Upcoming Cars In India: New Nexon ਤੋਂ Honda Elevate ਤੱਕ, ਸਤੰਬਰ ਵਿੱਚ ਆ ਰਹੀਆਂ ਹਨ ਇਹ ਸ਼ਾਨਦਾਰ ਕਾਰਾਂ
ਭਾਰਤੀ ਕਾਰ ਬਾਜ਼ਾਰ ਪਿਛਲੇ ਕੁਝ ਸਾਲਾਂ 'ਚ ਤੇਜ਼ੀ ਨਾਲ ਵਧ ਰਿਹਾ ਹੈ। ਲਗਭਗ ਹਰ ਕਾਰ ਕੰਪਨੀ ਨਵੀਂਆਂ ਕਾਰਾਂ ਜਾਂ ਆਪਣੇ ਮੌਜੂਦਾ ਮਾਡਲਾਂ ਦੇ ਨਵੇਂ ਸੰਸਕਰਣਾਂ ਨੂੰ ਲਾਂਚ ਕਰ ਰਹੀ ਹੈ। ਟਾਟਾ ਮੋਟਰਜ਼ ਤੋਂ ਲੈ ਕੇ ਮਰਸਡੀਜ਼-ਬੈਂਜ਼, ਵੋਲਵੋ, ਹੌਂਡਾ ਅਤੇ ਐਸਟਨ ਮਾਰਟਿਨ ਵਰਗੇ ਬ੍ਰਾਂਡ ਸਤੰਬਰ 'ਚ ਦੇਸ਼ 'ਚ ਆਪਣੀਆਂ ਨਵੀਆਂ ਕਾਰਾਂ ਲਾਂਚ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਜਾਣੋ ਇਨ੍ਹਾਂ ਕਾਰਾਂ ਬਾਰੇ।
Upcoming Cars In September:ਜੋ ਲੋਕ ਕਾਰ ਖਰੀਦਣ ਬਾਰੇ ਸੋਚ ਰਹੇ ਹਨ ਜਾਂ ਕਾਰ ਦੇ ਸ਼ੌਕੀਨ ਹਨ, ਸਤੰਬਰ ਦਾ ਮਹੀਨਾ ਉਨ੍ਹਾਂ ਸਾਰਿਆਂ ਲਈ ਬਹੁਤ ਖਾਸ ਹੋ ਸਕਦਾ ਹੈ। ਬਜਟ ਫ੍ਰੈਂਡਲੀ ਕਾਰਾਂ ਤੋਂ ਲੈ ਕੇ ਅਲਟਰਾ ਲਗਜ਼ਰੀ 4-ਵ੍ਹੀਲਰ ਮਾਡਲ ਇਸ ਸਤੰਬਰ ‘ਚ ਲਾਂਚ ਕੀਤੇ ਜਾਣਗੇ। ਇਨ੍ਹਾਂ ‘ਚ ਪੈਟਰੋਲ ਤੋਂ ਲੈ ਕੇ ਇਲੈਕਟ੍ਰਿਕ ਤੱਕ ਕਈ ਨਵੇਂ ਵਾਹਨ ਸ਼ਾਮਲ ਹੋਣਗੇ।
ਇਸ ਲਈ ਜੇਕਰ ਤੁਸੀਂ ਨਵੀਂ ਕਾਰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਕੁਝ ਦੇਰ ਇੰਤਜ਼ਾਰ ਕਰਨ ਦਾ ਸੁਝਾਅ ਦਿੰਦੇ ਹਾਂ, ਕਿਉਂਕਿ ਇਸ ਮਹੀਨੇ ਤੁਹਾਡੀ ਪਸੰਦ ਦੀ ਸੂਚੀ ਵਿੱਚ ਕਈ ਨਵੇਂ ਵਿਕਲਪ ਉਪਲਬਧ ਹੋਣਗੇ। ਆਉਣ ਵਾਲੀਆਂ ਕਾਰਾਂ ਦੀ ਸੂਚੀ ‘ਚ ਹੌਂਡਾ ਐਲੇਵੇਟੀ ਤੋਂ ਲੈ ਕੇ ਨਵੀਂ ਟਾਟਾ ਨੈਕਸਨ ਤੱਕ ਕਈ ਨਾਂ ਸ਼ਾਮਲ ਹਨ। ਉਹਨਾਂ ਬਾਰੇ ਹੋਰ ਵਿਸਥਾਰ ਵਿੱਚ ਜਾਣੋ।
ਹੌਂਡਾ ਐਲੀਵੇਟ
Honda ਆਪਣੀ ਨਵੀਂ ਕਾਰ Honda Elevate ਨੂੰ 4 ਸਤੰਬਰ ਨੂੰ ਬਾਜ਼ਾਰ ‘ਚ ਲਾਂਚ ਕਰ ਰਹੀ ਹੈ। ਇਹ ਮਿਡ-ਸਾਈਜ਼ SUV ਬਲਾਇੰਡ-ਸਪਾਟ ਮਾਨੀਟਰ, ਅੰਬੀਨਟ ਲਾਈਟਿੰਗ, 6 ਏਅਰਬੈਗ, ਸਨਰੂਫ ਅਤੇ ਹੌਂਡਾ ਸੈਂਸਿੰਗ ADAS ਟੈਕਨਾਲੋਜੀ ਦੇ ਨਾਲ ਆਉਣ ਵਾਲੀ ਹੈ।
