ਪੰਜਾਬਚੋਣਾਂ 2025ਦੇਸ਼ਦੁਨੀਆਨੌਲੇਜਟ੍ਰੈਂਡਿੰਗਮਨੋਰੰਜਨਵੈੱਬ ਸਟੋਰੀਜ਼ਖੇਡਾਂਆਟੋਕ੍ਰਾਈਮਧਰਮਵੀਡੀਓਸਿਹਤਲਾਈਫਸਟਾਈਲਕਾਰੋਬਾਰਟੈਕਨੋਲਜੀਫੋਟੋ ਗੈਲਰੀ

Tremor Fear: ਪਾਪੂਆ ਨਿਊ ਗਿਨੀ ‘ਚ ਆਇਆ ਜਬਰਦਸਤ ਭੂਚਾਲ, 6.2 ਦੀ ਰਹੀ ਤੀਬਰਤਾ

World News: ਰਿਕਟਰ ਪੈਮਾਨੇ 'ਤੇ ਇਸ ਦੀ ਤੀਬਰਤਾ 6.2 ਮਾਪੀ ਗਈ ਹੈ। ਤਿੰਨ ਦਿਨ ਪਹਿਲਾਂ ਵੀ ਇੱਥੇ 6 ਤੀਬਰਤਾ ਦਾ ਭੂਚਾਲ ਆਇਆ ਸੀ।

Tremor Fear: ਪਾਪੂਆ ਨਿਊ ਗਿਨੀ ‘ਚ ਆਇਆ ਜਬਰਦਸਤ ਭੂਚਾਲ, 6.2 ਦੀ ਰਹੀ ਤੀਬਰਤਾ
ਪਾਪੂਆ ਨਿਊ ਗਿਨੀ ‘ਚ ਆਇਆ ਜਬਰਦਸਤ ਭੂਚਾਲ, 6.2 ਦੀ ਰਹੀ ਤੀਬਰਤਾ। Earthquake in Papua new ginni of 6.2
Follow Us
kusum-chopra
| Published: 01 Mar 2023 12:47 PM

ਤੁਰਕੀ ਅਤੇ ਸੀਰੀਆ ‘ਚ ਤਬਾਹੀ ਮਚਾਉਣ ਤੋਂ ਬਾਅਦ ਹੁਣ ਪਾਪੂਆ ਨਿਊ ਗਿਨੀ ‘ਚ ਭੂਚਾਲ (Earthquake) ਦੇ ਤੇਜ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਰਿਕਟਰ ਪੈਮਾਨੇ ‘ਤੇ ਇਸ ਦੀ ਤੀਬਰਤਾ 6.2 ਮਾਪੀ ਗਈ ਹੈ। ਤਿੰਨ ਦਿਨ ਪਹਿਲਾਂ ਵੀ ਇੱਥੇ 6.5 ਤੀਬਰਤਾ ਦਾ ਭੂਚਾਲ ਆਇਆ ਸੀ। ਜਾਣਕਾਰੀ ਮੁਤਾਬਕ 1 ਮਾਰਚ ਨੂੰ ਸਵੇਰੇ 11 ਵਜੇ 6.2 ਤੀਬਰਤਾ ਦਾ ਭੂਚਾਲ ਆਇਆ ਸੀ। ਇਸ ਦਾ ਕੇਂਦਰ 600 ਕਿਲੋਮੀਟਰ ਦੀ ਡੂੰਘਾਈ ‘ਤੇ ਸੀ। ਹਾਲਾਂਕਿ ਇਸ ਭੂਚਾਲ ‘ਚ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਖਬਰ ਨਹੀਂ ਹੈ।

ਦੱਸ ਦਈਏ ਕਿ ਪਾਪੂਆ ਨਿਊ ਗਿਨੀ ਨੂੰ ਭੂਚਾਲਾਂ ਦੇ ਲਿਹਾਜ਼ ਨਾਲ ਬਹੁਤ ਸੰਵੇਦਨਸ਼ੀਲ ਮੰਨਿਆ ਜਾਂਦਾ ਹੈ। ਇੱਥੇ ਤਿੰਨ ਦਿਨ ਪਹਿਲਾਂ ਆਏ ਭੂਚਾਲ ਦੇ ਝਟਕੇ ਪਾਪੂਆ ਨਿਊ ਗਿਨੀ ਦੇ ਨਿਊ ਬ੍ਰਿਟੇਨ ਵਿੱਚ ਵੀ ਮਹਿਸੂਸ ਕੀਤੇ ਗਏ। ਇਸ ਦਾ ਕੇਂਦਰ ਨਿਊ ​​ਬ੍ਰਿਟੇਨ ਵਿੱਚ 57 ਕਿਲੋਮੀਟਰ ਡੂੰਘਾਈ ਤੇ ਸੀ।

ਕਿਵੇਂ ਆਉਂਦਾ ਹੈ ਭੂਚਾਲ ?

