Sanyukt Kisan Morcha: ਕਿਸਾਨ ਜਥੇਬੰਦੀ ਵੱਲੋਂ ਗੜੇਮਾਰੀ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ
Farmer Organization: ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਬੇਮੌਸਸੀ ਬਰਸਾਤ ਅਤੇ ਗੜੇਮਾਰੀ ਨਾਲ ਪ੍ਰਭਾਵਿਤ ਹੋਏ ਪਿੰਡਾਂ ਦਾ ਦੌਰਾ ਕੀਤਾ ਗਿਆ। ਕਿਸਾਨ ਜਥੇਬੰਦੀ ਨੇ ਪੰਜਾਬ ਸਰਕਾਰ ਨੂੰ ਜਲਦ ਗਿਰਦਾਵਰੀ ਕਰ ਮੁਆਵਜ਼ਾ ਜਾਰੀ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਇਸ ਨਾਲ ਕਿਸਾਨਾਂ ਨੂੰ ਆਰਥਿਕ ਮਦਦ ਮਿਲੇਗੀ ਅਤੇ ਉਹ ਅਗਲੀ ਫਸਲ ਦੀ ਬਿਜਾਈ ਕਰ ਸਕਣਗੇ।
ਮਾਨਸਾ ਨਿਊਜ਼: ਸੰਯੁਕਤ ਕਿਸਾਨ ਮੋਰਚਾ ਦੇ ਕਿਸਾਨ ਮੋਰਚੇ ਦੀ ਜਿਲ੍ਹਾ ਟੀਮ ਵੱਲੋਂ ਮੀਂਹ, ਗੜੇਮਾਰੀ ਨਾਲ ਪ੍ਰਭਾਵਿਤ ਹੋਏ ਇਲਾਕੇ (Effected Area) ਦਾ ਦੌਰਾ ਕੀਤਾ ਗਿਆ। ਇਸ ਮੌਕੇ ਝੰਡੂਕੇ, ਮਾਖਾ, ਚੈਨੇਵਾਲਾ, ਮੋਡਾ, ਫਤਹਿਪੁਰ, ਮੋਫਰ ,ਫਰੀਦਕੇ ਸੰਦਲੀ,ਉੱਡਤ ਸੈਦੇਵਾਲਾ, ਭੀਮੜਾ ਦੇ ਕਿਸਾਨਾਂ ਨਾਲ ਜ਼ਮੀਨੀ ਪੱਧਰ ‘ਤੇ ਗੱਲਬਾਤ ਕੀਤੀ ਗਈ। ਕਿਸਾਨ ਜਥੇਬੰਦੀ ਨੇ ਕਿਹਾ ਨੇ ਪੰਜਾਬ ਸਰਕਾਰ ਮੁਆਵਜ਼ਾ ਦੇਣ ਦੇ ਐਲਾਨ ਦੀ ਬਜਾਏ ਹਕੀਕਤ ਵਿੱਚ ਕੰਮ ਕਰੇ। ਉਨ੍ਹਾਂ ਨੇ ਕਿਹਾ ਕਿ ਸੂਬਾ ਸਰਾਕਰ ਫੌਰੀ ਗਿਰਦਾਵਰੀ ਕਰਵਾਏ ਅਤੇ ਫਸਲਾਂ ਦੇ ਹੋਏ 100 ਫੀਸਦ ਨੁਕਸਾਨ ਮੁਤਾਬਕ ਮੁਆਵਜ਼ਾ ਵੰਡ ਕਰੇ। ਤਾਂ ਜੋ ਕਿਸਾਨ ਆਰਥਿਕ ਭਰਪਾਈ ਹੋ ਸਕੇ ਅਤੇ ਉਹ ਜਲਦ ਮੱਕੀ ਦੀ ਫਸਲ ਬੀਜ ਸੱਕਣ।
‘ਕਿਸਾਨਾਂ ਨੂੰ ਜਲਦ ਦਿੱਤਾ ਜਾਵੇਗ ਬਣਦਾ ਮੁਆਵਜ਼ਾ’
