Viral Video: ‘ਦਿੱਲੀ ਨਹੀਂ ਪਹੁੰਚ ਪਾਵੇਂਗਾ’, ਇੰਡੀਗੋ ਫਲਾਈਟ ‘ਚ ਭਿੜੇ ਦੋ ਪੈਸੇਂਜਰ , ਦਿੱਲੀ ਮੈਟਰੋ ਵਰਗਾ ਹੋਇਆ ਡਰਾਮਾ ਦੇਖੋ VIDEO
Fight On IndiGo Flight: ਇੰਡੀਗੋ ਦੀ ਫਲਾਈਟ 'ਚ ਸਾਮਾਨ ਰੱਖਣ ਨੂੰ ਲੈ ਕੇ ਦੋ ਯਾਤਰੀਆਂ ਵਿਚਾਲੇ ਸ਼ੁਰੂ ਹੋਈ ਬਹਿਸ ਹੱਥੋਪਾਈ ਤੱਕ ਪਹੁੰਚ ਗਈ। ਇਸ ਹੈਰਾਨ ਕਰਨ ਵਾਲੀ ਘਟਨਾ ਦਾ ਵੀਡੀਓ ਵੀ ਵਾਇਰਲ ਹੋਇਆ ਹੈ, ਜਿਸ ਵਿੱਚ ਦੋਵੇਂ ਇੱਕ ਦੂਜੇ ਨੂੰ ਧਮਕੀਆਂ ਦਿੰਦੇ ਨਜ਼ਰ ਆ ਰਹੇ ਹਨ।
ਇੰਡੀਗੋ ਦੀ ਫਲਾਈਟ ‘ਚ ਕੈਬਿਨ ‘ਚ ਸਾਮਾਨ ਰੱਖਣ ਨੂੰ ਲੈ ਕੇ ਦੋ ਯਾਤਰੀਆਂ ਵਿਚਾਲੇ ਝਗੜਾ ਹੋ ਗਿਆ। ਇਹ ਸਾਰੀ ਘਟਨਾ ਕੈਮਰੇ ‘ਚ ਕੈਦ ਹੋ ਗਈ ਅਤੇ ਹੁਣ ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਸ ‘ਚ ਦੋਵੇਂ ਯਾਤਰੀਆਂ ਨੂੰ ਦੂਜੇ ਲੋਕਾਂ ਦੇ ਸਾਹਮਣੇ ਇਕ-ਦੂਜੇ ਨੂੰ ਚੀਕਦੇ ਅਤੇ ਧਮਕੀਆਂ ਦਿੰਦੇ ਦੇਖਿਆ ਜਾ ਸਕਦਾ ਹੈ। ਕਾਫੀ ਜੱਦੋ ਜਹਿਦ ਤੋਂ ਬਾਅਦ ਕੈਬਿਨ ਕਰੂ ਅਤੇ ਹੋਰ ਯਾਤਰੀਆਂ ਨੇ ਮਾਮਲਾ ਸ਼ਾਂਤ ਕੀਤਾ।
ਇਹ ਹੈਰਾਨ ਕਰਨ ਵਾਲੀ ਘਟਨਾ 13 ਸਤੰਬਰ ਨੂੰ ਗੁਹਾਟੀ ਤੋਂ ਦਿੱਲੀ ਜਾ ਰਹੀ ਇੰਡੀਗੋ ਦੀ ਫਲਾਈਟ ਵਿੱਚ ਵਾਪਰੀ ਸੀ। ਵਾਇਰਲ ਹੋਈ ਕਲਿੱਪ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਦੋ ਯਾਤਰੀਆਂ ਵਿੱਚ ਬਹਿਸ ਹੋ ਜਾਂਦੀ ਹੈ ਅਤੇ ਫਿਰ ਕੁਝ ਹੀ ਸਮੇਂ ਵਿੱਚ ਦੋਵੇਂ ਇੱਕ ਦੂਜੇ ਨੂੰ ਧਮਕੀਆਂ ਦੇਣਾ ਸ਼ੁਰੂ ਕਰ ਦਿੰਦੇ ਹਨ। ਮਾਮਲੇ ਨੂੰ ਸ਼ਾਂਤ ਕਰਵਾਉਣ ਲਈ ਫਲਾਈਟ ਦੇ ਕਰੂ ਮੈਂਬਰ ਨੂੰ ਦਖਲ ਦੇਣਾ ਪਿਆ। ਹਾਲਾਂਕਿ ਇਸ ਤੋਂ ਬਾਅਦ ਵੀ ਯਾਤਰੀ ਇੱਕ ਦੂਜੇ ਨੂੰ ਧਮਕੀਆਂ ਦਿੰਦੇ ਰਹੇ।
