ਭਾਰਤੀ-ਅਮਰੀਕੀ ਅਪਸਰਾ ਨੂੰ ਹਾਰਵਰਡ ਲਾ ਰੀਵਿਊ ਦਾ ਪ੍ਰੈਜ਼ੀਡੈਂਟ ਚੁਣਿਆ

ਨਿਊਯਾਰਕ :ਹਾਰਵਰਡ ਲਾ ਰਿਵਿਊ ਵੱਲੋਂ ਅਪਸਰਾ ਅਈਅਰ ਨੂੰ ਅਪਣਾ 137ਵਾਂ ਪ੍ਰੈਜ਼ੀਡੈਂਟ ਚੁਣ ਲਿਆ ਗਿਆ ਹੈ ਅਤੇ ਇਸ ਦੇ ਨਾਲ ਹੀ ਉਹ ਇਸ 137 ਸਾਲ ਪੁਰਾਣੀ ਮੰਨੀ-ਪ੍ਰਮੰਨੀ ਪਬਲੀਕੇਸ਼ਨ ਦੀ ਸਭ ਤੋਂ ਉੱਚੀ ਪਦਵੀ ਤੇ ਕਾਬਿਜ਼ ਹੋਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣ ਗਈ ਹਨ। ਹਾਰਵਰਡ ਲਾ ਸਕੂਲ ਵਿਚ ਦੂਜੇ ਸਲ ਦੀ ਪੜ੍ਹਾਈ ਕਰਨ ਵਾਲੀ 29 ਸਾਲਾਂ ਦੀ ਅਪਸਰਾ ਉੱਥੇ ਸਾਲ 2018 ਤੋਂ ‘ਆਰਟ ਕਰਾਇਮ ਐਂਡ ਰੀਪੈਟ੍ਰਿਏਸ਼ਨ’ ਨਾਂ ਦੀ ਜਾਂਚ ਪੜਤਾਲ ਦੀ ਪੜ੍ਹਾਈ ਕਰ ਰਹੇ ਹਨ ਅਤੇ ਉਹਨਾਂ ਨੂੰ ਪ੍ਰਿਸ਼ਿਲਾ ਕੋਰੋਨਾਡੋ ਦੀ ਥਾਂ ਤੇ ਚੁਣਿਆ ਗਿਆ ਹੈ। ਪ੍ਰੈਜ਼ੀਡੈਂਟ ਪਦ ਤੇ ਆਪਣੀ ਨਿਯੁਕਤੀ ਤੋਂ ਬਾਅਦ ਇੱਕ ਬਿਆਨ ਵਿਚ ਅਪਸਰਾ ਅਈਅਰ ਨੇ ਦੱਸਿਆ, ਜਦੋਂ ਤੋਂ ਮੈਂ ਲਾ ਰਿਵਿਊ ਵਿੱਚ ਆਈ ਹਾਂ ਉਦੋਂ ਤੋਂ ਲੈ ਕੇ ਮੈਂ ਹਮੇਸ਼ਾਂ ਤੋਂ ਹੀ ਪ੍ਰਿਸ਼ਿਲਾ ਕੋਰੋਨਾਡੋ ਦੇ ਕੰਮਕਾਜ ਦੇ ਤੌਰ-ਤਰੀਕਿਆਂ, ਕੰਮ ਦੇ ਪ੍ਰਤੀ ਉਨ੍ਹਾਂ ਦੇ ਸਮਰਪਣ ਅਤੇ ਸਮੁਦਾਇਆਂ ਵੱਲ ਉਨ੍ਹਾਂ ਦੇ ਜੋਸ਼ ਅਤੇ ਸਮਰੱਥਾ ਤੋਂ ਬੜੀ ਪਰੇਰਿਤ ਹਾਂ। ਮੈਨੂੰ ਇਸ ਗੱਲ ਤੇ ਬੜਾ ਫ਼ਖ਼ਰ ਹੈ ਕਿ ਅਸੀਂ ਵਾਲਿਓਂਮ-137 ਵਿਚ ਉਨ੍ਹਾਂ ਦੀ ਸਾਖ਼ ਨੂੰ ਸ਼ੁਮਾਰ ਕਰਨ ਵਿੱਚ ਕਾਮਯਾਬ ਹੋਵਾਂਗੇ ਅਤੇ ਮੈਂ ਅਗਲੇ ਇਕ ਸਾਲ ਦੇ ਦੌਰਾਨ ਇਸ ਬੇਹੱਦ ਅਹਿਮ ਕੰਮਕਾਜ ਨੂੰ ਅੱਗੇ ਵਧਾਉਣ ਦਾ ਮੌਕਾ ਮਿਲਣ ਵਾਸਤੇ ਅਪਣੇ ਆਪ ਨੂੰ ਬੜੀ ਖੁਸ਼ਕਿਸਮਤ ਸਮਝਦੀ ਹਾਂ।

