ਵਿਆਹ ਲਈ ਭਾਰਤ ਪਹੁੰਚੀ ਪਾਕਿਸਤਾਨੀ ਲਾੜੀ, ਸੁਆਗਤ ਲਈ ਅਟਾਰੀ ਪਹੁੰਚਿਆ ਲਾੜੇ ਦਾ ਪਰਿਵਾਰ
ਪਾਕਿਸਤਾਨ ਦੇ ਕਰਾਚੀ 'ਚ ਰਹਿਣ ਵਾਲੀ ਜਵੇਰੀਆ ਖਾਨਮ ਨੂੰ ਭਾਰਤ ਦੇ ਕੋਲਕਾਤਾ 'ਚ ਰਹਿੰਦੇ ਆਪਣੇ ਮੰਗੇਤਰ ਸਮੀਰ ਖਾਨ ਨਾਲ ਵਿਆਹ ਕਰਨ ਲਈ ਵੀਜ਼ਾ ਮਿਲ ਗਿਆ ਹੈ। ਭਾਰਤ ਸਰਕਾਰ ਨੇ ਜਵੇਰੀਆ ਨੂੰ 45 ਦਿਨਾਂ ਦਾ ਵੀਜ਼ਾ ਦਿੱਤਾ ਹੈ, ਜਿਸ ਤੋਂ ਬਾਅਦ ਜਵੇਰੀਆ ਅੱਜ ਅਟਾਰੀ ਬਾਰਡਰ ਰਾਹੀਂ ਭਾਰਤ ਪਹੁੰਚੀ ਹੈ। ਸਮੀਰ ਅਤੇ ਉਸ ਦੇ ਪਿਤਾ ਜੇਵੇਰੀਆ ਦਾ ਸਵਾਗਤ ਲਈ ਆਏ ਹਨ।
ਤੁਹਾਨੂੰ ਬਾਲੀਵੁੱਡ ਸਟਾਰ ਸ਼ਾਹਰੁਖ ਖਾਨ (Shah Rukh Khan) ਅਤੇ ਅਭਿਨੇਤਰੀ ਪ੍ਰੀਤੀ ਜ਼ਿੰਟਾ ਦੀ ਸੁਪਰਹਿੱਟ ਰੋਮਾਂਟਿਕ ਫਿਲਮ ‘ਵੀਰ ਜ਼ਾਰਾ’ ਯਾਦ ਹੋਵੇਗੀ। ਰਿਲੀਜ਼ ਦੇ ਕਈ ਸਾਲਾਂ ਬਾਅਦ ਵੀ ਇਹ ਫਿਲਮ ਲੋਕਾਂ ਦੀਆਂ ਪਸੰਦੀਦਾ ਫਿਲਮਾਂ ਵਿੱਚ ਗਿਣੀ ਜਾਂਦੀ ਹੈ। ਫਿਲਮ ਵਿੱਚ ਇੱਕ ਭਾਰਤੀ ਨੌਜਵਾਨ ਨੂੰ ਪਾਕਿਸਤਾਨ ਦੀ ਇੱਕ ਕੁੜੀ ਨਾਲ ਪਿਆਰ ਹੋ ਜਾਂਦਾ ਹੈ ਅਤੇ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨ ਦੇ ਬਾਵਜੂਦ ਉਨ੍ਹਾਂ ਦਾ ਸੁਖਦ ਅੰਤ ਹੁੰਦਾ ਹੈ। ਇਹ ਸੀ ਰੀਲ ਲਾਈਫ ਵੀਰ ਜ਼ਾਰਾ ਦੀ ਕਹਾਣੀ, ਪਰ ਅਸੀਂ ਤੁਹਾਨੂੰ ਅਸਲ ਜ਼ਿੰਦਗੀ ਦੇ ਵੀਰ ਜ਼ਾਰਾ ਬਾਰੇ ਦੱਸਣ ਜਾ ਰਹੇ ਹਾਂ।
ਇਹ ਜਵੇਰੀਆ ਖਾਨਮ ਅਤੇ ਸਮੀਰ ਖਾਨ ਦੀ ਕਹਾਣੀ ਹੈ। ਜਵਰੀਆ ਖਾਨਮ ਗੁਆਂਢੀ ਦੇਸ਼ ਪਾਕਿਸਤਾਨ ਤੋਂ ਹੈ, ਜਦਕਿ ਸਮੀਰ ਖਾਨ ਭਾਰਤ ਤੋਂ ਹੈ। ਕਰਾਚੀ ‘ਚ ਰਹਿਣ ਵਾਲੀ ਜਵੇਰੀਆ ਨੂੰ ਪੱਛਮੀ ਬੰਗਾਲ ਦੇ ਕੋਲਕਾਤਾ ‘ਚ ਰਹਿਣ ਵਾਲੇ ਸਮੀਰ ਨਾਲ ਪਿਆਰ ਹੋ ਗਿਆ ਅਤੇ ਦੋਹਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਪਰ ਇਹ ਸਭ ਕੁਝ ਇੰਨਾ ਆਸਾਨ ਨਹੀਂ ਸੀ।
ਮਕਬੂਲ ਅਹਿਮਦ ਦੀਆਂ ਕੋਸ਼ਿਸ਼ਾਂ
ਜਵੇਰੀਆ ਅਤੇ ਸਮੀਰ ਦੀ ਪ੍ਰੇਮ ਕਹਾਣੀ ਵਿੱਚ ਸਭ ਤੋਂ ਵੱਡੀ ਸਮੱਸਿਆ ਦੋ ਦੇਸ਼ਾਂ ਦੀ ਸਰਹੱਦ ਬਣ ਗਈ ਸੀ। ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ, ਭਾਰਤ ਸਰਕਾਰ ਜਵੇਰੀਆ ਨੂੰ ਵੀਜ਼ਾ ਨਹੀਂ ਦੇ ਰਹੀ ਸੀ, ਜਿਸ ਕਾਰਨ ਉਹ ਵਿਆਹ ਲਈ ਭਾਰਤ ਨਹੀਂ ਆ ਸਕੀ ਸੀ। ਇਸ ਤੋਂ ਬਾਅਦ ਜਿਸ ਤਰ੍ਹਾਂ ਫਿਲਮ ‘ਵੀਰ ਜ਼ਾਰਾ’ ‘ਚ ਰਾਣੀ ਮੁਖਰਜੀ ਦਾ ਕਿਰਦਾਰ ਸਾਮਿਆ ਸਿੱਦੀਕੀ ਦੀ ਐਂਟਰੀ ਹੁੰਦੀ ਹੈ ਅਤੇ ਉਹ ਦੋ ਪ੍ਰੇਮੀਆਂ ਨੂੰ ਇਕਜੁੱਟ ਕਰਨ ਦੀ ਕੋਸ਼ਿਸ਼ ਕਰਦੀ ਹੈ, ਉਸੇ ਤਰ੍ਹਾਂ ਮਕਬੂਲ ਅਹਿਮਦ ਨੇ ਵੀ ਜਵੇਰੀਆ ਅਤੇ ਸਮੀਰ ਦੀ ਪ੍ਰੇਮ ਕਹਾਣੀ ‘ਚ ਐਂਟਰੀ ਮਾਰੀ।
45 ਦਿਨਾਂ ਦਾ ਵੀਜ਼ਾ ਮਿਲਿਆ