ਵਾਇਰਲ ਹੋ ਰਹੀ ਵੀਡੀਓ ‘ਚ ਤੁਸੀਂ ਲੜਾਈ ‘ਚ ਸ਼ਾਮਲ ਇਕ ਯਾਤਰੀ ਨੂੰ ਇਹ ਕਹਿੰਦੇ ਹੋਏ ਸੁਣ ਸਕਦੇ ਹੋ ਕਿ ਉਹ ਮੇਰੇ ਨਾਲ ਕਿਸ ਤਰ੍ਹਾਂ ਬਦਤਮੀਜ਼ੀ ਨਾਲ ਗੱਲ ਕਰ ਰਿਹਾ ਹੈ। ਕੀ ਤੁਸੀਂ ਮਾਫੀ ਦੇ ਕੇ ਕੋਈ ਅਹਿਸਾਨ ਕਰ ਰਹੇ ਹੋ? ਇਹ ਦੂਜਾ ਵਿਅਕਤੀ ਧਮਕੀ ਭਰੇ ਲਹਿਜੇ ਵਿੱਚ ਕਹਿੰਦਾ ਹੈ, ਕੋਈ ਨਹੀਂ ਬੱਚੂ…ਦਿੱਲੀ ਪਹੁੰਚੇਗਾ। ਵੀਡੀਓ ‘ਚ ਇਕ ਹੋਰ ਮਹਿਲਾ ਯਾਤਰੀ ਦੋਹਾਂ ਨੂੰ ਲੜਾਈ ਬੰਦ ਕਰਨ ਅਤੇ ਬੈਠਣ ਦੀ ਬੇਨਤੀ ਕਰਦੀ ਦਿਖਾਈ ਦੇ ਰਹੀ ਹੈ। ਇਹ ਔਰਤ ਝਗੜਾ ਕਰ ਰਹੇ ਦੋ ਸਵਾਰੀਆਂ ਵਿੱਚੋਂ ਇੱਕ ਦੀ ਪਰਿਵਾਰਕ ਮੈਂਬਰ ਜਾਪਦੀ ਹੈ। ਔਰਤ ਨੂੰ ਕਿਸੇ ਹੋਰ ਯਾਤਰੀ ਤੋਂ ਮੁਆਫੀ ਮੰਗਦੇ ਵੀ ਦੇਖਿਆ ਜਾ ਸਕਦਾ ਹੈ।
ਇੱਥੇ ਦੇਖੋ ਵੀਡੀਓ
गुवाहाटी से दिल्ली जा रही इंडिगो की फ्लाइट में दो यात्रियों के बीच हाथापाई हो गई। बताया जा रहा है कि यह हाथ के सामान के लिए केबिन में जगह साझा करने को लेकर हुआ विवाद था।#Indigo pic.twitter.com/RqUSSM0Cs5
— Yashpal Singh Sengar यशपाल सिंह सेंगर (@YASHPALSINGH11) September 16, 2024
ਇਹ ਵੀ ਪੜ੍ਹੋ
ਦੱਸਿਆ ਜਾ ਰਿਹਾ ਹੈ ਕਿ ਝਗੜਾ ਉਦੋਂ ਸ਼ੁਰੂ ਹੋਇਆ ਜਦੋਂ ਆਪਣੇ ਪਰਿਵਾਰ ਨਾਲ ਸਫਰ ਕਰ ਰਹੇ ਇਕ ਵਿਅਕਤੀ ਦਾ ਸਾਹਮਣੇ ਬੈਠੇ ਯਾਤਰੀ ਨਾਲ ਝਗੜਾ ਹੋ ਗਿਆ। ਫਿਰ ਮਾਮਲਾ ਇੰਨਾ ਵੱਧ ਗਿਆ ਕਿ ਸ਼ਖਸ ਦੇ ਪਰਿਵਾਰ ਅਤੇ ਕੈਬਿਨ ਕਰੂ ਨੂੰ ਦਖਲ ਦੇਣਾ ਪਿਆ। ਪਰ ਇਸ ਤੋਂ ਬਾਅਦ ਵੀ ਦੋਵੇਂ ਯਾਤਰੀ ਲੜਦੇ ਰਹਿੰਦੇ ਹਨ ਅਤੇ ਇਕ-ਦੂਜੇ ਨੂੰ ਧਮਕੀਆਂ ਦਿੰਦੇ ਰਹਿੰਦੇ ਹਨ। ਇਸ ਵੀਡੀਓ ਨੂੰ ਦੇਖ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਕਹਿ ਰਹੇ ਹਨ ਕਿ ਦਿੱਲੀ ਮੈਟਰੋ ਵਰਗਾ ਡਰਾਮਾ ਹੁਣ ਪਲੇਨ ‘ਚ ਵੀ ਸ਼ੁਰੂ ਹੋ ਗਿਆ ਹੈ।