ਬਰਾਕ ਓਬਾਮਾ ਵੀ ਹਾਰਵਰਡ ਲਾ ਰੀਵਿਊ ਦੇ ਨੇਤਾ ਰਹਿ ਚੁੱਕੇ ਹਨ

ਦੱਸ ਦਈਏ ਕਿ ਸਨ 1887 ਵਿੱਚ ਸਥਾਪਿਤ ਹਾਰਵਰਡ ਲਾ ਰੀਵਿਊ ਅਸਲ ਵਿੱਚ ਸਭ ਤੋਂ ਪੁਰਾਣੀ ਲੀਗਲ ਸਕਾਲਰਸ਼ਿਪ ਪਬਲੀਕੇਸ਼ਨ ਵਿੱਚੋਂ ਇੱਕ ਹੈ ਅਤੇ ਉਸ ਦੇ ਪ੍ਰੈਜ਼ੀਡੈਂਟ ਅਹੁਦੇ ਤੇ ਸੁਪਰੀਮ ਕੋਰਟ ਦੇ ਜਸਟਿਸ ਸਟਿਫ਼ਨ ਬ੍ਰੇਅਰ, ਕੇਤਨਜੀ ਬਰਾਊਨ ਜੈਕਸਨ’ 92 ਅਤੇ ਰੁਥ ਬੇਡਰ ਗਿੰਸਬਰਗ ਤੋਂ ਇਲਾਵਾ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਵੀ ਹਾਰਵਰਡ ਲਾ ਰੀਵਿਊ ਦੇ 104ਥੇ ਨੇਤਾ ਰਹਿ ਚੁੱਕੇ ਹਨ।

ATU ਵਿੱਚ ਦਾਖਲਾ ਲੈ ਲਿਆ ਸੀ ਅਪਸਰਾ ਨੇ

ਅਪਸਰਾ ਨੇ ਸਾਲ 2016 ਵਿੱਚ ਇਕਨਾਮਿਕਸ, ਸੈਥਸ ਅਤੇ ਸਪੈਨਿਸ਼ ਵਿਸ਼ਿਆਂ ਨਾਲ ਅਪਣੀ ਗ੍ਰੈਜੂਏਸ਼ਨ ਦੀ ਪੜ੍ਹਾਈ ਪੂਰੀ ਕੀਤੀ ਸੀ। ਪੁਰਾਤੱਤਵ ਅਤੇ ਸਥਾਨਕ ਸਮੁਦਾਇਆਂ ਵੱਲ ਅਪਣੇ ਲਗਾਓ ਅਤੇ ਸਮਰਪਣ ਨੂੰ ਵੇਖਦੇ ਹੋਇਆਂ ਉਹਨਾਂ ਨੇ ਔਕਸਫ਼ੋਰਡ ਯੂਨੀਵਰਸਿਟੀ ਤੋਂ ਬਤੌਰ ਕਲੇਰੇਂਡਨ ਸਕਾਲਰ ਆਪਣੀ ਐਮਫਿਲ ਕੀਤੀ ਅਤੇ ਉਸ ਤੋਂ ਬਾਅਦ ਸਾਲ 2018 ਵਿੱਚ ਮੈਨਹਟਨ ਡਿਸਟ੍ਰਿਕਟ ਅਟਾਰਨੀ ਦੀ ‘ਐਂਟੀਕਵਿਟੀਜ਼ ਟ੍ਰੈਫਿਕਿੰਗ ਯੂਨਿਟ’ -ATU ਵਿੱਚ ਦਾਖਲਾ ਲੈ ਲਿਆ ਸੀ।

