ਕਣਕ ਪੱਕਣ ਦੀ ਖੁਸ਼ੀ, ਪਰ ਥੋੜੇ ਮਾਯੂਸ ਵੀ ਨੇ ਕਿਸਾਨ, ਕਿਉਂ? ਜਾਣੋ ਵਜ੍ਹਾ…

ਵਿਸਾਖੀ ਦੇ ਤਿਉਹਾਰ ਮੌਕੇ ਅੱਜ ਤੇ ਰਸਮੀ ਤੌਰ ਤੇ ਕਣਕ ਦੀ ਫਸਲ ਦੀ ਕਟਾਈ ਦੀ ਸ਼ੁਰੂਆਤ ਹੋ ਗਈ ਹੈ ਤਾਂ ਕਿਸਾਨਾਂ ਨੂੰ ਆਪਣੀ ਮਿਹਨਤ ਤੇ ਬੂਰ ਪੈਂਦਾ ਦਿਖਾਈ ਦਿੰਦਾ ਹੈ। ਹਾਲਾਂਕਿ, ਮੌਸਮ ਦੀ ਬੇਇਮਾਨੀ ਕਈ ਵਾਰ ਕਿਸਾਨਾਂ ਦੇ ਚੇਹਰੇ ਦੀ ਰੌਣਕ ਖੋਹ ਲੈਂਦੀ ਹੈ। ਇਸ ਵਾਰ ਵੀ ਬੇਮੌਸਮੀ ਮੀਂਹ ਅੰਨਦਾਤਾ ਦੀ ਮਾਯੂਸੀ ਦੀ ਵਜ੍ਹਾ ਬਣਿਆ, ਪਰ ਛੇਤੀ ਹੀ ਕਿਸਾਨ ਇਸ ਦੁੱਖ ਤੋਂ ਬਾਹਰ ਆ ਗਏ ਅਤੇ ਹੁਣ ਆਖਿਰਕਾਰ ਉਨ੍ਹਾਂ ਦੀ ਮਿਹਨਤ ਰੰਗ ਲੈ ਕੇ ਆਈ ਤਾਂ ਉਨ੍ਹਾਂ ਨੇ ਖੇਤਾਂ ਵਿੱਚ ਭੰਗੜਾ ਪਾ ਕੇ ਇਸਦੀ ਖੁਸ਼ੀ ਮਣਾਈ। ਕਿਸਾਨਾਂ ਨੂੰ ਖੁਸ਼ੀ ਇਸ ਗੱਲ ਦੀ ਹੈ ਕਿ ਖੂਨ ਪਸੀਨਾ ਇੱਕ ਕਰਕੇ ਜਿਸ ਫਸਲ ਦੇ ਬੀਜ ਉਨ੍ਹਾਂ ਨੇ ਬੋਏ ਸਨ, ਹੁਣ ਉਸਨੂੰ ਕੱਟ ਕੇ ਮੰਡੀ ਤੱਕ ਪਹੁੰਚਾ ਕੇ ਆਪਣਾ ਮਿਹਨਤ ਦਾ ਮੁੱਲ ਪਾ ਸਕਣਗੇ। ਕਿਸਾਨਾਂ ਦਾ ਆਰੋਪ ਹੈ ਕਿ ਭਾਰਤ ਦੀ ਸਰਕਾਰ ਨੇ ਅਮਰੀਕਾ ਨਾਲ ਟ੍ਰੇਡ ਡੀਲ ਵਿੱਚ ਕਿਸਾਨਾਂ ਦੇ ਹਿੱਤਾਂ ਖਿਲਾਫ ਕਈ ਸਮਝੌਤੇ ਕੀਤੇ ਹਨ।