ਮਹਿਲਾ ਨੇ ਅਪਣਾਈ ਕਮਾਲ ਦੀ ਤਰਕੀਬ, ਮੌਤ ਦੇ ਮੂੰਹ ‘ਚੋਂ ਕੱਢੀ ਬਿੱਲੀ, ਵਾਇਰਲ ਹੋਇਆ ਵੀਡੀਓ
Viral Video: ਕਈ ਵਾਰ ਕੁੱਤੇ ਅਤੇ ਬਿੱਲੀਆਂ ਵਰਗੇ ਜਾਨਵਰ ਗੱਡੀਆਂ ਦੇ ਹੇਠਾਂ ਜਾਂ ਅੰਦਰ ਲੁਕ ਕੇ ਬੈਠ ਜਾਂਦੇ ਹਨ। ਅਜਿਹੇ ਵਿੱਚ ਗੱਡੀ ਚਲਾਉਣ ਤੋਂ ਪਹਿਲਾਂ ਇੱਕ ਵਾਰ ਚੰਗੀ ਤਰ੍ਹਾਂ ਜਾਂਚ ਕਰ ਲੈਣੀ ਚਾਹੀਦੀ ਹੈ। ਇਸ ਵੀਡੀਓ ਵਿੱਚ ਵੀ ਕੁਝ ਅਜਿਹਾ ਹੀ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿਸ ਕਾਰਨ ਇੱਕ ਨਿੱਕੀ ਜਿਹੀ ਬਿੱਲੀ ਦੀ ਜਾਨ ਬਚ ਗਈ।
ਸੋਸ਼ਲ ਮੀਡੀਆ ‘ਤੇ ਜਾਨਵਰਾਂ ਨਾਲ ਜੁੜੀਆਂ ਵੀਡੀਓਜ਼ ਅਕਸਰ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ, ਜੋ ਕਦੇ ਲੋਕਾਂ ਨੂੰ ਹਸਾਉਂਦੀਆਂ ਹਨ ਤੇ ਕਦੇ ਉਨ੍ਹਾਂ ਦਾ ਦਿਲ ਜਿੱਤ ਲੈਂਦੀਆਂ ਹਨ। ਅਜਿਹੀ ਹੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇੱਕ ਮਹਿਲਾ ਆਪਣੀ ਸੂਝਬੂਝ ਨਾਲ ਇੱਕ ਬਿੱਲੀ ਦੀ ਜਾਨ ਬਚਾਉਂਦੀ ਨਜ਼ਰ ਆ ਰਹੀ ਹੈ ਅਤੇ ਸੋਸ਼ਲ ਮੀਡੀਆ ‘ਤੇ ਲੋਕਾਂ ਦੀ ਵਾਹਵਾਹੀ ਲੁੱਟ ਰਹੀ ਹੈ। ਇਹ ਨਜ਼ਾਰਾ ਅਜਿਹਾ ਹੈ ਕਿ ਇਸ ਨੂੰ ਦੇਖਣ ਤੋਂ ਬਾਅਦ ਲੋਕ ਮਹਿਲਾ ਦੀ ਤਾਰੀਫ਼ ਕਰਦੇ ਨਹੀਂ ਥੱਕ ਰਹੇ। ਲੋਕਾਂ ਦਾ ਕਹਿਣਾ ਹੈ ਕਿ ਮਹਿਲਾ ਦੀ ਸਮਝਦਾਰੀ ਕਾਰਨ ਇੱਕ ਨਿੱਕੀ ਤੇ ਪਿਆਰੀ ਬਿੱਲੀ ਦੀ ਜਾਨ ਬਚ ਗਈ।
ਦਰਅਸਲ, ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇੱਕ ਨਿੱਕੀ ਜਿਹੀ ਬਿੱਲੀ ਕਾਰ ਦੇ ਹੇਠਲੇ ਹਿੱਸੇ ਵਿੱਚ ਜਾ ਕੇ ਲੁਕ ਗਈ ਸੀ। ਉਹ ਪਹੀਏ ਦੇ ਬਿਲਕੁਲ ਨੇੜੇ ਬੈਠੀ ਹੋਈ ਸੀ, ਜਿਸ ਕਾਰਨ ਉਸ ਦੀ ਜਾਨ ਨੂੰ ਖ਼ਤਰਾ ਸੀ। ਜੇਕਰ ਕਾਰ ਚਲਾਉਣ ਵਾਲੇ ਨੂੰ ਇਸ ਬਾਰੇ ਪਤਾ ਨਾ ਲੱਗਦਾ ਅਤੇ ਉਹ ਬਿਨਾਂ ਦੇਖੇ ਗੱਡੀ ਸਟਾਰਟ ਕਰ ਦਿੰਦਾ, ਤਾਂ ਬਿੱਲੀ ਦੀ ਜਾਨ ਵੀ ਜਾ ਸਕਦੀ ਸੀ। ਪਰ ਅਜਿਹਾ ਨਹੀਂ ਹੋਇਆ। ਮਹਿਲਾ ਦੀ ਨਜ਼ਰ ਬਿੱਲੀ ‘ਤੇ ਪੈ ਗਈ, ਜਿਸ ਤੋਂ ਬਾਅਦ ਉਸ ਨੇ ਉਸ ਨੂੰ ਬਾਹਰ ਕੱਢਣ ਲਈ ਇੱਕ ਤਰੀਕਾ ਅਪਣਾਇਆ। ਉਸ ਨੇ ਬਿੱਲੀ ਨੂੰ ਖਾਣੇ ਦਾ ਲਾਲਚ ਦਿੱਤਾ, ਜਿਸ ਨਾਲ ਬਿੱਲੀ ਬਾਹਰ ਆ ਗਈ। ਫਿਰ ਮਹਿਲਾ ਨੇ ਉਸ ਨੂੰ ਖਾਣਾ ਖੁਆਇਆ ਅਤੇ ਬਾਅਦ ਵਿੱਚ ਆਪਣੇ ਘਰ ਲੈ ਗਈ। ਮਹਿਲਾ ਦੀ ਇਹੀ ਇਨਸਾਨੀਅਤ ਲੋਕਾਂ ਦੇ ਦਿਲਾਂ ਨੂੰ ਛੂਹ ਗਈ।
20 ਲੱਖ ਤੋਂ ਵੱਧ ਵਾਰ ਦੇਖਿਆ ਗਿਆ ਵੀਡੀਓ
ਇਸ ਖੂਬਸੂਰਤ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (ਟਵਿੱਟਰ) ‘ਤੇ @Catsworldtweet ਨਾਮ ਦੀ ਆਈਡੀ ਤੋਂ ਸਾਂਝਾ ਕੀਤਾ ਗਿਆ ਹੈ। ਸਿਰਫ਼ 30 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 20 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 8 ਹਜ਼ਾਰ ਤੋਂ ਵੱਧ ਲੋਕ ਇਸ ਵੀਡੀਓ ਨੂੰ ਲਾਈਕ ਵੀ ਕਰ ਚੁੱਕੇ ਹਨ ਅਤੇ ਇਸ ‘ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਦੇ ਰਹੇ ਹਨ।
ਯੂਜ਼ਰਾਂ ਨੇ ਕੀ ਕਿਹਾ?
ਇੱਕ ਯੂਜ਼ਰ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਲਿਖਿਆ, “ਮੈਂ ਕਾਰ ਦੇ ਇੰਜਣ ਵਿੱਚੋਂ ਪੰਜ ਬਿੱਲੀਆਂ ਦੇ ਬੱਚਿਆਂ ਨੂੰ ਬਚਾਇਆ ਸੀ। ਉਨ੍ਹਾਂ ਵਿੱਚੋਂ ਇੱਕ ਅੱਜ ਵੀ 10 ਸਾਲ ਬਾਅਦ ਮੇਰੇ ਕੋਲ ਹੈ। ਮੈਂ ਉਸ ਨੂੰ ਹਰ ਰੋਜ਼ ਖਾਣਾ ਖੁਆਉਂਦਾ ਹਾਂ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਇਹ ਹੁਣ ਤੱਕ ਦਾ ਸਭ ਤੋਂ ਪਿਆਰਾ ਰੈਸਕਿਊ ਹੈ। ਇਸੇ ਤਰ੍ਹਾਂ ਇੱਕ ਹੋਰ ਯੂਜ਼ਰ ਨੇ ਕਿਹਾ, “ਇਹ ਸੱਚ ਹੈ ਕਿ ਖਾਣਾ ਕਿਸੇ ਦੀ ਜਾਨ ਬਚਾ ਸਕਦਾ ਹੈ। ਉੱਥੇ ਹੀ ਕਈ ਹੋਰ ਯੂਜ਼ਰਾਂ ਨੇ ਮਹਿਲਾ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਉਸ ਦੀ ਸੂਝਬੂਝ ਕਾਰਨ ਨਿੱਕੀ ਬਿੱਲੀ ਦੀ ਜਾਨ ਬਚ ਗਈ।
ਇਥੇ ਦੇਖੋ ਵੀਡੀਓ
Thank you for saving the cat 🥹 pic.twitter.com/F6JXZFS7oi
ਇਹ ਵੀ ਪੜ੍ਹੋ
— Cats with aura (@Catsworldtweet) May 29, 2026
