ਬਾਂਗਲਾਦੇਸ਼ ਦੇ ਸਾਬਕਾ ਕ੍ਰਿਕੇਟਰ ਮਸ਼ਰਫੇ ਮੁਰਤਜ਼ਾ ਦਾ ਘਰ ਸਾੜਿਆ!, ਸੋਸ਼ਲ ਮੀਡੀਆ ‘ਤੇ ਪੋਸਟ ਹੋ ਰਹੀ ਵਾਇਰਲ
Viral Video: ਬਾਂਗਲਾਦੇਸ਼ ਵਿਚ ਫੈਲੀ ਹਿੰਸਾ ਨੇ ਇੰਨਾ ਭਿਆਨਕ ਰੂਪ ਲੈ ਲਿਆ ਹੈ ਕਿ ਕ੍ਰਿਕਟ ਵੀ ਇਸ ਦੇ ਪ੍ਰਭਾਵ ਤੋਂ ਬਚਿਆ ਨਹੀਂ ਹੈ। ਦੰਗਿਆਂ ਦੀ ਅੱਗ ਵਿੱਚ ਕਈ ਕ੍ਰਿਕਟਰਾਂ ਦੇ ਘਰ ਸੜਨ ਦੀ ਖ਼ਬਰ ਹੈ। ਪ੍ਰਦਰਸ਼ਨਕਾਰੀਆਂ ਨੇ ਉਨ੍ਹਾਂ ਦੇ ਘਰਾਂ ਨੂੰ ਅੱਗ ਲਗਾ ਦਿੱਤੀ ਹੈ।
Viral Video: ਬਾਂਗਲਾਦੇਸ਼ ਵਿੱਚ ਫੈਲ ਰਹੀ ਦੰਗਿਆਂ ਦੀ ਅੱਗ ਨੇ ਭਿਆਨਕ ਰੂਪ ਧਾਰਨ ਕਰ ਲਿਆ ਹੈ।ਪ੍ਰਦਰਸ਼ਨਕਾਰੀਆਂ ਦੀ ਹਿੰਸਾ ਰੁਕਣ ਦਾ ਕੋਈ ਸੰਕੇਤ ਨਹੀਂ ਦੇ ਰਹੀ ਹੈ। ਰੋਡ ਤੋਂ ਲੈ ਕੇ ਪੀਐੱਮ ਦੀ ਰਿਹਾਇਸ਼ ਤੱਕ ਸਭ ਕੁਝ ਉਨ੍ਹਾਂ ਦੇ ਕੰਟਰੋਲ ‘ਚ ਹੈ। ਪ੍ਰਦਰਸ਼ਨਕਾਰੀਆਂ ਵੱਲੋਂ ਪੈਦਾ ਕੀਤੀ ਹਫੜਾ-ਦਫੜੀ ਦਾ ਅਸਰ ਹਰ ਪਾਸੇ ਸਾਫ਼ ਨਜ਼ਰ ਆ ਰਿਹਾ ਹੈ। ਅਤੇ ਹੁਣ ਕ੍ਰਿਕਟ ਵੀ ਦੰਗਿਆਂ ਦੀ ਇਸ ਅੱਗ ਵਿੱਚ ਸੜਨ ਤੋਂ ਨਹੀਂ ਬਚਿਆ ਹੈ। ਸੋਸ਼ਲ ਮੀਡੀਆ ‘ਤੇ ਆ ਰਹੀਆਂ ਖਬਰਾਂ ਮੁਤਾਬਕ ਪ੍ਰਦਰਸ਼ਨਕਾਰੀਆਂ ਨੇ ਬੰਗਲਾਦੇਸ਼ ਦੇ ਕਈ ਮਸ਼ਹੂਰ ਕ੍ਰਿਕਟਰਾਂ ਦੇ ਘਰ ਸਾੜ ਦਿੱਤੇ ਹਨ। ਦੇਸ਼ ‘ਚ ਫੈਲੀ ਹਿੰਸਾ ਕਾਰਨ ਬੰਗਲਾਦੇਸ਼ ਕ੍ਰਿਕਟ ਬੋਰਡ ਨੂੰ ਵੀ ਕ੍ਰਿਕਟ ਸੀਰੀਜ਼ ਦੀ ਯੋਜਨਾ ਬਦਲਣ ਲਈ ਮਜ਼ਬੂਰ ਹੋਣਾ ਪਿਆ ਹੈ।
ਬਾਂਗਲਾਦੇਸ਼ ਕ੍ਰਿਕਟ ਬੋਰਡ ਨੇ 5 ਅਗਸਤ ਨੂੰ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਹ ਆਪਣੀ ਏ-ਟੀਮ ਦੇ ਪਾਕਿਸਤਾਨ ਦੌਰੇ ਵਿੱਚ ਬਦਲਾਅ ਕਰੇਗਾ। ਆਪਣੇ ਦੇਸ਼ ਦੀ ਅੰਦਰੂਨੀ ਸਥਿਤੀ ਨੂੰ ਦੇਖਦੇ ਹੋਏ ਉਸ ਨੂੰ ਇਹ ਫੈਸਲਾ ਲੈਣ ਲਈ ਮਜਬੂਰ ਹੋਣਾ ਪਿਆ ਹੈ। ਬੰਗਲਾਦੇਸ਼ ਏ ਟੀਮ ਨੇ 6 ਅਗਸਤ ਨੂੰ ਪਾਕਿਸਤਾਨ ਲਈ ਰਵਾਨਾ ਹੋਣਾ ਸੀ। ਇਸ ਦੌਰੇ ‘ਤੇ ਉਸ ਨੂੰ ਪਾਕਿਸਤਾਨ ਦੀ ਏ ਟੀਮ ਯਾਨੀ ਸ਼ਾਹੀਨਸ ਦੇ ਖਿਲਾਫ 2 ਚਾਰ ਦਿਨਾ ਮੈਚ ਅਤੇ 3 ਵਨਡੇ ਸੀਰੀਜ਼ ਖੇਡਣੀ ਸੀ।
Former cricketer Mashrafe Murtaza’s house has been SET ON FIRE in Bangladesh by the protesters. pic.twitter.com/8mYwfNzfRU
— Himanshu Pareek (@Sports_Himanshu) August 5, 2024
ਇਹ ਵੀ ਪੜ੍ਹੋ
ਬਾਂਗਲਾਦੇਸ਼ੀ ਕ੍ਰਿਕਟਰਾਂ ਦੇ ਘਰ ਸਾੜ ਦਿੱਤੇ
ਬਾਂਗਲਾਦੇਸ਼ ਕ੍ਰਿਕਟ ਲਈ ਸਭ ਤੋਂ ਬੁਰੀ ਖਬਰ ਇਸ ਦੇ ਖਿਡਾਰੀਆਂ ਦੇ ਘਰਾਂ ਨੂੰ ਸਾੜਨਾ ਸੀ। ਸੋਸ਼ਲ ਮੀਡੀਆ ‘ਤੇ ਫੈਲੀਆਂ ਖਬਰਾਂ ਮੁਤਾਬਕ ਪ੍ਰਦਰਸ਼ਨਕਾਰੀਆਂ ਨੇ ਬਾਂਗਲਾਦੇਸ਼ ‘ਚ ਸਾਬਕਾ ਕ੍ਰਿਕਟਰ ਮਸ਼ਰਫੇ ਮੁਰਤਜ਼ਾ ਅਤੇ ਵਿਕਟਕੀਪਰ ਬੱਲੇਬਾਜ਼ ਲਿਟਨ ਦਾਸ ਦੇ ਘਰਾਂ ‘ਤੇ ਹਮਲਾ ਕਰਕੇ ਅੱਗ ਲਗਾ ਦਿੱਤੀ। ਹਾਲਾਂਕਿ ਸਾਡੇ ਵੱਲੋਂ ਇਨ੍ਹਾਂ ਖਬਰਾਂ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
ਇੱਕ ਪਾਸੇ ਜਿੱਥੇ ਦੰਗਿਆਂ ਦੀ ਅੱਗ ਵਿੱਚ ਬੰਗਲਾਦੇਸ਼ੀ ਕ੍ਰਿਕਟਰਾਂ ਦੇ ਘਰ ਸੜ ਜਾਣ ਦੀ ਖ਼ਬਰ ਹੈ, ਉੱਥੇ ਹੀ ਇਸ ਦਾ ਅਸਰ ਕ੍ਰਿਕਟ ‘ਤੇ ਵੀ ਦੇਖਣ ਨੂੰ ਮਿਲਿਆ। ਮਹਿਲਾ ਟੀ-20 ਵਿਸ਼ਵ ਕੱਪ ਬੰਗਲਾਦੇਸ਼ ‘ਚ ਖੇਡਿਆ ਜਾਣਾ ਹੈ, ਜਿਸ ਨੂੰ ਲੈ ਕੇ ਆਈਸੀਸੀ ਲਗਾਤਾਰ ਉੱਥੇ ਦੀ ਸਥਿਤੀ ‘ਤੇ ਨਜ਼ਰ ਰੱਖ ਰਹੀ ਹੈ। ਹਾਲਾਤ ਠੀਕ ਨਾ ਹੋਣ ‘ਤੇ ਟੂਰਨਾਮੈਂਟ ਨੂੰ ਭਾਰਤ ਜਾਂ ਯੂਏਈ ‘ਚ ਸ਼ਿਫਟ ਕੀਤਾ ਜਾ ਸਕਦਾ ਹੈ।
