ਏਅਰਪੋਰਟ ‘ਤੇ ਵਿਖੀ ਕੇਕੜਿਆਂ ਦੀ ਫੌਜ, ਮੁਸਾਫਰਾਂ ਦੇ ਛੁੱਟੇ ਪਸੀਨੇ, VIDEO
Airport Viral Video: ਸੋਸ਼ਲ ਮੀਡੀਆ 'ਤੇ ਇਕ ਹੈਰਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਦਰਅਸਲ, ਇਕ ਏਅਰਪੋਰਟ ਦੇ ਲਗੇਜ ਕਨਵੇਅਰ ਬੈਲਟ 'ਤੇ ਕੇਕੜਿਆਂ ਦੀ ਫੌਜ ਘੁੰਮਦੀ ਨਜ਼ਰ ਆਈ, ਇਹ ਨਜ਼ਾਰਾ ਦੇਖ ਕੇ ਨਾ ਸਿਰਫ ਯਾਤਰੀ ਹੈਰਾਨ ਰਹਿ ਗਏ, ਸਗੋਂ ਕਸਟਮ ਅਧਿਕਾਰੀਆਂ ਦੇ ਵੀ ਪਸੀਨੇ ਛੁੱਟ ਗਏ। ਤੁਸੀਂ ਸ਼ਾਇਦ ਹੀ ਕਿਸੇ ਏਅਰਪੋਰਟ 'ਤੇ ਅਜਿਹਾ ਨਜ਼ਾਰਾ ਦੇਖਿਆ ਹੋਵੇਗਾ।
![ਏਅਰਪੋਰਟ ‘ਤੇ ਵਿਖੀ ਕੇਕੜਿਆਂ ਦੀ ਫੌਜ, ਮੁਸਾਫਰਾਂ ਦੇ ਛੁੱਟੇ ਪਸੀਨੇ, VIDEO ਏਅਰਪੋਰਟ ‘ਤੇ ਵਿਖੀ ਕੇਕੜਿਆਂ ਦੀ ਫੌਜ, ਮੁਸਾਫਰਾਂ ਦੇ ਛੁੱਟੇ ਪਸੀਨੇ, VIDEO](https://images.tv9punjabi.com/wp-content/uploads/2024/06/crabs-on-airport.webp?w=1280)
ਏਅਰਪੋਰਟ ‘ਤੇ ਸਮਾਨ ਲੈ ਕੇ ਜਾਂਦੇ ਸਮੇਂ ਤੁਸੀਂ ਬਹੁਤ ਦੇਖਿਆ ਹੋਵੇਗਾ ਅਤੇ ਕਈ ਵਾਰ ਅਜਿਹਾ ਵੀ ਹੁੰਦਾ ਹੈ ਕਿ ਲੋਕ ਚੋਰੀ-ਛਿਪੇ ਸੋਨਾ, ਚਾਂਦੀ ਜਾਂ ਹੋਰ ਚੀਜ਼ਾਂ ਲਿਜਾਣ ਦੀ ਕੋਸ਼ਿਸ਼ ਕਰਦੇ ਹਨ, ਜਿਸ ਦੀ ਇਜਾਜ਼ਤ ਨਹੀਂ ਹੁੰਦੀ। ਦੁਨੀਆ ‘ਚ ਅਜਿਹੀਆਂ ਘਟਨਾਵਾਂ ਅਕਸਰ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ ਜਿੱਥੇ ਲੋਕ ਸੱਪ ਅਤੇ ਬਿੱਛੂ ਵਰਗੇ ਜਾਨਵਰਾਂ ਨੂੰ ਆਪਣੇ ਬੈਗ ‘ਚ ਰੱਖ ਕੇ ਏਅਰਪੋਰਟ ‘ਤੇ ਪਹੁੰਚ ਜਾਂਦੇ ਹਨ ਅਤੇ ਫਿਰ ਫੜੇ ਜਾਂਦੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਅੱਜਕਲ ਕਾਫੀ ਚਰਚਾ ਵਿੱਚ ਹੈ। ਅਸਲ ‘ਚ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ‘ਚ ਏਅਰਪੋਰਟ ‘ਤੇ ਕੇਕੜਿਆਂ ਦੀ ਫੌਜ ਦਿਖਾਈ ਦੇ ਰਹੀ ਹੈ, ਜੋ ਸ਼ਾਇਦ ਕਿਸੇ ਯਾਤਰੀ ਦੇ ਬੈਗ ‘ਚੋਂ ਨਿਕਲੀ ਅਤੇ ਫਿਰ ਏਅਰਪੋਰਟ ਦੇ ਸਮਾਨ ਦੀ ਕਨਵੇਅਰ ਬੈਲਟ ‘ਤੇ ਫੈਲ ਗਈ।
ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਨਵੇਅਰ ਬੈਲਟ ‘ਤੇ ਕਿੰਨੇ ਸਾਰੇ ਕੇਕੜੇ ਦਿਖਾਈ ਦੇ ਰਹੇ ਹਨ ਅਤੇ ਸਾਰੇ ਜ਼ਿੰਦਾ ਹਨ। ਜਦੋਂ ਉਨ੍ਹਾਂ ਵਿਚੋਂ ਕਈ ਕਨਵੇਅਰ ਬੈਲਟ ਦੇ ਨਾਲ ਅੱਗੇ ਵਧ ਰਹੇ ਸਨ, ਤਾਂ ਕਈ ਕੇਕੜੇ ਵੀ ਹੇਠਾਂ ਉਤਰ ਗਏ ਸਨ ਅਤੇ ਇਧਰ-ਉਧਰ ਭੱਜਣ ਲੱਗੇ ਸਨ। ਇਸ ਦੌਰਾਨ ਯਾਤਰੀਆਂ ਨੂੰ ਕਨਵੇਅਰ ਬੈਲਟ ਤੋਂ ਆਪਣਾ ਸਾਮਾਨ ਉਤਾਰਨ ‘ਚ ਵੀ ਮੁਸ਼ਕਲ ਪੇਸ਼ ਆ ਰਹੀ ਸੀ ਪਰ ਕੁਝ ਯਾਤਰੀ ਆਪਣਾ ਸਾਮਾਨ ਉਤਾਰਨ ‘ਚ ਰੁੱਝੇ ਹੋਏ ਸਨ। ਤਾਂ ਨਾਲ ਹੀ ਕੁਝ ਲੋਕ ਇਸ ਅਨੋਖੀ ਘਟਨਾ ਦੀ ਵੀਡੀਓ ਵੀ ਬਣਾ ਰਹੇ ਸਨ। ਹਾਲਾਂਕਿ ਇਸ ਦੌਰਾਨ ਏਅਰਪੋਰਟ ਦਾ ਇਕ ਵੀ ਕਰਮਚਾਰੀ ਨਜ਼ਰ ਨਹੀਂ ਆਇਆ ਜੋ ਉਨ੍ਹਾਂ ਕੇਕੜਿਆਂ ਨੂੰ ਉਥੋਂ ਹਟਾ ਸਕਦਾ। ਇਹ ਘਟਨਾ ਕਿੱਥੇ ਵਾਪਰੀ ਇਸ ਦਾ ਹਾਲੇ ਤੱਕ ਖੁਲਾਸਾ ਨਹੀਂ ਹੋਇਆ ਹੈ ਪਰ ਵੀਡੀਓ ਜ਼ਰੂਰ ਵਾਇਰਲ ਹੋ ਰਹੀ ਹੈ।
ਇਸ ਹੈਰਾਨ ਕਰਨ ਵਾਲੀ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ lyricaanderson ਨਾਮ ਦੀ ਇੱਕ ਆਈਡੀ ਨਾਲ ਸ਼ੇਅਰ ਕੀਤਾ ਗਿਆ ਹੈ, ਜਿਸ ਨੂੰ ਹੁਣ ਤੱਕ 62 ਮਿਲੀਅਨ ਜਾਂ 6.2 ਕਰੋੜ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਇਸ ਵੀਡੀਓ ਨੂੰ 7 ਲੱਖ 60 ਹਜ਼ਾਰ ਤੋਂ ਵੱਧ ਲੋਕ ਲਾਈਕ ਵੀ ਕਰ ਚੁੱਕੇ ਹਨ।
View this post on Instagram
ਇਹ ਵੀ ਪੜ੍ਹੋ – ਮੁੰਬਈ: ਆਈਸਕ੍ਰੀਮ ਚ ਮਿਲੀ ਕੱਟੀ ਹੋਈ ਉਂਗਲੀ ਦੀ ਸਚਾਈ ਆਈ ਸਾਹਮਣੇ, ਹੈਰਾਨ ਕਰ ਦਵੇਗੀ DNA ਰਿਪੋਰਟ
ਇਸ ਦੇ ਨਾਲ ਹੀ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇੱਕ ਯੂਜ਼ਰ ਨੇ ਮਜ਼ਾਕੀਆ ਢੰਗ ਨਾਲ ਲਿਖਿਆ ਹੈ ਕਿ ‘ਕੇਕੜਿਆਂ ਨੂੰ ਉਨ੍ਹਾਂ ਦਾ ਸਮਾਨ ਲੱਭਣ ਵਿੱਚ ਮਦਦ ਕਰਨ ਦੀ ਬਜਾਏ, ਲੋਕ ਵੀਡੀਓ ਬਣਾਉਣ ਵਿੱਚ ਰੁੱਝੇ ਹੋਏ ਸਨ’, ਜਦੋਂ ਕਿ ਇੱਕ ਹੋਰ ਯੂਜਰ ਨੇ ਲਿਖਿਆ ਹੈ ਕਿ ‘ਕੋਈ ਵਿਅਕਤੀ ਡਰੱਗਜ਼ ਦੀ ਤਸਕਰੀ ਕਰ ਰਿਹਾ ਹੋਵੇਗਾ ਅਤੇ ਉਹ ਕਸਟਮ ਅਧਿਕਾਰੀਆਂ ਧਿਆਨ ਹਟਾਉਣ ਲਈ ਕੇਕੜਿਆਂ ਨੂੰ ਲੈ ਕੇ ਆਇਆ ਹੋਵੇਗਾ’।