Putin ਸੱਚਮੁੱਚ ਕੈਂਸਰ ਨਾਲ ਲੜ ਰਹੇ ਹਨ, ਬਹੁਤ ਹੀ ਗੁਪਤ ਜਗ੍ਹਾ ‘ਤੇ ਹੋ ਰਹੀ ਹੈ ਕੀਮੋਥੈਰੇਪੀ! ਲੀਕ ਹੋਏ ਦਸਤਾਵੇਜ਼ਾਂ ਤੋਂ ਹੋਇਆ ਖੁਲਾਸਾ
ਦਰਅਸਲ, ਕਈ ਵਾਰ ਚਰਚਾਵਾਂ ਉੱਠੀਆਂ ਹਨ ਕਿ ਪੁਤਿਨ ਗੰਭੀਰ ਬਿਮਾਰੀ ਤੋਂ ਪੀੜਤ ਹਨ। ਕਦੇ ਅਲਜ਼ਾਈਮਰ ਅਤੇ ਕਿਤੇ ਕੈਂਸਰ ਦੇ ਕਿਆਸ ਲਗਾਏ ਜਾ ਰਹੇ ਸਨ। ਪਰ ਹੁਣ ਇੱਕ ਦਸਤਾਵੇਜ਼ ਲੀਕ ਹੋ ਗਿਆ ਹੈ। ਜਿਸਦੇ ਆਧਾਰ 'ਤੇ ਠੋਸ ਤਰੀਕੇ ਨਾਲ ਕਿਹਾ ਗਿਆ ਹੈ ਕਿ ਉਹ ਕੈਂਸਰ ਨਾਲ ਜੂਝ ਰਹੇ ਹਨ।
World News: ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ (Vladimir Putin) ਚਰਚਾ ਵਿੱਚ ਰਹਿੰਦੇ ਹਨ। ਉਹ ਇੱਕ ਮਜ਼ਬੂਤ ਨੇਤਾ ਹਨ। ਯੂਕਰੇਨ ਨਾਲ ਜੰਗ ਨੂੰ ਇੱਕ ਸਾਲ ਤੋਂ ਵੱਧ ਸਮਾਂ ਬੀਤ ਚੁੱਕਾ ਹੈ, ਪਰ ਕੋਈ ਨਤੀਜਾ ਨਹੀਂ ਨਿਕਲਿਆ। ਪਿਛਲੇ ਡੇਢ ਸਾਲ ਤੋਂ ਉਸ ਬਾਰੇ ਵਾਰ-ਵਾਰ ਇਹ ਅਫਵਾਹ ਉੱਠ ਰਹੀ ਹੈ ਕਿ ਪੁਤਿਨ ਕੈਂਸਰ ਤੋਂ ਪੀੜਤ ਹਨ।
ਕਈ ਵਾਰ ਕਿਹਾ ਗਿਆ ਕਿ ਰੂਸ ਦੇ ਰਾਸ਼ਟਰਪਤੀ ਨੂੰ ਅਲਜ਼ਾਈਮਰ ਸੀ। ਇਸ ਬਿਮਾਰੀ ਵਿਚ ਵਿਅਕਤੀ ਭੁੱਲਣ ਲੱਗ ਜਾਂਦਾ ਹੈ। ਇੱਕ ਵਾਰ ਉਨ੍ਹਾਂ ਦਾ ਇੱਕ ਵੀਡੀਓ ਵੀ ਵਾਇਰਲ ਹੋਇਆ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਪੁਤਿਨ ਦੇ ਹੱਥਾਂ ਵਿੱਚ ਸਰਿੰਜ ਦੇ ਨਿਸ਼ਾਨ ਸਨ। ਹੁਣ ਇੱਕ ਹੋਰ ਗੁਪਤ ਜਨਰਲ ਦਾ ਖੁਲਾਸਾ ਹੋਇਆ ਹੈ। ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਪੁਤਿਨ ਆਪਣੇ ਸੈਨਾ ਮੁਖੀ ਦੇ ਨਾਲ ਕੈਂਸਰ ਦਾ ਇਲਾਜ ਕਰਵਾ ਰਹੇ ਹਨ।
ਕੈਂਸਰ ਦਾ ਇਲਾਜ ਕਰਵੇ ਹਨ ਪੁਤਿਨ
ਹੁਣ ਇਸ ਵਿੱਚ ਕਿੰਨੀ ਸੱਚਾਈ ਹੈ ਜਾਂ ਆਮ ਵਾਂਗ ਇਹ ਅਫਵਾਹ ਹੈ, ਇਸ ਦਾ ਪਤਾ ਨਹੀਂ ਲੱਗ ਸਕਿਆ। ਹਾਲਾਂਕਿ ਅਮਰੀਕਾ ਦਾ ਬਹੁਤ ਹੀ ਗੁਪਤ ਜਨਰਲ ਲੀਕ ਹੋ ਗਿਆ ਹੈ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਯੂਕਰੇਨ (Ukraine) ਵਿੱਚ ਜੰਗ ਚੱਲ ਰਹੀ ਹੈ। ਇਸ ਨੂੰ ਜਾਰੀ ਰੱਖਣ ਲਈ ਪੁਤਿਨ ਆਪਣੇ ਕੈਂਸਰ ਦਾ ਇਲਾਜ ਕਰਵਾ ਰਹੇ ਹਨ।