ਭੂ-ਵਿਗਿਆਨ ਦੇ ਅਨੁਸਾਰ, ਪੂਰੀ ਧਰਤੀ 12 ਟੈਕਟੋਨਿਕ ਪਲੇਟਾਂ ‘ਤੇ ਸਥਿਤ ਹੈ। ਜਦੋਂ ਵੀ ਇਹ ਪਲੇਟਾਂ ਟਕਰਾਉਂਦੀਆਂ ਹਨ, ਇੱਕ ਊਰਜਾ ਨਿਕਲਦੀ ਹੈ, ਜਿਸਨੂੰ ਭੂਚਾਲ ਕਿਹਾ ਜਾਂਦਾ ਹੈ। ਦਰਅਸਲ, ਧਰਤੀ ਦੇ ਹੇਠਾਂ ਮੌਜੂਦ ਇਹ ਪਲੇਟਾਂ ਬਹੁਤ ਹੌਲੀ ਰਫਤਾਰ ਨਾਲ ਘੁੰਮਦੀਆਂ ਰਹਿੰਦੀਆਂ ਹਨ। ਉਹ ਹਰ ਸਾਲ ਆਪਣੀ ਥਾਂ ਤੋਂ 4-5 ਮਿਮੀ ਆਪਣੀ ਥਾਂ ਤੋਂ ਖਿਸਕਦੀ ਹੈ। ਇਸ ਦੌਰਾਨ ਕੋਈ ਪਲੇਟ ਕਿਸੇ ਦੇ ਹੇਠਾਂ ਤੋਂ ਖਿਸਕ ਜਾਂਦੀ ਹੈ ਅਤੇ ਕੋਈ ਦੂਰ ਹੋ ਜਾਂਦੀ ਹੈ। ਹਾਲਾਂਕਿ, ਇਸ ਦੌਰਾਨ ਕਈ ਵਾਰ ਜਦੋਂ ਪਲੇਟਾਂ ਇੱਕ ਦੂਜੇ ਨਾਲ ਟਕਰਾ ਜਾਂਦੀਆਂ ਹਨ, ਤਾਂ ਇਹ ਭੂਚਾਲ ਦਾ ਕਾਰਨ ਬਣਦੀਆਂ ਹਨ। ਉਹ ਥਾਂ ਜਿੱਥੇ ਚੱਟਾਨਾਂ ਟੁੱਟਦੀਆਂ ਜਾਂ ਟਕਰਾਉਂਦੀਆਂ ਹਨ ਉਸ ਨੂੰ ਭੂਚਾਲ ਦਾ ਕੇਂਦਰ ਜਾਂ ਹਾਈਪੋਸੈਂਟਰ ਜਾਂ ਫੋਕਸ ਕਿਹਾ ਜਾਂਦਾ ਹੈ।

ਇਸ ਤੋਂ ਪਹਿਲਾਂ 27 ਫਰਵਰੀ ਨੂੰ ਤੁਰਕੀ ਵਿੱਚ ਵੀ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਸਨ। ਰਿਕਟਰ ਪੈਮਾਨੇ ‘ਤੇ ਇਸ ਦੀ ਤੀਬਰਤਾ 5.6 ਮਾਪੀ ਗਈ। ਇਸ ਦੌਰਾਨ ਕੁਝ ਇਮਾਰਤਾਂ ਦੇ ਡਿੱਗਣ ਦੀ ਖ਼ਬਰ ਵੀ ਆਈ। ਇਹ ਭੂਚਾਲ ਤੁਰਕੀ ਵਿੱਚ ਫਰਵਰੀ ਵਿੱਚ ਆਏ ਵਿਨਾਸ਼ਕਾਰੀ ਭੂਚਾਲ ਦੇ ਤਿੰਨ ਹਫ਼ਤੇ ਬਾਅਦ ਆਇਆ ਹੈ। ਇਸ ਭੂਚਾਲ ‘ਚ 69 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ।

ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