ਸਮਾਜ ਸੇਵੀ ਮਕਬੂਲ ਅਹਿਮਦ ਕਾਦੀਆਂ ਨੇ ਉਨ੍ਹਾਂ ਨੂੰ ਸਾਮਿਆ ਵਾਂਗ ਇਕਜੁੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਉਸ ਦੀਆਂ ਕੋਸ਼ਿਸ਼ਾਂ ਨੂੰ ਫਲ ਮਿਲਿਆ। ਜਿਸ ਤੋਂ ਬਾਅਦ ਭਾਰਤ ਸਰਕਾਰ ਨੇ ਜਵੇਰੀਆ ਨੂੰ ਵੀਜ਼ਾ ਦੇ ਕੇ ਭਾਰਤ ਆਉਣ ਦੀ ਇਜਾਜ਼ਤ ਦਿੱਤੀ। ਭਾਰਤ ਸਰਕਾਰ ਨੇ ਜਵੇਰੀਆ ਨੂੰ 45 ਦਿਨਾਂ ਦਾ ਵੀਜ਼ਾ ਦਿੱਤਾ ਹੈ।
ਜਵੇਰੀਆ ਅਤੇ ਸਮੀਰ
ਜਵੇਰੀਆ ਖਾਨਮ ਅੱਜ ਪਾਕਿਸਤਾਨ ਤੋਂ ਅਟਾਰੀ-ਵਾਹਗਾ ਸਰਹੱਦ ਰਾਹੀਂ ਅੰਮ੍ਰਿਤਸਰ ਪੁੱਜੀ ਹੈ, ਜਿਸ ਤੋਂ ਬਾਅਦ ਉਹ ਕੌਮਾਂਤਰੀ ਹਵਾਈ ਅੱਡੇ ਤੋਂ ਸਿੱਧੀ ਕੋਲਕਾਤਾ ਲਈ ਰਵਾਨਾ ਹੋਵੇਗੀ। ਕੁਝ ਹੀ ਦਿਨਾਂ ਬਾਅਦ ਜਵੇਰੀਆ ਅਤੇ ਸਮੀਰ ਵਿਆਹ ਦੇ ਬੰਧਨ ‘ਚ ਬੱਝ ਜਾਣਗੇ ਅਤੇ ਹਮੇਸ਼ਾ ਲਈ ਇਕ-ਦੂਜੇ ਦੇ ਬਣ ਜਾਣਗੇ। 45 ਦਿਨਾਂ ਬਾਅਦ ਜੇਵੇਰੀਆ ਭਾਰਤ ਸਰਕਾਰ ਤੋਂ ਲੰਬੇ ਸਮੇਂ ਲਈ ਵੀਜ਼ਾ ਵਧਾਉਣ ਲਈ ਅਰਜ਼ੀ ਦੇਵੇਗੀ।
ਇਹ ਵੀ ਪੜ੍ਹੋ
ਅਟਾਰੀ ਬਾਰਡਰ ‘ਤੇ ਸਵਾਗਤ ਕੀਤਾ ਜਾਵੇਗਾ
ਕਰਾਚੀ ਦੇ ਵਸਨੀਕ ਅਜ਼ਮਤ ਇਸਮਾਈਲ ਖਾਨ ਅਤੇ ਉਨ੍ਹਾਂ ਦੀ ਧੀ ਜਵੇਰੀਆ ਖਾਨਮ ਦਾ ਅੰਮ੍ਰਿਤਸਰ ਦੇ ਅਟਾਰੀ ਬਾਰਡਰ ‘ਤੇ ਸਵਾਗਤ ਕੀਤਾ । ਉਨ੍ਹਾਂ ਦਾ ਸਵਾਗਤ ਕਰਨ ਲਈ ਲਾੜਾ ਸਮੀਰ ਅਤੇ ਉਸ ਦੇ ਪਿਤਾ ਅਹਿਮਦ ਕਮਾਲ ਖਾਨ ਯੂਸਫਜ਼ਈ ਖੁਦ ਪਹੁੰਚੇ। ਇਸ ਸਮੇਂ ਸਮੀਰ ਆਪਣੇ ਪਿਤਾ ਨਾਲ ਪੰਜਾਬ ਦੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪਿੰਡ ਕਾਦੀਆਂ ਵਿੱਚ ਆਪਣੇ ਕੁਝ ਜਾਣਕਾਰਾਂ ਨਾਲ ਰਹਿ ਰਿਹੇ ਹਨ।
