ਨਹੀਂ ਆਈ ਬਿਜਲੀ ਤਾਂ ਪਾਕਿਸਤਾਨੀ ਬੱਚੇ ਨੇ ਲਾਇਆ ਇਹ ਜੂਗਾੜ, Video Viral

ਜਦੋਂ ਜੁਗਾੜ ਦੀ ਗੱਲ ਆਉਂਦੀ ਹੈ ਤਾਂ ਅਸੀਂ ਭਾਰਤੀਆਂ ਨੂੰ ਕੋਈ ਪਿੱਛੇ ਨਹੀ ਛੱਡ ਸਕਦਾ, ਅਸੀਂ ਅਜਿਹੀਆਂ ਚੀਜ਼ਾਂ ਨਾਲ ਆਪਣਾ ਕੱਢ ਲੈਂਦੇ ਹਾਂ ਕਿ ਦੁਨੀਆ ਉਨ੍ਹਾਂ ਨੂੰ ਦੇਖ ਕੇ ਹੈਰਾਨ ਰਹਿ ਜਾਂਦੀ ਹੈ। ਉਂਜ ਸਾਡਾ ਗੁਆਂਢੀ ਮੁਲਕ ਪਾਕਿਸਤਾਨ ਵੀ ਇਸ ਮਾਮਲੇ ਵਿੱਚ ਕਿਸੇ ਤੋਂ ਘੱਟ ਨਹੀਂ ਹੈ। ਉਹ ਜੁਗਾੜ ਰਾਹੀਂ ਆਪਣਾ ਕੰਮ ਕੱਢਣ ਵਿੱਚ ਵੀ ਮਾਹਿਰ ਹੈ। ਹੁਣ ਇਸ ਨਾਲ ਜੁੜਿਆ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ ਲੜਕੇ ਨੇ ਬਿਨਾਂ ਲਾਈਟਾਂ ਦੇ ਪੂਰੀ ਦੁਕਾਨ ਨੂੰ ਰੌਸ਼ਨ ਕਰ ਦਿੱਤਾ ਅਤੇ ਇਹ ਜੁਗਾੜ ਇੰਨਾ ਹਿੱਟ ਰਿਹਾ ਕਿ ਵੀਡੀਓ ਇੰਟਰਨੈੱਟ ‘ਤੇ ਆਉਂਦੇ ਹੀ ਵਾਇਰਲ ਹੋ ਗਈ।

ਪੂਰੀ ਦੁਨੀਆ ਜਾਣਦੀ ਹੈ ਕਿ ਪਾਕਿਸਤਾਨ ਵਿਚ ਆਟਾ, ਦਾਲਾਂ ਅਤੇ ਹੋਰ ਜ਼ਰੂਰੀ ਰੋਜ਼ਾਨਾ ਵਸਤੂਆਂ ਦੀ ਕਮੀ ਹੈ। ਹੁਣ ਹਾਲਾਤ ਇਹ ਬਣ ਗਏ ਹਨ ਕਿ ਉਥੋਂ ਦੇ ਲੋਕਾਂ ਨੂੰ ਬਿਜਲੀ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹੁਣ ਦੇਖੋ ਇਹ ਵੀਡੀਓ ਜੋ ਸਾਹਮਣੇ ਆਈ ਹੈ ਜਿੱਥੇ ਲੋਕ ਆਪਣੀਆਂ ਦੁਕਾਨਾਂ ਚਲਾਉਣ ਲਈ ਜੁਗਾੜ ਦਾ ਸਹਾਰਾ ਲੈ ਰਹੇ ਹਨ।

ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਦੁਕਾਨਦਾਰ ਨੇ ਦੁਕਾਨ ਦੇ ਬਾਹਰ ਇਕ ਵੱਡਾ ਸ਼ੀਸ਼ਾ ਲਗਾਇਆ ਹੋਇਆ ਹੈ, ਜਿਸ ‘ਤੇ ਸੂਰਜ ਦੀ ਰੌਸ਼ਨੀ ਪੈਂਦੀ ਹੈ ਅਤੇ ਇਸ ਤਰ੍ਹਾਂ ਨਾਲ ਦੁਕਾਨ ਅੰਦਰ ਰੌਸ਼ਨੀ ਹੋ ਜਾਂਦੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਜੁਗਾੜ ਨਾਲ ਇੱਕ ਵੱਡੀ ਦੁਕਾਨ ਵੀ ਰੌਸ਼ਨ ਹੋ ਰਹੀ ਹੈ। ਵੀਡੀਓ ਬਣਾਉਣ ਵਾਲਾ ਕਹਿੰਦਾ ਹੈ, ਪਾਕਿਸਤਾਨੀਆਂ ਦਾ ਜੂਗਾੜ ਦੇਖੋ, ਬਿਜਲੀ ਨਹੀਂ ਹੈ ਅਤੇ ਅੰਦਰ ਇੱਕ ਵੱਡੀ ਦੁਕਾਨ ਹੈ, ਇਸ ਲਈ ਉਨ੍ਹਾਂ ਨੇ ਬਾਹਰ ਸ਼ੀਸ਼ਾ ਲਗਾ ਕੇ ਪੂਰੀ ਦੁਕਾਨ ਨੂੰ ਰੋਸ਼ਨ ਕਰ ਦਿੱਤਾ, ਇਹ ਹੈ ਇਹਨਾਂ ਦਾ ਜੂਗਾੜ!

ਇਸ ਵੀਡੀਓ ਨੂੰ ਇੰਸਟਾ ‘ਤੇ iqbal_i_me ਨਾਮ ਦੇ ਅਕਾਊਂਟ ਨੇ ਸ਼ੇਅਰ ਕੀਤਾ ਹੈ। ਇਹ ਖਬਰ ਲਿਖੇ ਜਾਣ ਤੱਕ ਕਰੋੜਾਂ ਲੋਕ ਇਸ ਨੂੰ ਦੇਖ ਚੁੱਕੇ ਹਨ ਅਤੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਇਸ ਵਿਅਕਤੀ ਨੇ ਬਿਨਾਂ ਪੜ੍ਹਾਈ ਕੀਤੇ ਸਾਇੰਸ ਦੀ ਸਹੀ ਵਰਤੋਂ ਕੀਤੀ ਹੈ।’ ਜਦਕਿ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਇਹ ਜੂਗਾੜ ਨਹੀਂ ਵਿਗਿਆਨ ਹੈ।