ਕਿਸਾਨ ਜਥੇਬੰਦੀ ਨੇ ਕਿਹਾ ਕਿ ਮਹਿੰਗਾਈ ਭਰੇ ਇਸ ਦੌਰ ਵਿੱਚ ਇਲਾਕੇ ਦੇ ਬਹੁਗਿਣਤੀ ਕਿਸਾਨ ਠੇਕੇ ਦੀ ਜਮੀਨ ‘ਤੇ ਖੇਤੀ ਕਰਨ ਲਈ ਮਜਬੂਰ ਹਨ। ਜਿਨ੍ਹਾਂ ਦੇ ਸਾਰੇ ਖਰਚ ਮਿਲਾ ਕੇ ਕਰੀਬ 50 ਹਜ਼ਾਰ ਰੁਪਏ ਬਣਦੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਆਪਣੇ ਅੰਦਾਜਿਆਂ ਮੁਤਾਬਿਕ ਮੁਆਵਜ਼ਾ ਤਹਿ ਕਰਨ ਦੀ ਬਜਾਏ ਨੁਕਸਾਨ ਨੂੰ ਧਿਆਨ ਵਿੱਚ ਰੱਖਦੇ ਹੋਈਆਂ 50 ਹਜ਼ਾਰ ਰੁਪਏ ਯੋਗ ਮੁਆਵਜ਼ੇ (Compensation) ਦਾ ਐਲਾਨ ਕਰੇ ਅਤੇ ਨਾਲ ਹੀ ਕਣਕ ਦੇ ਫਸਲ ਖਰਾਬੇ ਕਾਰਨ ਵੱਡੀ ਗਿਣਤੀ ਵਿੱਚ ਜੋ ਖੇਤ ਮਜ਼ਦੂਰਾਂ ਦਾ ਆਰਥਿਕ ਨੁਕਸਾਨ ਹੋਇਆ ਹੈ ਉਸ ਦੇ ਬਣਦੇ ਮੁਆਵਜ਼ੇ ਦਾ ਐਲਾਨ ਕਰੇ। ਜੇਕਰ ਪੰਜਾਬ ਸਰਕਾਰ ਇਸ ਮਾਮਲੇ ਤੇ ਗੌਰ ਨਹੀਂ ਕਰੇਗੀ ਤਾਂ ਮਜਬੂਰਨ ਕਿਸਾਨ ਸੜਕਾਂ ‘ਤੇ ਉਤਰਨਗੇ।
ਕਿਸਾਨ ਮੋਰਚੇ ਦੀ ਟੀਮ ਵੱਲੋਂ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ
ਉਨ੍ਹਾਂ ਕਿਹਾ ਕਿ ਕਿਸਾਨ ਮੋਰਚੇ ਦੀ ਟੀਮ ਵੱਲੋਂ ਮਾਨਸਾ ਜਿਲ੍ਹੇ ਦੇ ਰਹਿੰਦੇ ਪਿੰਡਾਂ ਦਾ ਵੀ ਲਗਾਤਾਰ ਦੌਰਾ ਕੀਤਾ ਜਾਵੇਗਾ। ਇਸ ਮੌਕੇ ਸੰਯੁਕਤ ਕਿਸਾਨ ਮੋਰਚੇ (Sanyukt Kisan Morcha) ਦੇ ਆਗੂ ਗੁਰਜੰਟ ਸਿੰਘ ਮਾਨਸਾ,ਨਿਰਮਲ ਸਿੰਘ ਝੰਡੂਕੇ,ਧੰਨਾ ਮੱਲ ਗੋਇਲ, ਮਲੂਕ ਸਿੰਘ ਹੀਰਕੇ,ਪਰਸੋਤਮ ਸਿੰਘ ਗਿੱਲ,ਇਕਬਾਲ ਮਾਨਸਾ,ਅਮਰੀਕ ਸਿੰਘ ਫਫੜੇ ਭਾਈਕੇ, ਬਲਵਿੰਦਰ ਸ਼ਰਮਾ ਖਿਆਲਾ ਮੋਰਚੇ ਦੀ ਜਿਲ੍ਹਾ ਕਮੇਟੀ ਤੋਂ ਇਲਾਵਾ ਵੱਖ-ਵੱਖ ਜੱਥੇਬੰਦੀਆਂ ਦੇ ਬਲਾਕ ਤੇ ਜਿਲ੍ਹਾ ਆਗੂ ਬੱਲਮ ਸਿੰਘ, ਭੁਪਿੰਦਰ ਸਿੰਘ ਗੁਰਨੇ, ਅਮਰੀਕ ਸਿੰਘ ਕੋਟ ਧਰਮੂੰ, ਸਵਰਨਜੀਤ ਦਲਿਉ, ਬਾਬੂ ਸਿੰਘ, ਕਾਬਲ ਸਿੰਘ ਲਖਮੀਰ ਵਾਲਾ, ਕਾਕਾ ਸਿੰਘ, ਹਰਮੀਤ ਸਿੰਘ ਬੋੜਾਵਾਲ, ਬਲਕਾਰ ਸਿੰਘ ਚਹਿਲਾਂ ਵਾਲੀ, ਮਨਜੀਤ ਸਿੰਘ ਉਲਕ ਆਦਿ ਮੌਜੂਦ ਸਨ।
