚੋਂ ਇੱਕ ਕਾਰ ਆਪਣੀ ਅਸਲ ਕੀਮਤ ਨਾਲੋਂ ਲਗਭਗ 20 ਲੱਖ ਰੁਪਏ ਸਸਤੇ ਵਿੱਚ ਉਪਲਬਧ ਹੈ। ਜੇਕਰ ਇਸ ਲਿਹਾਜ ਨਾਲ ਦੇਖਿਆ ਜਾਵੇ ਤਾਂ ਇਸਦਾ ਫਾਰਚੂਨਰ ਦੀ ਵਿਕਰੀ ‘ਤੇ ਭਾਰੀ ਅਸਰ ਪੈ ਸਕਦਾ ਹੈ। ਇਸ ਕੀਮਤ ‘ਤੇ ਕਾਰ ਖਰੀਦਣ ਵਿੱਚ ਇੱਕ ਖਾਸ ਟਵਿਸਟ ਹੈ, ਤੁਹਾਨੂੰ ਇਹ ਕਾਰ ਬਿਲਕੁਲ ਨਵੀਂ ਮਿਲੇਗੀ ਅਤੇ ਬਿਨਾਂ ਕਿਸੇ ਰਜਿਸਟ੍ਰੇਸ਼ਨ ਹਿਸਟਰੀ ਦੇ।
ਫਾਰਚੂਨਰ ਨਾਲ ਮੁਕਾਬਲਾ ਕਰਨ ਵਾਲੀ ਇਹ 7-ਸੀਟਰ SUV ਕੋਈ ਹੋਰ ਨਹੀਂ ਸਗੋਂ ਨਿਸਾਨ ਇੰਡੀਆ ਦਾ ਫਲੈਗਸ਼ਿਪ ਮਾਡਲ, Nissan X-Trail ਹੈ। ਅਸਲ ਵਿੱਚ 49.92 ਲੱਖ ਰੁਪਏ (ਐਕਸ-ਸ਼ੋਰੂਮ) ਤੋਂ ਸ਼ੁਰੂ ਹੋਣ ਵਾਲੀ ਇਹ ਕਾਰ ਇਸ ਸਮੇਂ ਕੁਝ ਪਲੇਟਫਾਰਮਾਂ ‘ਤੇ 20 ਲੱਖ ਰੁਪਏ ਸਸਤੀ, ਯਾਨੀ ਕਿ ਸਿਰਫ 29.50 ਲੱਖ ਰੁਪਏ ਵਿੱਚ ਉਪਲਬਧ ਹੈ।
ਇੱਥੇ ਮਿਲ ਰਹੀ ਸਸਤੀ ਨਵੀਂ ਕਾਰ
ਤੁਸੀਂ ਸਿਰਫ਼ 29.50 ਲੱਖ ਰੁਪਏ ਵਿੱਚ ਬਿਲਕੁਲ ਨਵੀਂ ਨਿਸਾਨ ਐਕਸ-ਟ੍ਰੇਲ ਖਰੀਦ ਸਕਦੇ ਹੋ। ਪਰ ਤੁਹਾਨੂੰ ਇਹ ਨਿਸਾਨ ਇੰਡੀਆ ਦੇ ਅਧਿਕਾਰਤ ਚੈਨਲ ਤੋਂ ਨਹੀਂ ਮਿਲੇਗੀ। ਦਰਅਸਲ, ਸੈਕਿੰਡ-ਹੈਂਡ ਲਗਜ਼ਰੀ ਕਾਰਾਂ ਦੀ ਸੇਲ ਕਰਨ ਵਾਲੇ ਪਲੇਟਫਾਰਮ Big Boy Toyz ‘ਤੇ ਨਿਸਾਨ ਐਕਸ-ਟ੍ਰੇਲ ਨੰ ਇਸ ਕੀਮਤ ‘ਤੇ ਲਿਸਟ ਕੀਤਾ ਗਿਆ ਹੈ। ਇਹ ਗੱਡੀ ਕਿਤੇ ਵੀ ਰਜਿਸਟਰਡ ਨਹੀਂ ਹੈ। ਇਸਦਾ ਮਤਲਬ ਹੈ ਕਿ ਤੁਸੀਂ ਇਸ ਕਾਰ ਦੇ ਫਰਸਟ ਓਨਰ ਬਣਨ ਜਾ ਰਹੇ ਹੋ। ਇਹ CVT ਟ੍ਰਾਂਸਮਿਸ਼ਨ ਵਾਲੀ ਆਟੋਮੈਟਿਕ SUV ਹੈ ਅਤੇ ਇਸਦੇ ਸਪੀਡ ਮੀਟਰ ਦੇ ਅਨੁਸਾਰ, ਇਹ ਹੁਣ ਤੱਕ ਜ਼ੀਰੋ ਕਿਲੋਮੀਟਰ ਚੱਲੀ ਹੈ।