ਫੌਜ ਦੇ ਡਾਕਟਰ ਕਰ ਰਹੇ ਹਨ ਪੁਤਿਨ ਦਾ ਇਲਾਜ
ਪੁਤਿਨ ਦਾ ਇਲਾਜ ਫੌਜ ਦੇ ਡਾਕਟਰ ਦੀ ਨਿਗਰਾਨੀ ਹੇਠ ਚੱਲ ਰਿਹਾ ਹੈ। ਪਿਛਲੇ ਹਫ਼ਤੇ ਇੱਕ ਦਸਤਾਵੇਜ਼ ਲੀਕ ਹੋਇਆ ਸੀ। ਇਸ ਵਿੱਚ ਯੂਕਰੇਨ, ਦੱਖਣੀ ਕੋਰੀਆ, ਇਜ਼ਰਾਈਲ ਅਤੇ ਸੰਯੁਕਤ ਅਰਬ ਅਮੀਰਾਤ (United Arab Emirates) ਬਾਰੇ ਬਹੁਤ ਹੀ ਗੁਪਤ ਜਾਣਕਾਰੀ ਸੀ। ਇਸ ਲੀਕ ਹੋਏ ਦਸਤਾਵੇਜ਼ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਜਦੋਂ ਤੋਂ ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਸ਼ੁਰੂ ਹੋਈ ਹੈ, ਉਦੋਂ ਤੋਂ ਦੋਵਾਂ ਪਾਸਿਆਂ ਦੇ ਕਿੰਨੇ ਸੈਨਿਕ ਮਾਰੇ ਗਏ ਹਨ।
ਫਿਟਨੈੱਸ ਨੂੰ ਲੈ ਕੇ ਚਰਚਾ ‘ਚ ਰਹਿੰਦੇ ਸਨ ਪੁਤਿਨ
ਇਸੇ ਦਸਤਾਵੇਜ਼ ਵਿੱਚ ਦੱਸਿਆ ਗਿਆ ਹੈ ਕਿ ਪੁਤਿਨ ਦੀ ਕੀਮੋਥੈਰੇਪੀ ਚੱਲ ਰਹੀ ਹੈ। ਦਸਤਾਵੇਜ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਪੁਤਿਨ ਯੂਕਰੇਨ ਵਿੱਚ ਹੋਰ ਤੇਜ਼ੀ ਨਾਲ ਹਮਲਾ ਕਰਨ ਜਾ ਰਹੇ ਹਨ। ਪੁਤਿਨ ਫਿਟਨੈਸ ਨੂੰ ਲੈ ਕੇ ਬਹੁਤ ਮਸ਼ਹੂਰ ਸਨ। ਉਹ ਲਗਾਤਾਰ ਜਿੰਮ ਵੀ ਜਾਂਦੇ ਸਨ। ਇਸ ਸਾਲ ਜਨਵਰੀ ‘ਚ ਉਨਾਂ ਨੇ ਬਰਫੀਲੇ ਪਾਣੀ ‘ਚ ਡੁਬਕੀ ਵੀ ਲਈ ਸੀ। ਹਾਲਾਂਕਿ ਇਹ ਰੂਸ ਦੀ ਰਵਾਇਤ ਸੀ। ਪਰ ਇਸ ਤੋਂ ਪਹਿਲਾਂ ਵੀ ਕੈਂਸਰ ਦੀ ਅਫਵਾਹ ਫੈਲ ਗਈ ਸੀ। ਇਸ ਸਾਲ ਫਰਵਰੀ ‘ਚ ਇਕ ਹੋਰ ਅਫਵਾਹ ਸਾਹਮਣੇ ਆਈ ਸੀ। ਦਰਅਸਲ, ਪੁਤਿਨ ਬੇਲਾਰੂਸ ਦੇ ਰਾਸ਼ਟਰਪਤੀ ਅਲੈਗਜ਼ੈਂਡਰ ਲੁਕਾਸੇਂਕੋ ਨੂੰ ਮਿਲ ਰਹੇ ਸਨ। ਇਸ ਦੌਰਾਨ ਉਨਾਂ ਦੀਆਂ ਲੱਤਾਂ ਕੰਬ ਰਹੀਆਂ ਸਨ। ਕਿਹਾ ਗਿਆ ਕਿ ਸ਼ਾਇਦ ਉਹ ਬੀਮਾਰ ਹੈ। ਜਿਸ ਕਾਰਨ ਉਨਾਂ ਦੀਆਂ ਲੱਤਾਂ ਕੰਬ ਰਹੀਆਂ ਸਨ।
ਇਹ ਵੀ ਪੜ੍ਹੋ