ਵੋਲਵੋ ਸੀ40 ਰੀਚਾਰਜ
ਵੋਲਵੋ ਆਪਣੀ ਇਲੈਕਟ੍ਰਿਕ ਕਾਰ C40 ਰੀਚਾਰਜ ਨੂੰ 4 ਸਤੰਬਰ ਨੂੰ ਬਾਜ਼ਾਰ ‘ਚ ਲਾਂਚ ਕਰ ਰਹੀ ਹੈ। ਇਹ XC40 ਰੀਚਾਰਜ ਦਾ ਇਲੈਕਟ੍ਰਿਕ ਸੰਸਕਰਣ ਦੱਸਿਆ ਜਾਂਦਾ ਹੈ ਜੋ CMA ਪਲੇਟਫਾਰਮ ‘ਤੇ ਅਧਾਰਤ ਹੈ। ਇਸ ਨੂੰ 78kWh ਬੈਟਰੀ ਪੈਕ ਨਾਲ ਪੇਸ਼ ਕੀਤਾ ਜਾ ਸਕਦਾ ਹੈ ਅਤੇ ਇਸਦੀ ਰੇਂਜ ਇੱਕ ਵਾਰ ਚਾਰਜ ਕਰਨ ‘ਤੇ 530 ਕਿਲੋਮੀਟਰ ਤੱਕ ਜਾ ਸਕਦੀ ਹੈ।
ਟਾਟਾ ਨੈਕਸਨ (ਫੇਸਲਿਫਟ)
ਹਿੰਦੀ ਦਿਵਸ ਯਾਨੀ 14 ਸਤੰਬਰ ਨੂੰ ਭਾਰਤ ਦੀ ਮਸ਼ਹੂਰ ਕਾਰ ਕੰਪਨੀ ਟਾਟਾ ਮੋਟਰਸ ਆਪਣੀ ਨਵੀਂ ਕਾਰ ਟਾਟਾ ਨੈਕਸਨ (ਫੇਸਲਿਫਟ) ਨੂੰ ਬਾਜ਼ਾਰ ‘ਚ ਲਾਂਚ ਕਰਨ ਜਾ ਰਹੀ ਹੈ। ਫੇਸਲਿਫਟ SUV ਨੂੰ ਇੱਕ ਨਵਾਂ ਸਪਲਿਟ-ਟਾਈਪ ਹੈੱਡਲੈਂਪ ਸੈੱਟਅੱਪ, ਫੁੱਲ LED ਟੇਲਲਾਈਟ ਅਤੇ 16 ਇੰਚ ਦੇ ਅਲਾਏ ਵ੍ਹੀਲ ਮਿਲ ਸਕਦੇ ਹਨ। ਹਾਲਾਂਕਿ, ਮੌਜੂਦਾ ਮਾਡਲ ਦਾ 1.2-ਲੀਟਰ ਟਰਬੋ-ਪੈਟਰੋਲ ਇੰਜਣ ਅਤੇ 1.5-ਲੀਟਰ ਡੀਜ਼ਲ ਮੋਟਰ ਨਵੀਂ ਕਾਰ ਵਿੱਚ ਬਰਕਰਾਰ ਰਹੇਗਾ।
ਇਹ ਵੀ ਪੜ੍ਹੋ
ਮਰਸਡੀਜ਼-ਬੈਂਜ਼ EQE SUV
Mercedes-Benz 15 ਸਤੰਬਰ ਨੂੰ ਭਾਰਤ ‘ਚ ਆਪਣੀ EQE SUV ਲਾਂਚ ਕਰਨ ਜਾ ਰਹੀ ਹੈ। ਇਸ ਨੂੰ ਕੰਪਨੀ ਦੇ ਲਾਈਨਅੱਪ ਵਿੱਚ ਫੁੱਲ ਸਾਈਜ਼ EQS ਅਤੇ ਐਂਟਰੀ ਲੈਵਲ EQB ਮਾਡਲਾਂ ਦੇ ਵਿਚਕਾਰ ਰੱਖਿਆ ਜਾਵੇਗਾ। ਇਹ EVA ‘ਤੇ ਆਧਾਰਿਤ ਮਰਸੀਡੀਜ਼ ਦਾ ਚੌਥਾ ਮਾਡਲ ਹੈ ਜਿਸ ‘ਚ 90.6kWh ਦੀ ਬੈਟਰੀ ਹੈ ਅਤੇ ਇਸ ਦੀ ਰੇਂਜ 500 ਕਿਲੋਮੀਟਰ ਤੱਕ ਜਾ ਸਕਦੀ ਹੈ।
ਐਸਟਨ ਮਾਰਟਿਨ DB12
ਬ੍ਰਿਟਿਸ਼ ਕਾਰ ਨਿਰਮਾਤਾ ਕੰਪਨੀ ਐਸਟਨ ਮਾਰਟਿਨ 29 ਸਤੰਬਰ ਨੂੰ ਭਾਰਤ ਵਿੱਚ DB12 Grand-Tourer ਨੂੰ ਲਾਂਚ ਕਰਨ ਜਾ ਰਹੀ ਹੈ। ਇਸ ‘ਚ V12 ਇੰਜਣ ਲਗਾਇਆ ਗਿਆ ਹੈ। ਇਸ ਦੀ ਐਕਸ-ਸ਼ੋਰੂਮ ਕੀਮਤ ਕਰੀਬ 4.8 ਕਰੋੜ ਰੁਪਏ ਹੋ ਸਕਦੀ ਹੈ।