Nissan X Trail ਮਿਲ ਰਹੀ ਸਸਤੇ ਵਿੱਚ
ਇਸ 5-ਡੋਰ 7-ਸੀਟਰ SUV ਦੀ ਮੈਨੂਫੈਕਚਰਿੰਗ 2024 ਦੀ ਹੈ। ਪੈਟਰੋਲ-ਹਾਈਬ੍ਰਿਡ ਸਿਸਟਮ ‘ਤੇ ਚੱਲਣ ਵਾਲੀ ਇਸ ਕਾਰ ਵਿੱਚ, ਤੁਸੀਂ ਵਾਧੂ ਪੈਸੇ ਦੇ ਕੇ 12.3-ਇੰਚ ਮਲਟੀਮੀਡੀਆ ਟੱਚਸਕ੍ਰੀਨ ਲਗਾ ਸਕਦੇ ਹੋ। ਇਸ ਦੇ ਨਾਲ ਹੀ, ਇਸਦੇ ਇੰਟਰੀਅਰ ਨੂੰ ਲੈਦਰ ਅਪਹੋਲਿਸਟ੍ਰੀ ਦੇ ਨਾਲ ਹੋਰ ਪ੍ਰੀਮੀਅਮ ਲੁੱਕ ਵੀ ਦਿੱਤਾ ਗਿਆ ਹੈ। ਬਿਗ ਬੁਆਏਜ਼ ਟੌਇਜ਼ ਦੀ ਇੰਨਵੈਂਟਰੀ ਵਿੱਚ ਇਸ ਵੇਲੇ ਨਿਸਾਨ ਐਕਸ-ਟ੍ਰੇਲ ਦੀਆਂ ਸਿਰਫ਼ 2 ਹੀ ਯੂਨੀਟ ਬੱਚੀਆਂ ਹਨ।
ਇਹ ਵੀ ਪੜ੍ਹੋ
ਦਮਦਾਰ ਪਰਫਾਰਮੈਂਸ ਵਾਲੀ ਕਾਰ
ਇਸ ਕਾਰ ਵਿੱਚ ਤੁਹਾਨੂੰ 1498 ਸੀਸੀ ਦਾ 3-ਸਿਲੰਡਰ ਟਰਬੋ-ਪੈਟਰੋਲ ਮਾਈਲਡ-ਹਾਈਬ੍ਰਿਡ ਇੰਜਣ ਮਿਲਦਾ ਹੈ। ਇਹ 161 bhp ਦੀ ਮੈਕਸ ਪਾਵਰ ਅਤੇ 300 Nm ਦਾ ਪੀਕ ਟਾਰਕ ਜੈਨਰੇਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ 13.7 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦੀ ਹੈ। ਇਸ ਕਾਰ ਵਿੱਚ ਇੱਕ ਵਾਰ ਵਿੱਚ 55 ਲੀਟਰ ਪੈਟਰੋਲ ਭਰਿਆ ਜਾ ਸਕਦਾ ਹੈ। ਕਾਰ ਵਿੱਚ ਤੁਹਾਨੂੰ ਪੈਨੋਰਾਮਿਕ ਸਨਰੂਫ, ਡਿਊਲ-ਜ਼ੋਨ ਆਟੋਮੈਟਿਕ ਕਲਾਈਮੇਟ ਕੰਟਰੋਲ, ਕਰੂਜ਼ ਕੰਟਰੋਲ, ਵਾਇਰਲੈੱਸ ਫੋਨ ਚਾਰਜਰ, 360 ਡਿਗਰੀ ਕੈਮਰਾ ਅਤੇ 7 ਏਅਰਬੈਗ ਸਟੈਂਡਰਡ ਤੌਰ ਤੇ ਮਿਲਦੇ ਹਨ।
