Viral Video: ਨੇਪਾਲ ਵਿੱਚ ਭਾਰਤੀ ਸੈਲਾਨੀ ਨੇ ਸੜਕ ‘ਤੇ ਥੁੱਕਿਆ ਗੁਟਖਾ, ਲੋਕਾਂ ਨੇ ਧੁਆਏ ਦਾਗ; ਦੇਖੋ ਵੀਡੀਓ
Viral Video: ਇਸ ਵਾਇਰਲ ਵੀਡੀਓ ਵਿੱਚ, ਇੱਕ ਨੇਪਾਲੀ ਸ਼ਖਸ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, "ਇਹ ਇੰਡੀਆ ਨਹੀਂ ਹੈ, ਭਰਾ, ਨੇਪਾਲ ਹੈ। ਇੱਥੇ ਇਸਨੂੰ ਗੰਦਾ ਨਾ ਕਰੋ। ਆਓ, ਪਾਣੀ ਪਾਓ। ਤੁਸੀਂ ਲੋਕ ਇੰਨੇ ਵੱਡੇ ਦੇਸ਼ ਤੋਂ ਆਏ ਹੋ ਅਤੇ ਇੱਥੇ ਗੰਦਗੀ ਫੈਲਾ ਰਹੇ ਹੋ।"
Viral Video: ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨਾਲ ਸਿਵਿਕ ਸੈਂਸ ਅਤੇ ਸੈਲਾਨੀਆਂ ਦੇ ਵਿਵਹਾਰ ਨੂੰ ਲੈ ਕੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਨੇਪਾਲ ਦੇ ਇੱਕ ਸਥਾਨਕ ਵਿਅਕਤੀ ਨੇ ਨਾ ਸਿਰਫ਼ ਸੜਕ ‘ਤੇ ਗੁਟਖਾ ਥੁੱਕਣ ਵਾਲੇ ਇੱਕ ਭਾਰਤੀ ਸੈਲਾਨੀ ਨੂੰ ਨੂੰ ਝਿੜਕਿਆ, ਸਗੋਂ ਉਸਨੂੰ ਦਾਗ ਸਾਫ਼ ਕਰਨ ਲਈ ਵੀ ਮਜਬੂਰ ਕੀਤਾ।
ਵਾਇਰਲ ਵੀਡੀਓ ਵਿੱਚ ਕਾਰ ਰਾਹੀਂ ਨੇਪਾਲ ਜਾ ਰਹੇ ਭਾਰਤੀਆਂ ਦਾ ਇੱਕ ਗਰੁੱਪ ਨੂੰ ਨਜਰ ਆ ਰਿਹਾ ਹੈ। ਕਿਸੇ ਨੇ ਚਲਦੀ ਗੱਡੀ ਤੋਂ ਸੜਕ ‘ਤੇ ਗੁਟਖਾ ਥੁੱਕਿਆ। ਇਹ ਦੇਖ ਕੇ, ਇੱਕ ਨੇਪਾਲੀ ਨੌਜਵਾਨ ਗੁੱਸੇ ਵਿੱਚ ਆ ਗਿਆ। ਉਸਨੇ ਤੁਰੰਤ ਕਾਰ ਰੁਕਵਾਈ ਅਤੇ ਸੈਲਾਨੀਆਂ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਕਰਵਾਇਆ।
ਸੈਲਾਨੀਆਂ ਨੂੰ ਸਿਖਾਇਆ ‘ਸਫਾਈ ਦਾ ਸਬਕ’
ਵੀਡੀਓ ਵਿੱਚ, ਇੱਕ ਨੇਪਾਲੀ ਵਿਅਕਤੀ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, “ਇਹ ਇੰਡੀਆ ਨਹੀਂ ਹੈ, ਭਰਾ, ਨੇਪਾਲ ਹੈ। ਇੱਥੇ ਗੰਦਾ ਨਾ ਕਰੋ। ਆਓ, ਪਾਣੀ ਪਾਓ। ਤੁਸੀਂ ਲੋਕ ਇੰਨੇ ਵੱਡੇ ਦੇਸ਼ ਤੋਂ ਆਏ ਹੋ ਅਤੇ ਇੱਥੇ ਆ ਕੇ ਕੂੜਾ ਕਰ ਰਹੇ ਹੋ।”
ਵੀਡੀਓ ਵਿੱਚ, ਤੁਸੀਂ ਦੇਖੋਗੇ ਕਿ, ਸਥਾਨਕ ਲੋਕਾਂ ਦੇ ਸਖ਼ਤ ਰਵੱਈਏ ਦਾ ਸਾਹਮਣਾ ਕਰਦੇ ਹੋਏ, ਗੁਟਖਾ ਥੁੱਕਣ ਵਾਲੇ ਸੈਲਾਨੀ ਨੇ ਨਾ ਸਿਰਫ਼ ਮੁਆਫੀ ਮੰਗੀ ਬਲਕਿ ਕਾਰ ਵਿੱਚੋਂ ਬਾਹਰ ਨਿਕਲ ਕੇ ਪਾਣੀ ਦੀ ਬੋਤਲ ਨਾਲ ਸੜਕ ਤੋਂ ਗੁਟਖੇ ਦੇ ਦਾਗ ਨੂੰ ਸਾਫ਼ ਵੀ ਕੀਤਾ। ਨੇਪਾਲੀ ਵਿਅਕਤੀ ਸੜਕ ਪੂਰੀ ਤਰ੍ਹਾਂ ਸਾਫ਼ ਹੋਣ ਤੱਕ ਉੱਥੇ ਹੀ ਖੜ੍ਹਾ ਰਿਹਾ।
ਜਿਵੇਂ ਹੀ ਇਹ ਵੀਡੀਓ ਵਾਇਰਲ ਹੋਇਆ, ਪ੍ਰਤੀਕਿਰਿਆਵਾਂ ਦਾ ਹੜ੍ਹ ਆ ਗਿਆ। ਨੇਟੀਜ਼ਨ ਨੇਪਾਲੀ ਨਾਗਰਿਕ ਦੇ ਆਪਣੇ ਦੇਸ਼ ਪ੍ਰਤੀ ਪਿਆਰ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਇੱਕ ਨੇ ਲਿਖਿਆ, “ਭਰਾ ਨੂੰ ਸਲਾਮ। ਸਾਨੂੰ ਭਾਰਤ ਵਿੱਚ ਅਜਿਹੇ ਲੋਕਾਂ ਦੀ ਲੋੜ ਹੈ।” ਇਸ ਦੌਰਾਨ, ਕੁਝ ਯੂਜਰਸ ਨੇ ਭਾਰਤੀ ਸੈਲਾਨੀ ਦੀ ਹਰਕਤ ‘ਤੇ ਸ਼ਰਮਿੰਦਗੀ ਪ੍ਰਗਟ ਕੀਤੀ। ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, “ਇਸ ਤਰ੍ਹਾਂ ਦੇ ਕੁਝ ਲੋਕਾਂ ਕਾਰਨ ਹੀ ਦੇਸ਼ ਦਾ ਅਕਸ ਖਰਾਬ ਹੋਇਆ ਹੈ।”
ਇਹ ਵੀ ਪੜ੍ਹੋ
ਇੱਥੇ ਦੇਖੋ ਵੀਡੀਓ
Even Nepalese are now scolding Indians for poor civic sense.
An Indian went to Nepal for tourism. There, he spat gutka on the road from a moving car. Some Nepalese stopped his car and made him clean the gutka from the road. Even Nepalese are improving now when will Indians ? pic.twitter.com/bVe53ybX2w — Oppressor (@TyrantOppressor) April 8, 2026