ਕਲਾਕ੍ਰਿਤੀਆਂ ਚੋਰੀ ਹੋਣ ਦੇ ਜੁਰਮ ਦੀ ਜਾਂਚ-ਪੜਤਾਲ ਕੀਤੀ

ਅਪਸਰਾ ਨੇ ‘ਐਂਟੀਕਵਿਟੀਜ਼ ਟ੍ਰੈਫਿਕਿੰਗ ਯੂਨਿਟ’ ਵਿੱਚ ਕੰਮ-ਕਾਜ ਦੌਰਾਨ 15 ਵੱਖ-ਵੱਖ ਦੇਸ਼ਾਂ ਤੋਂ ਚੋਰੀ ਕੀਤੀ ਗਈ 1,100 ਤੋਂ ਵੀ ਵੱਧ ਦੁਰਲੱਭ ਕਲਾਕ੍ਰਿਤੀਆਂ ਦੀ ਤਲਾਸ਼ ਕਰਨ ਵਿੱਚ ਕਈ ਅੰਤਰਰਾਸ਼ਟਰੀ ਅਤੇ ਫੈਡਰਲ ਲਾ ਐਨਫੋਰਸਮੈਂਟ ਇਜੰਸੀਆਂ ਦੇ ਨਾਲ ਤਾਲਮੇਲ ਕਰ ਕੇ ਕਲਾਕ੍ਰਿਤੀਆਂ ਚੋਰੀ ਕਰਨ ਸਬੰਧੀ ਜੁਰਮ ਦੀ ਜਾਂਚ-ਪੜਤਾਲ ਕੀਤੀ। ਅਪਸਰਾ ਅਈਅਰ ਨੇ ਸਾਲ 2020 ਵਿੱਚ ਹਾਰਵਰਡ ਸਕੂਲ ਵਿੱਚ ਦਾਖਲਾ ਲਿਆ ਸੀ, ਜਿਥੇ ਹੁਣ ਉਹ ‘ਇੰਟਰਨੈਸ਼ਨਲ ਹਿਊਮਨ ਰਾਈਟਸ ਕਲੀਨਿਕ’ ਦੀ ਵਿਦਿਆਰਥੀ ਹਨ ਅਤੇ ਸਾਊਥ ਏਸ਼ੀਅਨ ਲਾ ਸਟੂਡੈਂਟਸ ਐਸੋਸੀਏਸ਼ਨ ਦੀ ਮੈਂਬਰ ਵੀ ਹਨ ਹਨ।

ATU ਦੇ ਡਿਪਟੀ ਅਹੁਦੇ ਤੇ ਪੁੱਜ ਗਏ

ਦੁਨੀਆ ਭਰ ਤੋਂ ਦੁਰਲੱਭ ਕਲਾਕ੍ਰਿਤੀਆਂ ਨੂੰ ਚੁਰਾਉਣ ਦੇ ਜੁਲਮ ਦੇ ਖਿਲਾਫ਼ ਜੰਗ ਲੜਨ ਦਾ ਜਜ਼ਬਾ ਰੱਖਣ ਵਾਲੀ ਅਪਸਰਾ ਅਈਅਰ ਨੇ ਸਾਲ 2021-2022 ਵਿੱਚ ਹਾਰਵਰਡ ਲਾ ਸਕੂਲ ਤੋਂ ਛੁੱਟੀ ਲੈ ਕੇ ‘ਇੰਟਰਨੈਸ਼ਨਲ ਐਂਟੀਕਵਿਟੀਜ਼ ਟ੍ਰੈਫਿਕਿੰਗ ਇਨਵੈਸਟੀਗੇਸ਼ਨ’ ਸਬੰਧੀ ਕੰਮਕਾਜ ਕੀਤਾ ਅਤੇ ਉਥੇ ATU ਦੇ ਡਿਪਟੀ ਅਹੁਦੇ ਤੇ ਪੁੱਜ ਗਏ।